][ EBL 18 ][ الريدز و القنرز و البلوز يكتفون بنقطة ][ تقديم ، نقاش ، أخبار ][ - صفحة رقم 4 - نادي الهلال السعودي - شبكة الزعيم

الهلال حـبي · #46 23/12/2008, 07:10 AM

إقتباس

الرسالة الأصلية كتبت بواسطة عاشق الأمير الأسيوي


	سكولاري ضيع الفريق بـ فلسفة غبية .. ومدري اذا توافقوني الرأي بعض المدربين البرازيليين تحصله يجلس نجم له ثقلة بالاحتياط مثل دروقبا له تأثير بالتشكيلة لكن فلسفة سكولاري تشذ بـ فريقه عن الفوز ..

فعلا كلامك صحيح في بعض المدربين لهم افكار ما ادري من فين يجبونها
و تحس انه واثق في قرار وهو عند المحللين و الجمهور غلط 100 %
سالفه سكولاري واهو راكن دروجبا على الدكة تذكرني بقصة المدرب الهولندي خوليت
لما اول ما مسك نادي نيوكاسل موسم 98 م اول قرار اتخذه ركن الان شيرر على الدكه

وما شارك الا في مباريات قليلة مرررة ، رغم ان هذا شيرر الهداف الاسطوري في الفريق والدوري الانجليزي
يعني مسجل اكثر من 300 هدف ، واللي توهـ محقق الدوري مع بلاكبيرن ومنتقل للماكبايس برقم عالي
واصر على قراره والفريق من اسوأ الى اسوأ
وفي الاخير تدخل رئيس النادي وقتها اللي قبل مايك اشلي حالياً وابعده عن الفريق
وسلم تدريب الفريق للسير بوبي روبسون وفي اول مباراة لعب شيرر وسجل خمس اهداف في ذيك المباراة

ملخص الكلام ان مهما كان اسم المدرب وانجازاته تظل هنا قناعات لابد يغيرها
ويلعب بشويه عقلانية ..
وهذا اللي حاصل في تشيلسي ، عموما يا خوفي يجي يوم نتحسف فيه على توقيعنا معه

آسف ع الإطاله ورده

.
.
.
.
PEace

hilalemooot · #47 23/12/2008, 11:49 AM

.
.

إقتباس


	وش قصة هالجولة سامجه بشكل يوهـ

اكيد بتصير سامجة مافيها مانشستر

احلى من كذا مافيه .. مانشستر باليابان و يفوز ببطولة العالم بينما الدوري ينلعب بنفس الوقت والمتصدرين يتعثرون يااااوك يالهيبة

جون تيري وش يحس فيه

تدخل ماله داعي ابد .. مباريات تشلسي الثلاث الجاية مع ويست بروم - فولام - ساوثيند بالكاس .. راح يرجع مباراة مانشستر يعني

.. ومايحتاج اقولكم انهم راح يستأنفون ويقبلون الاستئناف

بالنسبة لـ سكولاري .. اشوفه سلم المباراة لما سحب جو كول وانيلكا ورمى دروغبا لحاله قدام 4 مدافعين

.. كان المفروض يسحب حدى المحاور اما ديكو او بالاك ويخلي جو كول

عموما الدوري بدا يحمى .. والمتصدرين يثبتون انهم مب كفو صدارة

.. مانشستر يعطيهم من هالفرص بس ماش ماحولك احد

الفيلانز قريب

ان شاء الله نشوفهم في دوري الابطال .. فريق محترم ويستاهل يكون من كبار انجلترا .. بس ماودي يصيرون زي التوفيز قبل موسمين وصلوا لدوري الابطال وطلعوا من أول دور

موعودين بالإثارة في الجولات القادمة .. الجمعة جولة .. و الأحد و الاثنين جولة ثانية بعدها يتوقف الدوري لحد 10 يناير .. طبعا في بـ 2 و 3 مباريات الدور الرابع من الكاس .

مشكورين على التفاعل ومعليش على القطعة خبركم كان ورانا كاس عالم

.
.

R V P · #48 23/12/2008, 02:31 PM

الله يرحم ايام ارسنال و مانشستر العام

كل واحد اذا تعرقل الثاني يطير بالصداره

مب مثل الزلايب تشيلسي وليفربول

قالها مشرفنا احمد

تشيلسي و ليفربول مب كفو صدراه

وبإذن الله تنتهي الجوله الجايه وارسنال يكون مركزه ضمن الأربعة الأوائل

وتشيلسي وليفربول واحد منم يتعادل او يخسر عشان الثاني يصيرله نفس الشيء

ومانشستر جتهم فرصه اليمه

لكن حاس انهم راح يضيعونها ويصيرون مثل الزلايب البلوز و الريدز

واقولك يا بريمر إنته ترا القنرز قادم وبقوه << برآأإ

أسيــ الزعيم ــر · #49 23/12/2008, 03:08 PM

^
^^

واحد من الربع قال لي كلمة صراحة وافقته عليها

ارسنال صاير زي نجران .. يدخل و يخرب الدوري و لا هو اللي ياخذ البطولة و لا هوب اللي يهبط

يقطع شكل هاللي منيب قايل .. مرتين تسنح لنا الصدارة لكن ما نستغل الفرصة .. هالحركة تخليني أتشائم و بقوة بالفوز بالبطولة .. المباراة البارحة كنت اشوفها و انا ما اشوفها

حاطها قدامي و اسولف .. بس كني بـ التوفيز كادوا ان يودوا بنا الى الهزيمة الاولى خارج ارضنا

كنت متفائل بهالمباراة لأنها خارج ارضنا بس .. و متشائم لأني كنت حاس اننا ما راح نستغل الفرصة

لكن فعلاً سكولاري يبدو انه انغر في انيلكا .. يا اخي هاللاعب ما ينفع تحطه مهاجم لحاله .. هداف الدوري الانجليزي .. لكن روحوا شوفوا اهدافه

الحمدلله انه يسجل و ان شاءالله يواصل .. بس مهوب الى درجة انه اساسي و دروجبا احتياط .. سكولاري .. هذا دروجبا .. تعرف وش معنى دروجبا ؟ !

دروجبا يعني كل شي في الهجوم .. يعني كل شي في الوسط .. يعني كل شي في الدفاع .. يعني كل شي في الملعب يقدر يسويه [ ما شاءالله ]

بالاك و لامبارد و ديكو .. ترى مهوب لازم يلعبون مع بعض .. لعب انيلكا و دروجبا هجوم و معهم جوي و خل واحد من الثلاثة يكون احتياطي و تستفيد منه في الشوط الثاني اذا احتجته .. نقاط كثيرة ودي اكتبها لكن فيما بعد ان شاءالله

سكولاري يقول مباراة ويست بروميتش بتكون ترضية لجماهير البلوز في ملعب ستامفورد بريدج .. نعنبوا ابليسك اذا ما فزت عليهم في ملعبنا و في ملعبهم بعد من بتفوز عليه

بس ان شاءالله تكون انطلاقة

الجمعة الجولة 19 .. و الاحد و الاثنين و الثلاثاء الجولة 20 .. وااااوك لو تعدي لصالحنا هالجولتين .. والله يا الفريق بيدز دزة مهيب طبيعية

hilalemooot · #50 23/12/2008, 04:19 PM

^

ودي اقول بتفوزون بس تذكرت ان قدامكم فولام ومدربكم صعيدي وخواف وهونت

جد والله رافا و ابو شنب خوافين .. اللي يبي البريمر لازم يكون جرئ شوي ويجازف في بعض الاوقات .. تغييرات رافا مدري سامي لي بعد طرد اديبايور حسستني ان الريدز كان راضي بالنقطة !

حسب جريدة الصن وعلى كلام واحد من اخويا سيسك .. الرجال راح يغيب 3 شهور .. يعني رومـا آوت

zammamwek · #51 23/12/2008, 06:40 PM

السلام عليكم

هالزلايب (الليفر&البلوز)يبون البريمر ولا لا؟؟

أتوقع, وبفوز المان بالجولتين القادمتين ,أتوقع اللقب موب رايحن عنهم

سكولاري أعتبرهـ لحد الآن فاشل بالبريمر ومع البلوز
يعني وين الهجوم من البداية,دروغبا إحتياط؟؟

الثلاثي ملعبهم مع بعض.؟؟!!

طيب لعب مهاجم بدال لاعب وسط
جون تــيري ؟؟؟؟؟؟؟ماتجي منك

إقتباس


	وبإذن الله تنتهي الجوله الجايه وارسنال يكون مركزه ضمن الأربعة الأوائل

الله يعينكم على الفيلا وبالبارك بعد

إقتباس


	دروجبا يعني كل شي في الهجوم .. يعني كل شي في الوسط .. يعني كل شي في الدفاع .. يعني كل شي في الملعب يقدر يسويه [ ما شاءالله ]

مدربكم هاجتن به

أنا قلت شكله جته إصابة ولا خايف عليه
أما كذا بلوشي محيطه؟؟

إقتباس


	ملخص الكلام ان مهما كان اسم المدرب وانجازاته تظل هنا قناعات لابد يغيرها ويلعب بشويه عقلانية ..

أولا :مشكور على المعلومات الحلوة

أنا معك ,لازم يغير قناعاته
بس زي ماقلت يمكن البلوز غلطوا يوم تعاقدوا معه

@سلطان الهلال@ · #52 23/12/2008, 11:20 PM

إقتباس

الرسالة الأصلية كتبت بواسطة أسيــ الزعيم ــر


	^ ^^ واحد من الربع قال لي كلمة صراحة وافقته عليها ارسنال صاير زي نجران .. يدخل و يخرب الدوري و لا هو اللي ياخذ البطولة و لا هوب اللي يهبط

الله يذكرك بالخير

تذكرت واحد من الشباب يقول إن تشيلسي زي النصر خذ له كم بطولة في زمن ما وجا يحارش اللي أكبر منه

إقتباس

الرسالة الأصلية كتبت بواسطة أسيــ الزعيم ــر


	هذا دروجبا .. تعرف وش معنى دروجبا ؟ !

إقتباس

الرسالة الأصلية كتبت بواسطة أسيــ الزعيم ــر


	دروجبا يعني كل شي في الهجوم .. يعني كل شي في الوسط .. يعني كل شي في الدفاع .. يعني كل شي في الملعب يقدر يسويه [ ما شاءالله ]

طيب والحراسة

تصدق توني أدري إنه يمتلك كل هالمقومات

ما شاء الله

كابتن ماجد

إقتباس


	الفيلانز قريب ان شاء الله نشوفهم في دوري الابطال ..

على حسابكم إن شاء الله

----------

فابري إصابة أربع شهوور كما أكد الموقع الرسمي لآرسونال

يناير باقي له كم يوم وإن شاء الله التعويض عن هالإصابات بكم لاعب

----------

534 مصدر يؤكد وجوود مفاوضات جادة بين الآرسنال وآرشافين للتعاقد مع اللاعب بـ 20 مليون

لا نملك إلا الانتظااار

عاشق الموهوب 10 · #53 23/12/2008, 11:46 PM

تقديم رائع ..
عساكم عالقوووه ..
بالتوفيق لليفر ..

أسيــ الزعيم ــر · #54 24/12/2008, 01:22 AM

أ

حمد الآرسنالي .. يا زين النصر

مولع ممكن تجي تتكلم

فابري إصابته أحسها نزلت على الآرسناليين زي المدري وش

الفريق كان مأمل على المنافسة على الصدارة .. لا زال فيه امل الفريق عنده لاعبين قادرين على قيادة الفريق للصدارة .. لكن فابري غير .. هذي تهون يمكن .. الموت دوري الابطال و مباراة روما

20 مليون على آرشافين أشوفها كثيرة و أعتقد أنها كانت أكثر مما كان يتوقع ناديه زينت بعد ما ابعدوا العالم عن اللاعب بعد المزايدات اللي جت عليه .. 20 مليون و لا يقدر يلعب في الابطال هالسنة كثير والله .. خاصةً من الآرسنال اللي عنده ديون و لا يدفع مثل هالمبلغ كثير .. اشوف لو يجيبون لاعب يغطي مكان فابري أفضل .. عاد من ما أدري .. او على الاقل مهاجم لأن اديبايور ما تعول عليه و فان بيرسي ما فيه زيه لكن ما تضمنه من ناحية الاصابات .. و ادواردو ما بعد عرفنا وش وضعه و كم يحتاج عشان يقدم المستوى المأمول منه

إقتباس


	طيب والحراسة

إقتباس


	تصدق توني أدري إنه يمتلك كل هالمقومات ما شاء الله كابتن ماجد

و القادم مذهل أكثر

إقتباس


	ودي اقول بتفوزون بس تذكرت ان قدامكم فولام ومدربكم صعيدي وخواف وهونت جد والله رافا و ابو شنب خوافين .. اللي يبي البريمر لازم يكون جرئ شوي ويجازف في بعض الاوقات .. تغييرات رافا مدري سامي لي بعد طرد اديبايور حسستني ان الريدز كان راضي بالنقطة !

مدربنا مشكلته انه الى الان جالس يخبط .. تلقاه في المباراة يلعب بمهاجم واحد ثم يصيرون ثلاثة ثم يصيرون اثنين .. يعني يلعب باكثر من خطة في المباراة .. يا ليت بس انه يثبت على خطة و الأفضل انها تكون بوجود جوي و دروجبا و انيلكا في الهجوم و يكون عنده كالو و بالاك او ديكو في الاحتياط يستفيد منهم الشوط الثاني

اللحين المشكلة انها راحت 18 جولة و لا زال يتخبط .. لكن أيضاً ممكن نعذره بسبب الاصابات اللي في الفريق .. لكن مستحيل نعذره بجلوس دروجبا في الاحتياط و هو جاهز له أكثر من شهر !

D E N i S · #55 24/12/2008, 01:25 AM

إقتباس

الرسالة الأصلية كتبت بواسطة @سلطان الهلال@


	534 مصدر يؤكد وجوود مفاوضات جادة بين الآرسنال وآرشافين للتعاقد مع اللاعب بـ 20 مليون لا نملك إلا الانتظااار

اجل 534 مصدر

ان شاء الله الكلاشينكوف

للقنرز

ومالنا غير الانتظار

ااااخ يافابري

الهلال حـبي · #56 24/12/2008, 02:26 AM

طمنونـا ع اصابه فابري

@سلطان الهلال@ · #57 24/12/2008, 03:37 AM

إقتباس

الرسالة الأصلية كتبت بواسطة الهلال حـبي


	طمنونـا ع اصابه فابري

إصابة في الركبة
غياب أربعة أشهر حسب ما ذكره موقع آرسنال الرسمي

الهلال حـبي · #58 24/12/2008, 04:07 AM

إقتباس

الرسالة الأصلية كتبت بواسطة @سلطان الهلال@


	إصابة في الركبة غياب أربعة أشهر حسب ما ذكره موقع آرسنال الرسمي

خسارة كبيرة للارسنال غياب هذا النجم
حسب ما اتذكر ان فابري لم يغب عن الارسنال منذ 2005

ووقت غياب القائد يكون في دوري الابطال ومن امام روما
وروما ايضا الكابيتانو توتي مصاب لشهر او شهرين قدام

حبايب روما وارسنال

بغياب فابري يكون الكابتن المونا موش كده

الهلال حـبي · #59 24/12/2008, 04:47 AM

لن يتخذ الاتحاد الانجليزي عقوبة الطرد للمدافع اليكس وذلك بعد ما اظهرت اللقطة
مخاشنة اليكس للاعب ايفرتون كاهيل ..
الحكم قال لاتحاد FA انه لم يشاهد الحادثة امامه ولكن شاهدها عن طريق الفيديو ..
وقال الحكم " لو شاهدت اللقطة امامي وقتها لن امنح المدافع الكرت الاحمر " ..
وعلى ذلك لن يتخذ اتحاد FA اي قرار تأديبي لأليكس ..

D E N i S · #60 24/12/2008, 03:11 PM

^ ^ ^

غريبه والله

اللقطه واضحه انه متعمد

برايفت : قفلوا النايت حقنا

نطالب بالتعويض