رسالة الى لاتحاد السعودي الحين السبحه ممنوعه لكن الدخان مسموح ,,اين رعاية الشباب من هذه الآفه !!
 

السلام عليكم ورحمة الله وبركاته

امس كانت اول مبارت احضره لزعيم في القصيم طبعا المباريات الي حضرته مو كثير لاكن في هذي

المبارت شيء غير طبيعي


قبل كنا نسب جماهير الرياض ونطالب بنقل مباريات الهلال خارج ارضه في الشرقيه والقصيم لان جماهيرهم اكثر

او لان جماهير الرياض ما يحضرون للملعب

ليش يأخوان انا اقول ليش

السبب هو الدخان انا ما راح احضر اي مبارت والدخان مستمر في كل مبارت كذا والله مستحيل

لاني امس جلست من الساعه 6.5 وواحد بجنبي كل شوي يطلع زقاره ويدخان طبعا اذا كلمته بعض الجمهور متفهم يقول ابشر واسف اذا سببت لك ازعاج والبعض الثاني يقول لا ماني مطفيه عندك شيء حنا في مسجد

والمشكله انهم كثير مو واحد ولا اثنين والله العظيم قهر يعني تخيلوا لو واحد معه عياله تتوقعون يجيبهم مره ثانيه ماضن وانا ولد عمي امس في المستشفى صدره منحشر والله العظيم قهر


وامس الملعب غيمه من دخان السجائر والي حضر شافه والله كانهم في مقهى شيشه

والسبب من الاتحاد السعودي الحين السبحه ممنوعه لاكن الدخان مسموح والله شيء يقهر


اسف اذا طولت لاكن والله شيء قهرني

عاجز عن شكرك على طرح هالنقطة المهمة

وانا بدوري اتساءل... واتمنى اي واحد من الاخوان المدخنين يشبع نهمنا بإجابة :

وش يصير اذا امسكت عن الدخان لمدة 45 دقيقة..

ثم رح بين الشوطين واحرق الاخضر واليابس

وارجع للشوط الثاني وامسك

ثم بعد المباراة واصل تشفيط معشوقتك

يعني مدري صراحة... في رمضان يمسكون عنها من الفجر الى اذان المغرب.. وفي الملعب مايمديهم يصبرون نص ساعة ؟؟


الف شكر يالغالي

مشكووووووووووووووور
واتمنى ان تنحل هاذي المشكله

والله أنك صادق أكثر الأشخاص مايحضر للمباراة علشان الدخان الله يكفينا شره

والله يهدي جميع الدخنين.

...........................

أخوي ..

الإتحاد السعودي معهم حق إنهم منعوا السبحة علشان الشعوذة و العياذ بالله

و لكن الدخان تبيهم يمنعونهـ وهم ما منعوا الشيشة !!

و حضور الأطفال للملاعب فكرة غير مقبولة

ياخوي مو السبحه بلحالها الممنوعه حتى الاقلام ممنوعه

اللهم لك الحمد ياخذون الاقلام ويخلون مع الناس الولاعات

بالنسبة للدخان فعلاً مشكله خاصة في المباريات الجماهيرية ولا تقدر تقول للمدخن يطفيها لأنه مثل ما قال الأخ بعضهم يتقبل وبعضهم يصير عنده ردة فعل ممكن توصل الأمور لشي مو طيب والحل الثاني تغير مكانك طيب إذا كان المكان زحمة والناس متراكبين على بعض وين اروح . الاتحاد السعودي لازم يشوف حل للنقطة هذي خاصة وان اسمهم الرئاسة العامة لرعاية ( الشباب )

نقطة حظور الأطفال للملعب من وجهة نظري غير مقبولة بالاضافة للدخان مشاكل الزحام واحتمال حدوث مشاجرات أو مهاترات او ألفاظ يستحسن ألا يسمعها الأطفال

الله يجزاك خير ايه والله ياليت
انا ماحرمني من الملعب الا حاجتين
الدخان والتلعين

شكرا اخواني على هاذي الكلام الاكثر من رائع


الي يقول السبحات عشان اشعوذه ياخي ليش الاقلام ممنوعه والله قهر امس فيه غيمه فوق الملعب

والله شــيء محزن اذا كانت ملاعبنــا متراكمه عليها غيوم الدخان ..
والحين عرفتوا ليش جمهور الرياض مايحضر ..
انـا في الرياض و ابوي مايحضر المباريات كله بسبة هالدخــان وايضا السب واللعن..
ويارب اهدهم