16/12/2008, 10:27 AM
|
| عضو سابق في إدارة شبكة الزعيم | | تاريخ التسجيل: 11/04/2003 المكان: USA
مشاركات: 13,487
| |
حيا الله حارس العالميه 
شف ياعزيزي انا من الناس اللي ينتقدون فرحة الفوز بعد نهاية بعض المباريات الدوريه , ولي فيها وجهة نظر شخصيه ماقول انها صحيح ولا اقول انها خطأ , وانا هنا اقصد فرحة اللاعبين بعد ماتنتهي المباراه , لانها مجرد مباراه ماتعطيك لابطولة ولاشئ , مجرد ثلاث نقاط , ممكن حتى بكره ماتنفعك لو خسرت الدوري .
لكن مصادرة فرح المشجعين ماتفق معك فيها , واحد فاز فريقه من حقه يفرح , سواء فاز على الريال او على (فيتيس) << على قولة صديق عبدالله
والامر نفسه بالنسبه لفرحة ايتو وميسي , ايتو معروف انه يكره الريال كره العمى , وحتى البلنتي شاته وضيعه علشان بس يبغى يسجل بمرمى الريال , ولو البلنتي جاي بعد هدف ايتو الاول ماتوقع انه بيشوتها , اما ميسي فمن بداية المباراه ولاعبين الريال طايحين فيه تكسير حتى انه صار يكسر وحش جاجو من مبدأ باخذ حقي بيدي , ويوم جاب هدف ماصدق .
احنا واحنا نلعب بالرياض هنا ماعندنا احد لما نسجل نفرح اكثر من ميسي , فما بالك بهدف على الريال وفي كلاسيكو يشوفه العالم كله وفيه ثأر بين الفريقين .
حقيقة ماني محسوب على ذا او على ذاك , بس لقطة العارضه وغيرها من حق جمهور الفريق الفائز يتريق عليها , شئ طبيعي اذكر قبل سنه رابطة الريال مليانه تريقه على سحبه ميسي ببويول وعرقلة بيبي لميسي , فمابالك باصطدام بالعارضه وهدف , هذا انت جايب لقطات مباراه العام الماضي , ماحد يقولك ليش وليش , من حقك تفتخر بفريقك باي شكل , بس تخلي فخرك بفريقك علشان تنتقص من فريق ثاني فاز عليك وهو يستحق الفوز .
بالعربي كل جماهير الريال بكل مكان قبل المباراه يقولون بنخسر حتى واحد اتصلت عليه واقوله اتوقع ان الريال بيفوز , قالي انت متفائل .
مادري ليش الزعل بعد الخساره بهدفين بس .
مثل ماقال ناصر سكرو , الريال افضل تاريخيا , الريال الاكثر بطولات باوروبا واسبانيا , كل هالاشياء ماحد يقدر يقول عنها شئ , بس لازم الجميع يعترف ان برشلونه حاليا هو الافضل , ومتصدر الليجا وفاز على الانديه المنافسه كلها , ومرشح كبير للبطولة .
بقولك شغله بعيد شوي , مثلا الانتر فاز على اليوفي بهدف بالدوري ,بعد المباراه ماشفت مشجعين اليوفي يقولون احنا اكثر منكم بطولات واحنا واحنا صقعناكم العام واحنا لنا كم سنه كاتمينكم ومدري وش بالعكس الكل بارك للانتر وقال انه يستحق الفوز , حتى بعض مشجعين اليوفي المنصفين يقولون زين انها انتهت 1-0 بس, مع العلم بان الكراهيه بينهم بالوقت هذا اكثر واكبر من الريال وبرشلونه واقصد اليوفي والانتر .
الزبدة
ريال مدريد فريق كبير وعظيم ويكفيه نادي القرن بالعالم
ماعتقد انه بحاجة مثل هالمواضيع علشان تقولون انه
الافضل بالعالم او انه افضل من برشلونه او غيره من
الانديه , مواضيعكم هذي هي انتقاص من الريال اكثر
من انها اثبات ان الريال هو الافضل .
وكذلك لايمكن لمثل هالمواضيع ان تنتقص
من فوز برشلونه المستحق بالمباراه والثلاث
نقاط .
تحياتي لك ياصديقي اللي راد بعدي ماودي اطلع من الموضوع واعطيك وجه بس وش نسوي
شف ردي زين وارجع وعطني كلمة انتقدت فيها فرحة الجماهير |
الوضع الشجري
