يتكلم المحللون عن كثرة ضياع الفرص
 

السلام و رحمة الله و بركاته

أخواني الزعماء مبروك فوز الهلال على الرائد و مواصلة حصد النقاط و الأجمل أنه أتي بأقل مجهود وعودة محمودة للقناص ياسر والقادم مذهل بإذن الله

موضوعي مثل ما هو واضح بالعنوان

في الكم مباراة اللي فاتوا ضيع لاعبين الهلال عدد هائل من الفرص أمام المرمى كفيلة بزيادة الغلة في المباريات وإراحة اللعيبة أكثر وأكثر وأغلب هذي الفرص اللي تضيع كان تقريبا قبل الهدف الأول!!! شفنا كذا لاعب تتهيئله فرصة هدف محقق أما يرتبك أو يطيرها فوق المرمى أبي أقول نصيحة للعيبة خصوصا غير المهاجمين ترى ممكن بشوية تركيز إذا كنت عند خط الثمنطعش تسدد على المرمى أو تناول للي أقرب للقول
باختصار مالها داعي ضياع الفرص بالجملة عندكم مثال اليوم لما جات الفرصة للمرشدي على طول بالراس
ونفس الشي نامي وهذا الشي الصح أتمنى تنتبهوا لها النقطة زين مو لازم يحرص عليكم كزمين هذي أشياء بديهية ولاهو بشرط أن اللي يسجل الأهداف المهاجمين

الشي الثاني اللي يعيب الهلال هو بطء عملية التقدم للهجوم تلاقي اللاعب وهو معاه الكورة وقدامه مساحة يسحب رجليه سحب ويقعد يفكر خويه مسكين فاتحله مساحة الين تنقطع منه الكورة أو ينظم الخصم دفاعه ويصعب التسجيل وقتها

أنا شفت مباراة الاتحاد والوطني وبصراحة عجبوني بالشوط الثاني وقت الهجمة يطلعون كتلة وحدة وتتناقل الكورة بينهم بلمسات وبسرعة أتمنى يكون الهلال مثل كذا وأحسن وماينقصنا شي عنهم

الشي الثالث أتمنى من كزمين يجرب يلعب المباريات الجاية بمحور واحد أما عزيز أو الغنام والاستفادة من مركز المحور الثاني لتدعيم الوسط الهجومي لأني أشوف محورين في الهلال تثقل من رتم الهجوم عنده يعني جرب يا كزمين وش خسران عندك لعيبة يبونك تأشر بس

عالعموم أتمنى يسير قطار الزعيم ومايوقفه إلا درع البطولة بإذن الواحد الأحد

والله قربت آسيا يا بطلها

كلام حلو ..

و انا مستغرب كيف الوطني سجل هدفين بالاتحاد و حنا ما قدرنا !!!!!!

لو كل هجمة أنتهت بهدف لأنتهت المباريات بالعشرات من الأهداف ؟؟؟؟؟؟؟؟؟؟؟

ولم نشاهد فر ق بين الدحيدح و رونالدو ؟؟؟؟؟؟؟؟؟؟؟؟؟؟؟؟؟؟

أنا ما قلت ضروري كل هجمة بهدف

قصدي أن اللاعبين يزيد تركيزهم في حالة الهجوم أكثر وقتها بتكون نسبة الفرص المحققة بأهداف أكثر من الضايعة

على العموم شكرا للمرور