تغير الامر عن السابق 180 درجه..

ربما نلاحظ سابقا قطع الاشارات جريمه..

لكن الان ترى انه شيء عادي..

والامور تزداد سوءا بالتنظيم..

ويجب زيادة عقوبة قطع الاشاره..

هلا بريماكس

افا اجل مندس

ان شاء الله ترجعون والهلال فايز ولايروح مجهودكم

بالنسبه لقطع الاشاره اللي انت نصحته اتمنى انه ينسجن لو يوم عشان يتأدب

انا بفهم ليه الإستعجال كل شي مكتوب وماراح يجيك الا نصيبك ليه باستعجالك تعدم ناس مالهم ذنب

انا الحمدلله اخواني مايقطعون بس مره السواق قطع

واول ماقطعها وانا ادعي اقول يارب يمسكونه وينسجن

عشان يتأدب وطبعاً اخوي درى وهو جاه تهزيء بعدها تأدب

عمومأ بريماكس اهنيك على روح رجل الامن اللي فيك

عوافي ورده ..

سئل فضيلة الشيخ محمد بن عثيمين رحمه الله عن حكم قطع الإشارة


فأجاب بقوله : ((بالنسبة لقطع الإشارة ، فأرى أنه لا يجوز قطع الإشارة لأن الله تعالى قال : ( يا أيها الذين آمنوا أطيعوا الله وأطيعوا الرسول وأولي الأمر منكم ) [النساء :59]





وولاة الأمر إذا وضعوا علامات تقول للإنسان قف،وعلامات تقول للإنسان سر ، فهذه الإشارات بمنزلة القول ، يعني كأن ولي الأمر يقول لك : قف أو يقول : سر ، وولي الأمر واجب الطاعة ، ولا فرق بين أن تكون الخطوط الأخرى خالية أو فيها من يحتاج إلى أن يفتح لـه الخط ، لأنني أنا سألت المدير العام للمرور هنا بالمملكة العربية السعودية وقال : إن هذه الإشارات ليست للتنظيم ولكنها للإيقاف والحجز ، وإذا كان كذلك فهذا لا ينطبق عليه ما أشار إليه السائل في قوله : الحكم يدور مع علة وجوده



أو عدمه ، لأن هذا أمر بالإيقاف وليس المعنى قف إن كانت الأخرى مشغولة ، بل المعنى قف نهائياً ، وعلى هذا فلا يجوز للإنسان أن يتجاوز . ثم إنه قد يرى الإنسان أن الخطوط الأخرى غير مشغولة ، فإذا بإنسان أتى مسرعاً ليتدارك الإشارة التي ترخص لـه بالسير ، فيحصل الحادث كما وقع هذا بالفعل ، لذلك نرى أن الواجب الوقوف ، والمسألة والحمد لله لا تعدو ثلاث دقائق ثم ينفتح الخط. أ . هـ ))

بالنسبة لي لن أزيد على كلام الشيخ رحمه الله حرف فما قاله كافيا

بالحب والإشراق

وعليكم السلام والرحمه

تصدق اخووي ابوي يقول لي شوف هذا شلون يسرع
بعد شوي تشوفينه معانا بالاشاره واقف
وفعلا نشوفه واقف بالاشاره
شباب مستهتر بانظمة المرور مستعجل على شنو بالله

الله يهديهم عن هالسرعه

يعطيك العافيه والله يحميكم

ههههههههههههههه

اهنيك على التحجير هههههههههه

آنا مرة وحدة بحيآتي بس قطعت آشآرة بآلنآصرية ومن سوآ حظي كآن ورآي شرطي

آلشرطي يوم مسكني جالس يضحك يقول آهنيك على القطعة المحترمة هههههههههه

بس دخلت قسم الناصرية وكلمت جارنا ضابط وطلعني بنفس الوقت

يالبى الواسطات

بس بعد هآلمرة آشوفها برتقآلية آول من يوقف ههههههههه

.




أهلاً بريماكس
يا سهل الحكي المثالي و الا التطبيق ماش
ما اذكر مره ركبت فيها سياره رايحين لاي مكان الا ولازم السائق يقطع اشاراه
موب قاصد إلقاء نفسه و من معه للتهلكه لا و العياذ بالله
بس احياناً نكون بوسط زحمه فنهرب منها و ما نصدق اول اشاراه و نقطع
مثلاً يكون معصب سائقنا و يحط حرته بذاك وش يسمونه اللي يدعسون عليه
المهم يعني لو تشوف يوم جدد اخوي الإستماره كم مخالفه عليه
و السبب قطع اشاره + تطاول على رجل امن + عدم ربط الحزام .. الخ

عوافي يالطيب ورده

صدقت وخاصة عندنا يجيك واحد يفطعها يمشي 300 وياليته عاااد يمشي 40 30 .. الله يهدي الجميييع

إقتباس الرسالة الأصلية كتبت بواسطة أحلاهم واتحداهم صباح الخير .. مع الأسف عندنا فئة من الشباب ماعندهم احساس بالمسؤولية وناااادر يلتزمون بانظمة المرور يقطعون اشارات ،، يمشون سرعه وبعدين وش مستعجل عليه ؟؟ لاعنده واحد ينزف ولا مرة بتولد انا اقترح على كل مرة يقطع فيها الاشارة ينحبس يوم بالسجن مابيتأدبون الا كذا الله يصلحهم ويهديهم بس ... برايفت انت عسكري ؟؟

إقتباس الرسالة الأصلية كتبت بواسطة LBa your heart وعليكم السلام هلا والله بريماكس وش عندك مسوي رجل مرور ياخي انا بنفسي اقطع اشارات لا شفت الاشاره اللي مفتوحه فاضيه .. أقطع الاشاره وخاصه بالفجر ومافيه احد اذكر مره قطعت الاشاره على اللون الاصفر وعلى طول لتوقيف الناصريه وغرامه والحين اقطع الاشارات عشان احلل قيمة المخالفه لكن ان شاء الله يهديني ومااقطع ابد

هلا وغلا بحبيبي سالم :$

ياخي كلنا رجال آمن نسيت مقولة وزير الداخليه

سالم اللي مثلك ماقول فيهم شئ بس المشكله اللي مثل

هالبصبوص جايك مقلع ولا ناظر يمين ولا يسار وبوقت مزدحم !!

اجل احجزت ؟

افا وانا اقول سلوم محترم

كسرت بخاطري .. ياليت لو لي من الامر شئ

كان ازود عليك فترة الحجز

سلوم يابعدهم انتبه لروحك من المتهورين والله عالم متهوره

تراي احبك وآخاف عليك ياقلبي

تحياتي لك ايها المتهور والصوفي ومطنش ==> عيون هجوله

شرفتني يا البي

سلامي ،،

إقتباس الرسالة الأصلية كتبت بواسطة الغدير الازرق وعليكم السلاااااااام هلا بريمووو من جد وهم صادزين وش عندك يالدورية صدقني ماراح يعرف حجم الخطأ اللي سواه بقطعه الأشارة إلا إذا طاح الفاس بالرأس .. المهم بشر عساااك صكيته قسيمة بس دمت يابطل

هلا وغلا فيك

ياخي انا رجال من شافني هابني ===> عطوه جوه

صدقت .. ماراح يعرف الخطأ الا لما يقع له مكروه

الله يجنبنا والمسلمين كل مكروه ويبعد عنا الشر

ابشرك عطيته شئ دسم .. ولا له بالقسيمه ولا شئ احتفظ فيها لنفسي

بعدين وين موضوعكم انت وفياض ؟

وجاي تستاذن وبالاخير مافيه شئ

انجزوا علينا تكفى قبل نهاية السنه ودي اشوفه

شرفتني يا ابطلهم انت

سلامي وتقديري

إقتباس الرسالة الأصلية كتبت بواسطة وليد القحطاني .. هلا بريماكس يارجال قطع الاشارة صار عادي عندنا الرجال اكيد مستعجل على شئ له وفي نفس الوقت رجال المرور اكثرهم ماصاروا اوفياء يارجال اليوم في الحي في دورية كبسولة من السيارات الجديدة تقحص ! والسواق معاه واحد من اخوياه قدام , يعني مو لابس لبس الشرطة والله حالة شكراً بريماكس ..

هلا وغلا وليد

والله مشكله اذا قطع الاشاره شئ عادي !!

والله انك صدقت بهذي .. رجال المرور اغلبهم ماهو مخلص بعمله للاسف

الله يعين وييسر الامور للجميع ..

شرفتني والله ياوليد والله يعطيك العافيه

وتدري وش اتمنى !!

يالغالي نفسي اشوفك متصل

ياخي عقب موضوعي هذاك حق المسن اضفت ناس بس يمكن مره سلام وعليه

خل نشوفك يا بعدهم

سلامي ،،

إقتباس الرسالة الأصلية كتبت بواسطة الكلاسيكي وعليكم السلام ورحمة الله وبركاته .. هلا وغلا فيك اخوي بريماكس .. اسعد الله صباحك بكل خير .. والله للأسف , صار قطع الاشاره هالايام مثل شرب الماء , بدون تفكير قبل مايقطع الاشاره .. والله انك الحين ان ولعت لك الاشاره حذر ويالله تتلفت فيه ناس ماتفكر ولا لها قلب . . الف شكر لك ع التنبيه ,, والله يكفينا شر الحوادث .. تقبل احترامي وتقديري .. دمت بخير

هلا وغلا بالغالي عادل

والله مشكله ياخي .. المفروض فيه جديه بالامر هذا من قبل المرور !!

وش ذنب ناس ماسكه طريقه ويجيك مراهق ويتبلاهم ؟؟؟

والله حاله .. الله يعيين وبس

شرفتني ياعادل وتسلم عالطله اللي اسعدتني

لاهنت ولا عدمتك

إقتباس الرسالة الأصلية كتبت بواسطة هلالي من ارض اليمن ابو ياسر كل عام وانت بخير يا غالي موضوعك ذكرني بدعابة قديمة مفادها : شخص امريكي ذهب لمصر للسياحة وبعد خروجه من مطار القاهرة اشار الى تاكسي وصعد معه متجه الى احد الفنادق .. واثناء سيرهم بالسيارة وصلوا الى اشارة مرورية وكانت حمراء وقطعها سائق التاكسي المصري هنا جن جنون السائح الامريكي واخذ يصرخ : ما هذا الجنون .. ما هذه الفوضى !!! قال السائق المصري : ما تخفش يا سعة البيه انا واد " بروفيشينال " ساروا سوية مسافة اخرى ثم ظهرت اشارة حمراء ثانية فقام السائق المصري وقطعها ايضا صرخ السائح الامريكي : يا مجنون .. انا لا اريد ان اموت .. انزلني من السيارة ،،، قال السائق المصري : يا سعة البيه بئولك ما تخفش ... والله العظيم انا واد " بروفيشينال " ،،، اكملوا المشوار سوية الى ان وصلوا الى اشارة ثالثة وكانت خضراء وهنا توقف سائق التاكسي المصري عند الاشارة ولم يكمل السير ... طبعا السائح الامريكي اصيب بالجنون والمنخوليا وقال : انتم حقا مجانين .. كيف اشارة حمراء وتقطعوها واشارة خضراء وتتوقفوا عندها ؟ قال السائق المصري : آه يا سعاة البيه لازم نوئف .. يمكن يعدي واد " بروفيشينال " من هنا ولا من هنا طبعا الحوار بينهما كان باللغة المنغولية يعطيك العافيه يا ابو ياسر وبارك الله كريم نصحك وحرصك على الآخرين وفي امان الله ،،،

هلا وغلا طارق

وانت بخير وصحه وعافيه ياغالي

دعابه حلوه وهالمصري مجلعد بالسائح

نفسي اشوف شكل هالسائح وهو يصارخ

الله يعافيك وشرفتني ياكريم ..

فمان الكريم

السلام عليكم

الله يجزاك خبير على الموضوع ,,,والله معك حق بس الشكوى لله هذا واقع في مجتمعنا صعب يتغير

الله يستر علينا وعلى المسلمين


ادعولي بالتوفيق

إقتباس الرسالة الأصلية كتبت بواسطة الترنيدو25 بريموووو عندي سؤال اذا والدتك معاك وشافت العالم تقطع الاشارة وقالت اقطع تقطعها عشان الوالدة ولا توقف؟

حياك الله

سبق الرد

شرفتني وياهلابك

إقتباس الرسالة الأصلية كتبت بواسطة abdogAg المشكلة يحسبنوها شطارة ,,,,,,,,,, لاحول ولا قوة إلا بالله ....

صدقت والله للاسف

الله يعيين ويصلح الحال

شرفتني ياعزيزي وحياك الله .

إقتباس الرسالة الأصلية كتبت بواسطة قاضي الغرام شف حبيبي إذا المسألة مسألة تقطيع الإشارات فإحنا قد قطعنا إشارات الى الليل وما عندك أحد (( عز الله هذا اللي بينقفط )) ووليد القحطاني أكثر شخص يقطع إشارات في العالم ما فيه إشارة عندنا في الصيف إذا جاء يم الديرة إلا ويشتريها يا حليلي من وليد بيترصع فيني حرررررام عالعموم الله يهدينا شكل الواحد ما يتعض إلا لما يجيه حادث يسنعه

والله الرجال انفضح

صدز وليد الكلام هذا ؟

وتقولنا سيارتي مصدومه وانه عين و و و

التزم بالانظمه وان شاء الله ماعليك خلاف

امزح

الله يهدي الجميع .. وشرفتني بمرورك ياصديق وليد

إقتباس الرسالة الأصلية كتبت بواسطة مواصل من عام 1413هـ أنا أعترف إني كنت أقطع إشارات بالسابق لكن الإشارة اللي أقطعها تكون من النوع البايخ اللي مالها محل من الإعراب ولا تدري ليه حاطينها !! تقدر تسميها سبيل موقعها عند الصالات الرياضية اللي فقع قلبي إن المرور مسكني ودخلت الناصريه بسبب هالإشارة!! بصراحة شئ يفقع القلب ، تدفع ( 900 ) ريال علشان إشارة بايخه !! أتوقع لو إدارة المرور تعطي العساكر الصلاحيه بتحديد غرامه على كل إشارة يمسكون سائق قاطعها ، راح تكون الغرامه للإشارة اللي قطعتها ما بين ( 5 - 16 ) ريال ، طبعا الزياده اللي بيخليها توصل إلى الـ 16 ريال للتعويض عن الكهرب عاد إدارة المرور توهم يكتشفون إن الإشارة اللي قطعتها ( مالها سنع ) وشالوها وحطوا دوار !!! أنا فكرت قلت والله لو إني قاطع الحين إشاره ( صحارى ) بتقاطع الملك عبدالله مع الملك عبدالعزيز أنا بعدها عقلت ولله الحمد وما قطعت إشارة بعدها إلا مره وحده لتحلليل ( الـ 900 ) ريال _____________ خويك هذا يحتاج يسير على حجز الناصرية وربي يمشي زي الألف بعد ما يدخله أنا دخلته 3 ساعات ، شفت العجب اللي جالس بالحجز من 3 شهور أو أربعه على 5 آلاف ريال !! واللي معجبه الحجز وجالس فيه ما يبي يطلع علشان يتاجر أنا إن شاء الله إنها أول مره وآخر مره أدخله !!! بريماكس - دمت بود

هلا هلا هلا هلا هلا هلا هلا هلا ( يكفن ولا بعد ) ؟

ياهلابك يالغالي

والله اني فطست ضحك على تعليقك كعادة اغلب ردودك ساخره

اجل الـ 16 تعويض عن الكهرب

اجل عقب الحجز حرمت تقطع اشاره .. ياخي درس لك

ياخوي تراه ماهو خويي ولا اعرفه وش خويي ؟

انا اخوياي اللي مثلك ومثل سالم وباقي الربع

مواصل تكفى ابي اعرف وش سالفة يوزرك ؟ تصدق مره قديييييييم ايام الشـ.... ==> فزيحه ههههه
اذكرك داخل بالنك هذا قلت وش سالفته هذا ماينام الليل والنهار

تكفى خبرني عالخاص وش سالفته مواصل من عام 1413 هـ وليش 13 بالتحديد

شرفتني ياعبدالله والله

ولاتحرمنا من هالطله الجميله الرائعه المميزه الحلوه --> فيه كلمه حلوه ماقلته ؟

سلامي ،،

إقتباس الرسالة الأصلية كتبت بواسطة Z ! Z OO هلا والله بريماكس قطع الأشارة صار شى طبيعي وأعتيادي وخاصة في رمضان [ قبل الفطور ] قطع الأشارة = الذهاب للموت الله يكفينا شر الحوادث ويصلح كل متهور

هلا وغلا فيك اخوي زيزو

الله يحفظنا بحفظه يارب

والله يكفينا شر المتهورين

والله عاااااااااااااااالم متهوره متهوره متهوره !

يعطيك العافيه وشرفتني

شكراً لحضورك .

إقتباس الرسالة الأصلية كتبت بواسطة المغيري 1412 موضوع مهــم والله انا من وجهــت نظري العالم ماراح تعقل إلا إذا صفقوه بغرامه 500ريال عرف ان الله حق وعقــل ومشكوور يالغالي ولاهنت

هلا ومرحبا فيك اخوي

تسلم على اشادتك بموضوعي المتواضع !!

والله ياليت تزود الغرامه .. اهم شئ نفتك من هالنوعيه هذي

بس مشغولين بالتأمينات

العفو الله يسلمك ،،

وشرفتني وياهلابك