يا زعيم انت مكانك في السيداره<<< صبرا جميل والله المستعان
 

بسم الله الرحمن الرحيم



بالأمس وانا اشاهد مباراة ليفربول اذهلتني طريقة التشجيع وكم تمنيت ان يكون جمهور الزعيم على اقل تقدير منظم ومن غيرطبول وكلام فاضي



مهمتك يا غندر يجب ان تكون تنظيمية وبطريقة حضارية وجمالية مو طق وشكشكة :upset:


واذا انت ما عندك القدرة على التنظيم يا ليت تترك المجال لغيرك لا هنت


اعتقد بل اجزم ان اغلب الجمهور متذمر من طريقة التشجيع الي قاعدين نشوفها


مجرد ازعاج على غير سنع ومن غير اي تفاعل من الجماهير


اتمنى من الأدارة يكون لها موقف مع هالمهزلة الي قاعدين نشوفها وغندر مع احترامي له مكانة مو في الزعيم



ويا زعيم انت مكانك في السيدارة:d طيب وبعدين خلاص لا سمعها ولهامسون ولا ياسر بيتقطع ويقدم مجهود ما اقول الا الله يخلف على صاحب الفكرة والي خل هالطبول تغزو ملاعبنا :upset:رغم عدم فعاليتها الا انها مستمرة للأسف الشديد


بختصار


جمهور الزعيم من غير رابطة شكله احلى وارقى واجمل ويا غندر يا ليت تترك عنك شغل الطقاقات وتهتم بالتنظيم <<<< حايمة كبده من ذلتشجيع


تحيتي للجميع

كل مواضيعنا انتقاااد


ليش

...................

اضم صوتي لصوتك

غندر يردد اهازيج غير حماسيه وممله بدرجه الي يردون عليه اثنين المباراة بوادي وهم بوادي

ايه والله
وقعد نص ساعة وهو او او او يالزعيم اواو او يالزعيم

اتمنى تتغير طريقة التشجيع

وهي سهلة
يقوم مجلس الجمهور الهلالي بنشر 10 اشخاص متفاهمين في الملعب

يقودون الجمهور بحركات راقية ورائعة وحماسية

اما يازعيم انتا مكانك في السيداره هذي يبيلها موضوع لحالها:)
لاهنت اخوي

في السيداااااااااااااااااااااارة

خخخخخخخخخخخخخخخخخ

جبتها على الجرح ياأخوي

ياخوي شف رابطة الأهلي والإتحاد

تردد اهازيج جماهيريه معروفه

والجماهير حافظتها وترددها بحماس

اما نحن رابطتنا تردد ابيات قصائد لا يحفظها الا غندر

والجمهور يتلفت مايدري وش يقول،،،

كل شيء ان شاء الله ينحل ولكن نرجو من قائد الرابطة محمد غندر اذا كان ليس قد المسؤولية فليترك المجال لشخص اخر مع احترامي الشديد له

انتم ماعندكم الا الإنتقاد بس!!!!!!

والله انا من زمان وانا اقول ياليت بدل رابطة الشكشكه
يكون التنظيم بشكل مختلف
بحيث ان اعضاء الرابطة يتوزعون امام الجمهور بأماكن مختلفة وكل واحد معه لاسلكي
ويتم تفعيل طريقة التشجيع الانجليزية بحيث ان كل الجمهور يشجع بأهازيج سهله وموحدة
ويتم تفعيل طريقة التشجيع المكسيكية بحيث ان كل الجمهور يشجع بحركات موحدة (مثل الامواج المكسيكية)
ويتم تفعيل طريقة التشجيع البرازيلية بحيث ان كل الجمهور يشجع بأصوات تحفيز وتأثير ونرفزة

بصراحة ملينا من ان الجمهور مايجي
واذا جا يجلس كل واحد يصلح غترته وعقاله ويزين ذيك الشخصية اللي كنه ناسي المعلاق بغترته

والله كلامك سليم...

غندر ليس بمستوى الهلال...

أحس أنه يغني لحاله...

الناس وين وهو وين...

أنت أحسن واحد
كنت ناوي والله أنزل موضوع عن مكانك في الصداره
ياخوي أبثر أمنا ذا الله يرحم حقوي عنده بثر ذا
ماعنده إلى ويا زعيم انت مكانك في السيدارة
والله تحسفت إني حاظر من إزعاجه بدون شي أصرف من ذا ياجيبولنا واحد ينظم ولا بلا شغل الطقاقات

والله مدري وش بيـعجبكم :D ..ان سكت مشكله وان تكلم مشكله :D

الكل يشهد للرابطه تحسنت بعد غياب حقوي

قسم بالله انك صادق .. << حايمتن كبده اكثر منك

والله شغل الرابطات فاشل .. طق وطبول ومايكات
كانك في عرس !! والمشكلة اصوات شينة !!


جماهير الاندية العالمية تشجع بصوت واحد .. بدون طبول ولا مايكات
وتشجيعهم احسن مننا بالف الف مرة ..

وهذا ماكان عليه جمهور الهلال قبل وجود الرابطة !!


اتمنى يرجع الجمهور الهلالي مثل اول صوت واحد وتشجيع واحد ..يحفز اللاعبين ويرعب الخصم

وللمعلومية الرابطة قتلت الجمهور قسم بالله قتلته صار يحضر ويسكت
كانه مافيه احد حاضر .. ومن اسباب ضعف الحضور ترى الرابطة!!

اتمنى من الادارة تلغي الرابطة .. نبي يرجع الجمهور مثل ماكان في مكان واحد وصوت واحد

هذا الكلام الصح ...

حنا وين والتشجيع العالمي وين ؟!!

شغلة الطبول والهز ماعاد تنفع بهالوقت ..

حركة الموج لوحدها عن الف طار و اهزوجة ...