الله يعطيك العافية عمر .. موضوع نقاشي متميز وعقب المسمار اللي جاك فيه
ماعاد يقدم ولا يؤخر مدحنا

العماله بعضهم يخرب على الآخر .. فيه منهم العامل المتمكن الأمين وهم كثيرين
وغالبيتهم مسلمين .. ومنهم قله بدأت تكثر هدفها الربح بالحرام فقط .. يعني ربح الحلال
ماله طعم عندهم ! ما ادري هم هدفهم التخريب و محاولة هدم البلد ولا وش ؟!

فيه في اليوتيوب مقاطع تخلي الواحد يبدأ يقسى لا شعوريا بالذات على البنقاليين .. تمرير
مكالمات + جرائم قتل + جرائم جنسية واغتصاب واستدراج + سرقات + ترويج الخمور
والمخدرات .. واعتقد الجميع شافها بالفيديو وشاف الكامين المنصوب لكل خسيس يحاول
العبث بالبلد وهالشيء جاء في برنامج 99 ..

عقب هالاشياء اشوف إن الظلم اللي يتعرضون له العماله .. عدل واكبر من العدل .. وهالشيء
لأنهم ظلموا انفسهم بأنفسهم وفقدوا ثقة الناس فيهم .. وحاليا تجد المواطن السعودي اللي يستأجر
عامل يفكر الف مره كيف يخدع هالعامل او يظلم ( قبل ) ما يبدأ العامل نفسه بالخداع والظلم .

اشوف ان الامور تعقدت الحين ولعل العمال يراجعون انفسهم بالفترة هذي لأن الوضع حاليا تغيّر
وموب مثل اول تلعب يالعامل على كيفك والسعودي ضايق حقه .
طبعاً اقصد تغيّر الوضع بعد الغاء فيّز استقدام العمال البنقاليين وكلام الحكومه انه يمكن تتبعهم
جنسيات اخرى ..

شكراً عمر .. والله لا يجعلنا ظالمين او مظلومين ..

يعطيك العافيه أخوي على هالموضوع الحساس
والموضوع صار جديد علينا لأنه قبل ثلاثين سنه ماكانت الناس نفسها خايسه زي هالأيام
وماعندها فوقيه بالكلام والتعامل مع الكل
هالعماله بالعربي زي ماتفضلت هم اللي عمروا البلد ودرسونا وعالجونا ووووو ........الخ وكان باستطاعة أغلبهم انهم يهاجروا للامارات أو قطر أو الكويت
بس الأغلبيه فضلت السعوديه لوجود الحرمين وقربهم منها
وتخيل بعد هالعمر والعشرة يجيك قرار غريب بتعقيد اجراءات وجود هذا المقيم بالبلد أو ينقل كفالته لشخص أقرب للحيوان ماعنده ذمه ولاضمير
وتخيل الصدمه لشخص عاش أكثر عمره ببلد مهدد بالخروج منها هو وعياله اللي انولدوا بالبلد وتعلموا وعاشوا فيها وحتى لهجتهم صارت سعوديه
وان جلس راح يحس بتفرقه كبيرة وعنصريه غريبه ماكانت موجوده على ايامه
ليش لأنه غير سعودي بس مسلم واسلامه هذا مايشفع له انك تعامله باحترام وتقدير وانسانيه حتى ولو كان أكبر منك عمرآ وعلمآ

((ارفع راسك انت سعودي.....غيرك ينقص وانت تزودي))
عبارة عنصريه بحته للأسف دارجه بين الشعب
هذي العبارة فيها انتقاص من شعوب عربيه واسلاميه ومن يوم ماقيلت هالعبارة ورب الكعبه ماشفنا خير ليش يعني وش فرق الله بيننا وبين أخواننا العرب
عشان عندنا بترول؟؟؟ اللهم لك الحمد على بعض عقليات الحنشل
بصراحه مقال الكاتب سعود البقمي يبرد القلب ورااااااااااااااائع جدآ وشكرآ له وكثر الله من أمثاله
وحارب الله العنصريه والفتن وشوفة النفس

زمان كنا نتريق على شعب خليجي كان شابف نفسه
والحين انقلبت الآيه وصرنا أردى منهم

موضوع فى قمه الرووووووووعه


ولي رجعه


....!!

إقتباس الرسالة الأصلية كتبت بواسطة Carlitos 32 1 - ما الحل لـ ظلم العمالة الوافدة برأيك وهل هناك وسيلة للقضاء على ظلمهم ..؟

إقتباس الرسالة الأصلية كتبت بواسطة Carlitos 32 2 - برأيك ما أسباب اللجوء إلى ما بأيدي العمالة الوافدة ..؟

إقتباس الحل ضرورة وجود مؤسسات مجتمع مدني وغيرها تعنى بتعريف القوانين وابلاغ المقيمين بحقوقهم وحتى واجباتهم !!

واذا كان المواطن الضعيف المغلوب على امره ما يعرف الا واجباته فقط ..
حتى وان عرف حقوقه فهو يعرف انها كلام فاضي وعلى قولهم كلام على ورق وتطبيقه
صعب لكن واجباته اوامر تنفذ بدون نقاش ..

ما تبي هالمواطن يترك الرحمه على جنب وياخذ حقه بطريقته ؟!

استغرب ان الجميع مؤيد إن العمالة مظلومه في غالب الاحيان .. ما عندكم شغالات
امتنعوا عن الشغل بعد ثلاثة اشهر ؟! ولو كان عندك وش بتسوي ؟!

ما عندكم عمال ومثلاً نقول عمال بناء عماير وفلل بعد ما استلموا اكثر المبلغ
صاروا يشتغلون اي كلام ؟!

هذي امور تافهه جداً لكن تقهر وتكلف المواطن .. كيف تبي المواطن ياخذ حقه
وللاسف لو بيروح يشتكي طلع له عسكري عقله وفكره وفهمه للنظام من عام 1412
ووقف عند ذيك السنه .. وقال ( ياخي تصالحوا !! ) او ( لا تكبر الموضوع وتعطيه
اكبر من حجمه ) او ( اسمع لاعاد اشوفك في القسم ولا ترا بحبسكم اثنينكم )
والجملة الاخيره ذي أكثر الحلول استعمال منهم لانه بيكسب انه قضيه او مشكله طاحت
عنه ذاك اليوم ..

تمنيت ان الموضوع جاء بالعكس لأن المتضرر من انظمتنا اللي تتيح للعامل التلاعب
واللعب على كيفه هو المواطن نفسه .. ولا الاجانب ماخذين حقهم دبل ..

**

ترا ما اقصدك بلحالك بالاقتباس ابي كل واحد يرد علي لو شاف كلامي خطأ دام الوضع
نقاشي ..

إقتباس الرسالة الأصلية كتبت بواسطة Carlitos 32 السلام عليكم ورحمة الله وبركاته .. ورده .. للنقاش ..! 1 - ما الحل لـ ظلم العمالة الوافدة برأيك وهل هناك وسيلة للقضاء على ظلمهم ..؟ 2 - برأيك ما أسباب اللجوء إلى ما بأيدي العمالة الوافدة ..؟

وعليكم السلام ورحمة الله وبركاته ,,

اشكرك اخوي على الموضوع الإنساني ,,

واحب ان ادخل الى صلب النقاش مباشرة بإجابتي عن السؤالين الرئيسيين :

من الحلول للقضاء على ظلم العمال هو وجود العقوبه المناسبه لنوع الظلم الموجه

لبعض العمال المغلوب على أمرهم .. لأن من أمن العقوبة أساء الأدب .. ,, وأيضا ,

التوعيه إعلاميه وتذكر ان الدين الإسلامي كفل حماية الخدم والبشرية والضعفاء من

ظلمهم .. ,,


الجواب الثاني : من الاسباب لأنهم لا يستطيعون ان يفرغوا قوتهم الا على هؤلاء ..

الضعفاء ,,

وفي النهاية أسأل الله الهداية للجميع وان يتذكر الجميع اننا أبناء آدم وحواء .. ,,

وان اهم واجمل ما في الكون الإنسانية والإحترام .. ,,

,


السلآم عليكم

آخوي عمر موضوعكـ حسآس وطرح موفق

آولآ آخوي لآ ننكر بعض تصرفات السيئه أو الطآئشه من شبآبنآ
وأنهم يظلٍمون هؤلآ العمآله بتصرفآتهم . مسوي قوي على بنقآلي ولآ يعرف ان يوجد
من فيه اقوى منه .

لكــن بعض هؤلآء العمآله للآسف نشروآ الفسآد في بلآدنآ
فالسرقآت والخمور وحتى شقق الدعآره تآتي منهم ,
البطحآء قبل مده ليست بالطويله لاقين بنقآليه حآطين مرقص وخمور
وغير ذلك قصص المدهآمآت على باكستآنيه يصنعون عرق ..!
وغير ذلك من الجنسيه الافريقيه مسوي سآحر

وغيرهآ الكثير , فيآليت انك تطرقت الجآنب الاخر من سلبيآتهم

إقتباس الرسالة الأصلية كتبت بواسطة Carrick 16 واذا كان المواطن الضعيف المغلوب على امره ما يعرف الا واجباته فقط .. حتى وان عرف حقوقه فهو يعرف انها كلام فاضي وعلى قولهم كلام على ورق وتطبيقه صعب لكن واجباته اوامر تنفذ بدون نقاش .. ما تبي هالمواطن يترك الرحمه على جنب وياخذ حقه بطريقته ؟! استغرب ان الجميع مؤيد إن العمالة مظلومه في غالب الاحيان .. ما عندكم شغالات امتنعوا عن الشغل بعد ثلاثة اشهر ؟! ولو كان عندك وش بتسوي ؟! ما عندكم عمال ومثلاً نقول عمال بناء عماير وفلل بعد ما استلموا اكثر المبلغ صاروا يشتغلون اي كلام ؟! هذي امور تافهه جداً لكن تقهر وتكلف المواطن .. كيف تبي المواطن ياخذ حقه وللاسف لو بيروح يشتكي طلع له عسكري عقله وفكره وفهمه للنظام من عام 1412 ووقف عند ذيك السنه .. وقال ( ياخي تصالحوا !! ) او ( لا تكبر الموضوع وتعطيه اكبر من حجمه ) او ( اسمع لاعاد اشوفك في القسم ولا ترا بحبسكم اثنينكم ) والجملة الاخيره ذي أكثر الحلول استعمال منهم لانه بيكسب انه قضيه او مشكله طاحت عنه ذاك اليوم .. تمنيت ان الموضوع جاء بالعكس لأن المتضرر من انظمتنا اللي تتيح للعامل التلاعب واللعب على كيفه هو المواطن نفسه .. ولا الاجانب ماخذين حقهم دبل .. ** ترا ما اقصدك بلحالك بالاقتباس ابي كل واحد يرد علي لو شاف كلامي خطأ دام الوضع نقاشي ..

اختصرت علي كلآم كثير

إقتباس الرسالة الأصلية كتبت بواسطة كل الفن هلالي انا لا ادافع عن العمالة الوافدة ولا اؤيد وجودها على أية حال لكن هذا لايعني في حال وجودها تتعرض لأبشع انواع التنكيل والظلم بحجة انني لا اريد وجودها !! احنا مسلمين ولو سرقونا او تلاعبو في بلدنا ليس مطلوب منا ان نعاملهم بالمثل وانما احالتهم للشرع !! وهو الكفيل بهم وبك .. شكرا لك ورده

ليس كل العمآله تتعرض للظلم ..! بل منهآ تآخذ حقهآ آكثر من حق الموآطن
طيب رح البطحآء وتآملهم هنآك ورب الكعبه تنقهر عمآله بعدد مهول وغير هذآ
اغلبهم حرآميه + مروجين للخمور + يبيعون افلآم اباحيه ؟؟
اخوي انا لا اتكلم من شي ماني متآكد منهآ , من جمآعتنآ واحد يشتغل بالمدهآمات
يقولنآ قصص تشيب الراس , وغير هذآ برنآمج 99 الي بقنآه الرياضيه ما قصر طلع فضآيحهم.




,
تقبل تعليقـي ومروري
آخوك
محمد العنزي َ

هلابك اخوي...

في شيء اذا شفته صحكت وحزنت في نفس الوقت

دايم اذا مسكت خط ووقت عطله القا خدامه ورا وجها لازق في الدريشه اللي ورا ومخنوقه من الشناط