مهم جداً : للتوضيح بخصوص تذاكر الهلال والرائـد( الرجـاء الدخول ) - نادي الهلال السعودي - شبكة الزعيم

عاشق الفن الياسري · #1 13/12/2008, 07:19 PM

السلام عليكم ورحمـه الله وبركــاته

شاهدت بعض المواضيع التي تقول تذاكر مباراه الهلال والرائــد خلصت ومن
هالقبيل لاصحه لـ هذا الكلام
التذاكر تباع في عدة محلات تصل الى اربع مواقع
(1)
محل الجاسر اللي بحي الصفراء
(2)
نـادي الرائد بحي الصفراء
(3)
ملعب المباراه << على مااظن انه لاتطرح الا قبل المباره بيوم
(4)
خياط الدولي بالصفراء
___
يعني تذاكر الدرجه الأولى خلصت عند الجاسر
لايعني ذالك انه خلصت عند بقيه المحلاااات
والعكس صحيح
والله أعلم بالنيه اللي يطرح موضيع ان التذاكر خلصت
هل هو متحمس للمباراه
او
يجعل الجمهور اللي من خارج مدينه بريده يكفو عن الحضور
أنـا من قلب بريده التذاكر
متوفره بشكل كبير جداً خصوصاً الدرجــه الثانيــه
فلاداعي للنشر الأشاعات التذاكر خلصت
++++++
قبل قليل اشتريت تذاكر لأحد الأصدقاء درجه ثانيه
ومتوفر بكثره ربمـا لم تنتصف ..!

***
**
*
وللتأكد هذا رقم

3820555
محلات الجاااسر

اتصلت السـاع 7:15 بالظبط
يقول التذاكر متووفره بشكل كبير
اتصلوو للتأكدو
++++
+++++
+++++++
تحياتي عاشق الفن الياسر
ومدعاني للكتابه هذا الموضوع الأشااعات الكاااذبه

3820555

!!زعيم الكل!! · #2 13/12/2008, 07:22 PM

ياليتني ببريده بس .. !

مالكم عذر ياجمهور الزعيم ببريده .. مستويات رائعه + نتائج رائعه + ياسر وطارق ( قلب )

الله الله بالحضور

عاشق الفن الياسري · #3 13/12/2008, 07:35 PM

إقتباس

الرسالة الأصلية كتبت بواسطة !!زعيم الكل!!


	ياليتني ببريده بس .. ! مالكم عذر ياجمهور الزعيم ببريده .. مستويات رائعه + نتائج رائعه + ياسر وطارق ( قلب ) الله الله بالحضور

لا إن شـــاء الله الحضور بيعجبكم

لكن الهدف من طرح ان التذاكر خلصت

القصد منـه عدم حضور الجمهور بشكل كامل للملعب

يعني مثلاً اللي بالرس ولا بالزلفي ولا حائل عندمـا يقرا مثل

هذه المواضيع تقل همته يقوول ليه اروح والتذاكر خلصت

الحمد لله التذاكر طرح قبل اربع عشرين ساعه السحب عليه كبير

لكن الملعب سعته كبيره جداً نريد الملعب فلللللللل بالكاامل

مفاعل هلالي · #4 13/12/2008, 07:37 PM

وسع صدرك وانا اخــــوك . وانا متأكد ان جمهور القصيم وما جاورها ( سدير .. الزلفي .. شقراء .. وغير وغير ) بيكون حضورهم الاكبر لهالموسم ..

وانتم ترا محسودين عن باقي المناطق .. ( حضور العميد الدعيع والقناص ياسر والبرنس التايب و الاطخم ويلي والفيسوف الجديد الفريدي و هدافنا العنبر وباقي الفريق .. )

الله لا يخلينا منهم

والتذاكر لا زالت مطروحة واليوم السبت والمباراة الاثنين .. يعني هالاقبال على التذاكر قبل المباراة بثلاث ايام ينبئ بحضور ( عالمي )

طبعاً شخصيا اتوقع مدرجات مملتئة ولكن لا نريد فقط مجرد الحضور .. نريد شعارات زرقاء نريد تشجيع اوربي وترحيب عربي ..

والله اني تحمست احضر مباراة الرائد رغم اني لانيب في القصيم ولانيب منها

عاشق الفن الياسري · #5 13/12/2008, 08:09 PM

إقتباس

الرسالة الأصلية كتبت بواسطة مفاعل هلالي


	وسع صدرك وانا اخــــوك . وانا متأكد ان جمهور القصيم وما جاورها ( سدير .. الزلفي .. شقراء .. وغير وغير ) بيكون حضورهم الاكبر لهالموسم .. وانتم ترا محسودين عن باقي المناطق .. ( حضور العميد الدعيع والقناص ياسر والبرنس التايب و الاطخم ويلي والفيسوف الجديد الفريدي و هدافنا العنبر وباقي الفريق .. ) الله لا يخلينا منهم والتذاكر لا زالت مطروحة واليوم السبت والمباراة الاثنين .. يعني هالاقبال على التذاكر قبل المباراة بثلاث ايام ينبئ بحضور ( عالمي ) طبعاً شخصيا اتوقع مدرجات مملتئة ولكن لا نريد فقط مجرد الحضور .. نريد شعارات زرقاء نريد تشجيع اوربي وترحيب عربي .. والله اني تحمست احضر مباراة الرائد رغم اني لانيب في القصيم ولانيب منها

مو محسوودين وبس

هذا الهلال ( زعيم أسيــا )

متيم برومـا أنـا على وقت ويلهمسون عندمـا كان يلعب معهم
كانت أمنتيتي أحضر مباراه يلعب فيهـا ويلهمسون مع توتي لكن ويلي يكفي وقرب حلمي يتحقق ..

وأتذكر ويلهمسون ماذا فعل بألأنتر هو وتوتي في المباراه الشهيره 4-4

**
*
متأكد ان الجمهور الهلالي بالقصيم سيكون خيالي

لكن مايغثني مايكتب مواضيع لا اساس له من الصحه عن التذااكر

! سراب هلالي ! · #6 13/12/2008, 07:45 PM

يعطيك العافية اخوي
ومبدع كالعادة

تحياتي

$ابوريشه$ · #7 13/12/2008, 07:59 PM

كلامك صحيح

والتذاكر متوفره بجميع الاماكن اللي ذكرت

يعني اللي يبي يحضر ماله عذر

ولد الغلبا · #8 13/12/2008, 08:17 PM

والله انا ثقتي في جمهور الشمال وبتحديد القصيم وحايل مالله حدود وانا متوقع بكره الملعب بيمتلى فله كله من العصر والي في القصيم وهلالي ماله عذر مايجي بوجود التائب وياسر الدعيع والفريدي وعزيز كوزمين ولاننسى ابو عبد الله سامي الجاابر واهم شي النتائج الجيده

الصخره 16 · #9 13/12/2008, 08:24 PM

عاشق الفن الياسرى لك الف شكر على المعلومات وبيض الله وجهك

وما شاء الله عليك متحمس ومغطى كل شى

لك منى كل اشكر

mkss · #10 13/12/2008, 08:28 PM

جمهور الزعيم بالقصيم راح يرفع الراس ان شاء الله وراح نكون بالموعد بحوله وقوته

أبوإلهام 15 · #11 13/12/2008, 08:32 PM

ابشروااااااااااااااااا بالحظور اللي يرفع الرآآآس

http://www.alarabiya.net/Sports.html

هلالي474 · #12 13/12/2008, 08:36 PM

حاضرين إن شاء الله جمهور الزعيم ما يخيب

القنــ20 ــاص · #13 13/12/2008, 08:41 PM

التذاكر متوفره بجميع الاماكن اللي ذكرت ,,,

انا اشتريت من الجـــاسر

وابشروااااااااااااااااا بالحظور

ورده ورده ورده

القنـــــ(20)ـــــاص · #14 13/12/2008, 10:10 PM

طيب اخواني ,,,

بالنسبة للدرجة الاولى
ما يصير الحضور اكثر من سعة المدرجات
او صرف التذاكر يكون ع عدد المقاعد ؟

و هل لازم تحضر بدري حتى تاخذ مكان ؟

لاني ما اطلع من الجامعة إلا الساعة 4 ,
يعني ما يمديني ع الملعب إلا الساعة 5 او 5:30

لذلك انا غير مطمن بخصوص المقعد

ارجو افادتي ,,,

عاشق الفن الياسري · #15 13/12/2008, 10:32 PM

إقتباس

الرسالة الأصلية كتبت بواسطة القنـــــ(20)ـــــاص


	طيب اخواني ,,, بالنسبة للدرجة الاولى ما يصير الحضور اكثر من سعة المدرجات او صرف التذاكر يكون ع عدد المقاعد ؟ و هل لازم تحضر بدري حتى تاخذ مكان ؟ لاني ما اطلع من الجامعة إلا الساعة 4 , يعني ما يمديني ع الملعب إلا الساعة 5 او 5:30 لذلك انا غير مطمن بخصوص المقعد ارجو افادتي ,,,

لا أن شــاء الله تكون على عدد المدرجــات

لكن انا ان شــاء الله بعد صلاه العصر مبااشره

بالملعب نحجز مكــان عند الرابطـــه