شاعر المنتدى...وقصيدة...للضفدع كامل - نادي الهلال السعودي - شبكة الزعيم

poet · #1 28/05/2002, 09:51 AM

السلام عليكم:

انا جدا اسف لغيابي طول الفتره الماضيه وذلك لظروف الدراسه واعدكم بالتواصل معكم....

ناقص واساس النقص ياشيخ كامل
الطالح اللي جابك وقال صالح

انت تخسى لحب الوطن مانت عامل
اية حساب ماغير نهب المصالح

انت تخسى لهم الوطن مانت حامل
انته ماغير بجمعة المال فالح

الأبتزاز اسلوبك ...ياضفدع كامل
خطاك ماننساه لا مانسامح

الى متى يااخوان نسكت ... نجامل
الاحتكار اللي يضر المصالح

وسلامتكم....

وعسى الله يفشل مخططه ويزيده خساره دنيا واخره...قولوا آمين

محبكم /
شاعر المنتدى

هلالي الجوف · #2 28/05/2002, 10:11 AM

ياهلا والله وغلا بشاعر المنتدى

شهرين وثمان ايام يالظالم مانشوفك ولا نشوف مشاركاتك

كان ودنا تفرح معناببطولات الهلال ونفرح بإبداعك الشعري .
لكن يالله .. ظروف دراسية والشكوى لله .

تقبل تحياتي

poet · #3 28/05/2002, 10:50 AM

السلام عليك ياهلالي الجوف:

العذر منك كل العذر يالغالي والعذر من جميع الأخوان هنا في هذا المنتدىالغالي واللي يزيد غلاه كل ساعه ويوم

الصراحه الدراسه مشغلتني عنكم شوي وانا اتمنى تجي الساعه اللي اخلص وارجع للوطن والتواصل اليومي معكم

بالنسبه لمشاركتكم الأفراح...ابشرك الأفراح قدامنا واجد واللي يشجع الزعيم ماينقطع عن الفرحه ولله الحمد والمنه وهذا سر تميز هلالنا...

كل الشكر لك وللزعماء في هذا المنتدى...

ودمتم/
شاعر منتداكم

BLUE VOLCANO · #4 28/05/2002, 10:53 AM

من طول الغيبات جاب الغنايم.....
هلا والله باالاخ العزيز poet.....
وين الغيبه بس والله قصيده حلوه
صح لسانك عليها...

تقبل تحيات BLUE VOLCANO

zmlan · #5 28/05/2002, 11:04 AM

صح لسانك ياشاعرنا

وهلا والله

الكنز نواف · #6 28/05/2002, 12:40 PM

الله يعطيك ألف ألف ألف ألف عافية

متغلي · #7 28/05/2002, 12:49 PM

قصيدة قوية يالغالي بس انا متأكد انك غلطت في الشطر هذا :
الأبتزاز اسلوبك ...ياضفدع كامل
لأنك اكبر من انك تكسر البيت يالغالي اكيد فيه غلط لأن الشطر هذا رايح في رجلها

تقبل ملاحظتي بصدر رحب وتحيايتي بصدر ارحب

مغامر هلالي · #8 28/05/2002, 12:52 PM

يعطيك العافيه

ويستاهل الضفدع

IRM1515 · #9 28/05/2002, 01:26 PM

[gl]آمين ..آمين ..آمين ..[/gl]

poet · #10 28/05/2002, 01:36 PM

الشكر والله لكم انتم وصح بدنكم جميعا...

الأخ متغلي : هذا دليل انك شاعر او قاري ممتاز للشعر النبطي...صحيح اخوي عجز البيت مكسور ولكني اردت ان انعت ذلك النكرة بذلك الاسم مما ادى الى كسر البيت...عموما لك الشكر وماشاء الله عليك...

محبكم/
شاعر المنتدى

الزعيم الأبن · #11 28/05/2002, 02:42 PM

مرحبا بك مجددا

Blue Fire · #12 28/05/2002, 06:28 PM

والله ان شعرك عندي حتى لو انه مكسر
احلى من شعر المنتنبي .....

وبالتوفيق لك في الدراسة يالغالي
وان شاء الله ترجع غانم سالم ....

poet · #13 28/05/2002, 09:05 PM

Blue Fire
هذا من طيب اصلك يالغالي وبالتوفيق للجميع في اختباراتهم ودراستهم....

شاعر المنتدى

أبومحمد10 · #14 28/05/2002, 10:03 PM

آمين.وصح إلسانك

asheg alzaeem · #15 28/05/2002, 10:42 PM

امين انشا الله0
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههه حلوه