|
الصبر .... وش لي أنا إلا الصبر السلام عليكم ورحمة الله وبركاته في حاجة ودي احكي عنها بخصوص لاعبنا ويليهامسون مشكلة بعض الناس أنه يظن نفسه هو الوحيد اللي يفهم كورة حنا كمان نفهم كورة وبرضو نعرف أنه لاعب تكتيكي بحت وادواره خفية لكن المصيبة أنه مافيه تلائم بين مستوى اللاعب والمبلغ اللي دفع فيه رغم ان حنا مادفعنا فيه قرش من جيوبنا لكن من حقنا ان نقيم اللاعب بناء على مستواه ولا يجي يقول لكم اصبروا عليه اجل بالله عليكم ادفع 52 مليون مقابل لاعب اصبر عليه سنه ولا أقل ولاأكثر ؟ وشذا الكلام ياناس اجل التايب بكم نقيمه وكماتشو ولا ليش الإدارة استغنت عنه وعن تفاريس إلا لأن مبالغهم ارتفعت طبقا لإرتفاع مستوياتهم هذا حنا رفضنا التجديد مع تفاريس وجبنا رالديس وقالوا عنه كابتن بوليفيا ووالله لو ان تفاريس بوليفي كان يصير الكابتن والمدرب ورئيس الدولة بعد وبرضو سيئ الذكر الحسن كيتا كلكم شفتوا وش كان يسوي ووشلون جاب لنا الهم والصمرقع وارجعوا لمبارياته وشوفوا دفاع الهلال العام الماضي والسنة هذي رغم انه العام كان أفضل بوجود الصخرة تفاريس إلا إنه خلانا نشك بأنفسنا ونقول دفاعنا تعبان والمقصد اللي أبي أوصّله أنه دايما اللاعبين اللي تصنع الفرق يكون سعرها ملائم للعمل اللي تؤديه كل في مركزه أمثال طارق التايب كلاعب يشيل فريق وكماتشو تذكرون وش كان يعمل في كل مباراة يا إما يسجل ولا يصنع وتفاريس كلاعب شايل خط دفاع بأكمله وأمثال لاعبين فرطنا فيهم بحجة المبالغة في المبلغ المطلوب أمثال خميس العويران والفراغ اللي تركه في مركزه بعد رحيله والخسائر اللي دفعنا لجلب لاعبين يسدون محله (توليو وبدرا .. وآخرهم عبداللطيف الغنام ب11 مليون) وأحمد الدوخي ومايحتاج اتكلم عن الفراغ اللي تركه الخلاصة لايجي احد ويقول اصبروا عليه لأنه مصيبه اجيبه بهالمبلغ واصبر عليه مدة طويلة لحد ماينسجم واذا هذا هو المنطق اجل مالنا حق لما طالبنا برحيل انصاف اللاعبين اللي جو للهلال وهم كثر بحجة ان ماعندهم شي رغم ان المبالغ اللي دفعت فيهم اقل بكثير جدا من هالأشقر والشي الثاني انا اعتراضي على الجنسية يعني ضاقت الدنيا مالقينا إلا هالدول الإسكندنافية اللي على كلام ويليهامسون ان الشتاء حقنا هذا صيف عندهم بالمبلغ هذا جب لي واحد افريقي ولا لاتيني ولا واحد مثل نشأت أكرم ولا حسني عبد ربه ولا مثل كيتا حسبي الله عليه والناس هذي اللي تجيبلك بطولات واتركني من تكتيكي والخرابيط هذي اللي يشوفكم يقول مسموح لنا نلعب بالفريق كامل أجانب عشان نقعد نتفرنك ونقول تكتيكي ومدري أيش انت ماتفهم كورة وهالكلام الفاضي عطني يامال الغناة واحد هداف وسيكل ويدل الباب ولا صانع لعب مثل أبو نادين وكماتشو لبى قلوبهم ومايخالف مانبي تكتيك ولعب اوروبي لاحقين عليه |
ايه وش ورانا نصبر مدام الفريق يفوز ويحقق الانتصارات وهو يشارك في الانتصارات وصناعة الاهداف |
الآن وقد سبق السيف العذل اكيد بنصبر وعلى قولة المثل أنا الغريق فما خوفي من البلل |
ويلي يمكن مبلغه كبير شوي .. في وجهة نظري انه يستحق الـ 35 مليون .. لكن لاعب بشهرة ويلي ( هم في السويد يعتبرونه زي بيكهام في انجلترا ) لازم تدفع فيه شوي زيادة علشان يجي للسعودية .. و بكذا اقتنعت .. اما مستواه .. فهو بتصاعد .. و صدقني ضاق صدري يوم قالوا يمكن ما يلعب قدام الاتحاد .. و لما اللاعب ياخذ راحته اكثر .. بنشوف ويلي " عالمي " كما توقعناه .. |
إقتباس:
ويلي لاعب تكتيكي مايعرف ادواره الا اللي يفهم كوره صح شوف طارق التايب وقارن مستواه العام وهالسنه العام الوسط مافيه الا طارق راقب طارق ينتهي الزعيم وشوف الموسم هذا شوف البرنس كيف مرتاح بالوسط وخفت الرقابه عليه شوف مباراتنا مع الاتفاق والشباب والاتحاد واحكم يعني مو شرط انه يسجل والا يسحب اهم شي انه يوجد لنا ثغرات اتمنى انك فهمت قصدي |
بصراحه موضوع جيد وتشكر عليه بغض النظر عن مبلغ التعاقد معه ارى ان ويلي مستواه في تصاعد من ناحية التاقلم مع الفريق فويلي لاعب له قيمته الاوربيه الجيده ووجوده في الدوري السعودي بشكل عام مفيد ويلفت الانظار لدورينا فمابالك بالفريق اللذ يلعب له ويلي فويلي استفاد ماديا والهلال يستفيد منه فنيا واعلاميا وقلت واقول دائما ياليت تنرك القوس لباريها ونتضامن مع ادراة الهلال ونثق في جميع قراراتها لانه هي الاقرب وهي المسؤوله اولا واخيرا عن نتايج الفريق ونترك حكمنا بعد الاحتفال بالبطوله الاسيويه بعد الدوري انشاء الله ودمتم |
صح لسانك من كم يوم كتبت موضوع وافكارك هي افكاري ولكن واجهت من يقول ياخي انت دافع شي من جيبك !!! >>>> " يعني انت اللي دافع ! " ياخي لاعب تكتيكي انت وش معرفك بالكوره !!! ..>>>>>.. " ولو تسأله وش معنى تكتيكي ماعرف ! " كم لعب مباراه ؟وكم جهز هدف؟ هذا الاعب العالمي التكتيكي؟ اي دفاع سهل يقطع منه كوره؟ ربما هو لاعب عالمي ربما يقولون احسن لاعب بالسويد ربما يقولو تكتيكي وش الفايده وخدمته للفريق بنظر الكثير لاتستحق الهاله والتطبيل اللي علييه ((((((((((((((((((((( نختلف..........................ونجتمع في حب الهلال)))))))))))))))))))))))))))) |
إقتباس:
في عالم كرة القدم البطولات لا تأتي إلا بالتخطيط والتكتيك \\ مو بلاعب او اثنين ,, :yes: |
بصراحه موضوع جيد وتشكر عليه</B> بغض النظر عن مبلغ التعاقد معه ارى ان ويلي مستواه في تصاعد من ناحية التاقلم مع الفريق</B> فويلي لاعب له قيمته الاوربيه الجيده ووجوده في الدوري السعودي بشكل عام مفيد ويلفت الانظار لدورينا فمابالك بالفريق اللذ يلعب له ويلي فويلي استفاد ماديا والهلال يستفيد منه فنيا واعلاميا </B> وقلت واقول دائما ياليت تنرك القوس لباريها ونتضامن مع ادراة الهلال ونثق في جميع قراراتها لانه هي الاقرب وهي المسؤوله اولا واخيرا عن نتايج الفريق</B> ونترك حكمنا بعد الاحتفال بالبطوله الاسيويه بعد الدوري انشاء الله</B> دمت بود |
| الوقت المعتمد في المنتدى بتوقيت جرينتش +3.
الوقت الان » 09:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd