|
للنقــاش: جمهور الهلال في الواجهه ليش مايساند الرابطه في التشجيــع ياأخوان شي غريب فعلاً والمشكله هذي من زمـان .. ينشد رئيس الرابطه : ياهلال عزك عزنا نحصل مدرجات الملعب كلها تهتز وبصوت واحد ياهلال والكلام هذا كله دقيقتين ثلاث دقايق وبعدها تبقى الرابطه تشجــع والجمهور في الواجهه يسكت خلاص .. والله احيانا لما احضر في الملعب يرتفع ضغطي ودي اكون في الرابطه وحاولت كذا مره اجي مع الرابطه لكن قالوا لي انها مخصــصه مو أي واحد يقدر يخش مع الرابطه .. وش السر في صمت هالجمهور اللي في الواجهه , يعني تخيلوا لو مباراه في استاد الملك فهد والجمهور اللي في الملعب كله يهتف ياهلال عزك عزنا وغيرها من الهتافات كيف راح يكون الوضع ؟ |
الجمهور بالواجهه يشجع من قال أنه مايشجع وخلاص بنقولهم يقولون ياهلال عزك عزنا ... تبي شي ثاني ... |
يخوي شغل الهتافات ذا ماينفع يخوي مثل حركه الموج..شف كل الملعب يتفاهل وحركه التصفيف (طق الكراسي) كل الملعب يتفاعل انا اشوف لو نعتمد ع اشياء افضل من الهتافات يكون افضل ع فكره لامانع من وجود هتافات قصيره ومفهومه مثلا انا بعض الاحيان اقعد فـ الرابطه وربي ما ادري وش يقول غندر مع اني جمبه عاد كيف اللي فـ الواجهه آسف ع التطويل |
إقتباس:
|
اولاً وش اردد ورى الرابطه مثلا اغنيه وش الفايده منها جب اهازيج مثل الناس تخص الجماهير والاعبين وابشر اما اغاني مالها داعي بالمباراه وش ابي فيها شوف رابطه الاهلي بس اهازيج في النادي ما تطلع من النادي تعرف لو كانت الرابطه تقول يا شباب في المكرفون ويتردد جمل وتبين للجمهور كيف يرد معها من غير طبل لاحد ما يفهم الجمهور وش مطلوب منه عرفنا وش تبي منا الرابطه ولكن نظام الررابطه في الملعب مثل نظام الزواجات طق ورق حول الرابطه بس والجمهور الباقيه تتفرج لو يفكونا من الرابطه بكبرها افضل ويغني الجمهور باهازيج على كيفه ويشيها من بعض من غير رابطه مثل زمان |
خخخخخخخخخخخخخخخخخخخخ ليش ما يشجع مثل الناس ؟ خخخخخخخخخخخخخخخخخخخخخ اصلا الرابطه تسميها رابطه |
شباب اللي حضر مباراة ابها أمس ممكن يلاحظ إن أهازيج الرابطة كل شوي و شوي أكمل الفراغ يعني خذ مثال: ياهلا... عزنا ، يعني كلمة و كلمة لا ولا أحد يعد كلامي تجري أو إستهتار ، لأني ما احبذ هالأساليب بس من جد ياجماعة نبي شي جديد ، نبي نبدع ، موب أغاني قديمة مع تعديلات أو أهازيج من سنة الفيل أتمني من القائمين على الرابطة النظر و بجد للأسلوب المتبع حاليا وإيجاد حل لهذه المشكلة شاكر للجميع ممن يسعي لتقديم صورة أكثر من رائعة عن المدرج الأزرق |
ياجماعه أنتوا تفكرون الرابطه ماعندها الا اغاني ؟؟؟ |
جمهور الهلال في الواجهة - جمهور المنصة - جمهور الرياض - جمهور الشرقية - جمهور أفغانستان - جمهور شمال أفريقيا وقارة أنتراكتيكا إرحمونا !! صرنا ولايات مقسمة ماصرنا جمهور !!! |
ادخل هنا وتعرف ليه مايرددون خلف الرابطة http://vb.alhilal.com/showthread.php?t=679873 |
كلامك صحيح اخوي اسير الاسطوره بصير لكن هذا لايعني الغاء الرابطه .. |
غندر يتعب ويجتهد في سبيل ارضاء جمهور الزعيم الكبير لكن للأسف راحت أيام التشجيع الصح مع ذهاب قائد الرابطة السابق اللي من راح للنصر وحنا ساكتين والشكر لصاحب الموضوع |
ياخي لان الرابطه من اول ماتدخل تبدى بالاهازيج لين تروح طاقتنا المفروض يكون بروفه خمس دقايق وبعدها صمت لين يبدا الشوط :) |
ياخوي بالنسبه لي انا , الأخ غندر لكنته حجازيه :d .. وانا ما افهمه ابد ولا اسمعه :) .. انت شفت كيف التفاعل في جده ؟ عشان لكنته حجازيه .. ثاني شي الصوت احياناً يصير مب واضح .. على العموم كلها ايام ونعرف وش يقول مثله مثل الخائن حقوي .. |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd