الشآيب وجيل الـــ SMS..! - صفحة رقم 2 - نادي الهلال السعودي - شبكة الزعيم

كان هنا · #16 13/12/2008, 03:28 PM

وعليكم السلام ورحمة الله وبركاته ..
يمرحبا ريانوفيتش .. كل عام وانت طيب ..
/،
الـ SmS .. إزعــاج ، وربي إزعاج ع الفـاضي .. وخسـاير مالها داعي ..
الي يبـي يعـايد يشوفك يوم العيـد ، والي يقـدرك بيـدق عليك ..
أما الرسـايل ، نصها ما تنقرا ، أصلاً من يوم أشوف بدايتها وأعرف أنها معايدة ، على طول دليت .. فيه رسايل غيرها تستحق تبقى بالجهاز ..
إلا إذا كانـت الرسالة مرسلة لك شخصياً ، هنا الكلام يختلف ^_* ..
،\
عـن نفسـي ما أستخدم الرسايل ، إلا بعد محاولات الإتصال ، وأحياناً ما أستخدمها وأكتفي بمكالمة ^_^ ..

عافــاك ربـ

ـي

كيان الأزرق · #17 13/12/2008, 04:19 PM

وعليكم السلام ورحمة الله وبركاتهـ

..
هلا بك وردهعـز الهلالورده..

بالنسبهـ لي أنا أفضل الرسايل أحسن وأسهل

.. لأن الإتصال بلشهـ في بعض الآوادم ماودك تكلمهم قرقهم وسوالفهم واجدهـ ماتخلص

..
وبعدين أنا كلامي قليل عشان كذا المسجات أريح

..
الرسايل توفير ولا بهـ خساير واجد

..

لاهنت أخوي ع الموضوع يسلموووو ورده ..

النــــــ 15ــــــر · #18 13/12/2008, 04:42 PM

والله فيه ناس مسج ويخب وفيه ناس تستاهل انك تعنا لها وتعايدها عاد الاقراب الخال والخاله والعم والعمه غصب تروح تعايدهم

شوكرا وتقبل مروري

أبو ميار · #19 13/12/2008, 05:40 PM

إقتباس


	أسمع ترآ مازلت أنتظر منك تسديد الـمبلغ 300 ريال الي عليك .. ولن أرضى بالتنآزل عنه .. وسوف أزعجك بالإتصال و الرسآئل في هذه الإجآآزه حتى تجيب لي المبلغ المطلوب 300 ريال وإني بحثت عنكــ في المكتب الأسبوع المـاضي و الذي قبله ولم أجدك وسوف أزعجك حتى ترد علــي أو تتجأوب معي أو ترد نصف المبلغ على الأقل .. وترا لم يهمني كلامك الأخير الذي كنت تنفخ علي فيه وبيني وبينك يوم القيامه و لن أحللك ولن أبيحك بعد أن طآل الإنتظآر و أنفج الرأس من اليأس , وسوف تندم .

نفس الرسالة وصلتني

ودقيت بس ما رد .. وأرسلت له رسالة وقلت أعلى مافي خيلك أركبه

>>> يحب الشر

الهلالي دائماً · #20 13/12/2008, 06:24 PM

هلا وغلا ريان

ومسيك بالخير ورده

منورنا بهالموضوع الجميل والحضور المميز

بصراحة انا في ناس اتصال وناس رسايل وناس لا اتصال ولا رسايل

طبعاً اللي لا اتصال ولا رسايل هم اللي ابهم اكثر شي

لاني اشوفهم يوم العيد وتصير التهنئة فيس تو فيس وعلى الهواء مباشرة

شكرا ريان

وكل عام وانت بخير وعافية ,,,

عـز الهلال · #21 13/12/2008, 08:14 PM

إقتباس

الرسالة الأصلية كتبت بواسطة أحلا هلاليه


	وعليكم السلام والرحمه هلا فيك بيني وبينك افضل الاتصال احسن منها اسمع صوت صديقتي وتكوون طريقة المعايده غيررر لها طعم خاص ومامنك سخفاات محشووم

هـلا بك

و هذا رآيك الإتصآل .. و أنا أفضله شخصيآ
و الشكر على الرد .. ورده

بس وش السالفه [ تقليد ] التوقيع

.؟

مدر17يدي · #22 13/12/2008, 09:46 PM

السلامـ عليكمـ

هلا بـــــ ريان

كل عام وانت بخير وصحة وسلامة

بالنسبة لي الاتصال افضل

C YOU

بريماكس · #23 14/12/2008, 11:59 AM

هلا وغلا ريان

قبل كل شئ تراي كلمت على الرقم اللي عطيتن .. توقع وش طلع ؟

توقع ؟

حرمه

هع وترى ماصار شئ بس سولفنا شوي وصكرته

قالت من وين جبت الرقم قلت واحد قالي انك مفسرة احلام

قالت والله ماني سهله .. شنو حلمك قول .. انا راح اساعدك

قلت الموقف نساني الحلم

المهم ترى اذا تطورت العلاقه انت السبب

الا اقول .. ماعندك رقم مفسر احلام ثاني :$

نجي لموضوعك

ريان التنسيق لحاله موضوع

ماشاء الله عليك عليك تنسيق مثل وجهي زين اهنيك عليه

ٍس / رآيكـ فـي المعآيده بالـ ٍSMS
وهـل تفضل الإتصآل أو الرسآئل ؟ !

جوابي بيقول .. والله ان كان اتصال فهو احسن لكن صعبه بتدق على كل اللي معاك . من شان كذا الرسائل تفي بالغرض .. وطبعاً المقربين لاشك اتصال ..

انا افضل الرسائل

ولا اللقاء وجه بوجه من شان يحلى عيدي بشوفة حبيبي

مع ان فيه ناس تعزهم وتغليهم ولا يكون بينكم شئ !

لان تقول ماراح ارسله ابشوفه ..و على كذا مايحصلك تشوفه .. فتكون لانتب اللي ارسلت ولا اللي شفته !!

مطلق اجل المصري غسان

متى صار مصري

الله يقويك صوت لابن عمك

ريان يعطيك العافيه ولا زودته ولا شئ ولا تقول ذا الحتشي مره ثانيه :@

بالعكس السااااع المباركه اللي نشوف لك موضوع فيها

سلامي

،

مواصل

الكلاسيكي · #24 14/12/2008, 12:38 PM

وعليكم السلام ورحمة الله وبركاته ..

هلا وغلا فيك ريان ورده .. وكل عام وات بخير بعد الزحمه ..

من ناحية موضوعك , انا اشوف انه لا باس بالريائل ان كان الشخص لا يمكن
الالتقاء به , مثلاُ في مدينه اخرى , او دائماَ مشغول او مرتبط , اما ان كان قريب
وشخص مقرب لك وكبير بالسن فالمفروض نزوره ونعايد عليه واكيد بيفرح بنا ..

اما رسائل شات القنوات , سبق وتحدثت عنه وعن الفرق بينه وبين القنوات الدعويه ..

ريان . الف شكر لك ولطرحك الهادف .. وتقبل احترامي وتقديري .
دمت بخير

الهنوووف · #25 14/12/2008, 08:02 PM

وعليكم السلام ورحمه الله وبركاته

هلا بكك اخوي عز الهلال

سالفه المسجات مره صارت تعقدني
والحين صرت ماحب ارسل الا مجبره كرد دين للي يراسلوني فقط
ومن غير نفس بعد
لاني احسها نصب في نصب ومشاعر مزيفه
ومبالغ فيها مره
يعني تنرسل لكذا شخص غيري
ماتوقع بتكون طالعه من قلب
بالمعايدات افضل رساله مكتوب فيها
كل عام وانت بخير يالهنووف
افضل من رساله منمقه لمليون وحده غيري

وطبعا افضل الاتصال

والقنوات
لو بنتكلم ماراح نخلص
تفاهين وناس فاضين ولقوا له شي يشغلهم
لما تقرا هالمسجات من قلب تضحك يعني ناس مدري وش يحسون به

الله يصلح حالهم بس
ويبعدنا عن هالتفاهات

والتصويت
مثل ماقلت ناس فاضين ولقو شي يشغلهم
التصويت انا ضده باي مكان
حتى بقنوات الاسلاميه والسياسيه والرياضيه
سبحان الله ماقتنع فيه ابدا ابدا
حتى لو كان تصويت لنصره الرسول صلى الله عليه وسلم والحجاب وهالامور الهامه
مدري ليه ماصوت صحيح هالامور تهمني وتضايقني
بس بقناعه نفسي ان التصويت مابيغير شي وانه مجرد خرابيط
والتصويت بالبرامج الشعريه والغنائيه
هذا شي ثاني لو تنقلب السماء على الارض ماصوت ان شاء الله

مابقى الا هي فازوا والا قعدوا وش بستفيد انا

هههههههههههههههههههههههههه
ياشين رسايل الي توصل بالخطأ
تذكرت مسج وصل لأمي من صديقتها
بالغلط كانت ناويته لزوجها

وانواع الغزل لانه كان مسافر
هههههههههههههههه

قمه الاحراج

\

/

يعطيك العافيه عز الهلال
والله يصلح احوالنا
جيلك جيل ام اس ام وانا جيل نيدو
شكلنا كثرنا على هالجيل

رحمتهم>>طالعه منهم

تنسيقك يعجبني

تسلفني

الهنوووف
كانت

هنا
ورحلت

فجر الرياض · #26 14/12/2008, 09:06 PM

هلا عز الهلال

بالنسبه للرسايل افضل للبعيدين

بس المكالمات للقريبين ويالله الحّق مايمديني

والباقين مو لازم لارسايل ولامكالمات

راح اشوفهم وعلى الطبيعه اقول ينعاد عليكم يارب

افضل بكثير

وموضوع التصويت ماقول الا الله يرحم حالهم هاللي ماسكين جوالاتهم ويرسلون

عوافي عز الهلال ورده

موضوع حلو وتنسيق احلى ورده

أوَار · #27 14/12/2008, 09:23 PM

هلا وسهلاً ريان مساء الخير ..

لا مانِع من الرسائل إذا كان الشخص بعيّد وصعب الإلتقاء بهِ
عن نفسيِ أفضل الإتصال على الرسائِل : ) ..
مافيّه أحسن من وصل الأرحام والأقارِب
العيّد يومين كل سنه فٌرصة لاتٌضيع

ريان شٌكراً لكَ ياغالي .. مٌبدع بـ الطرح ورده

عـز الهلال · #28 15/12/2008, 12:45 AM

sogeking_20<****** type=****/**********> vbmenu_register("postmenu_10388293", true);

إقتباس


	اما معايدات الـSMS تصدق مره جتني رساله من شخص مسوي لها اعادة ارسال وناسي يشيل اسم اللي مرسله من آخر الرساله

عآآآآآآد ذا دلخ بقوووه

إقتباس


	اما هذولي .. انا غاسلن يدي منهم ولا يهونون اللي بالمجد الاطفال >> مره وحده مرسله تقول خشمي فيه فتحه اكبر من الثانيه تكفون عطوني حل

ههههههههههههههههه
أجل خشم كبير وخسم لا

الله يرجهم هــ المبزره

.

إقتباس


	هلا حياك الله وليت كل الماسخين زيك

الله يحيكـ ..

و يسلملي ردك.. ورده

السمسار الهلالــي<****** type=****/**********> vbmenu_register("postmenu_10388310", true);

و الله أنآ أتفق معك .. الأقآرب مثل الخوال و الأعمام
فـــ الإتصآل أفضل بــ كثير ..

إقتباس


	لاتحرمنا من طرحك المميز يابطل

إن شآء الله ..

وشآكر لكـ مرووورك .. ورده

روبن هود

والله مدري وش أقووولك
بس كل الشكر على الرد ..

ولد عنزة <****** type=****/**********> vbmenu_register("postmenu_10388419", true);

و الله لا خبصت ولا شي
كلامك مفهوووم و موافقك فيه

Z ! Z O O

والله صدقت فيه نآس لابد من من معآيدتهم بـــ الصوت

و فيه نآآآس لا ,,

.

إقتباس


	لا زودتها ولا شى "" فمان الله ..

فـــ آمان الكريم الي يحفظك

يا عبدالعزيز

.

.عاشق 15الفيلسوف.<****** type=****/**********> vbmenu_register("postmenu_10388634", true);

هذا رآآآيك ..

و الله يوفقك .. ورده

....

كل الشكر على من رد ..

و إن شآء الله القيه فــ الطريق ..

ابو طـــــلال · #29 15/12/2008, 02:20 AM

الموضوع حلو ... وأسلوبك زاد من جمالة ..

والهدف من الموضوع مهم وحساس

بالنسبة لي .. انا جتني 130 رسالة جوال تعايد .. هل معقول اتصل على هالعدد كله وأعايده بالجوال .. او اسير على هالعدد الكامل بيت بيت .. خشه خشه .. والعيد كله ثلاث أيام ودك بعد في هالعيد تروح وتجي وتتمشي وتطلع !!

الوالدين ومافوق ( الجد والجدة ) ينعنالهم .. ظروري

العمومه نلقاهم مجتمعين ونعنيلهم بعد ..

الأخوة الكبار نسير على القريب منهم .. والجوال يكفي للبعيد ..

الأصدقاء الخاصين لابد شوفتهم وطلعة معهم ..

اما زملاء العمل .. الأصدقاء من بعيد .. الأقرباء من بعيد يكفي الرسالة .. وكثر خير من إخترع هالرسايل

شكرا لك .. ولاتحرمنا من جديدك يالغالي

المغيري 1412 · #30 15/12/2008, 04:59 PM

ابحرت في موضوعك الرائع استمتعت ضحكت مره واستفدت مره اشكرك بعد كل مره واقول لك عزيزي اسعد بموضوعك واهلا بوجودك ......