نادي الهلال السعودي - شبكة الزعيم - الموقع الرسمي

بسم الله الرحمن الرحيم

اليوم رحت للمبارة أبي عيديتي من الهلال ووالله عطوني أحلى عيدية

لكن !!!

والله الشوط الأول شمس وحر وحسيت بدوخه ( أتكلم بجد ) المهم جلست في مكان استراتيجي أبي الهلال إذا سجل هدف يجي اللاعب لنا يعبر عن فرحته لكن ما فيه أحد معبرنا لما انتهى الشوط الأول صارخت بأعلى صوتي أبي لو أفشل لاعب يرفع يده والله ماجاني غير نظرات الجماهير يقولون ( الظاهر هذا أول مرة يشجع الهلال ما يعرف طبع اللاعبين : الثقل زينة الرجال !! )

قبل بداية الشوط الثاني إنتقلت للرابطة علشان يطلع اللاعبين من جهتي و كل المدرج يصارخ ولا أحد معبرنا .

ووالله ما أكذب عليكم طلع وجه الخير قسم بالله وجه عن كل لاعبين الهلال .

طلع سامي الجابر لابس ثوب شتوي و شماغ كل الجمهور صارخ سامي سامي إلتفت ورفع يده وابتسم .

والله كنه معطيني مليون ريال حسيت فيه أحد مقدرني فيه أحد يقول شكرا لحضورك فيه أحد يعرف قيمة حضوري .

أنا كنت أقدر أتكي زي الشباب في البيت و أكتب في النت : الجمهور الهلالي فاشل ما يحضر لكن قهر لما يحضر الواحد يتحسف الفريق يناظرك بطرف خشمه ليه ؟؟ ما أدري .

المهم قبل نهاية الشوط دخل الفريدي والعنبر غرفة الملابس كل المدرج نادى فريدييييييي عنبررررررر

والله الفريدي رفع يده وحيانا أما العنبر ما ينلام من اللي شافه من الجمهور ما عطانا وجه .

يا ناس والله من الحرقة اللي في قلبي ما عرفت أرتب أفكاري أو أكتب الموضوع بتسلسل .. والله قهر .

كان معي صديقي شبابي كل ما سجل الهلال قول قال أحلق شنبي إن جاء اللاعب يحيي الجمهور .

يقول والله لو هالجمهور شبابي كان لاعبين الشباب عقب المباراة يوصلون كل مشجع لبيتهم من التقدير ( طبعا ينرفزني ) لكن والله قهر نحضر واللاعبين لا يعطونا وجه ولا حتى ابتسامة .

وزيادة القهر قبل المباريات يصجونا إدعموا الفريق بحضوركم .

ياناس من تواضع لله رفعه تعلموا من سامي الجابر يعني بالله وش بيضركم لو ابتسمتوا وحييتوا الجمهور .

قسم بالله عقب حركة سامي قلت يروح الفريق كله فداك ياسامي والله أنت الوحيد اللي تستاهل نحضر علشانك .

و اعذروني إن أخطيت على أحد .

أتمنى من الأخوان اللي جالسين في بيوتهم ما يردون ردود سامجة قل خيرا أو اصمت