انا صراحة اتمنى انهم يدربون اللعيبة على الفاولات


لان الفاولات حسمت بطولات على ايام كوماتشو اذ تذكرون


لاكن نقول عسى الاجنبي اللي بيجيبونه يشوت زي الناس ماهو مثل التكتيكي هذا

وش عنده زاقالو والسير فرجسون .. جالسين يقيمون اللعيـبه !!!

لا وواحد يقـول اقيم ولهامسون 4 من 10 هههههههههههههههههههه الاخ مدرب ولا مقطوع سرك في الفيفا ؟


تبون واحد يسـحب ويحط كباريات ؟ ويشوت وهو يدق رقبه .. عشان يصير رهيـب زي التايـب ؟


ماقول الا الله يصـبـر الاداره صدق عليـنا ... مايعجبكم العجب ولا الصيام في رجب !!

ولله لو اني رئيس الهلال واشوف بعض هالكلام ... ان من القهر لاجيـب لاعبيـن سله واحطهم هجوم عشان اعرف ارفع ضغطكم صدق


تقيمي للمدرب اليـوم 6,3 من 10 :D

على كذا بتفهمني أن المدرب والإدارة كانوا مختلفين مرة عن الموسم اللي راح يوم يتعاقدون مع "ليلو طيرني"؟

الإدارة خسرت عشرات الملايين في صفقة ما جابت المأمول، بتفهمني أنهم بيقولون: ايه صح كنا أغبياء يوم نتعاقد معه؟

لا شفنا واحد يعرف يلعب، بنقول يعرف يلعب، بغض النظر عن آراء المدربين والإدارة.

بتفهمني الحين إن "فيرغسون" لما يبي يحط في باله مثلاً يتعاقد مع بن زيما (اللي قيمته تجيب له على الأقل ثلاثة لعيبة على مستوى)، علماً أن عنده رونالدو، وروني، وبيرباتوف، وتيفيز، فهو موب غبي؟

مشكلتنا نطير ورا الأسامي ولا نحكم على الآداء!

فيرغسون، زغالو، كوزمين (اللي انطرد من ستيوا أول مرة بعد ما أشرف على سبع مباريات هي الأسوأ في تاريخ ستيوا بوخارست)، والحين ويلهامسون!

نص الدوري خلص، وللحين قاعدين نقول: "اصبروا عليه، تراه تكتيكي"

ترا خويكم ذا هو نفسه اللي ضيّع هدفين من كرتين ناولهم له توتي (في مباراة اللي خسر فيها روما بالسباعية) لأن "التكتيكي" ما يعرف يثبت برجله إذا كان بين المدافعين.

ولا تستخفون بعقلية المشجع اللي هو صريح مع الكل ولا يخشى إدارة ولا مدرب ولا يتحرج من أن يقول للمحسن أحسنت وللمسيء أسأت.

طيب ارجع لمواضيع المنتدى اول ماجا كماتشو وتفاريس ... وشف الكلام اللي جا بالذات على كماتشـو وتسفيـل وجايبين لنا لاعب شركات ومدري ايش ... وكلن قام يـبـربر عشانه من دوري (( شركات )) واول مالعب كان مستواه سئ ... وعقبها يوم ضبطت اموره كلن طار بالعجـه ... هذا اللي انا اتكلم عنه يا اصـبر ولا انك بتـصـبر غصـب لان مايمديك تسوي شي !!! (( على بلاطه )) :D فحاول انك تصـبـر من نفسك هذا اولا ...

ثانيا الكل في فتره تسجيـل اللاعبيـن يطالبون بلاعب (( عالمي )) ومزعجينا بكلمه لاعب عالمي .. وجابو لكم عالمي ولا تبيـهم يجـيـبون لك رونالدينهو ولا كاكا ؟ عشان نقتنع ؟

ولو احلف لو الاداره منزلين موضوع (( تمويهي )) قبل ما يوقعون عقد مع ويلهامسون كانت تشوف ردة الفعل اييييييه جيـبـوه ومن هالخرابيط .. لكن يوم جابوه كلن طلع يقيـم ...

اصـبـر واحكم ... ولا تحكم من 9 او عشـر مباريات .. مع العلم ( انه ) له لمساته في هالمباريات يعني كان له دور في بعض الاهداف ...

ثالثا .. العنبـر الضعيـف كلن يقول مخيـس ... والمشكله ماقد طب الا وجاب هدف والعالم الحيـن طاروا به وقبل سبوعين يـبونه ( يتنسق ) ولا يشوف له صرفه ... !! هل اللاعب موب كويس ؟
لا كويس وومتاز مره ... انا مابيه يتفنن لي عند الباب ويتفلسف ويتميـلح ... ولا ابيـه كل يوم قـصه شعر وسكسوكه وخربطه عشان يكون الولد الكوووول والكيوت ... ابيه جته كوره بالباب وبلا فلسفه ... ليـه لانه اخذ فرصه يوم انقطع ياسر عن المباريات ...

الجميـع يطالب بالصويلح ... اوكي الصويلح كويس لكنه اكثر واحد بالعالم (( يوطى الكوره )) تراها كوره قدم ميب تنس ارضي عشان توطاها ... لكن كلن طاير بالعجه وراه ومهمشين دور العنـبـر ... ويوم اخذ الفرصه (((( وصـبـر ونـال )) جاب سبع اهداف في 4 مباريات مدري خمس مباريات


وبعدين تقول احترم عقليات المشـجع !! اوكي احترم العقليات على العين والراس ... لكن خل بعض ( المشجعيـن ) يحترمون ( عقليات القراء ) اجل يجيني واحد يقـول ليه ماجـبـتو (( عيسى المحياني )) بدال ولهامسون .. ذا وش تبيني ارد عليـه يرحم والديك ؟ هذا اسمه شي (( يفقع القلب )) و (( فداغه )) .. واسمه (( يسمع بالكوره ))


الزبـده ... اصـبـر وتصـبـر .. ولا بتصـبر غصب :D هذا اختصار لـردي

ههههههههههههههههه، أوكي شف كلنا متفقين على سالفة أن رضا الناس غاية لا تدرك، لكن الأمور ما تنوخذ بهالشكل.

ويلهامسون لعب في أربع دوريات (الإنجليزي، الإيطالي، الفرنسي، الإسباني)، وهذي طبعاً غير السويدي، وكلها ما فلح فيها لأحد الأسباب التالية: النادي ما يبيه أو لأنه ما يبي النادي لأنه بينزل لدوري الدرجة الأولى (وذي في حالة النادي الفرنسي).

هذا كله وش يقول لي؟ يقول لي أن الولد ما يستاهل الملايين اللي اندفعت عليه، لكن الناس وش قاعدة تقول: "لا تراه لعب في أقوى الدوريات في العالم" ... براون لاعب حاز على لقب أبطال أوروبا وكان له فضل كبير في فوز مانتشستر، لكن ما يستاهل يندفع فيه ولو 10 ملايين ريال عشان يلعب للهلال! (إلا لو كنا نبيه بس عشان نكشخ فيه)

ومع هذا أنا ما دفعت شيء من جيبي، لكن برضه، الواحد ينقهر إذا جابوا له لاعب بمبلغ يجيب مادري كم واحد غيره، وبعد هذا ينقال لك يا المشجع إذا ما أدى هاللاعب: "تراه ما طلع اللي عنده عشانكم تتكلمون عليه في المنتدى (ايه تراه يستخدم ترجمة غوغل!) وعشانكم ما تدعمونه في الملعب".

وويلهامسون أنا أقول لك، كل هالتطبيل اللي نشوفه لسبب وحيد، وهو أنه لاعب دولي سويدي، علماً أن السويد تعيش أسوأ فتراتها الكروية حالياً، إلا لو الناس تبي تقرن اسم السويد بابراموفتش، فذي على قولتك "تسمع بالكورة".

وبصراحة ما في اليد حيلة، بنصبر "غصبٍ" عنا على هـ "التكتيكي"، لكن بيجي يوم نقول فيه "والله أكلنا مقلب ألييييييييييم" ... وكلش يبان من الأول، لأنه ما راح يجيك لاعب وفجأة من لا شيء يبدأ يبدع لك.

روبينيو أول ما راح لمانتشستر سيتي فرض وجوده (علماً أن ما عنده أحد يدعمه)، بيرباتوف أول ما راح لمانتشستر يونايتد فرض وجوده (ولو أن الجماهير الإنجليزية من النوعية اللي لو تقول لها: ناديكم بيتعاقد مع جيجي بوفون، قالوا لك: كم هدف يقدر يسجل؟ يعني أن اللاعب عندهم يتوقع منه يشيل النادي بكبره فوق راسه)، توريز أول ما راح للفربول فرض وجوده.

المقصد أن فيه تدرج، ومباراة عن مباراة يبان الواحد أكثر، ولا نضحك على أنفسنا نقول ما تأقلم مع الجو واللعيبة وكأنه بيصحى من النوم في يوم من الأيام وفجأة بيبدع.

وارجع لمواضيع المنتدى أول ما جاء ليلو، وكيف الناس جاية تبي تقنعنا بأن التعاقد معه كان خطوة سليمة ومو مجرد ترقيعة للمقلب حق كالون، لدرجة أن فيه من قال: "يا ناس تراه أحسن من كالون مليون مرة!".

الزبدة:

ويلهامسون لا هو لاعب هداف، ولا أتوقع منه يسجل بالهبل (لأنه مو من نوعية هاللعيبة، وتاريخه يثبت هالشيء)، وبنفس الوقت لا هو "العالمي" اللي نتوقع منه حلول جذرية ... هو لاعب عادي وعادي جداً مقارنة ببقية اللاعبين في أوروبا.

لكن هل أنا ما أبيه في الهلال؟ ما أمانع وجوده، بالعكس، لكن بالمبلغ اللي اندفع عليه أقدر أجيب أحسن منه! (وترا فيه شيء اسمه تاريخ واحصائيات يا إدارة، ومو مجرد لون الشعر والعيون والجنسية!)

فعلا رضى الناس غاية لا تدرك الحين الهلال من مباراة لمباارة يفوز ولا هو عاجبكم تدورون ملاحظات والله لو الحكم يسجل لنا راضين اهم شي الـ 3 نقاط امركم عجيب اجل كيف لو انهزم الهلال الظاهر كل لاعبين الهلال بيطلعون مقلب

أسمــع , محد يبي ينتقده ويليهامسون إلحيــن , لييييين نرقع بنتيجــه وبنطلع عيوبهم كلهم , وقتها محد قايل لاعب تكتيكي :)



وبعديــن , والله إني أذكرر يوسف الله يذكره بالخير , إذا جااء فااول على منطقــة الـ18 الهلالييين يباركوون لـ بعض كنــّه بلنتي :)



وإلحيييييين شوتاااتهم ناااااايمه , والله إني ما أعررف ألعب كوره إلا بلايستيشن لو أشوت من مكانهم لأعلق الحارس القحطاني :)



وتأملت خيرر قبل يشوت نواف العابد , قلت بس جااك الذيب يفكنا من السويدي , وآخرتها طلع أردى منه بالشوت ,



والله إلي أشوفه محد حااول يمسك مكان الثنيان إلا الشلهوب , لكن ننتظررك ومعك قلوبنا يا شلهوبنا

الله يرحم ايام يوسف الثنيان :clap:

ما جاء في الهلال يشوف الفاول ( هدف ) الا الثنيانs13s و النعيمة:smilie47: ثم جاء بعدهم الجمعانs60s فقط

ونداو:bigeek: كلاعب اجنبي و ريفو :naughty:سبقه

صادق الله يذكر أبو يعقوب باالخير لاعب صعب يتكرر في ملاعبنا السعودية والعربية :)

باذن الله أن ويلهامسون بيتطور مستواه في القادم من المباريات ننتظر وش ورانا :)

الصراحة طارق التائب أفضل صانع العاب فى العالم أفضل ماشفته فى حياتى لايوسف التنيان ولا سامى الجابر يقارن بالأسطورة طارق التائب

طارق التايب على عيني وراسي :smilie47::smilie47::smilie47:

لاكن شكلك ماتعرف الثنيان زين ولا ماكنت قلت الكلام هذا :smilie47::smilie47:


يوسف الثنيان طلع في غير وقتة يعني سبق وقتة بكثير لان الحركات اللي قاعد يسويها هنري ورونالدينو ...


سواها الثنيان قبلهم يعني بالعربي بدري عليهم :smilie47::smilie47:

مع احترامي للتايب لاكن مايقارن بالثنيان باي حاول من الاحوال هذا فيلسوف عصرة وهذا الكمبيوتر وهذا باختصار يوسف الثنيان :smilie47::smilie47::smilie47::smilie47::smilie47::smilie47:

آآآآآآآآآه يا بو يعقوب


بس ترى الفريدي يعرف يركب الكوره صح


واتذكره مع المنتخب الاولمبي وشباب الهلال


يعرف يشوت فاولات