|
آخر فرصة لجمــهور الرياض .. ترى صبرنا بدأ ينفذ منكم السلام عليكم .. كل عام والزعماء بخير وصحة وعافية , وتقبل الله منا ومنكم صالح الأعمال . كنا نعاتب كثيراً جهمور الزعيم في الرياض على عدم حضوره بكثرة في مباريات زعيمنا , وانا بصراحه كنت اعذرهم لأن الظروف غير مناسبة للحضور وأعتقد أن مباراة غـداً فرصة ذهبية جداً لكي يرضوننا ويردون على إنتقاداتنا لهم لإعتبارات كثيرة منها أن المباراة في وقت الإجازة , وتقام عصراً وحصريه ولايوجد غيابات في صفوف الفريق , لذلك انا اقول هذه المباراة جاءت على طبق من ذهب لجمهور الهلال بالرياض ودمتم زعماء , وتمنياتنا للزعيم بالفوز دائماً إن شاء الله |
بكره نشوف جماهير الزعيم بالرياض وانا متأكد انهم يبون يبيضونها :) |
ان شالله جمهور الرياض يبيضون الوجه انا من جده لكن اهل الرياض قدها وقدود وتذكر كلامي بكره ان شالله مشكور على موضوعك تشكراتي |
بكره نشوف جماهير الزعيم بالرياض وانا متأكد انهم يبون يبيضونها :) |
شكلك كاتب الموضوع وناسي مباريات الرياض او ما شفتها بس همهم نقد سر البطوالات ارجع الى مباراه الهلال والشباب والهلال والرائد والهلال والحزم والهلال والنصر وشاهد الجماهير اللتي تبحث عن لومها للتوضيح اكثر ضروف غدا اصعب من ضروف الدوري في اواقات العمل اولا الحج والحجيج ثانيا الاجواء عيديه واهل الرياض 60 % خارج الرياض في المزارع والاسترحات والبر يعني بالمعنى الاصح اتركووو الرياض في حاله والا تستهدفونه في مواضيعكم مثل ما استهدف بعض الاعبين ونريد حضووورك انت يا كاتب الموضوع قبل الاعضاء والا تقول مالكم عذر وانت كذالك مالك عذر لو في اخر الحجاز كلها تمشيه وتعال حياك الله والدوامات الاحد يعني معك جمعه وسبت تقدر ترجع لبيتك لو مشي على الاقدام يبقى جمهووور الرياض هو الرقم الصعب وسر انجازات الزعيم رضى من رضى وابى من ابى |
ان شالله جمهور الرياض يبيضون الوجه |
جمهور الرياض .. !! << عباره جديده ظهرت مؤخرا ً ولا أعرف ما الهدف منها .. ؟!! شكرا ً ،، |
إقتباس:
هلا أخوي خالد . أولاً انا ماأنكر ولايمكن انكر دور جمهور الرياض في تحقيق الإنجازات , فأنتم الرقم الصعب ولاشك في ذلك . لكن ليس انا من يقول ان مباريات الهلال وخاصة في مباريات الدوري اقل حضور جماهيري يوجد في الرياض , ومباراة الوحدة والأهلي دليل على كلامي , لاأنكر أن هناك حضور رائع في مباراة الشباب والرائد الأخيرتين , ولكن هل هذا مانريده من جمهور الرياض . الحضور فقط في مباراة او مبارتين وباقي المباريات ( ساحبين ) هذي الصراحه يالغالي لاتزعل . وانا عن نفسي راح احضر بإذن الله مع اني بحايل , لكن لعيون الزعيم كل شي يهون . ختاماً مشكور على المرور ولاهنت يالغالي |
عزيزي انا اقول التقليل من جمهور الرياض خطا المناطق الثانيه مباراه في الموسم عكس الرياض اللذي يلعب 11 مباراه في الرياض والا تنسى ان ملاعب المملكه كلها لا توازي ملاعب الرياض اولا ملعب جده 20 الف فقط الشرقيه 28 الف والمناطق الاخرى مثل الحزم والوطني ونجران وفعدد الجماهير فيها لا يصل الى 4000 شخص الرياض ملعب الامير فيصل ابن فهد يصل الى 35 الف متفرج واستاد الملك فهد يصل الى 75 الف متفرج اتوقع الارقام والثوابت تكفي ونمتى الدعم والموازره من غير التقليل من حجم الجماهير بالرياض لانهم الرقم الصعب وكثر الله خيرهم بكل وقت وحين |
تراكم ازعجتونا جمهور الرياض وجمهور الريأض ! شف مباراة الحزم الاخيرة وتوقيتها برد + دوامات + مباراة بين ارسنال وتشلسي ووالجمهور حضرٍ اتكلم عن المباراة الاخيـرٍة فقطـ ،، فريق يجي عندكم مباراة في السنة وتملون الملعب وتزعجوننا بينما فريق فوق 12 مباراة عندك في الرياض ونملى اغلبهـا ولا تتكلمونٍ ،، والتـاريخ يشهـد منهوٍ جمهورالريـاض |
إقتباس:
معناها عتب من جمهور الزعيم في مختلف مناطق المملكة على جمهور الرياض , لأنه قليل الحضور لمباريات الزعيم على الرغم أن الأستاد بينهم وعندهم |
إقتباس:
والله كلامك في الصميم:clapping: ملينا من المواضيع اللي مالها داعي _ اخر فرصه لجمهور الرياض_ ليه مو مسددين الفاتورهـ:d اللي يشوف هالكلام يقول المدرج فاضي ..((بديت احس ان ما فيه بالرياض الا انا خخخخخخخخخخ :naughty:).. المهم انا اقول بكر ان شاء الله المدرج فاضي !!:bigeek: لأنو المبارة العصر ويوم خميس - مايمدي الواحد ياخذ له لفه بالثمامه :naughty: ليه كذا توقيت بصراحه فاااااشل تحياتي:smilie47: |
شباب ماتلاحظون ان الموضوع اخذ اكبر من حجمه وانزعج المنتدى بالكلام هذا ....؟؟؟؟؟!! مباراة الشباب الحظور رائع ومباراة الحزم اكثر من رائع خلاص ترى من جد الواحد بدى يرتفع ضغطه لمن يشوف مثل هالمواضيع انا ولله الحمد مافاتتني ولا مباراه للهلال بالرياض لكن السالفه جماهير الرياض وجماهير مدري ايش ليش الانقساميه هذي ؟؟ اكيد جمهور الشرقيه بيحضر اكثر من الرياض لأنه مابيشوفه في السنه الا مره فهمتوا ليش جمهور الشرقيه يحظر اكثر ؟؟ والكلام هذا على جميع مناطق المملكه !! أخوي الكلام هذا خلاص شبعنا وملينا منه جمهور الرياض وجمهور الرياض انا اتوقع الحضور بكره ماش ولو اني الله لايعوق بشر متواجد لعدة اسباب 1/ الناس في عطله واغلبهم برى الرياض 2/ توقيت المباراه عصراً !! غير الضروف الخارجه عن الاراده لكل شخص اتمنى من كل قلبي انها تنتهي المواضيع هذي جماهير الرياض والكلام اللي اشوفه في نظري فاضي أتمنى انك ماتزعل اخوي لكن هذا كلام في قلبي وطلعته و الله لايجيب الزعل أخوك : جلال العتيبي |
جمهور الرياض انشاء الله حاضر بعدين وش صبرنا نفذ اخر مباريات الزعيم اللي في الرياض كان الجمهور فل (الشباب والحزم) وانا حاضرها كلها وكان الواجهه فل |
جمهوٍر آلريآض ,, ! يآكثر مآنسمع هالكلمه .. آلحين آي وآحد يبي يفتح له موضوع قآل [ جمهور آلريآض ] .. :) <- هذ1 الوآقع .. :) وشكلك مآشفت مبآرآه آلحزم وآلشبآب .. للآسف صرنآ جمهور آلريآض و جمهور آلشرقيه وجمهور جـده .. مآصرنآ جمهور آلهلآل .. :yes: بآلتوفيق لـ زعيمنآ .. :) :smilie47: |
إقتباس:
شوف يالغالي : انا ماقللت من تأثيركم في المباريات ابداً ولايمكن ان اقول هذا . انت تقول ان الهلال يلعب 11 مباراة بالرياض في السنه ويمكن اكثر من 11 , وانا قلت في موضوعي أنه انا اعذر الجماهير للحضور في بعض المباريات للظروف القاهره , وهذا شيء لايختلف عليه اثنان . لكن بصراحه بعض المبارايات الحضور الجماهيري مخجل جداً , يعني يمكن تتذكرون مراسل القناة الرياضية في مباراة الوحده الأخيره لما قال : جلست انا وزميلي نعد جمهور الهلال وعرفنا ان عددهم 350 مشجع فقط . انا ماقول لازم تملون الملعب على الآخر . لكن نريد حضور يرفع الراس . على العموم جمهور الرياض على عيني وراسي , وانتقادي هذا ماهو إلا حب وغــلا لهم لاأكثر , |
إن شاء الله جمهور الرياض ما يقصر ابد مع الزعيم |
إقتباس:
يعني الحين الفه بالثمامه احسن عندك من حضور المباراة ؟ على العموم هذي حريه شخصيه لك . لكن هذا ماهو عذر مقبول تتعذر فيه عن حضور المباراة . |
إقتباس:
اخوي جلال العتيبي : انا كل قصدي من هالموضوع اني ابي من جمهور الهلال الموجود بالرياض يوصلون رساله لنا مفادها أن الظروف متى ماكانت مهيأه لنا وملائمه لن نذخر ابداً في الحضور لعيون الزعيم . هذا كل اللي اقصده , اعيد وأكرر أنا أعذر كل الجماهير الهلالية في كل ارجاء المملكه إذا ماحضرت مباريات الهلال لظروفها الخاصه . انا مثلاُ ماحضرت مبارات الهلال والطائي ( 2:3) لأنه كان عندي اختبار صعب جداً مع ان الأستاد كان قريب جداً لي , على العموم اتمنى ان يكون قصدي من الموضوع وصل وفهمتموه . ودمتم سالمين |
يارجال بالليل ماجو تبيهم يجون العصر يبيا ابلني |
كل واحد فاضي يكتب موضوع جمهور الرياض قسم بالله ملينا الي يبي يحظر يدل الملعب فكونا |
ان شاء الله بنكون عند حسن ظن الجميع بكرة ... والتوفيق من الله طبعا |
إقتباس:
والدليل يبدأ من عنوان موضوعك...آخر فرصة لجمــهور الرياض .. ترى صبرنا بدأ ينفذ منكم... من انت حتى ينفذ صبرك من جمهور الرياض... وتعطيه اخر فرصه؟! عبدالرحمن بن مساعد...!!! نواف بن سعد...!! بندر بن محمد...!!! انتبه واحذر في اختيار كلماتك...اذا كنت تقصد ايصال فكره للجمهور الهلالي... اخي العزيز مع احتراماتي لجمهور الهلال في جميع مناطق المملكه...ما فيه اي وجه مقارنه مع جمهور الرياض...ولا يحق لك ان تقارن بينهم...لعدة اسباب من اهمها: - الهلال يلعب على ارضه اكثر من 15 مباراة كل موسم...بعكس باقي مناطق المملكه... -ملاعب الرياض ما يضاهيها من حيث السعه اي ملعب في مناطق المملكه... اتمنى ما نشوف مثل هالمواضيع العقيمه...اللي اشبعنا ردا وطرحا فيها...وكلها اتهامات غبيه وفي غير محلها...واكثر من مره وضحناها... ايضا لست انت من يحاسب الجمهور الهلالي في الرياض...ويعطيه الفرصه الاخيره...! اعذرني اذا قسيت في الرد...لكن صدقني موضوعك اقسى بحماقته...!!! ولكل فعل ردة فعل موازيه له بالقوه ومعاكسه له بالاتجاه... قفله... اذا كان الكلام من فضه فالسكوت من ذهب... |
ما أضن يا خوي إن جمهور الرياض بيحضر بكرة بأعداد كبيرة و أذكرك بعد المباراة لو المباراة في الدمام تشوف جمهور الزعيم مغطي الملعب خصوصا" بعد المستويات الرائعة للزعيم |
جمهور الهلال كل لايتجزأ واحلى جمهور جمهور الزعيم وبالتوفيق للزعيم بكرا |
ان شاء الله راح يبيضون الوجه .................... |
عزيزي انا اقول التقليل من جمهور الرياض خطا المناطق الثانيه مباراه في الموسم عكس الرياض اللذي يلعب 11 مباراه في الرياض والا تنسى ان ملاعب المملكه كلها لا توازي ملاعب الرياض اولا ملعب جده 20 الف فقط الشرقيه 28 الف والمناطق الاخرى مثل الحزم والوطني ونجران وفعدد الجماهير فيها لا يصل الى 4000 شخص الرياض ملعب الامير فيصل ابن فهد يصل الى 35 الف متفرج واستاد الملك فهد يصل الى 75 الف متفرج اتوقع الارقام والثوابت تكفي ونمتى الدعم والموازره من غير التقليل من حجم الجماهير بالرياض لانهم الرقم الصعب وكثر الله خيرهم بكل وقت وحين أقسم باالله العظيم ....إن في ناس ما ادري وش تبي لكن شوف الصور واحكم على جمهور الرياض بعدين....http://www.alhilalclub.com/site/modu...jomerrrrr2.jpg http://www.alhilalclub.com/site/modu...xposureWER.jpg http://www.alhilalclub.com/site/modu..._A/3/27HHH.jpg http://www.alhilalclub.com/site/modu...3/IMG_0006.jpg http://www.alhilalclub.com/site/modu.../NO0S4055s.jpg |
الي بيجي الملعب يجي والي موب جاي عذره معه مايحتاج احد يذكر هلاليين الرياض بالمباره ياخي حنا نحظر تمارين الاعبين في النادي كل يوم تقريبا وشلون عاد مارياته الجمهور اذا مباره او مباراتين ماحظرو مو معناها ان الدوري كله !!!! |
طيب إذا ماجوا وش بتسوي ؟ :d |
كل جماهير الهلال في كل مناطق مملكتنا الحبيبة فيهم الخير والبركة ومافيه فرق بين جمهور الرياض وجماهير المناطق الاخرى شكلنا بنصير أحزاب :d:d |
استغرب بصراحه بعض ردرود الأعضاء على كاتب الموضوع مع إحترامي لكم ( هو صادق ) وجمهور الرياض في اغلب الأحيان ما يجمل والمواسم اللي راحت وبعض مباريات هالسنه خير شاهد على كلامي ،، هو على ما يقولون ( عتب محب ) امنيته انه يشوف الملعب مليان ، والأخوان اكلوها طيب اللي ماله نيه للحضور على الأقل عليه بتشجيع الأعضاء ، ماهو يوقف ضد اننا نطالب بحضور الجماهير ، واللي بيحضر و ( يمن ) علينا بحضورهـ لا رجاءاً خلك فالبيت ( وفكنا من شرك ) والكل يعرف وكلامي اللي بقوله ماهو جديد عليكم ، هو انه من حق النادي على الجمهور ( الحضور ) طيب 100 عندهـ ظرف ، والبقيه ؟؟؟؟ هو صادق مالكم اي عذر ، حضور المباريات الحاسمه صحيح ان الأغلبيه منكم لكن من كل مدينة هناك حضور ( ما ابالغ ان قلت حتى من بعض الدول ) وحضور المباريات النهائية اجباري الواحد يكون هناك ، ودهـ يستانس بالكأس على العموم مشكور يا كاتب الموضوع ونتمنى التوفيق لـ هلالنا ، ونتمنى بعد نشوف الحضور الجماهيري بكثافه كعادة جماهيرنا ..!! |
ألــــــف شكر لك حاضرررين حاضرين |
الرد اللي أفحم صاحب الموضوع بكل صراحة رد المبدع .. ( خالد القريني ) .. جابها على الجرح و خلاك ما تقدر ترد لأنك غلطان بموضوعك الفاشل بكل ما تعنيه الكلمة أنتم يالبقيه مركزين على مباراتين .. الأهلي و الوحدة .. طيب ليه ما تشوفون المباريات الأخرى .. بس تركزون على السلبيات و لا الإيجابيات تاركينها .. الديربي خلينا النصر يرتبك منا و خلينا الملعب يهتز أمام الشباب ملينا الملعب و الواجهة كلها .. أمام الرائد أرجع لشريط المباراة وشف الفن .. أمام الحزم خليناهم يرتجفون من الجمهور .. بس أنت تحب الفتنه و تشويش العلاقات بين جماهير الزعيم بالمناطق .. و انت عضو ما تعرف وش تكتب فما عندك غير هالسالفه .. ][ و التاريخ يشهد بجماهيرية الزعيم بالمنطقة الوسطى على مدى تاريخه ][ .. |
إقتباس:
شكلك تسمع بالهلال .. الله يسلمك جمهور الرياض ما يجمل 12 مباراة كل موسم بينما جدة و الدمام و حائل و تبوك و أبها و القصيم و ... إلخ مباراة أو مباراتين .. يعني لا يكثر رجاءاً و لو بأحلف أنك ما قد حضرت مباراة للهلال .. |
رجعنا على طير يللي !!! جمهور الرياض جمهور الدمام جمهور القصيم جمهـور جده .. كلنا جماهير للزعيم وندعمه في كل وقـت .. مثل هالمواضيع لاتقدم ولاتؤخـر ،، وأعتقد أن جماهير الزعيم ستكون حاضرة بقوة في لقاء الغـد .. |
جمهور الرياض ! ! ! كلناا نشجع فريق وااحد وكلنااا جمهوووور واااحد .. ليش جمهور الريااض ؟؟ ليش مااتقول جمهور الزعيم ... يعني الي في الرياض وهو زاائر لها مايحضر المبارات ؟؟؟؟ بالعكس حناا جمهور وااحد .... |
إقتباس:
.............................. |
لو المباراة في الليل حضرتها اما في العصر مايمديني مافيه وقت مايمديك تغدى وانا الحين في عيد وعزايم وابي اعرف ليش حطوها في العصر الجو في الرياض حلو مهب برد جو معتدل وجميل |
أقول الصراحة والله جمهور الشرقية هم أهل الوفاء بدون قصور في جماهير الهلال اللي في مناطق المملكة حتى شفتوا مطار الملك فهد زحمة والله انا كنت موجود في ملعب الامير محمد بن فهد وقت المباراةوالله الجمهور اللي جاي من الجبيل والأحساء وبقيق ورأس تنورة ومن المحافظات اللي في الشرقية وأقصروا الهرج ياشباب والجمهور بكرة ببيضون وجيهنا |
جمهور الرياض انشاء الله حاضر بعدين وش صبرنا نفذ اخر مباريات الزعيم اللي في الرياض كان الجمهور فل (الشباب والحزم) |
كلنا جمهور واحد .. كلنا جمهور الهلال .. |
لاااااااااا انشالله بيبيضون الوجه ويجوون ويملون المدرجات بعد |
بحلق شنبي لو الملعب فل <<<<<<<<<<<<<<<<<<<<<< |
من جد والله ادارة الهلال يشترون تذاكربالنهايه الجمهور ما يجون ولاكن انشاء الله بيكون الملعب ازرق تحاتي |
ان شااء الله اكوون حاضر انا واخووي .. بالتوفيق للزعيم |
إقتباس:
ليش يرضونك !!!..... انت تطالع المبارة من وراى التلفزيون ماتدري عن المتاعب اللى تصير ولازم تفضى نفسك من بدري عشان الزحمة وكمان الزحمة بعد المباراة اتمني يكون موضوعك اكثر عقلانيه ... انا من الناس اللى الموسم اللى راح ماتركت مبارة للهلال وفوق كذا ماحد يقدرنا وكمان تغلطون فينا .!!! والموسم هذا كمان جالس احضر مباريات سواء كانت كبيرة او مع انديه صغيرة .... ... وفوق كذا جمهور الرياض جمهور الرياض !!!:upset::upset: انا بكرة انشالله حاضر بس مو عشانك ولا عشان غيرك عشان الزعيم يجري فى دمي:smilie47: |
والله ما الظاهر احد بيحضر الرياض مدينة عمل ودراسه وفى العيد كل يروح يعيد عند اهل فى ديرته |
حضك سلمة والله اني كنت ناوي ادخل واحشس فيك لاكن يوم قريت هديت. العيال كانو يمسكوني وانا اقول فكوني عليه لاكن هديت في اخر لحضة اخووووووي والله معذورين المباره تجي في الاستاد الملك فهد والملك فهد بعيد تراءه الرياض مو زي اي مدينه سفر من الشرق الين الغرب والا شف يوم جت في وقت حلووو كلهم يحضرون والا خلها وسط اسبوع وحطها في الملز وش الحضور لانه وسط المدينه تقبل مروي |
تراكم ازعجتونا جمهور الرياض وجمهور الريأض ! شف مباراة الحزم الاخيرة وتوقيتها برد + دوامات + مباراة بين ارسنال وتشلسي ووالجمهور حضرٍ اتكلم عن المباراة الاخيـرٍة فقطـ |
إقتباس:
أولاً ماقصدي اكثر من عدد مشاركاتي يالغالي , لعلمك بس . ثانياً يالغالي , اتمنى ماتنتقص من حق الرجال , انا مشجع هلالي بسيط جداً . لي الحق بإبداء رأيي , وقلته واحترمت الجميع ليس مثل ردك المتعصب جداً , الشيء الآخر قلت ان ملاعب الرياض واسعة جداً وانا سبق وان قلت ان هذا ليس عذر ابداً , يعني لو كان استاد فيصل يسع 30 الف متفرج , مانبيه يمتلي أو نبي يصل إلى 20 الف أو 15 الف . يكفي 10 آلف فقط أو اقل , اقسم بالله وهذي احطها بذمتي ان بعض مباريات الهلال لم يتعدى عدد الجماهير 2000 مشجع او اقل ايضاً والجميع يشهد على ذلك . الشيء الأخير , عامل الناس كما تحب ان يعاملوك به , والحكم من يقولها أولى بمن يهديها إليه |
إقتباس:
" ههههههههههههههههههههههه ماراح اسوي شي :d |
إقتباس:
بصراحه اللي مثلك ما ينرد عليهـ ، لكن للتوضيح ليس الأ : ) انا قلت في بعض الأحيان جمهور الرياض ما يجمل ، يعني خصيت ما عميت وبعدين 12 مباراهـ تحضر أنت واللي معك 6 من اصل 12 وتمن في حضورك علينا ، ليش ؟ طيب باقي المباريات كلها نلقى الحضور الجماهيري بكثافه ؟؟ اما المضحك في ردك هو آخر كلامك ههههههههههههههه للمعلومية أنا من سكان المدينة المنورهـ ومستحيل تمر للهلال مباراة فالمدينة ما احضر او حتى إذا كانت في جدهـ وآخرها آخر مباراة الإتحاد في جدهـ ،، برجع وبقول من حق النادي علينا كجمهور نتواجد بكثافه معه ، ورجاءاً اللي يبي يحضر ويمن علينا في حضورهـ مثل الأخ ، لا يحضر : ) |
اعتقد الموضوع بدأ يأخذ منحنى آخر ،، وضح المقصود في كلام الأخ كاتب الموضوع نتمنى نحن كمحبي للكيان الأزرق أننا نشوف الملعب ممتلئ تماماً سواءً جمهور الرياض أو غيرهـ وبالتوفيق للزعيم |
إقتباس:
اولاً اتق الله يالغالي ولاترمي التهم هكذا . انا طرحت هذا الموضوع وبينت مقصدي منه , اما أنك تتدخل بالنوايا فأعوذ بالله منك ومن سوء ظنك . الشيء الآخر انا أحترم رأيك , لكن ان تصفه بأوصاف قبيحة مثل الفشل , فالمثل يقول ( عامل الناس كما تحب ان يعاملوك به ) وأعتقد أنك لاترضى ان يصفك شخص بأنك عضو فاشل . بالنسبة للأخ خالد القريني , فهو عضو رائع جداً ورد علي وتشرفت برده , ورددت عليه وتفهم مقصدي من الموضوع , فلا مجال للإصطياد بالماء العكر |
من جدك بيجيك بكرا جمهور بالرياض؟ ومع ابها بعد؟؟؟؟؟ ما اتوقع من جمهور الرياض يكون حاضر اذا وصلو 1000 واحد فهو ممتاز عموما الله يوفق الزعيم ونجيب الثلاث نقاط وهذا هو الاهم |
إقتباس:
الغالي انا قلت اللي عنده ظروف لايحضر , الله يعذر بأركان الإسلام فما بالكم بمباراة دوري لاتقدم ولاتؤخر , انا قصدت الأشخاص الذين ليس لديهم إرتباطات . الشيء الآخر الذي كررته وأكرره الآن , انا ماقللت من جمهور الرياض ابداً , على عيني وراسي , انا كلامي هذا عتب محب على الجمهور اللي يقدر يحضر للملعب ولايحضر . افهموني الله يخليكم |
يازعمااااااااااااااء تكفون لاأحد يستعجل بكتابة رد , افهموا الموضوع وبعدين ردوا تكفون . انا قلت ان سبب موضوعي كله تحفيز وشحذ لهمم اخواننا جماهير الهلال في الرياض على الحضور غــداً . لاأقل ولاأكثر , افهموني ارجوكم افهموني |
ههههههههههههههههههههههههههههههههههههههههههههههه كككككككككككككككككككككككككككككككككككككككككككك خخخخخخخخخخخخخخخخخخخخخخخخخخخخخخخخخخخخخخخخ عنوانك غلط يا اخوي المفروض تقول جمهور المناسبات والمباريات المجانيه تلاقهم يسون زحمه في الملعب اما غير كذا مافي الإ البراد |
كل الجماهير فيهم خير وبركه الشرقيه الرياض الغربيه يعطيهم الف عافيه وكلنا باسم الهلال لاتزعلون ياهل الرياض ترى مانقوى ع زعلكم ؟؟؟؟يالغوالي |
جماهير الزعماء اعذروني على هالكلام وربي مو قته وفعلا الموضوع اذا زاد عن حده انقلب ضده نحن في كل مكان من ارجاء المملكه نسمى بجمهور الزعيم فلندع مسميات المناطق { جمهور الرياض وجمهور الشرقيه وجمهور جده ....الخ } فكلنا نسعى لهدف واحد وهو خدمه الزعيم بكل ما اوتينا من قوه فلندع مثل هذه الترهات ونترفع عنها وجمهور الزعيم واعي ولاهو محتاج بين كل فتره والثانيه نرجع لنفس الموضوع فلنبتعد عن هذه الظاهره الدخيله علينا والتي حتى جماهير الانديه الثانيه ماتفعلها بل كل همهم خدمه الكيان اللي يشجعونه ويفخرون فيه واللي يحضر فيه الخير والبركه وان شاء الله من احسن الى احسن والله يوفق زعيمنا يارب |
| الوقت المعتمد في المنتدى بتوقيت جرينتش +3.
الوقت الان » 11:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd