لمــاذا بندر العنــزي يــا كوزمــين ... - نادي الهلال السعودي - شبكة الزعيم

الفتى الذهبي 99 · #1 09/12/2008, 10:43 PM

بسم الله الرحمن الرحيم

كـل عـام وانتم بخــــير , عســـاكم من عــواده وإن شــاء الله السنه الجــايه كلكم حجاجين ومعــرسين ان شاء الله <<<<<<<<<< لا يكثر خش بالموضوع

ندخـــــــــل بالموضوع ( قرأت في اخبار الزعيم ان النادي يبي يعير اللاعب بندر العنزي للـــرائــد .

إن صح الخــبر وحصل هذا , لمـــــــــاذا هذا التهاون في اللاعبين

بندر العنزي لاعب كبير وعنده امكــانيات كبيره وقدامنا بطولة الامير فيصل بن فهد

وكنا حاطين آمـال على اللاعب في البطولة ذي لكـــن لماذا التفريط في هذا اللاعب

والله والله والله كنت استناء بطــولة الامير فيصل بن فهد

على شان اشاهد اللاعب مع النــادي

لاعب لم يأخذ فرصته في النــادي ولا في اي مبــاراه رسمـــيه . واغلب الجمــاهير

اتفقت على ان اللاعب عنده امكــانيات كبيره وهو قريب من لعب اللاعب الكبير ( نواف التميــاط )

اتمـــــنى من الاداره ان تتراجع عن قرارهـــا هـــذا وتبقي على اللاعب

( انا ادري يبي يجي واحد ويرد ويقول ما شفناه والمدرب ما يبيه وما ادري ايش )

انا اقــولك اللاعب عنده امكــانيات عـــاليه جــدا . بس المشــكله مــا اعطــاه السيد كوزمين الفرصه .

لكــــــن همـــسه أخـــيره للاعــب بندر العنــزي

( ســـواء جلست أو ذهــبت بنظــام الاعاره او النقــل النهــائي , تبقــى انت الوحيــد

في قلـــبي ) .

أتمنى لكـ التوفيق

نزيه المشاعر · #2 09/12/2008, 10:46 PM

ان شاء الله بياخذ فرصته بكاس فيصل

.......................

المــراوغ · #3 09/12/2008, 10:50 PM

في إعتقادي إنه لاعب اقل من عادي

كيف ومحمد القرني وسلمان الفرج يتصعدون من درجة الشباب

ويلعبون مع الفريق الاول

وهو حتى المباريات الوديه يا دوب يلعب خمس دقايق منها

مشكلة هاللاعب سوا له هالة إعلامية بكثرة حوارته الصحفيه حسسنا فيها إنه سقراط هالزمان

$الخرجاوي$ · #4 09/12/2008, 11:28 PM

الله يوفقه انشاء الله وانا بالنسبه لي مقتنع باللاعب وكنت اشاهده بدرجة الاولى بطل هالولد

كريزي · #5 09/12/2008, 11:41 PM

إقتباس

الرسالة الأصلية كتبت بواسطة المــراوغ


	في إعتقادي إنه لاعب اقل من عادي كيف ومحمد القرني وسلمان الفرج يتصعدون من درجة الشباب ويلعبون مع الفريق الاول وهو حتى المباريات الوديه يا دوب يلعب خمس دقايق منها مشكلة هاللاعب سوا له هالة إعلامية بكثرة حوارته الصحفيه حسسنا فيها إنه سقراط هالزمان

هاله أعلاميه

أقول زينك قبل هسالفه

المهم بندر العنزي هو خليفة نوااااف ورااح أذكرك ...
وأتمنى أنشالله أن كوزمين مايخربه ويعيره لراائد .. والله تصير نكسه على الاعب نفسه لانه طلع من دوري ضعيف ودخل مـع الكبااااااااااااااااااااار ..أتمنىة من كوزمين معاملته زي معاملته مع الفريدي والدوسري ..ورااح يصير افضل منهم انشالله ... وأذكرك بالكلام هذاا بعد بطولة فيصصصل

بالتوفيق لبدر .. ولصااحب الموضوع

عاشق 10 ادريانو · #6 10/12/2008, 12:02 AM

والله انه لاعب كبير

لكن ما اخذ فرصه

والدليل على انه لاعب رائع

منافسة الشباب والنصر عليه يوم وقع مع الهلال

قسما بالله لو ياخذ فرصه ان ماعاد تشوف المؤشر والفرج

يارب اذا ما اخذ فرصه ينتقل لاي نادي ويبرز عشان يعرفون الهلال انهم فرطوا بنجم

FARIS.1997 · #7 10/12/2008, 12:06 AM

يارجال هو صراحه لاعب عاادي جدا
بارز مع فريقه بالدرجه الاولى اماا مع الفريق الاول صعبه خصوصا انه يلعب في مركز الوسط وهذا المركز الشلهوب ما اخذ فرصته عشان بندر العنزي ما اقول هالكلام تقليل في بندر لاكن صراحه ماله مكان بالزعيم لو انه مهاجم ممكن لاكن قدامه كاس فيصل ان شاء ياخذ فرصته
عوافي عليك انت وموضوعك

سمير ناصري · #8 10/12/2008, 12:08 AM

ياخوان المدرب يعرف الاعب اكثر مني ومنكم الي نعرفه عن الاعب انه بهجر

الاعب متدرب من فتره عند كوزمين وهو عارف امكانيات بندر ولو انه بيفيد

الفريق بهالفتره صدقني ماراح يفرط فيه خلو الاعب يروح اعاره ويتعلم

كيف يلعب في دوري المحترفين ويحتك بالانديه الكبار ويكتسب الخبره

وبعدين يرجع ترى الاعب اعاره ومشكلتكم اذا انتقل للهلال لاعب تبونه

اساسي على طول

الشـادي · #9 10/12/2008, 12:24 AM

و أنت بصحة و سلامة
أنا معك في نقطة أن لعبة مشابة و بشكل كبير للمعتزل حديثاً نواف التمياط
بس أنا في أعتقادي المتواضع أن الأعارة فيها فايدة كبيره له لأن بطولة فيصل بيلعبون بالشباب في التصفيات الأولى و لو تأهلنا للأدوار متقدمة و هذا الي أنا متأكد منة أكيد راح يشاركون الدوليين
فأنا أشوف الأعارة أزين لة

تحياتي لك الشادي . . .

زعـ X5Xــيم · #10 10/12/2008, 12:29 AM

كـــوَزًمــيــــن أبــــخــــص

طنّ أزرق · #11 10/12/2008, 01:14 AM

متى شفتوه عشان تقولوون أمكانيات كبيره ,؟

لاعب مؤثر فالدرجه الأولى صح ؟

أما تبي كوزمين يجازف ويعطيه فرصه , وخط الوسط تتزاحم عليه النجوم ؟

أحسن الأختيار كوزمين , ولو إنه بندر مو لاعب كفوو كان ماقرر يعيره , لإنه مايبي مستواه ينزل

عشان كذا قرر ,,

الكلثم لاعب ممتاز , ؟ !!

الموري ؟

كوزمين ما يبي مستواهم ينزل في دكــّة الأحتيااط , خلاص الخطوط متاكلمه عندي وش أبي فاللاعب في الأحتياط ,

تبي ترجعنا دوري عام 1417

MAO · #12 10/12/2008, 01:32 AM

إقتباس

الرسالة الأصلية كتبت بواسطة عاشق 10 ادريانو


	والله انه لاعب كبير لكن ما اخذ فرصه والدليل على انه لاعب رائع منافسة الشباب والنصر عليه يوم وقع مع الهلال قسما بالله لو ياخذ فرصه ان ماعاد تشوف المؤشر والفرج يارب اذا ما اخذ فرصه ينتقل لاي نادي ويبرز عشان يعرفون الهلال انهم فرطوا بنجم

- - - - - - -

أخوي صاحب الرد العجيب !!!

أفضيت بما في داخلك يالحبيب ... اللاعب يظل لاعب في النادي حتى وإن كان رمز مثل صالح إلى ياسر وزملائه

أخوي بندر العنزي مهما بلغت الآمال فهي كانت نظرة مستقبلية لمستوى اللاعب

بمعنى لو كان لاعب من طراز الموهوبين جداً ... كانت الأفعال أكثر من البوادر والكابتن أحمد الفريدي أثبت النظرية

لاعب موهوب لا يحتاج إلى وساطة أو فرص متكررة حتى يثبت نفسه في التشكيل الأساسي أو الإحتياط " على أقل تقدير "

يالحبيب ... شبيه " نواف " لا يكفي بأن يكون بين الكوكبة الزرقاء بشكله

وبالنسبة لإعارته لأحد الأندية فهذه طريقة متعارف عليها دولياً في زمن الإحتراف

ولكن الأهم ...

مرة ثانية لاتتمنى الندم للهلال ... لأن دم الزعماء يتكدر
وإنت تبقى تركض خلف بندر العنزي حتى لو ذهب لعنيزة !!!

على أية حال

اللوم علينا محبي الزعيم

بدون تحديد .. أكثر من لاعب في التشكيلة الإحتياطية ليس بطموح الهلاليين ومنهم لاعبك المفضل مع المبارك " فاقد البوصلة " والسعود مع أنه يعد من أفضل السيئين

في الزعـيــــــــــــــم مطلبنا الزعــامـــــــــــــــــــة

وهذا لن يحدث بالإعتماد على أنصاف لاعبين .. بل قوة في كل مكان من الجسد الهلالي

تحيتي لك زعـيـــــــــم

ابيض+ازرق=الهلال · #13 10/12/2008, 01:47 AM

انا شفته في الحساء
واحضر مباريات الدرجه الاولى
والله لاعب من الطراز العالي
افضل من لاعب النصر الحضرمي
لان كان اهو نفس الشي في الفريق
كلاهم من هجر

هلالي مدمر · #14 10/12/2008, 01:56 AM

لاعب حركته بطيئه جدا

ما توقع انه يخدم الزعيم

ياليت يروح الرائد وياخذ معاه السعود

كرستيانو فيتش · #15 10/12/2008, 02:03 AM

ان شاء الله يثبت وجوده مثل ابو فريدي