|
محتار وين تونس الاطفال بالعيد تعال ووسع صدرهم مساء الخير وكل عام وانتم بخير طبعا الرياض قمة الزهق في العيد وين تروح :( المهم انا قلت لا خوي الصغير وعيال قرايبنا ويقولن للي يعز عليهم بونسكم يوم الخميس قالوا وين قلت مبارة لنادي الهلال يقولون نشوف الاعبين :bigeek:يعني قلت ايه:yes: نط علي واحد صغيرون يقولي ابي العب:d لووووووول انا والله مت من الضحك قلت له لا ما يصير:nono: قام يصيح الا بلعب ولا ما اروح قلت اجل لا تروح قام يصيح وراح لابوه يتشكى قلت ابشر يا عم نخليك تلعب قالي عندي طقم التايب وابي العب بمكانه قلت ابشر من عيونيs60s مالكم باطويلة يا حلوين نصيحة مبارة هذي ان شاء الله الزعيم بيفوز وفيه مهارات والجو روعة العصر ويوم خميس وعيد يعني الي عنده قرايب اطفال او اي احد انا والله اشوفها مناسبة للحضور جدا وان شاء الله الفوز للهلال وكل عام وانت بخير وان شاء الله الصدارة لبناء جيل جديد للزعيم |
ما قصرت يالغالي والله يقويك دعوة لكل الجماهير لمساندة الزعيم يوم الخميس واتمنى من الجميع عدم الإستهانة بالخصم مهما كان |
هههههههههههههههههههههه الله يعطيك العافية أخوي ويحفظ لك أطفالك وقرايبك كلهم فديت الهلاليين أنا وخاصة إذا كانوا أطفال دعوه لكافة جماهير الزعيم ,, عيديتكم بالملز ... وحنا يا أهل القصيم عيديتنا يوم الأثنين إن شاء الله قدام الرائد |
ما شاء الله عليه يبي يلعب مكان التايب خلاص ولا يهمه بنفسخ العقد مع التايب وبنوقعه معه>>كخخخخخخ يا حظكم يا العيااااااااااال آآآآآآه لو أني ولد أصلا ما راح أقدر أشوف المباراه لأنها مشفره وغير كذا وقت عيد والنهار كله بالمخيم أتوقع الحضور الجماهيري بيكون متواااااااااضع |
يالبى قلبه يا شيخ فديته عسى ربي يخليه لكم ويحفظه يارب وان شاء الله راح اجيب عيال اختي ثنين كويتيين بس راح اخليهم يموتون في الزعيم هع هع |
اهم شي البزارين يستنسون بالعيد وبلمسات البرنس طارق التائب ولاعبين الزعيم اما عن البرز الي يصيح خله يطب بالملعب ويعلب مافيها شي هههههههههههههههه الله يعينك بس بالملعب بينشب لك |
مشكوووووووووورين جميعا على المرور العطر ويارب نفووز بالنسبة للنساء ان شاء الله يفتحون قسم خاص بالعوائل :) |
ههههههههههههههههههههههههههههههههههههههههه خله يلعب مكان التايب خله ينبسط ويفلها |
بالتوفيق للزعيم بالقادم من مباريات مهمه |
المشكله اني بالشرقيه ويمديني اجيلها إذا كان بالاستاد الملك فهد بس الملز صعبه لاني مادله |
الخميس مو عيــــــــــــد :s |
الا عيد الهلال الحقيقه بتحقيق النقاط الثلاث |
والله فكره حلوه انا ناوي الروحه .. وطالما العصر فرصه ناخذ الصغااار يعطيك العافيه |
ميلانيلوو اسهل شي بالعالم الملز بوصف لك توصيف الي جاي من كندا يدله انت جاي من الدمام روح سيداااا خخخ ( بتسمع سيدا كثير ) على الدائري الشمالي يجيك مخرج 7 سيدا بعده 6 سيدا لحد مايجيك مخرج 5 طريق الملك عبدالعزيز اطلع المخرج ورح يسار _ باتجاه الجنوب بتزهق من كثرة الاشارات .. لكن هذا الوصف البسيط خليييك سيداااااااااااااااااااا لحد مايجيك دوار قاعدة الرياض امسك الدوار ولا تغلط وتروح يمين خلك مع الدوار باتجاه الجنوب وسيداا بتجيك اشارة وبعدها كبري كماااااااان خليك سيدااا بتشوف مستشفى قوى الامن على يمينك خليييك سيدااا لحد ماتشوف الملعب على يدك اليسار وتمتع بمباراه شيقه |
ياااحــليله أجل بيلعب مكان التايب واذا مو لاعب ماهو جــاي أجل مجبورين نلعبه ويستاهل 10 مليون قيمه العقد بالتوفيق للهلال وان شاء الله الفووز |
| الوقت المعتمد في المنتدى بتوقيت جرينتش +3.
الوقت الان » 07:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd