|
بصوت عالي .. لا للمهاجمين المحليين بسم الله الرحمن الرحيم ... كل عام وانتم بخير .. وتقبل الله منا ومنكم صالح الاعمال .. كثير الحديث .. عن مهاجم محلي في صفوف الهلال في فترة الانتقالات الثانية وكأن البعض يتحدث عن نادي( ضمك ) مع احترامي للجميع لنفرض ان الهلال يستعاقد مع ( الـمحياني ) لاعب نادي الوحده !! قبل الكلام عن الماديات هل مستوى اللاعب افضل من مهاجمين الهلال ( العنبر ,, الصويلح ) ؟؟ انا عتقد وبقوه ان مهاجمين الهلال السابق ذكرهم افضل لنفرض جدلا انه افضل من مهاجمي الزعيم الحاليين بكـم سيتم التعاقد معاه ؟؟؟ اذا كان مدافع الهلال الحالي(( اسامه هوساوي )) بــ 13 مليون موسم واحد .. بكم سيكون مهاجم فريقه السابق !!! وهل يستحق ذاك المبلغ ؟؟؟ الافتراضية الثانية : التعاقد مع ( السهلاوي ) السؤال يتكرر هل مستواه افضل من مهاجمي الزعيم الحاليين ؟؟ واعتقد ايضا ان مهاجمي الزعيم الحاليين افضل لنفرض جدلا انه الافضل وبمراااااحل عن مهاجمي الفريق الحاليين بكم ستكون هذه الصفقه .. الجميع يعرف (( طمع )) نادي القادسية بالفرق الكبيره .. هل يستحق كل هذه المبالغ ؟؟ بينما لو دفع مبلغ هذه الصفقتين (( الفاشلتين )) ان تمتا او احداهم لو دفعت في مهاجم اوربي ذو مستوى عالي ... خصوصا وان الفرق العالمية تعاني من مشكلة الازمه الماليه .. (( يعني بيكون رخيص )) بعتقادي افضل 1000 مره من مهاجم محلي ولكم تحياتي ... نبضي الزعيم بكــم |
السلام عليكم قوّه, كيف الحال؟ ياحبيبي, المهاجم إذا بغينا نجيبه ومستواه كويس وبنفس الوقت محلي يعني على سبيل المثال (المحياني) واللي بصراحه اعتبره افضل وبمراحل من العنبر مع احترامي له ولو ان العنبر هاليومين مستواه في تصاعد, لكن مانضمن ان مستواه يستمر في تصاعد, او على الأقل يثبت على هالمستوى اللي يعتبر شبه كويس, أما المحياني فمستواه معروف وثابت, يكون افضل من اننا نجيب مهاجم غير محلي, لأن الغير محلي بينحسب عليك محترف من الثلاثه الأجانب, لكن إذا صار فيه محلي بنفس معطيات اللاعب الغير محلي, أكيد افضل ولايوجد مقارنه... فهمتني:surprised:؟ شكراً لك :d |
احترم وجهة نظرك بس انا اقول السهلاوي والمحياني احسن من العنبر والسعود واحترم كاتب الموضوع بصراحه ماكتبت موضوعك الا انك شايف موضوعي كل الانديه الا الهلال استكشفوا مواهب ..................... وكان مطلبي السهلاوي او المحياني |
حياكم الله جميعا ياخوان احترم وجهات نظركم طيب خلونا نحسبها بالارقام المحياني .. نسبة تهديفه ضمن فريقه سيئه والسهلاوي .. درجة اولى ومستوى فريقه سيئ (( ماقدم شي للفريق )) لو فيه شمس بانت امس يا جماعه هذولي مو طموح الهلال .. يعني قلي مالك معاذ اقولك معك حق اما سهلاوي ومحياني .. معليش مو مستوى الهلال ابدا بني لاعب اضافة للفريق مو نعلمه كيف يلعب |
إقتباس:
بس عيسى يبقى هداف مميز ................. |
المحياني افضل ممن ذكرتهم مع احترامي للصويلح والعنبر لكن السهلاوي ما نبغاهـ لاعب عادي من وجهة نظري |
مهااجم محترف اجنبي أكيد يبي يجي ...؟ بس لازم نتعاقد مع لاعبين محليين يفيدون الزعيم ويصير تنافس بين الاعبين والمحترف الاجنبي انشالله يصير قد الطموح :smilie47: |
انا اظم صوتي للاجنبي في الهجوم والمحلي بالظهير الايمن سوا الرهيب او غيره لان الهلال بحاجه الى ظهير ايمن ضروري لان نامي لاعب مجتهد لا اكثر |
بالعكس .. المحياني افضل من العنبر .. نحتاج مهاجم محلي داعم .. و مهاجم اجنبي عالي المستوى |
بصراحة وبدون زعل المحياني امكانيته افضل من الصويلح والعنبر ولو صار مهاجم مع ياسر والله هجوم الهلال بيصير ممتاز |
بصراحة وبدون زعل المحياني امكانياته افضل من الصويلح والعنبر ولو صار مهاجم مع ياسر في الهلال صدقوني بيصير هجوم الهلال ممتاز |
إقتباس:
إنه في نادي قوي صدقني بيصير الهداف بكل سهولة |
اخوي انا معك المحياني اشوف انه لاعب عادي .. والصويلح أفضل منه ..والمحياني مهوب صغير ..يمكن عمره 26 او أكثر ..!! لكن أختلف معك في السهلاوي .. صراحه السهلاوي لاع بأمكانات عاليه .. وهو توه صغير يعني يمكن 21 سنه تقريبا .. وقد قال بعض النقاد انه يمشي على خطى ماجد >> هذا الكلام انا قاريه في احدى المجلات ..!! والسهلاوي ما أتوقع يكلف ولا نص مبلغ المحياني .. : صراحه أتمنى السهلاوي يرتدي شعار الزعيم . |
إقتباس:
|
مافيه مهاجمين محلين يستاهلون التعاقد للاسف الا السهلاوي ويمكن بعد |
إقتباس:
شدعوه ابصم بالعشره انك غير متابع القادسيه متصدر دوري الدرجه الاولى والسهلاوي الاول في قائمة التهديف لفريقه والدوري باكمله وشايل الفريق شيله اما المحياني فهو هداف الوحده منذ سنوات وقائمة التهديف ما تخلى منه |
ياجماعه واضح الاختلاف في الراي يا حبايب صدقوني مانجتاج لاعبين محليين والي قول شف فريق المحياني على فكره ترا الحسن اليامي في نجران وهداف فريقه يا جماعه ليش مانعطي لعيبتنا فرصه شوفوا العنبر لما اعطي فرصه بدع والصويلح الموسم الي راح لما اعطي فرصه بدع بدل مانخسر مبالغ في لاعبين مستوياتهم ماتفرق كثير عن الي عندنا نجيب محترف عالمي كبير ويضيف للفريق |
أولا كل عام وأنتم بخير أنا أشوف أن السهلاوي لاعب يحتاج لوقت يعني مايقارب السنتين ( نعطي الفرصه لولدنا العابد أفضل ) أما المحياني فسوف نندم كثيرا لو رحل لغيرنا لأنه لاعب متكامل ينجح مع أي فريق ( تحركات صحيحة / ون تو / صناعة لعب / تحضين ممتاز على الكرة / هداف / يشوت فاولات / بلنتيات ) نحن نحتاج لاعب اذا اعطي الفرصه أصبح نجم كبير مثل ياسر الذي يعتبر كل مادفع فيه حلال والمحياني كذلك أما العنبر والصويلح ممتازين كأحتياط فقط أما أساسيين في الهلال قوية عليهم . اليوم عكاظ نزلت خبر أن المحياني في طريقة للشباب أتمنى ما تتفرج ادارتنا . |
الله يخلف عليك اجل المحياني تقارنه بالعنبر والصويلح وش تقارنهم فيه بينهم وبين المحياني 1000 اختلف يالطيب المحياني يجي بعد ياسر ومالك في هجوم السعوديه تقارنه بذولي صح لو تقارنه بياسر صح المحياني راس و سرعه ومهاره وياخذ مواقعه صح ومرواغه عيسى محياني ترتيبه من بين الهدافين 2008 الثالث . و2007 السابع . و2006 الاول على الرغم من ان ليس في الوحده صنعين لاعب اجل لو يجي الهلال وبصناع الاعب المميزيين التائب والفريدي انشاء الله بالموسم يسجل 40 هداف وعمره صغير 25 سنه مادري ليش تحبون الاجانب ويلي مقالب يعني للحين مااتعضتو الاجنبي مواسم ومنقلع اما السعودي اذا الله ارد 10 مواسم ولا 7 يعني تستفيد منهاا ومبلغه رخيص ماهو مثل الاجانب واحد داج 3 مليون يورو مواسم يعني ماستخسر هالمبلغ على واحد من وطنك يخدمك اكثر من 5 سنوات وومسلم ماهو كافر |
اي مسلم وكافر داخل حرب صليبيه انت عموما تعال كل يوم واحترم وجهة نظرك |
السهلاوي والمحياني احسن من العنبر والسعود واحترم كاتب الموضوع |
إقتباس:
يعني لو تطير وتوقع ماجبنا حتى ولو بالاعاره اخوي اجل من الطموح هنري - كرستيانو رونالدو - رونالدينيو - روني - برباتوف المحياني والسهلاوي اللي يقول عنهم موب طموح الهلال اقوله اسمحلي مايعرف في الكوره |
إقتباس:
وبعدين اللاعب مهوب صغير .. 26 او اكثر ..!! والسهلاوي توهـ صغير 21 تقريبا .. !! واتوقع المحياني ما تقل صفقته عن 15 مليون او أكثر بعد ..!! والسهلاوي 6مليون تجيبه يا رجال .. |
إقتباس:
ولكن عندما حضر للهلال اظهره الهلال ..بشكل اكبر مما كانت سمعته في فريق القادسية .... لاشك ان هناك نجوم في فرق ضعيفه لكن لم تسلط عليهم الأضواء ....!!! فلهذا لاتبخس لاعبين الفرق الأخرى فربما ياتي لك زي ياسر واكثر كمان ...!!! اما عن المحياني فهو من افضل ثلاثة مهاجمين سعوديين حالياً ..ياسر ،، مالك معاذ ،، عيسى المحياني وترتيبي بالنسبه لهم مالك معاذ الأول ،، عيسى المحياني الثاني ،، ياسر القحطاني الثالث ..وهذه وجهة نظري انا فقط ... والتي اراها ..بغض النضر عن صدق حقيقتها ...!!!! وكيف تقول انه ضعيف في التسجيل مع فريقه وانت لم تتطلع الى قائمة الهدافين في الدوري السعودي ..!!!! عام 2006 هو الهداف وعام 2007 ترتيبه الثالث برصيد 14 هدف وهذه السنه ينافس على الهدافين ايضاً !!! ارجوا يا اخي ان تتحقق من قلمك ...جيدا ..فهو ليس هداف فريقه فقط بل احد هدافين الدوري السعودي وهذا حقق مالم يحققه ياسر القحطاني وهو في فرق مثل الهلال !!!!!!!!!!!!!!!! |
لكم كل الإحترام جميعا ... انا الي بقوله بإختصار انه مافيه مهاجم سعودي يحقق طموحات الفريق غير مالك ومالك جدد مع الاهلي يعني موب لازم محلي نجيب اجنبي وافضل حتى من مالك ومن ياسر ليش لا ياخي الاندية العالميه ولا لاعب فيهم محلي ليش الاصرار انه محلي دام عندنا فرصه نجيب ثلاث لاعبين اجانب نستفيد من هالشي |
| الوقت المعتمد في المنتدى بتوقيت جرينتش +3.
الوقت الان » 11:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd