|
فكرة تدر علي النادي ملايين الريالات ... بسيطة مرة السلام عليكم ورحمة الله وبركاتة ,, كــــل عــــام وانتـــــــم بــــخـــير بعد فتح المجال للاندية للاستثمار الرياضي لايخفي عليكم ان الاندية الاكثر جماهيرية باستطاعتها ان تجعل خزينت النادي عامرة بالملايين أما بالتعاقد مع شريك رسمي كما هو الحال للهلال وموبايلي . او بخدمة جوال النادي وهذة ايضا موجودة مع موبايلي الهلال ... وبحكم متابعتي للدوريات الاوربية وتحديدا الدوري الانجليزي وهم الاكثر خبرةفي مجال الاستثمار هناك طرق تدر ملايين الدولارات للنادي وللاسف لم ارا الي الان اي نادي طبقها فعليا ..... الفكرة بسيطة جدا ولاتكلف النادي شيئا يذكر سوا التنظيم للخدمة بتخصيص اشخاص للتنسيق . نبدا بنجوم الهلال الاكثر شعبية بين الزعماء وبعدها ندخل بصلب الموضوع .... 1_ يــاسر القحطانـــي 2_ طارق التايب . 3_ محمد الدعيع. 4_ ولهامسون. 5_ خالد عـــزيز. 6_احمد الفريدي . هؤلاء اعتقد من خلال المنتدي والاسواق بالنسببة للاطفال هم الاكثر شعبية .. ولن انسي الاسطورة سامي لان لة نصيب من الشعبية حتي بعد الاعتزال .... الفكرة تتلخص في الاتي ... الاولي : التصوير مع النجوم ... ويقوم من يريد التصوير بارسال رسالة الي رقم موحد من موبايلي يكتب فية اسمة كاملا ويوم التصوير علي ان يكون بعد ثلاث او اربع ايام من ارسالة للرسالة تحاشيا لكثرة الارسالات وللتنظيم وايضا اسم اللاعب الذي يريد التصوير معة ... وتكون تكلفة الرسالة عشرة ريالات مثلا وعند التصوير يدفع ايضا عشرة اخري تكون القيمة الكلية للتصوير 20 ريال واذا لم ياتي بالوقت المحدد يكون النادي ضمن 10 ريالات منعا للتلاعب والاستهتار ... ويكون التصوير بعد التمرين مباشرة ولا يضر اللاعب الجلوس 15 دقيقة للتصوير مع المعجبين .... الثــانية : مرافقة اللاعب قبل المباراة .. خـــــاص لمن هم دون 15 سنة عند نزول اللاعبين لارض الملبع يكون ممسك بيد طفل الي منتصف الملعب والتصوير معه من قبل مصور نادي الهلال ويتكفل النادي بشراء القميص فية رقم اللاعب الذي يرغب الطفل ان يرافقة ولكل لاعب قيمة حسب شهرة اللاعب وحسب اهمية المباراة ... مثل ياسر القحطاني ... ومباراة بين الهلال والنصر تكون القيمة 1500 ريال او اكثر او اقل حسب راي النادي .. ارجوا ان تصل الفكرة للادارة حتي نستفيد من شعبية الهلال الكبيرة. نقـــطة اخيرة : كلنا نعلم شغف الجماهير خارج منطقة الرياض لرؤية الهلال فما بالكم اذا كان بالامكان التصوير معهم اترك لكم التعليق وعـــــــــــيد سعـــــيد ,,,,,,:smilie47: |
ولله فكره حلوه واتمنى من الاداره تاخذ فكرتك بعين الاعتبار وشكرا لك |
الثانيه ماتنفع بس الاولى حلوووووه |
والله فكرة حلوة ... واتوقع سوف تكون مربحة للهلال عموما انا اول واحد ابدفع للتصوير مع النجوم الزرقاء ... s13s |
هذا إستغلااااااااااااااااااااااااااااااااااال |
أفكار حلوة وتدل على عقلية تجارية بأتخذ طريق التلاعب والإستهتار في الفكرة الاولى بأرسل رسالة ولا اروح في الموعد علشان ادعم النادي بنصف القيمة ولا عندي وقت ثانيا وكفاني ما يوجد عندي من صور وفيديو مع اللاعبين ثالثا يعطيك العافية |
فكره حلوه وخاصة التصوير ومايحتاج رساله يكون في مقر النادي اي واحد يبي يصور يجي لمكان محدد ويصور |
فكرة جيده وتحتاج الى أعادة تدوير وتطوير ولكن تبقى أطروحات ممتازه واتمنى من الاعضاء عدم ( تحقير الفكرة ) لانها وجهة نظر صاحبها وهي قابله للاخذ والرد مع شكر صاحب الفكرة لحرصه على مصلحة الهلال |
لا وهذا انت متابع الدوري الانجليزي ومتابع استثمارات الانجليز اقول الله يخلف عليك . للأسف توقعت فكرك ارقى من كذا بصراحه فكره بايخه ولن تدخل لخزينة النادي شيء يذكر... |
إقتباس:
من اليوم وانت ماسك تحطيم بالأعضاء ..!!! قل خير أو اصمت .. عوافي على الفكرهـ وأتـوقع أخوي اللي يبي يصور مع لاعب لو بعد مايخلص من التمرين سواءً بالشارع أو اي مكان , |
صراحه فكره مع احتامي لك مالها داعي خصوصا ان الاعب بيكون بعد التمرين بيروح يشوف اهله اصدقائه مو فاضي يقعد يصور ومدري ايش فكره صعبه الا مستحيله التنفيذ |
طيب ليه ما يسوون مثل الأهلي لمصري يحطون نادي لياقي بسعر رمزي داخل النادي وينقلون النادي لوقع بحيث يكون متاح للجميع ويحطون محلات تجارية على سور النادي ويتم تأجيرها ويفتح النادي محلات تجاري باسم النادي ويتم فيها بيع أطقم وإكسسوارات هلاليه بحيث تكون حكر على المحلات هذي لأن أشوف البنقالية يستفيدون من كل شي حتى ( وجه الجوال ) تلقى عليه شعار النادي وتكون بأسعار رمزية ويكون الربح فيها قليل والأفرع منتشرة بالرياض أنا متأكد إنها راح تدخل على خزينة النادي الشي الكثير تقبل مروري |
مشكور يالغالي على طرحك الراقي وفكرة تاخذ بعين الاعتبار وتقبل مروري يالغالي وكل عال وانت بخير |
وين يا اخي ؟؟!!!! والله حرام عليك .... اذا كانوا صغار بتسرقهم واصلا تفكيرك تفكير صغااااار.... تقبل رأيي ... sniper20 |
اللاعبين يجب أن نخرجهم من جو الإستثمارات مهما كانت تدر مال للنادي .. فإذا كان اللاعب مشتت بين تصوير و إعلان و مرافقه شخص و خلافه من المستحيل أن يكون أدائه في الملعب طبيعي .. فيجب علينا أولا و أخيرا بعد اللاعبين عن أي ضغط قد يؤدي لهم لأننا في المقام الأول .. نريد الإنتصارات و لا شئ غير ذلك .. قد يكون تحوير بسيط لفكرتك .. تؤدي إلى عدم ضغط اللاعبين و عدم تشتيت ذهنهم .. بإعطاء مثلا ياسر 100 صوره له و هو يوقعها بشكل سريع .. ومن يرغب بها يدفع عليها مبلغ مالي بسيط .. قد تكون ليست فعاله مثل طريقتك و لكنها بالتأكيدلن يتأثر اللاعبون منها .. |
| الوقت المعتمد في المنتدى بتوقيت جرينتش +3.
الوقت الان » 11:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd