|
ننهزم ننحشر ننضغط ننفرش بس كوزمين ابخص....!! الظاهر ان كوزمين هو اللي يفهم والجميع لا يفهم كل ما حكى واحد في المنتدى وانتقد التكتيك نط له واحد ثاني وقال كوزمين يفهم انت وش فهمك في التكتيك.... يعني كلام فقط ينقال بس عشان المعاكس والمحارش وترديدة ينم عن عدم المام صاحبة وعدم متابعتة للمباريات وطريقة لعب المدرب بالمقارنه مع المدربين الاخرين بل يدل على عدم وجود خبرة للمشجع المشاهد وعدم تقدير وفهم قدرات فريقة... فمثل ما للاعبين والمدربين خبرة توجد خبرة للمشجعين ونظرة واضحة ومقارنة بأداء الفريق. سنين واحنا نتابع الهلال ونعرف احسن المدربين اللي مرو على الفريق ونشوف بعيوننا نتائج التكتيك والي الحين تونا ما نفهم ولا نعرف...... وكوزمين ابخص...!! أستغرب من ردود كثير من الاعضاء كل ما حكى واحد نطو له .......بكوزمين ابخص...!! الفريق في مباراة الاتحاد أمس كان مضغوط والدعيع والدفاع والمحاور كانو يتحملون ضغط الاتحاد في الشوط الثاني بسبب وقوف التايب وخمول ويلهمسون وضايع العنبر وسكون الفريدي وكوزمين يتفرج ولا يبي يغير وينشط خط الوسط .....ويقولون اص اسكتو انتو ما تفهمون كوزمين ابخص.....!! نقول ويلهمسون ما قدم اي شيء يشفع له بالمبلغ اللي تقاضاة .....يقولون اص انتو ما تفهمون اصلاً ويلهمسون لاعب تكتيكي وكوزمين ابخص....!! نقول ان كوزمين ضيع العنبر يوم تركة يرجع يساند النص والعنبر معروف عنه في تاريخه ماقد رجع يساند الدفاع لانه في الاصل لاعب ثقيل ودورة فقط يتمركز ويفتح خانه ما يرجع ...... يقولون لا العنبر سيء وكوزمين يفهم وانتم ما تفهمون!! نقول ان التايب واقف عيني عينك في الشوط الثاني ولا تحرك يعني افهمها ياكوزمين وغيره بالشلهوب ..... يقولون لا ماتفهمون كوزمين شاف في وقفة التايب شيء ما شفتوه!! نقول ويلهمسون كان الاجدر في الشوط الثاني ادخال الصويلح بديلاً له وسحب الاتحاد للخلف .... يقولون لا انتم ما تفهمون ولا تعطون رايكم اص ولا كلمة وخلو صاحب السمو الملكي الامير كوزمين يحل ويربط نقول لهم بنشجع هلال يقولون اص ولا كلمة ورحو ارقدو ولا تشجعون لأن كوزمين ابخص ...!!!!! |
وهذا الصدق كوزمين أبخص ولا وش مهمته مدرب ياخوي لو على كلامك كان الجماهير تبي تحط التشكيله كاااان سوا لكـ فوق 1000 تشكيله خلنا واقعيين وانتقادكـ للتايب التايب هو صح لم يقدم مستواه المعهود بسبب أنه مراقب من محورين الأتحاد وهذا خطا الفريدي ويلهمسون الذين لم يستغلوا هالنقطه هذي وتحررهم من الرقابه لو أن الفريدي أبدع أما ويلهمسون للحين ننتظر منه الكثير وخاصه أن الهجوم يحتاج لاعب مثل ياسر يجيد التمركز خاصه المباريات هذي |
وليش يسمونه مدرب وبعدين كلكم تشوفون ان ويلهامسون ماقدم شي بس انا والله اشوفه سوا كثير بس ماعنده هجوم |
اولاً: يالغالي كوزمين مدرب كبير ...والاكيد هو ابخص...لكن بعطيك وجهة نظري واتمنى تقبلها لو شاهدت لعب نادي الاتحاد في المباراة وتكتيك كالديرون ...راح تتفهم تكتيك كوزمين كالديرون يعلم يقيناً انه لايستطيع مجابهة وسط الهلال...والدليل أن اغلب هجمات الاتحاد من كورة طويلة على الاطراف...كوزمين حاول استغلال الفراغات على الاطراف في الفريق الاتحادي بوليهامسون والفريدي وجعل طارق امام محاور الاتحاد في محاوله لاستغلال اي تحرك من محاور الاتحاد في تغطية الظهيرين وايضاً اذا لم تتحرك المحاور فإنت راح تستفيد من الفراغات المجوده لدى وليهامسون والفريدي بالاطراف واصبح طارق طُعم .. لما تقول ان محمد العنبر لايتقن الرجوع للنص اقولك بل يستطيع واكبر مثال هدف الثاني العنبر في الشباب من وين جاب الكوره الين اعطاها طارق وفتح مساحه لنفسه وسجل الهدف..اعد هاللقطه راح تعرف ان محمد العنبر يستطيع برضوه شاهد كورته امام الاتحاد بالكعب لويليهامسون اللي رفعها للفريدي بالشوط الاول...مو شرط أن يكون المهاجم دائماً هو المطلوب منه الاهداف احياناً يكون دورة تكتيكي بسحب مدافع للنص وفتح مساحات للاعبين الاخرين المندفعين من الخلف..ولو فرضاً جدلاً ان محمد العنبر لايتقنها فما المانع ان يلقنه المدرب هذه الطريقه ..!! لاتنسى يالغالي انك تلعب امام الاتحاد وفي ارضه...وزجه بالخثران في الطرف اليسار وفهد سرور باليمين وتنشيط خط المقدمه بالاعب نشيط دليل انه حاول استغلال اندفاع الاتحاد وكادت تنجح خطته لولا لم يحالف التوفيق فهد المبارك ...دائماً اللذي يضرب الدفاع ليس المهاجم بل الاعبين اللذين يأتون من الخلف ... تقبل وجهة نظري ودمت بخير |
إقتباس:
ولكن مشكلتي مع كوزمين هي عدم دقة تحديدة للمشكلة وخاصة في وسط الشوط الثاني الذي ظهر جلياُ الضغط الكبير الذي كان علية الفريق وخاصة ان المشكلة كانت واضحة وضوح الشمس في تحمل المحاور والدفاع ضغط الهجوم بعد استسلام خط النص المهاجم وتوقفه وكان الاجدى تحريك النص الهجومي لسحب فريق الاتحاد وتخفيف العبىء على الدفاع انا ابي اعرف كلامك لو سجل نور ومتعب او بوشروان هدفين في الشوط الثاني وين التكتيك اللي سواه كوزمين وتفضلت ووشرحتة لي في كلامك وين حيكون محلة من الاعراب تكتيك كوزمين في الشوط الاول كان ممتاز بس عتبي علية لما كان الضغط رهيب جداً على الفريق ما عدل وسحب الضغط قبل ما يطيح الفاس والحمد لله ان تعديلة ما غير في الفريق الا اخر خمس دقايق ولا كان الفريق راح يروح ضحية فرجة كوزمين علية خلال ضغط 25 دقيقة من الشوط الثاني شكراُ على التفاعل |
إقتباس:
بس لما يتكلم الكثير ويتفق على مشكلة في المدرب واضحة وخاصة ان الاستديو التحليلي لبعض مباريات الهلال كان يتفق مع الجمهور في أن رؤية كوزمين تخونه كثيراً في وسط المباراة بس بلاك من اللي كل ما جبنا طاري كوزمين قال ماعليكم منه وانتم ما تفهمون شكراُ اخي رااكد على المشاركة |
انا اثق بهذا المدرب وارى فيه ذكاء وحنكة وبلا شك لا يخلو من الاخطاء |
إقتباس:
وش رايك في تيسير الجاسم ؟ لاعب الاهلي طبعاً كويس وان اعتبرة لاعب كويس ....... طيب هل تعتقد انه يتعاقد معه الهلال ب50 مليون ؟ ولا بخمسة مليون شفت وش قصد الجماهير لما تنتقد ويلهمسون القصد ان ويلهمسون جيد بس لو الهلال متعاقد معه بخمسة او عشرة مليون نقول اوكي اللاعب كويس وخلوه مع الفريق تراه مفيد لكن تدفع فية قيمة لاعب خرافي وتقول لي هذا اسطورة في اوروبا ولا يعرف يثبت كورة في هجمه مرتدة ولا يصنع زي الناس ولا يجر او يسحب بجراءة ومستوى احترافي وتبي تقنعني ان ميزان الصفقه متوازن لا اقول لك في خلل في الصفقة لان قيمتة اكبر خمس مرات من امكانياته وهذا اللي يخلينا ننقهر ولا اذا جت على المستوى اهو كويس ويمشي الحال |
إقتباس:
طيب هذا اللي تبيــه يعني اللي مزعلك هو رقم 50 مليون .. خلاص لا تهتم اعتبر ان القيمه 10 ملايين يورو ..وريح نفسك .. ياجماعه مشكلتنا لحد اللحين ما استوعبنا الارقام الكبيره في التعاقدات متعودين على 20 مليون .. هذا ماهو دفاع عن ويلي .. لكن دام المشكله هي القيمه الله يعينكم في التعقدات الجايه بتشوفون اكثر من 50 مليون .. لان الدعوه قيــمه السوق والوضع المالي الحالي للعالم .. |
| الوقت المعتمد في المنتدى بتوقيت جرينتش +3.
الوقت الان » 10:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd