نادي الهلال السعودي - شبكة الزعيم - الموقع الرسمي - لاحد يزعل على ضياع الفرص السهلة !! يمكن نجومنا عليهم ( حلف ) مايسجلون !!

- منتدى الجمهور الهلالي (http://vb.alhilal.com/forumdisplay.php?f=28)

لاحد يزعل على ضياع الفرص السهلة !! يمكن نجومنا عليهم ( حلف ) مايسجلون !!

لاترحم .......

كنت ناوي أمس أكتب موضوع بعنوان ( لاترحم ) وأخص فيه مهاجمين الزعيم ..

لاترحم في لعبك أمام الأتحاد .. وكنت اتكلم عن الإتحاد بأنه فريق مايرحم .. يستمر بالتهديف واللعب حتى آخر ثواني المباراة ..

كم فرصة ضاعت ! وحده .. ثنتين .. ثلاثة .!! وااااجد ...

تتوقعون عليهم حلف مايسجلون !!

عموما حتى حنا ربي سترها معنا .. وضاعت فرص على الإتحاد .. حتى هم الظاهر عليهم حلف مايسجلون !! عساه يدوم هاالحلف :naughty:

نقاط سريعة ............... شي له علاقة .. وأشياء مالها علاقة في مباراة امس ..

* محمد الدعيع إثبات من جديد بمقولة ( مسكين ياللى ماعنده دعيع )

* سادت الروح الرياضيه أجواء المباراة .. رغم اهميتها .. مباراة جميلة .. بغت تخرب بين الفريدي والمولد وحركات الروس ذي مدري وش عندهم :d.. بس بالأخير تصالحوا .. s13s

* مباراة كبيرة وفريقين كبار ... وبصراحة التنافس محصور بين هالناديين بكل شي .. :yes:

* جمهور الزعيم بجدة .. يعطيكم الف الف عافية والله :smilie47:

* التعادل جيد والمستوى ممتاز خصوصا في الشوط الأول .. نجح المدرب والفريق في الإمتحان الحقيقي الأول في الدوري .. بس منهو الفريق اللى بيعرقل الإتحاد !! هذا ماسنراه في الدور الثاني:naughty:

* لاجديد .. متعة كروية كالعادة

==========

بطولة الخليج .. الف مبروك للأهلي .. وهاردلك للنصر .. >> ذي عادتك لاتخليها على قولة راشد الماجد

الهمه الهمه ... الهمه .. وفي الأخير ماتت الهمه

*في نهاية المباراة وبعد حصول الأهلي على الكاس وخسارة النصر .. علطول طرتلي أغنية راشد الماجد وهو يلعلع ويقول ( ذي عادتك لاتخليها ) وهو صادق عادت خسارة النهائيات اصبحت عادة للفريق النصراوي .. الله يرفع عنه :razz:

* تصريح ناري اطلقة حارس النصر ( محمد خوجلي ) قبل المباراة وقال ان ه ذا سر مايعرفة إلا المتابعين للفريق النصراوي .. تدرون وش السر ؟؟ انا رفت على صوت التلفزيون .. قلت أكيد فيه شي .. وطلع السر ان النصر في المباريات النهائيه مستحيل يتخلى عن البطولة .. يعني إذا وصل للنهائي قل على البطولة السلام !! يعني نصراوي نصراويه .. والرجال يتكلم جد مايضحك .. اول ماتكلم ويجي على بالي علطول اربع نهائيات راحت من النصر زي براد ابو أربع :d مدري الخوجلي على أي نادي يقصد بالظبط ؟ بعد هالتصريح تذكرت فلم ( غبي منه وفيه ) انصحكم تتابعونه كوميدي :d
* القطوة .. او العتوي .. او العووورّي .. او البسة .. اللى دخلت مع بداية المباراة ( السوداء ) كل الجماهير النصراويه تتهم الأهلي انها كانت شعوذة ودنبشة .. الغريبه إن هالإتهام للعاقل مايصدقه ليش .. انا اقولكم

أولا المباراة في الرياض ... :yes:

ثانيا النصر هو المشهور بهالحركات النص كم :razz:

ثالثاً ليش ماسوو دنابيشهم في جدة واقصد الأهلي وذلك لسهولة التواجد بالملعب ..

النصر مالقى في التفاح عيب قال يااحمر الخدين :d:d وهالبطولة أهلاويه ميه بالميه .. s13s

* الوليد بن بدر ... إستقال .. والظاهر انه رجع وانا اكتب هالسطور .. يعني اسرع إستقالة وإسرع تراجع ..
تذكرت طلال الرشيد .. اقصر مدة رئاسه في تاريخ ( درب التبانه ) مهوب في العالم وبس :d رئيس الثلاث دقايق ..

دائم يتحفونا بأخبار حصرية ... ويتراجعون عنها ..

*عاد أكثر من يبي يرتاح من إستقالة الوليد بن بدر شركة الإتصالات والبرامج الحوارية وخصوصا خط التسعة :razz: من كثر مداخلاته :d

مبروك للأهلي بطولة الخليج ... ولعيون مالك شجعت الاهلي

==========

كل نجوم الزعيم أمس أبدعوا ... بصراحة كان مستوى رائع .. يعني لا نشوف مواضيع تسب مهاجم ولا تنقص من مجهود مدافع ... الكل قدم مستوى جميل ..

أدري يبي يجي واحد الحين يقولي وش دخلنا بالأهلي والنصر ... وهذا قسم جمهور الهلال ..

صحيح ومعه حق .. بس القسم الأول يتعلق بالهلال ... والقسم الثاني بالرياضه السعوديه .. عاد والله عجزان اكتب هذا واروح اكتب ثاني هناك .. ولاودي أفصل هالموضوع السيامي .. اخاف يتأثر :razz:

اخوكم الصغير ابو طلال

كفيت ووفيت ابو طلال يعطيك العافيه ................

بس حلوه على القطه انها مشعوذه كيف راحت من بالي :d

إقتباس:

الرسالة الأصلية كتبت بواسطة وليد(ابو خالد) (مشاركة 10329699)

كفيت ووفيت ابو طلال يعطيك العافيه ................

بس حلوه على القطه انها مشعوذه كيف راحت من بالي :d

هلابك ابو خالد ...

القطوه بريئه من الشعوذة لكنها متهمه بأنها أستخدمت للشعوذة .. :d

يعطيــك العآفيـه آبو طلآل..,

دآئمآ مآ تتحفنآ بآطروحآتكــ..,

آنطلآقــه بالمجلــس العآم بنجآح بآهــر..,

ومتوقعــه بمجلس الجمهور الهلآلي...آقوى وآقوى..,

مآشآء الله عليــك ..

دمت في حفظ البآري..,

إقتباس:

الرسالة الأصلية كتبت بواسطة saeed alzaeem (مشاركة 10330987)

يعافيك ربي يالغالي ...

وشكرا لحضورك وتواجدك ..

هذا التواجد والحضور اللي يشرفني ويسعدني كثير ...

فلاتحرمني هالسعادة وهالشرف بتكرار الزيارة وإتحافنا بتعليقك اخوي

مشكور ع الموضوع المميز

وبتوفيق با أبو طلال

إقتباس:

الرسالة الأصلية كتبت بواسطة as-dood (مشاركة 10331588)

مشكور ع الموضوع المميز

وبتوفيق با أبو طلال

هلابك اخوي

حضورك أسعدني s13s

مشكوور اخوي ابو طلال

ماشاء الله تبارك الله حسك بالمنتدى بكل مكان

بالمجلس العام وبكل مكان

ومشكور على الموضوع الاكثر من رائع

وبالنسبة للاهلي ان شاء الله هذا انطلاقة البطولات للنادي

<<< ابوها اهلاوي

يعطيك العافيه يابو طلال

وعلى العموم نقطه على خارج ارضنا لا بأس

رغم الضروف والاصابات

إقتباس:

الرسالة الأصلية كتبت بواسطة هلالية لعيونه (مشاركة 10333559)

هلا بك هلاليه ... والروعة في حضورك ومرورك اختي

وحاولي في ابوك ... يتهلهل :yes: ويترك عنه الأهلوه :d

موضوع جداا جميل ..

تملك قلم ساخر قوي ... اتمنى تستمر عليه وتمتعنا

تحياتي لك

إقتباس:

الرسالة الأصلية كتبت بواسطة الزعيم الأليم (مشاركة 10335198)

موضوع جداا جميل ..

تملك قلم ساخر قوي ... اتمنى تستمر عليه وتمتعنا

تحياتي لك

حضورك الأجمل

ولاتحرمنا تو اجدك s13s

سلمت انا ملكــــ

والحمد لله شي اهون من شي ثااني

واللاعبين والله ما قصروو

دمت مبدع‘‘ عوااااااااافي..

إقتباس:

الرسالة الأصلية كتبت بواسطة نزيه المشاعر (مشاركة 10333789)

يعطيك العافيه يابو طلال

وعلى العموم نقطه على خارج ارضنا لا بأس

رغم الضروف والاصابات

هلابك اخوي وحياااك

فعلا نقطة خارج الأرض والأهم هو المستوى اللى ظهر فيه الفريق ..

الدور الثاني عاد الواحد يمخمخ عليه ويحرص المدرب في كل مباراة

مع تمنياتنا للزعيم بالتوفيق

كفيت ووفيت ابو طلال يعطيك العافيه ................

بس حلوه على القطه انها مشعوذه كيف راحت من بالي