|
تعال شف وش سر إبداع الهلال مع الاتحاد السلام عليكم ورحمة الله وبركاته اخباركم ان شاء الله الكل بخير وصحه وسلامه بعد هالتعادل اللي كنا نستحق الفوز به بصراحه الهلال ابدع و استمتع للجمهور السعودي عامة و الهلالي خاصه لو ابي اعدلكم هجمات الهلال وش اللي ضاعت لو فيه مهاجم صريح مثل القناص كان حسمها بس مانقول إلا الله يرجع لنا ابو سعيد ندخل بالموضوع طبعآً الابداع كله صار من جمهور جدة المبدع المتألق يعني انتم شفتوا بعيونكم يأهل الرياض كيف اذا ضاعت هجمه لـ الهلال او صار اي شيء يحمسونك الجمهور مو مثل جمهورنا العزيز اللي يجيب النوم بس حضور من دون فايدة يعني نبيكم زي حقين جدة و الشرقيه وانتم اكيد شفتوا تصريح الدعيع وش قال بعد المباراة هالتعدال ماجاء إلا بمجهود اللاعبين و الجماهير الكبيرة اللي حضرت من العصر زبدة الموضوع : ابي المباراة الجاية لـ الهلال في الرياض يكون الحضور متألق و مبدع ونبي نرد على جمهور الشرقيه و جدة المبدعين تقبلو تحيتي اخوكم / الناصح و المحب لـ الزعيم الآسيوي مـــلاحظة : نبي كل واحد يقول رأيه بـ أفضل جمهور لـ الهلال بأي منطقة انا عني نفسي وبكل صراحه اقول جمهور جدة هو المبدع و المتألق < تذكروا المباراة حقت العام اللي فاز الهلال واخذ الدوري بهدف القناص ترا كان الجمهور حاضر بقوة و مولع الملعب صحيح اني بالرياض بس يعجبني الجمهور الجداوي |
انا اقولك جمهور الشرقيه والله انهم ابداع ابداع والله وانا اسمعهم على التي في تحمست معهم وان شاءالله نشوف جماهير الرياض بمباراة ابها يعطيك العافيه |
والله ياخوي امس حاضرين الملعب من الساعه 12 وما فتحت البوابه الا الساعه 3 وكان الحضور كبير وكنا افضل من رابطه الاتحاد امس لانه كانو نايمين ويستمتعون بفن الزعيم |
جمهوور الشرقيه مو عشاني من الشرقيه لاكن احنا الأفضل انتوا لو شايفين وشلون استقبلنا الاعبين في الشرتون والله انا كنت توني راجع من سفر و على طول رحت الشرتون من 9 إلى 12 و الأخير ادخلوا من الباب الثاني بس ماخليتها جيتهم اليوم الثاني بس ماقدر اصور إلا مع نامي |
مشكورين على هالردود ولكن انا مازلت اقول جمهور جدة افضل من جمهور الرياض و الشرقيه نننتظر ردود البقيه |
لايارجال كلهم عينين في راس |
الأفضل بكل صراحة على التالي : المركز الأول جمهور جدة والغربية عموما ،، المركز الثاني الشرقية المركز الثالث جمهور الجنوب المركز الرابع جمهور الرياض |
كلهـم فيـهم الخيـر والبـرٍكـه .. ! بـس آذآ جيـنـا لـ الجمهـوور الحمـاسـي آنآ رآئـي من رآيَ آخـوويَ .. البـرنس الليبـي 14 .. جمهـور جـدهـ .. هـوـو الافضـلَ .. يعطيـك العآفيـه اخـــوويَ .. .. |
موضوع فاشل أتمنى من الإدارة حذف مثل هالمواضيع و أتمنى أنك تكتب شيء مفيد و لا يرحم أمك لا تكتب لو بأحلف أنك ما قد حضرت مباراة للهلال و جالس ورى هالشاشة تتفلسف جمهور الرياض هو أفضل جمهور يكفي أنه منبع الزعيم و يكفي أن أغلب البطولات كانت بالرياض و يكفي كل مباراة أمام النصر نملى الملعب و نخليه فل و يكفي أننا نملى الملعب إذا إحتاجنا الزعيم ( جمهور جدة و الشرقية و حائل و ... إلخ ) ما يحضر للزعيم بالسنة كلها إلا مباراة أو مباراتين كيف تبغاه يغيب عنها ؟؟ و مره ثانية أكتب زين و لا تكتب |
في التشجيع والحماس جمهور جده هو أفضل جمهور في السعوديه من ناحية عدد الجمهور جمهور الرياض هو الأكثر وبلامقارنه جمهور الشرقيه يتميز بالعدد والتشجيع في نفس الوقت ماأقول إلا الله يعطي العافيه كل جماهير الزعيم في كل مكان دون الانتقاص من أحد |
بصراحه كل جمهور المملكه يعجبونك الأ جمهور الرياض يجيب المرض مافيه حماس ولا تشجيع نايمين وشكرا |
جمهور الرياض هو الأفضل في الاعوام السابقة اما هذه السنه .. الجمهور الافضل هو جمهور الشرقية ! |
أنا أمس مسنتر عند الملعب من الساعه 1 الظهر ولافتحوا البوابات الا الساعه 3 العصر انا بــ اتكلم عن جهة الرابطه ما جاء المغرب الا وهي فل ما تلقى مكان تجلس فيه حتى اعرف ناس حولوا من الدرجه الثانيه للرابطه ولي عتب بسيط عــلى جمهور الزعيم اللي حضر من بدأت المباراه ما اسمع الا الرابطه واللي حوالين الرابطه بس وبقية المدرج يتفرجون وساكتين اتمنى يكون التفاعل من الجمهور ككل والأهم من هذا كلو اننا نتفق على حب الزعيم |
جمهوووور الشرقيه بالفعل يستاهلووون كل مباراه مالين الملعب. ولو سعة الملعب أكبر كان ناظرتوا التداااافع الجماهيري الكبير الغزيير. |
| الوقت المعتمد في المنتدى بتوقيت جرينتش +3.
الوقت الان » 08:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd