لعبدالرحمن بروح رياضية
 

-

السلام عليكم ورحمة الله وبركاته

اولا :
هاردلاك على الخسارة بطعم التعادل ،،،
والحمدلله على التعادل فهو عاد ،، لأن الفريق الإتحادي قدم مباراة كبيره ،، ادارها كالديرون بطريقة خطيرة .

كوزمين :
مدرب عالمي ذكي استطاع ان يخرج بالتعادل بعدما ادرك ان الفوز صعب ، بعدما رأى الضغط على فريقه وخصوصا من جهة الزوري فسانده بالخثران ليتغير مجرى المباراة ، فإن أتى الفوز فأهلا وسهلا ،،، وإن لم يأتي فالتعادل جيد على الأقل .

أما بصراحة اكثر ماأثار غيضي هو شراء الإدارة الهلالية لاعب بحوالي خمسين مليون ريال تقريبا ،
ليس لأي شئ ،،، اصلا ملاعبنا ماتستاهل لاعب بإمكانيات ويلي بهالقيمه .. وبعدين وش سوى عشان نقول انه ابدع !!!!!!!!!!!!
بس لأنه أشقر ؟؟؟؟؟؟؟؟؟؟؟؟؟؟
<<<< على فكره هذي ميزته الوحيده ،،، لأنه يرعب لاعبينا يشوفونه ويخافون يقولون هذا بسوي الهوايل في القوايل ؟؟؟؟
وهو ماعنده الا الدجة

و الله ثم والله أنه بقيمته هذي نجيب اطلق برازيلي في البرازيل لا ويآخذ السمسار نص القيمه بعد
وفي نفس الوقت يحرث الملعب طول عرض من الحارس إلى الحارس بدون تعب وبدون منشطات !!!!!!!!

مازال الغرب يبهرنا حتى بلاعبينه ،، ولو صاروا ( كديش ) !!!!!!!!!

لحد يقولي تكتيكي وانه يرجع ورى ويدافع ،، ( 50 ) مليون ولا يرجع ويساند الدفاع وش ابيبه :(

الأخ الثاني رغم انه يتنرفز وحالته حاله ومسوي عصبي عشانه لابس رقم (15) يآخذ كروت صفر سخيفه ليس بحاجه لها ( رغم ان الحكم تغاضى عنه في حركته يوم يرفع يده ) ،،،
انا ابي اعرف ، لاعب مبدع وفنان مثله ليش يسوي مثل هالتصرفات ،
لو اني رئيس النادي كان عرضته الخيزران عشان عباطته هذي اللي ممكن تكلف الفريق كثيرا .

باقي اللاعبين عيني عليكم بارده ماقصرتوا . كل لاعب قدم الذي لديه ولكن الظروف لم تسنح لكم ..

تحية لرجالات الزعيم الذين يقدرون ان الزعامه لاتأتي الا بالفن والمهارة والخلق أولها والفكر الراقي هو من يديرها .

الدعيع ، عزيز :
وصلتم قمة المجد ولم تتركوا لغيركم شئ .

اخوووووووووووووووووكم

اقول يالحبيب اوافقك الراي بخصوص

هالأشقر والله ماعنده سالفه ولا يدري عن الطبخة

واللي رافع ضغطي اللي يقول هذا لاعب تكتيكي

مدري وين سمعها وجاي يرددها علينا



اما كلامك عن الفريدي فانت غلطان ترى الفريدي

كان افضل من ويلي ومن التايب وخروجه اراح كالديرون كثير


لكن الحمدالله على كل حال

وان شاء الله يجينا مهاجم اجنبي ممتاز

افضل من لعب اليوم الفريدي اتمنى تقبل وجهة نظري والله حرام تظلم الفريدي
تحياتي لك

الحمد الله ع العافية !!

ويلي مايسوى وباهرنا الغرب !!!

لا والفريدي خيزرانة !

أقول سقها بس سقها

آسـآلـكـ بـ آلـي خـلـقـكـ .. :


هـذآ آســلــوبـ .. آلله لآيـبـلآنـآ ..

آشـكـ آنـكـ شـفـت آلـمـبـآرآهـ .. لـيـنـ لـحـظـة خـروجـ آلـفـريـدي .. صـرآحـتـآًَ ..

كـذآ آلـكـلآمـ ولآ بـلآ ..

ولآ آزيــد ولآ حــرفـ ..!؟

بالنسبة للاشقر .. قال سامي بصريحه : اللي يعرف كوره يشوف وش يسوي ويلي في الملعب .. و مدحه .. يعني انت بنظر سامي .. ما تعرف كوره .. نبي موضوع تقول فيه

" لسامي بروح رياضية "