|
.::::::::::. هذا حال بعض جمهورنا ... أعذروني ... ! .:::::::::. السلام عليكم ورحمة الله وبركاته .. اول شيء وقبل كل شيء .. الحمد لله على كل حال .. ونقول نقطة من جدة خير وبركه .. مع الفرص اللي ضاعت .. لكن الحمد لله على كل حال . هذا اولا .. ثانياً يا طول الله اعماركم .. رسالة اقولها لكل الهلاليين .. واعذروني .. (( جمهورنا أغلبه عاطفي لابعد حد )) .. العنبر عشان اليوم ماسجل قالوا ماعنده سالفه .. الفريدي عشانه ضيع قالوا ماعنده سالفه .. التايب عشان ما ضبط هجمة قالوا ماعنده سالفه .. ويلي ماعنده سالفة .. الشلهوب في الاحتياط مالعب كورة ماعنده سالفة .. المولد عشان سالفته مع الفريدي ماعنده سالفة .. دايما تحكمنا نتيجة المباراة مايحكمنا المستوى العام للفريق .. صح نتمنى الهلال يفوز كل المباريات لكن الله ماكتب لنا نفوز والحمد لله .. مستوى الهلال للمباراة اليوم الحمد لله رائع وكان ينقصنا الهدف .. طبعا لاتنسون الظروف الهلالية .. مع انها مو عذر بس لاتنسونها . اول شيء العنبر .. مصاب من مباراة الحزم .. وكان بين كمشتين الدفاع الاتحادي لوحده . التايب .. لوحده مايقدر يسوي شيء مع انه في الشوط الاول ماقصر . ويلي .. مصاب من مباراة الحزم في الركبة .. وانا اللي اشوفه مأدي ادواره التكتيكية على اكمل وجه <-----<< ((هالنقطة للي يفهون في الكورة .. يعني لحد ينط علي ويقول ماعند امه سالفة )) . الفريدي .. متنرفز .. بصراحه استغربت الهجمة اللي في الدقيقة الاخيره الشوط الاول تضيع .. بس الحمد لله . عموما الهلال اليوم الحمد لله كان مستوى حلو .. وماقصروا . نقطة بسيطة أبغى اوضحها للشباب اللي يتكلمون عن 52 مليون حقت اللاعب ويلي .. قبل كل شيء اقول له .. وش اللي حارق رزك على 52 مليون .. من حلالك شيء ؟؟ .. والشيء الثاني .. النادي والله مااشتكى ولا راح يشتكي ان شاء الله وقال نبي فلوس .. ثالث شيء .. انت مفكر الاعب اوروبي بمستوى ويلي ولعب في الدوري الايطالي .. واساسي في المنتخب السويدي مفكر راح يجيك بـ 20 مليون او 30 مليون ؟؟ .. كلنا نذكر مباراة الاتحاد والشباب قبل اربع مواسم .. لمن فاز الشباب بهدف مانقا .. لمن جاب الاتحاد اللاعب الارجنتيني او البرازيلي مااذكر بالضبط بـ 30 مليون .. عشان مباراة وحده بس .. انت الحين تتكلم عن عقد مدته موسمين . أخيرا الله يخلي لنا ابو عبدالعزيز .. واقول وراح اقول في كل موضوع لي ابو عبدالعزيز .. المنتخب راح يستدعيك في قائمة الاسماء القادمة .. واللي يخليك .. لاتروح خلاااااص كفيت ووفيت .. لانه لو صار اي خسارة للمنتخب راح يقولون حارس كبير في السن .. وهذا لاعب نادي مو لاعب منتخب . آآآآآآآآه يا ياسر .. مشتاقين لك . |
جيتك مقلع بعور فيك لكن جاتك منك |
إقتباس:
يهمني تعلقيك .. |
يا خوي والله أسلوب بايخ أنك تحط عنوان يجذب الأعضاء و هو ماله داعي أصلا في الموضوع |
إقتباس:
|
تسلم اخوي والله موضوع راااايق لايهمك كلام صغار السن ننتظر جديدك المتألق بكل شوق :) |
يعني بتقنعني ان ويلي لاعب فنآن ؟؟ لاعب ما يعرف يتصرف امام الحارس لاعب يطيح مع اي احتكاك لاعب تقطع منه الكوره بسهوله لا تقولي تكتيكي ترا هالكلمه ترفع ضغطي اقول لو فيه خير وهو بالعمر هذا كان بنادي اروبي ..لكن المدربين باروبا يدرون انه فاشل وما خذوهـ لانه لا يفيد الفريق اما ربعك يبون يلعبون باسمه ؟؟ |
وانا اشهد ان السالفة عندك لاهنت |
انا لا اوافقك الرأي اخوي عبدالله والود لايفسد الود قضية ......... واشكرك على موضوعك |
إقتباس:
|
إقتباس:
الا موضوع له داعي ونصف يعني لازم يسب ويشتم اللاعبين ويقلل منهم علشان يصير للموضوع داعي |
وآلله من جد كآنهم دآفعين نص آلمبلغ يآخي حلاله لكل مجتهد نصيب وويلي والله لاعب تكتيكي واللي مايعرف تكتيكي ايش يعني ليش يتابع كورة؟ |
ماشاء الله عليك اذا فاز استانست واذا انهزم قمت تشتم يابعد قلبي الهلال كذا تبي ولا روح شجع الفقر احسسسسسسن لك عشان تشتم كل مباراه |
كلامك سليم فنحن عاطفيين اكثر من اللازم واعتقد انه حتى في الاستديو التحليلي توقعوا غياب العنبر وويلي لاعبين وهم مصابين الصراحة المستوى اليوم ممتاز بس العنبر فيه ملاحظ بسيطه انه بطيء الاستجابة نوعا ما عموما ماقصر الفريق اليوم |
إقتباس:
ثاني شيء الله يخليك ويلي لمن اقول عنه لاعب تكتيكي علمني لاعب هلالي مر عليك من عشر سنوات .. ياخذ الكورة في الهجمة المرتده من الباب الى الباب الثاني في اقل من دقيقه .. علمني لاعب يؤدي ادواره الهجومية والدفاعية .. قلة الانسجام بينه وبين التايب خلتنا نحكم عليه بانه صفقه فاشلة .. وفيه معلومه حبيت اوضحها لك .. اللاعب قبل مايجي للهلال كان عنده عروض في الدوري الانجليزي .. والايطالي .. بس عرض الهلال كان اقوى .. وبرضوا نقطة ثانية .. كيف تقول فاشل واهو لاعب اساسي في منتخب السويد .. يسعد لي قلبك يارب .. اما من ناحية تنقطع منه كورة ومايعرف يتصرف ومن هالكلام .. لاعبين كبار وعالميين تنقطع منهم الكور .. ويضيعون قداام الحارس ووووو . عساني ماانحرم منكم يارب .. ولا خلا ولا عدم .. وشرفتوا موضوعي . |
| الوقت المعتمد في المنتدى بتوقيت جرينتش +3.
الوقت الان » 10:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd