|
إذا ما ظهرت الحين .. متى تظهر ..؟؟!! ( بالله هذا لاعب ..؟ ) - : بدون مقدمات لعب 11 مبارات لم يظهر إلا في مباراة واحدة ألا وهي النصر وهو ولهامسون الذي دفع من حقه 50 مليون وهو ما يسوى مليون وقسم بالله العظيم اللاعب المحلي أفضل منه بعض أعذار الجمهور : 1- ما تأقلم ( يعني ليش عندهم يلعبون باليد وعندنا يلعبون بالقدم ..!!؟ ) 2- ما عنده أحد يجيب أقوال ( هذا طارق ما عنده أحد وقاعد يبدع ويصنع أهداف بدون ياسر ..!! ) 3- تكتيكي ( أي تكتيكي بس . يعني هجمة - 1 ضد 1 - مع فلاته مو قادر يعدي منه !!! ) وبالأخير أقولكم الاعب " مـــقـــلــب " ولازم نلقى بدييل له ترى ورانا آسيوية وترى اللاعب باين من أول لمسة كانه مبدع أو لا . " ملحوظة " # اللي يقول أنت دافع من جيبك الفلوس أقوله النادي جايب الفلوس من موبايلي الهلال ومن اللي يشترك بموبايلي الهلال " أنت أيها المشجع " يعني أنا أقدر ما أشترك بموبايلي الهلال وأدخل الشبكة لقراءة أخبار الهلال لكن أنا ودي أدعم النادي .. أتمنى الرد برد لآآئق |
يا رجال والله أنه أكبر مقلب وإلى يقول غير كذا فهذا ما يفهم بالكورة بس فالحنلي بهل الإعلانات أنا لعبت مع نجوم كثار الخ ......................... وربي تلقى كوزمين ما يبيه بس تلقاهم يبون يحللون الـ 50 ميلون ريال وشكرا على هذا الطرح |
إقتباس:
يبي يحللون الـ خمسين مليون |
اقول ظهر بمباره النصر لآن النصر كديش ..! ياشيخ قلتلكم من زمآن من اول مبارتين شفتهآ له انك زلآبه بس محد يصدق مشكله يقيمون اللاعب من اسمه بس للاسف اللاعب اصبح عآله |
بصراحة والله شيء رغيب.... قبل المبارة كنت مراهن على ويلي.... لكن شيء غريب بصراحة..... فعلا إذا مو بهالأوقات....أجل متى..... |
ويلي لاعب كبيرر وكوزمين يعتمد عليه بعيدن امبلغ من جيب الأميرر عبدالرحمن يعني لاتشتررك ’’ مواضيع تشكيك تشكيك تشكيك كوزمين مقتنع فيه والإدارة وانا:d |
إقتباس:
كلنا نعرف ان الامير عبدالرحمن بن مساعد دافع 80% من قيمة العقد .. والسئوال اللي اطرحه على كل من ينتقد ويلي في مستواه .. هل عشانه ما قدم شي او عشان قيمته غاليه عشان نعرف نحدد المشكله .. |
إقتباس:
s60ss60ss60ss60ss60s ياخي عندنا الدوري فى الليل وهما الدوري حقهم فى النهار ...:razz::razz::razz::razz: عشان كذا مايعرف يلعب عندنا :d:d |
اتوقع يظهر ويبدع في مباره وديه مع الدرعيه |
إقتباس:
الأولى أمام الأهلي . ولم يشارك إلا 20 دقيقة . الثانية أمام الحزم . وأبدع وصنع هـدف لـ ياسر . الثالثة أمام الوحدة . كان أفضل السيئين . الرابعة أمام النصر . وأبـدع وصنع هـدف لـ ياسر . الخامسة أمام الإتفاق . وسجل هـدف . السادسة أمام الشباب . وأبـدع . السابعة أمام الإتحـاد . وهو عائد من إصابة كدمة في الركبة . الثامنة كانت أمام الحزم وهي المقدمة من الدور الثاني . برضوا أبـدع . ف صعب إنك تحكم على لاعب من سبع مبارايات أو 8 أو 11 مباراة على كلامك . ولكن نصبر عليه شوي . لا تستعجلوا . شكـرا ً . |
الي يقول لاعب تكتيكي اقوله خل التكتيك لك سنين وحنا نشوف مباريات لاعب مهم يأما يسجل اويصنع هدف او يدافع او على الاقل يكون مع اللعب الجماعي لاعب مايقدر يعمل اوفر مثل العالم ماقول الا وينك يالكلثم |
والله هذا نظرتك وانت حر فيها ولكن انا اشوف ان اللاعب مفيد بتحركاته ويستطيع ان يقوم بهجمات مرتدة سريعة بس انا ما اقدر اتفاهم مع اشخاص يقيمون اللاعب من المبلغ المدفوع فيه وليس في اداءه داخل الملعب يعني المدرب كوزمين والمدربين الي يلعبون ضدنا يحسبون حسابه لانهم يعرفون فائدة التكتيكية والفنية في الملعب انا اوافقك ان اليوم لم يكن بالمستوى المعروف عنه ولكن مع ذلك صنع فرصة لا تضيع للفريدي واذا كان على المبلغ المدفوع له لا تشيل هم لان الرئيس وضح وقت التوقيع انه دفع المبلغ من حسابه الخاص ولو لم ينجح اللاعب سيتحمل هو الخسارة وليس النادي هذا بس علشان يرتاح ضميرك ولا تتحسر على المبلغ المدفوع وانا متاكد انه مو اول لاعب ولا اخر لاعب يهاجم بناء على قيمة عقده فهذا ياسر كان يهاجم لانه اغلى صفقة وبعد ذلك بدأ يسكت الجميع وانا اثق بان السويدي الاشقر راح يبدع قريبا ان شاء الله |
والله ولي مبدع يرجع ويغطي فكونا من الطرح الي مستعجلين لاعب ودة يادي بس صبر لتاقلم ولكم في تفاريس وكماتشو خير برهان بلا كلام زايد |
والله يا خوي كلامك صح مئه با المئه اذا ما ظهر ذحين متي متي متي بعدين الكوره عقل لاعب اكثر الكور تنقطع منه وترجع هجمه للخصم و اوفراته صفر ولا يقطع كور جايبينه ليه؟؟؟ عشان يفتح مساحات طيب يفتح مساحات وتكتيك ب50 مليون هي ماهي من جيبي لاكن ما دام هذا المبلغ فيه جيب لاعب يفتح مساحات ويصنع اهداف |
طارق ما عنده احد ويبدع ضد الحزم والاتفاق ..؟ اليوم طارق وش سوا يا عزيزي ؟ ع الاقل ويلهامسون كان يساند الدفاع اذا كانت الهجمة عند الفريق الاتحادي بعكس التايب كان ( يتمشى ) بالملعب والكورة كانت عند اللاعب الاتحادي اللي جنبه !! وراجع المباراة وتشوف ان التايب ما كان يساند زملاءه بل كان لاعب فردي ينتظر الكورة تجيه عند رجله !! ولكن ويلي على اقل تقدير كان يساند دفاعيا ويفتح خانة هجومياً !! ياليت نحكم بالمنطق يا ساده |
| الوقت المعتمد في المنتدى بتوقيت جرينتش +3.
الوقت الان » 06:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd