سأبدا موضوعي بلا مقدمات وهي ليست عادتي في كتابه المواضيع لكن ليكون الموضوع مركزا بعيدا عن التشتيت
::::::::: محادثات هلاليه :::::::::
(جميع الشخصيات هنا مستوحاة من خيال كاتبها ولاتمت للواقع بصلة
)
محمد: والله بلانا الله في نامي من جد نكبه ومستواه لك عليه
سامي : لا حرام عليك انا اشوف اللاعب كويس وقاعد يبذل مجهود في الدفاع اصبر عليه بس .. !!
محمد : ياعمي والله مايجي ولا ربع مستوى الدوخي .. ؟؟؟؟ اه لو يرجع بس
"2"
منصور : ويلي مدفوع فيه 50 مليون وهو من جنب الكورة والله مايعرف يسحب ولا يعرف يسوي كبري
خالد : تتكلم من جدك ولاتستهبل ؟ ياخي المدرب يقول عنه انه كويس وهو افهم مني ومنك وبعدين هو لاعب تكتيكي ينفذ طلبات المدرب داخل الملعب .. !
منصور : ايه لاعب تكتيكي هذي اللي موديتنا في ستين داهيه والله اللاعب مايعرف يمرر كورة صح !!
خالد : ياخي اللاعب كويس وناس فاهمين بالكوره يشيدون به ولعب مع فرق كبيره بأوروبا وهو مكسب للزعيم
منصور : ياخي شف التايب وش يسوي وشف ويلي .. ؟؟؟
"3"
فيصل : الى متى بيضيعنا العنبر في الهجوم ويضيع الكور السهله ..؟
علي : العنبر يعرف يسجل اهداف يعني ماعنده مهارات وتسحيب بس يعرف يقتنص اهداف وهذا هو المطلوب منه .. !!
فيصل : يارجال استريح بس العنبر لولا الله ثم التايب كان منسق
والصويلح احسن منه
علي :
لا لا العنبر افضل بمراحل الصويلح نكبه ومايعرف يثبت كوره
فيصل : ياعمي طير بس قال العنبر احسن .. ؟ الصويلح راجع من اصابه اصبر عليه
انتهى النقاش بدون فائده
هذه بعض المحادثات التي نراها بشكل يومي تتكرر عشرات بل مئات المرات في منتدى الزعيم وغيره من اماكن يجتمع فيها الهلاليين
هل من حقنا المقارنه بين اللاعبين .. ؟
ثم هل ان المقارنه بين اللاعبين تصب في مصلحه الزعيم .. ؟
لماذا لا نقول ان العنبر له صفاته الايجابيه مثل الطول والارتقاء والتسديد والصويلح ايضا يتميز بميزات خاصه به مثل السرعه والقوة والتمركز
بل انه حتى وصلت المقارنات الى ياسر مع بقيه المهاجمين مثل مايردده بعض الجماهير بعد المباراة : وينك ياياسر تفكنا من العنبر .. او كلمات مشابهه ..
المقارنه بين اللاعبين تودي بالفريق الى الهاويه
وستقودنا الى التنازع بيننا كجمهور والاختلاف
دعوا المدرب يختار الاصلح لكل مباراة حسب مجرياتها صدقوني المدرب يركز على اشياء في الفرق المقابله قد لا ينتبه لها اي مشجع هلالي لذلك فهو الاكفأ لاختيار من يناسب كل مباراة ومن يمثل الفريق
فلا تظلموا اللاعبين بالمقارنات بينهم فكل لاعب له مميزاته وله امكانياته والا فلن ينضم للكتيبه الزرقاء
فقط شجعوهم و زيدوا الثقه فيهم فكل مايحتاجه اللاعب هو ثقته في نفسه وسيبدع
كلمه اخيرة : شكرا لكل لاعب هلالي على ماقدموا في مباراة اليوم خصوصا الاسطورة محمد الدعيع فهو يقدم مستويات مبهره
الـمـقـــارنـــات الـظـالــــمـة .. !! 70% من مشاركات الاعضاء في المنتدى هي للمقارنه 
الوضع المتطور
