|
وش جالس تسوي يا ويلي ..!! بسم الله الرحمن الرحيم هارد لك التعادل يا زعماء لكن الي رفع ضغطي ويلي يا ناس والله حرام هـ الفلوس عليه لو جبنا بنص هذي الفلوس مهاجم افريقي كان افضل بمراحل يقولون لاعب تكتيكي وين التكتيك معه من يوم جى للهلال ما سوى ولا شيئ غير رفعته لياسر على النصر الهدف ولا غيرها ما يسوي شوي هجومي سيئ صانع العاب سيئ يعني حرام اجيب لاعب سويدي اكييد ما راح يتاقلم مع الجو ثاني شيئ لعبهم وتكتيكهم يختلف 180 درجه عن لعبنا اتمنى من الاداره تجيب لاعب بداله وسط وتجيب بدال رالديس مهاجم في الانتقالات الشتويه والا والله ما نحلم بالاسيويه |
ياخي مدري وش اقول لك والله حرام عليك هالعضويه في منتدى الزعيم الرجال من اليوم مهبل فيهم ثم تجي بكل بساطه وتقول هالحتسي ياخي افهم وشغل مخك شوي الرجال ما يلعب مهاجم الرجال مثله مثل التايب فتح مخك شوي الله يجزاك خير ولا له داعي عشرين الف واحد فاتحين مواضيع كلها كذا شكلكم تبونه يسجل هدف علشان ترضون عليه الله يصلح الحال |
الله يجزاك خير ما نبيه يسجل بسلامته نبيه يسوي اي شيئ في المباراة انت قلتها اهو مكانه مثل التايب طيب وش سوى ابيك تقنعني وش سوى التايب يصنع يمتع يوزع اللعب اهو ما يسوي شيئ ابد حرام يلعب مع الزعيم والله وشكراا |
والله انك صادق من جد ماسوا شي غير العرضيه لياسر في مباراة النصر وغيرها ماسوا شي وخواف لايلتحم مع اللاعبين ولا عنده مهارات ولا صناعه لعب للمهاجمين وهو لاعب صانع لعب وهو لاعب اوربي والاعبين الاروبيين يشتهرون بتسديد من خارج مطقه الجزاء اما اهو لا ذي ولاذي لاعب ماعنه شي يعني لو الاعبين الي اعاروهم مثل الكلثم افضل منه بكثير ويمكن يقدمون افضل من الي قدمه وخصوصاً انه لاعب صغير . |
السلام عليكم فلهامسون = كل الركنيات تطير بعيييييييييييييييييييييييد فلهامسون = لاعب غير مقاتل فلهامسون = لاعب ضعيف البنية فلهامسون = تمريراته كلها خاطئة فلهامسون = تسديداته كلها طائشة فلهامسون = دائماً في موقف متسلل فلهامسون = يقف أمام لاعبي الهلال عندما يريدون التسديد فلهامسون = يحجز مكان في الهلال على الفاضي فلهامسون = كل الضربات الحرة طائشة يا جماعة أزعجتونا لاعب تكتيكي لاعب تكتيكي أي تكتيك بس الله يرضى عليكم اللاعب صفرين على الشمال وأنت لاعب تكتيكي لاعب تكتيكي يا ناس نبي لاعب مؤثر لا تقولون لي يبغاله وقت تراه معنا من بداية المعسكر الإعداداي في إيطاليا وليش كماتشو ما بغاله وقت عشان يتألق؟ وريكاردو؟ وماجنو ألفيس؟ يا أخوان حرام عليكم والله خمسين مليون ما يسواها وكوزمن شكله تورط وزي ما قال الأمير عبدالرحمن أن كوزمين دائماً إذا قلت له شيء يعاندك حتى لو كنت على حق وكوزمين سيبقي على الاعب ويزج به للحفاظ على ماء وجهه لأنه هو الذي طلب احضاره وسيعاند أي أحد يحاول أن يقنعه أن اللاعب ليس بمستوى الهلال الدوري إتحادي إذا كان هذا اللاعب موجود |
الزول الاشقر ..!! قسم بالله رفع ضغطي !! ماغير يشوت بلاعبي الاتحاد !! هذا الي جيد فيه ولله بطيييء اااااااااخ بس وربي مايستاهل 5 مليون ماقول الا وينك ياليلو !!!!!!!! |
الظاهر ماتشوفون زين الاعب مهمته صناعة الأهداف واليوم عطى الفريدي كوره في الشوط الأول انت وضميرك لكن الفريدي ضيعه فوق المرمى اتم تظنون ان الاعب اذاسجل يعني خلاص حريف واذا ماسجل يعني مايفهم كوره الله يهديكم بس |
اليوم صاير بطئ مدري هو كذا مهب سريع ؟؟ ولا اللياقه ضعيفه ؟ |
ويليامسون اقرب طياره على السويد .. فاشل قسما بالله يقهر مايمشي بطيء ميت مايعرف يخترق ابد .. :(:(:( |
للأسف كل ما جانا لاعب فاشل .. جلسنا نحط أعذار له إلى أن ينتهي الموسم .. كأنه عيب نقول اننا شربنا مقلب الأعذار للاعب ويلهامسون كالتالي :- 1- اللاعب لم ينسجم مع الفريق ( مادري هو بديرته كانو يلعبون كرة قدم غير اللي عندنا ولا كيف !!! ) 2- اللاعب مصاب ( اللاعب يلعب مباراة كاملة يعني سليم وما فيه شي ) . 3- اللاعب تكتيكي ( مواجهه بينه وبين واحد اتحادي منفردين ولا يعرف كيف يتصرف ) . 4- اعطو اللاعب فرصة ( يعني كيف نعطيه فرصة !!! يعني عنده مستوى بس مغبيه لبعدين !!!!! ) . كل هالاعذار قالوها قبل لراعي المراوح ليلو وآخرتها مسك الباب غير مأسوف عليه .. يا ناس يا عاااااااالم .. اللاعب الفنان يبان من أول لمسة .. والفاشل يبان من أول لمسة .... عموماً غلطة وصارت .. أهم شي عدم الإبقاء عليه في فترة التسجيل الثانية .. وجلب مهاجمين أفارقة يحرثون الملعب من نوعية كيتا وكالون والبرنس تاقو ... وإلغاء عقدي ويلهامسون ورالديس .. تحياتي |
عالاقل به خير مهو مثل المحترفين االلي قبله ؟؟!!! وبالله بسالك انت من تبي يحترف بالهلال؟؟!!! احمد ربك ان معاك محترف ((ينفعك)) عالاقل مهو مثل المحترفين اللي قبله وبكره اذا جاك محترف افشل منه تجي وتقول وين ويلهامسون بس |
لاعب جيد ولكن لا يستاهل المبلغ الذي دفع لاجله |
ياشباب كل واحد له رأيه ، وكلنا نشجع الهلال ومن حق كل واحد يقول اللي يبي : ياخي كل واحد حر في رايه ممكن يقتنع في ويلي وممكن مايقتنع يعني المسأله مو غصب اقتنع او مااقتنع ، بعدين اعجبنا ويلي او لا هذا مايفرق مع كوزمين ، العلم كله عند كوزمين متى ماوده يغيره راح يغيره والعكس بالعكس (( انا ارى ان ويلي الى الان لم يقدم شي ،مقارنة بالهالة الاعلامية التي صاحبت التوقيع معه ثم المبلغ الذي دفع له ، الخ ...كلنا نحب الهلال وهذا ماجلعنا نتخلف في الرأي حول ويلي يعني من دافع محبـــه لا اقل ولا اكثـــر ................... ))) |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd