█◄◄░ جيل النيدووو تحت المجهـر ░►►█ - صفحة رقم 3 - نادي الهلال السعودي - شبكة الزعيم

الهنوووف · #1 04/12/2008, 03:13 PM

هلا وغلا كل واحد باأسمه
لاخلا ولاعدم

بس ترى الموضوع قصير لايغركم التقسيم بثلاث ردود ههههههههههه
بس مسوية حركه يعني

الرد الاخير اضافه اختبارات تبونها او اطمروهـ مايعتبر من ضمن الموضوع

والرد الاول مقدمه صغنونه

مو طويل لاتعقدوني

شايفني فياض

عاشقة الزعيم 15

ورده

هلا وغلا

ههههههههههههه يافضيحه ياانتي
جد تعقدت نفسيا منه كل مااجي ارسل يخرب وينحاس

وماقتنعت مرهـ فيه

ياحبي للنيدو كاني من جيله

حديثك عن النوعيه من الشباب الي ذكرتهم
صحيح حريه شخصيه بس ايضا حلو الواحد يراعي مجتمعه والذوق العام
ومايصيبه حمى التقليد للغرب
بعض الملابس لاهي من لبسنا ولاهي من عادتنا
>>> احسني من جيل حليب النياق

حنا مانحكم على اخلاق الولد بس ظاهرهـ يدل على عقليته صح اولا.؟!
يعني ولد بيلبس فوشي وشوي ويحط مناكير؟؟!
اتوقع شي مرفوض بتاتا بتاتا

طبيعي له دخل بالتربيه ولاحظي قلت التربيه ماتكلمت عن الناحيه الدينيه
يعني ماقول هالولد سي اخلاقيا
بس حلو الواحد يربي عياله على اللبس المتقبل امام الناس
عموما اغلبيه الملابس الغير متقبله عندنا تعتبر غير متقبله بالدين يعني مكروهـ او ماتجوز او تشبه والخ

اما اخوك
لو بمكانك عناد ماطفي النور

>>عنيده

وانت بخير يالغلا والله يطول اعمارنا بالطاعات

\

/
مرور جميل من صاحبه روح جميله

يعطيك العافيه يالغلا
وشاكرهـ لك حضورك

Z3EEM . FC ورده

هلا والله بك اخوي

تسلم والله
لايااخوي ماقسيت ولاشي

خصوصا اني اعتبر من ضمنهم
هذا تصوير للواقع الي مانحس فيه للاسف
ولو تحدثنا عن المساويء بنعرف ان الي قلته قطره من بحر

بالمقابل فيه مميزات تمزينا ولكن حبيت نعالج السلبيات هنا

\

/
الاجمل مرورك عزيزي

شاكرهـ لك حضورك

ولاتحرمنا طلتك بمجلسنا

abo_nasser ورده

هلا هلا

ورده
ياولد النيدو

الخط مو واضح مره نعتذر لخلل فني

وش اسوي مافيه حجم مناسب

زريبه الغنم اتوقع حوش الغنم صح

ايه ماشاء الله عليهم مو مثلنا دلع في دلع لازم بارقى المستشفيات
ونفاس وايام اضافيه على النفاس تسترد نشاطها ورشاقتها

هههههههههههههههه هين انت والنوم علاقه وطيده

تذكرت مرهـ كنت دايخه واقاوم ماحسيت بنفسي الا صاحيه

واشوف المحادثات تاشر

اثاريني كنت اسولف مع البنات ونمت فجاه

ايه الله يسامح الي خلانا ندمن

فصل الاتصال طرق تعذيب المدمنين احط حرتي باالاتصالات

ياكسووووووووووووووووووووووووول

\

/
مو طويل يابني

من قصر مواضيعك

الاروع حضورك هنا
شكرا لك كثر طيبة قلبك وجمال روحك

بريماكس · #2 04/12/2008, 03:58 PM

بعدغياب .. تطل علينا الهنووووووووووف بموضوع جميييل كالعاااااااااااده

الحمدلله على السلامه بس حرام عليتس الخلفيه سوداء

الله العالم ترشيح اوباما مابه خير

العالم صرت سوداء

على فكره تراي ماظللت ==> مصدق

انا ابحج بس لحد الان مدري

لا مش حاج خلاص حجيت فرضي اقضب ارضي

اوما مشتاقه لوجيهنا الطيبه .. وانتي شايفه وجيهنا كله مغبره

واللي خدوده ممشقه

جيل النيدو

انا مانب من هالجيل

الوالد الله يرحمه دايم يمدحني

يقول انت فحل ومانتب على عقليت جيلك

وانا أأييده واقول ماقلت شئ خطى وانا ولدك

ان اشهد انك خلفت فحل وشجاع هع

وترى بعض الكلام فيه مباااااااااالغه بزود عن جيلنا

وعلى فكره انا اقترح

"يقوولن اللي راضع رضاعه طبيعيه يكون افضل من اللي من ولادته وهو على النيدو" يعوض الان عن قبل

=====> يتخيل واحد عمره بالعشرين بحجر امه

االولاده .. امي الله يطول بعمره تقولي قديم الحرمه تروح تحصد العصر بالمزرعه وهي حامل وترجع المغرب ومعه بصبوص صغير ( ولدت )

وتقول ماشاء الله مافيها خلااف

ماشاء الله حريم اول نشيطات ماهب زي الحريم التاليات اللي تتألم قبل الولاده بشهور وتتألم بعد الولاده بشهور ومايمديه تطيب الا جاي الولد الثاني وهكذا

يمدحون التعدد (

)

من ناحية الاشكال اللي جنز و وو مدري ليه اشره عليهم الصراحه عادي البس جينز بس احترم شوي بعضهم الجنز تحلف انه مساعده احد على لبسه بالحيييييل ضيق

النت والله باستراحتنا نجتمع وايا بعض اكثر من عشره وكل واحد معه لاب توبه

وعادي نجلس نص ساعه مسكتين كلنا داخل جوه مع النت

بس الصراحه عني انا ضيعني كثيررررر النت وبنفس الوقت افادني بس سلبياته ما يقارن بايجابياته

يعني مو معقول الواحد اغلب وقته عليه والله اول طول وقتي عليه حتى اخوي يسمين ( النت )

والله من جد لما يكلمني وينك اقوله على النت

وبدأ يعلق علي بالبيت النت النت

حتى كرهت النت منه وبدديت ما ادخل الا قليييل .. على الاقل خلص من اشغالك وخله على الفرغات

افضل شئ نظم وقتك على النت وحدد الاشياء اللي تستفيد منهااا .. زي المسن .. والمنتديات تكون محدوده على اثنين او ثلاثه فقط

اما انا طاب على خشتي بالنت من قبل حتى قبل فتره ابحث عن مقطع خاص وطلعلي كم منتدى دخلت على منتدى ومن شان تاخذ المقطع لازم تسجل سجلت بايميلي قال الايميل مسستخدم قبل

استرجعت البيانات ودخلت للمنتدى وصارلي اكثر من سنتين عنه

وصارتلي باكثر من منتدى ..

اما يسمن النت .. معلومه جديده

والله ماوره الا الهموم والغموم وطلعنا على اشياء لو حنا على جهلنا كان اريح لنا

على طاري الاتكاليه .. امس الوالده تجيب لي الغداء وانا متكي على النت وداخل جو

ولو بيده وتقدر كان غدتن والله اني عجااااز وحرام اللي اسويه

.. حتى وصل الحال اختي تلبسن الشراب

وانا ممدد الرجلين

==> عيب يابا تقول هالحتشي جدام الناس

ههههههههههههههههههههههههههههههههههه وش رايكم مابقى الا يوضونن بعد هع هع

كللله من النت

اكرهك ماحبك يانت

اما الاختيارات مايحتاج اختار ولا شئ واثق من نفسي الحمدلله

إقتباس


	هل انت كسول ؟؟؟؟؟..

بس شوي

إقتباس


	هل انت مدمن انترنت ؟ نحن سنختبرك الان , ادخل فورا !!

بالسابق نعم نعم نعم .. اما الان لااااااااااااااااااااااااااااااااا

وعلى فكره اجاباتي توافق ج ..

بليزززززززززززززززززززززز

لا احد يرد بعدي ابرد انا برد ثاني

يتبع

7
7

صاااااااااااااااادوه

الله يعطيك العافيه يالغاليه عالموضوع !

سلامي

2008 - 1429

هـ20ـلالـيـه 100% · #3 04/12/2008, 04:25 PM

بما ان الموضوع ماله دخل فيني بتاتاً البته

<< متعيجزه ترد على موضوعك القصير

ابي افهم هاذي الصوره

الحين هم نايمين ع الأرض او على طياره او ايش ..
وليه كذا فوق بعض !! يعني ضاقت الدنيا

وبعدين وشو موقعهم من الإعراب

جابتلي اكتئاب .. لاااااازم افهمها

<< طلعت من الموضوع زي الشعره من العجينه

فتاه هلاليه · #4 04/12/2008, 04:29 PM

هنووو

أنا واصلني الخبر من قبل أمس إنك بتنزلين

وعاد توني داخله وشفته ماصدقت قلت يمكن أختها مب هي

وينك يالغاليه من زمان عنك بالمجلس

فقدناك بجد.
موضوعك قريت نصه بس قلت أخذ لي مكان

وارجع أكمل الرد ...
الرجعه بكرا خلاص مو اليوم يعني لاتحسبيني سحبت

-------
,,
BACK
السلام عليكم ورحمة الله وبركاته

+ورده
ماشاء الله تبارك الله وش هالزين ياهنوو

موضوع متعوب عليه

استحق الدبوس وبكل جدارة

لي كذا كومنت على موضوعك الواو

,,,

إقتباس


	مهما نسوي نظل بعين الجيل السابق ان حنا جيل مايستند عليه وفاشل حتى لو نخترع طائره قالو فاشلين

من جد مدري ليه دائمًا نظرتهم دونية لنا ودائما يحبون يذمونا وانتم ماتعرفون شيء ومالكم في شيء وفاشلين فاشلين لو وش تسوون !

ليه طيب؟!

إقتباس


	تذكرت جدتي تقول ان عندهم عزيمه وكانت تطبخ العشاء فكانت حامل وولدت وبعدين رجعت تكمل العشاء هههههههههههه ماشاء الله عليهم

ههههههههههههههههههههههههههههههههههههه

هذي ذكرتني بسالفة الملك عبد العزيز الله يرحمه مع إنها مالها دخل بجيل النيدو بس تذكرتها يوم يقولون انه كان يتحارب مع واحد وطعنه هالواحد في بطنه وقام ربط بطنه بشماغه ورجع يكمل !

يعني بالله إنتم وش هالسوالف وش تحسبون عقولنا بتصدقها !

إقتباس


	ابرز مايميز هالجيل هو ادمانهم على التكنولجيا ولعل ابرزها الاعتكاف على النت مصطلح " إدمان الإنترنت"

للأسف والله ونادر ماتشوفين شخص بهالجيل ماأدمن على هالعلة !

إقتباس


	ادمان الانترنت اصبحت مشكله نعاني منه

إقتباس


	افصل الاتصال ساعتين عن احد الشباب او البنات والله يا بتشوف شخص ثاني عصبي ومتنرفز ولحد يكلمه مثل حالتي

ومثل حالتي أنا بعد

من جد بتشوف إنسان ثاااااااااني ! أتذكر مره أمي فصلته بالغصب بحجة إنها ماعاد تشوفنا نقعد عندها فصلت المودم صح قعدنا عندها بس تعالي شوفي الأشكال ملل وطفش وحومة كبد ومغتلقة ومالك خلق أحد ! كله بسبب الإدمان على النت !

إقتباس


	عاد النت يعتبر عدوو الامهات والاباء ياهم يدعون عليه وعلى الي اخترعه

ههههههههههههههههههههههههههههههه

عدوهم وبس !

أحسهم يدعون عليه ليل نهار

إقتباس


	اشوف بالمطار المسافرين كلهم معاهم شنط لاب توب صغيرهم وكبيرهم

إقتباس


	حسيت الادمان وصل حده وايضا بالجمعات اشوف كثير اجتماعات صارت كانهم بمقهى كل واحد بجهازه حتى البنات وحتى بالبر ماصار الواحد يستغني عنه تلاقيه بالكونكت

أنا مدمنه نت ما انكر هالشيء بس ماتوصل معي اخذه لمكان الدراسه أو بالبر أو المطار ! ممكن أخذ اللاب معي إذا كنت بسافر بس بشنطته, ما افتحه ,اذا وصلت بالسلامه عاد لزوم أفتحه اشوف وش صار له مع تقلبات السفر

إقتباس


	تهقون يصيرون يسالون بالنت عن البنت والولد عاد الله الله بالمدح

والله لاتستبعدينها ياهنوف بعد كم سنه الظاهر بيسوونها وش عقب اللي طالع ويقول خلوا الشوفه الشرعية بالكام !

إقتباس


	الفيس بوك ونت لوق و و غرف الدردشه والبالتوك و الخ تعتبر من اكثر المواقع استخداما للاسف مرهـ من المرات قادني الفضول ودخلت واحد من هالمواقع يااني شفت صور استغفر الله بس لو يشوفنها اهلي فصلوا النت عنا ناس مدري وش يحسون فيه بالضبط مسخره

الفيس بوك والنيت لوج المشكلة إن أغلب مرتادينه مراهقين وفيه بلاااوي استغفر الله !

أنا زيك مره دفعني الفضول لدخوله استغفر الله بس من جد حسيت أهلي بيفصلون النت عني لو شافو اللي كنت أشوفه والمسخره اللي صايره ! سويت لي صفحة بالفيس بوك بس إني ماعرفت وش اسوي فيها فتركتها ولاعاد صرت أفتحها .

هنوووف بس بسأل وش يحسوون به!!

الله من زين الخشش ارقدوا ارقدوا بس الله يخلف على أمـ(ن) جابتكم !

إقتباس


	خصوصا الشباب عندنا بالسعوديه اتكالين بدرجه كبيره جدا جدا جدا ومايروح ضحيتها الا حنا المساكين الواحد بس وده ياكل ويتسدح لو تجيبين له موية يغسل بها ماقال لا جد حالتكم مستعصيه حنا صحيح اتكالين بس اشوف النسبه عندكم اكبر بعض الشباب مستحيل يدخلون المطبخ خير ياطير وش بيضرك تجيب لك موية او تشيل صحن ياااااااربيه بيستنقص من رجولتك

أعجز مخلوقات الله هم الشباب!
طبعًا مانستثني أنفسنا منهم يالبنات بس هم عجازين بشكل غير طبيعي وأكثر مننا يالبنات

,,,

شوي بس هنا إذا ماعندك مانع هنوف خانوم

بأتكلم كثير وبطلع اللي بقلبي بهالنقطة

إقتباس


	رايكم بالجيل الحالي الي انت منه

يعني هنا مساحة حرة للعضو :

أنتم فاشلين !

للاسف دائمـا نسمعهـا وللاسف ايضـا مالقينـا من يوعينـا لو كنا فاشليـن !!

احنا مو فاشلين بس احس انا اذا قارنا نفسنا بالماضي رح نكون فاشلين

عشان كذا انا اشوف ان جيلنا مو فاشل بدا يتطور وزماننا يحكم علينا
دايم أسأل نفسي وأقول هل فعلا احنا فاشلين !؟ أحس يعني لو قارنونا بالاجيال اللي قبلنا تقريبا راااح نكوون فاااشلين
لكن لو شلنا هالفكرة من بالنا راح نتطووور وماراح نكون فاشلين يعني فكرة الفشل هي خلتنا فاااشلين فالمقاارنة ابدا مب حلوووة الماااضي مااضي والحااااضر حاااضر يعني نعمل للقادم وماانناظر لوراا عصرنا الحالي احنا غير فاشلين !! وزي مايقولون .. "لكل زمان دوله ورجال" وحريم بعد .

بس كثير من أهالي هـذه الأيام يعتبروننا جيل فاشل وانه الزمان تغير وليس مثل ما كان عليه وأننا لا نقدر على تحمل أي مسؤوليه وأنه زمـن الاتكال على الغير تسمعهم يتحسرون على ايامهم الماضيه ويصفوننا ويصفون زماننا بأمور غريبه.

تـراي تحمسـت =)

وبالنهـايه حنـا فينـا الخيـر الحمـدلله وجيـل راح يكـون ناجـح بوجود توجيهـات من الاجيال السابقه.

توجيهـات .. وليست احباطات !!

قبل ما انسى واسوي ارسال للرد بحط نتيجة الإختبار :

قد يكون لديك قابلية في المستقبل لأن تصبح مدمن إنترنت. فخذ حذرك!

^^

يعني مابيني وبين الإدمان الا كم خطوه

جايتك جايتك الله لايعوق بشر

<<--استغفر الله بس

ثانكس هنوفه على الموضوع بجد شغل مرتب ومتعوب عليه

كل عام وإنتِ بخير قبل الزحمه =)

Thanx

FINAL10 · #5 04/12/2008, 05:06 PM

نعم عيآل النيدو فآشليـن وما كذبوآ الشيبآن .!
كثر الحسد والحقد + الانحرآفآت نسآل الله ان يحمينآ منهآ

بس الحين نتكلم عن ادمآن آلنت .
انا صراحه مدمن ادمآن مو بسيط , الله يعين

яęęм · #6 04/12/2008, 11:26 PM

ياهلاآ والله بالهنووف ..

موضوع متكامل ومتعووب عليه ..

..

إقتباس


	لما اطلع الشارع واشوف شاب شعرهـ كشه وتي شيرته فوشي ولابس جينز ربع متر وكاتب على سياره فوفو والا حمتو اقول هذا واهله من الجيل السابق وطلع ولدهم بهالشكل كيف بيطلعون عيال هالشاب الجميل

يوه هالعيناات كثيره بمجتمعنا الله يهديهم ..
صار الولد يتشبه بالبنت والبنت تتشبه بالولد ..

إقتباس


	عاد النت يعتبر عدوو الامهات والاباء ياهم يدعون عليه وعلى الي اخترعه

العدوو الأول لهم .. أمي اللحين كل ما أشتغل ع النت تدعي إنه يخرب وتدعي على اللي أخترعه

..

إقتباس


	هل انت كسول ؟؟؟؟؟..

نتيجة الإختباآر ..

إذا كانت من 11-20

فأنت من الناحية الجسدية كسول بعض الشيء ولكن على الصعيد الذهني فأنت نشيط جدا

إقتباس


	هل انت مدمن انترنت ؟ نحن سنختبرك الان , ادخل فورا !!

هذي النتيجه

إذا كانت اغلب اجاباتك (أ)
مدمن كمبيوتر وإنترنت: واقع وغرقان لراسك بهذا الجهاز..انتبه فقد تجد نفسك وحيد في عالم خالٍ من الصداقات.
نصيحة:خصص ساعات قليلة من يومك لجهاز الكمبيوتر ولا تتعداها حتى تتخلص من إدمانك. << بس أنا أحس إني مو مدمنه

..

الهنووووف

تسلمين ع الموضوع بجد حلووو ومتكآمل ..

الله لاآ يحرمنآ من إبدآعك يالغآليه ..

..

تقبلي مروري مع حُبي ..

أختكِ / خجل الحب ..

عـز الهلال · #7 05/12/2008, 01:05 AM

][ ..السلام عليكم ورحمه الله .. ][

..

هـلا والله بــ الهنوووف

و هــلا بــ هالموضوع الـي يستحق [ تقرآهـ ] ..

خصوصـاً هــ الفتره

.

..

ع العموووم جيل النيدو فــ صدقتي أن اغلب اهل المجلس
من جيل النيدو و الإندومي و غيره ..

عكـس الجمهور الهلالي كلهم شيبااان

مـا أجيهم الا بـ المناسبات المهمه

.

إقتباس


	تذكرت جدتي تقول ان عندهم عزيمه وكانت تطبخ العشاء فكانت حامل وولدت وبعدين رجعت تكمل العشاء هههههههههههه ماشاء الله عليهم

هههههههههههههههههه
و الله جدتكـ الصدق يجري فـي عروقها

.

إقتباس


	طبعا ابرز السلبيات او الاثار المرتبه ..؟ يمكن كثير اثر على الفاظه واصبحت الفاظه حاسوبيه

ذكرتيني بــ واحد كآآن سمين من كثر ماكدنولدز و النت

من كثر ادمآآنه على النت والكمبيوتر .. جا واحد سأله .. ( كم وزنكـ .!؟ )

قـال 95 مـيقـا

.

..

خلاص عآآآد

هــ الشباب اعرفهم [ معرفه وجه ] .. مـا خليتوا مكان مافضحتوهم فيه

بـس يستـاهلون

.

إقتباس


	كان هناك شاب مستلقيا على ظهره في بستانه مر به رجل مسن وقال: لماذا لاتذهب وتعمل في حقلك أجاب الشاب ثم ماذا ؟ قال: ثم تحصده أجاب الشاب ثم ماذا ؟ قال :تأكله أجاب الشاب ثم ماذا ؟ قال : ثم تستريح فقال الشاب ها انذا استريح اذا

و الله انه صآآآدق هــ الشآآب

..

خلآآآآص عآآآد هنـا أختم الرد
!! .. ورده ..!!

سلاميشو ...

المحبره · #8 05/12/2008, 09:33 AM

أهلين الهنوووف

وش فيهم جيل النيدو

؟! و الله طلع منهم عباقرة .. و ناجحين
و المواصفات اللي ذكرتيها كانت موجوده عند الجيل السابق لكن حسب مجتمعهم وبيئتهم !
يعني مثل التعلق بأشياء تافهه .. ترى كان عندهم ألعاب وترفيه .. ماكانوا جادين وحياتهم عمل بس !
بحكم إني أصغر شيء بالعائلة .. فأعرف حركات الجيل السابق المرير

ماكان عندهم صحوة .. أمور كثيرة يعملونها عن جهل بتحريمها !

لكن بعض أفراد جيلنا (فارغ من الداخل) أقصد اهتمام كبير .. لكن بـ لاشيء !

من ناحية تصادم الأجيال .. هذي بالفعل مشكلة !
لا الجيل الجديد عارف يروض الجيل السابق .. و يصادق أمه أو أبوه ويعيشون اهتماماته بحدود ..
و لا الجيل السابق عنده صبر و استعداد إنه يسمع إلى النهاية .. ويتحمل مسؤولية الأبناء .. إلا ما رحم ربي !
أهتم كثير إني أتكلم مع أمي الله يخليها لي .. عن أشياء ممكن ماتهمها .. لكن عشان تكون مركزة معي .. وماتتصور إني تافهه ,,
رغم إنها أحياناً مايعجبها الموضوع أو الفكرة ! لكن وش أسوي !؟؟
بالمقابل أحرص إني أعرف الأشياء اللي تهمها وأسأل عنها ..
الانسجام .. و حسن التعامل والبر .. حل لجزء كبير من هالمشكلة ..

إدمان الانترنت .. يعتمد على المضمون !
وكل جهة لها فائدة وضرر !
أما عن الفيس بوك أو النت لوق أو حتى غرف الدردشة .. ما أتكلم فيها لأني ما أعرف طريقها !!

يبدو أنك بالفعل مدمن إنترنت. تابع إسلام أون لاين لتجد عندنا سبل لعلاجك من هذا الإدمان.

هذي نتيجة الاختبار .. و ما أتضايق أبداً !!
وماراح أتابع لأجد علاج

أنا بالفعل أجلس كثير ع النت .. أدور هنا وهناك .. و أحقق الكثير !
ممكن أستفيد و أفيد .. مو دائماً الوضع سيء !
تخيلي .. حتى دراستي ع النت !

أما العجز أو الكسل .. صحيح حاجه سيئه .. لكنها مو بس في هالجيل

الله يقوينا .. وينشطنا

ألف شكر الهنوووف .. ع الموضوع المفيد و الممتع ..

حلوة المواضيع النقاشية .. والأحلى التنسيق والخلفيات << ماعدا ذيك الظلماء

شكراً ,,

عريب عبدالله · #9 05/12/2008, 04:27 AM

هلا والغلا بالفراشة النشيطة

موضوعك هذا عوض الإنقطاع الطويل عن الشبكة بس مسامحينك أهم شي دراستك يالغلا

يقولون مواضيعي طويلة بس الله يحللها عند موضوعك<<ظلموها مسكينه

أنتي حللتيهم ذرة ذرة ما شاء الله ما تركتي شي

عاد أنا قرأت الموضوع وأنا جالسة أفطر المغرب وما رديت عاد الحين يوم تفرغت رجعت أرد على مراحل

هذي فكرة المحبرة

بالنسبة لي ما أهتم كثير برأي الآخرين في جيلنا وإن كنت دائما أنتقد جيلهم وبشراسه

وأنطل حكي عليهم وأقول رأيي بجراءة زايده ولكن ديمقراطية اللي حولي ترحمني كثيرا

مثلاً لازلت ما سكة على أبوي شغلات أذكره فيها لين بدا يحش فينا

بس أمي ما مسكت عليها شي مع الأسف فدائما تفحمني وما اعرف ارد عليها

ما فيه أحد يقدر يقنعني غيرها الله لايخليني

مشكلتي كنت دايم جالسة مع جدتي الله يرحمها وماتقصر علي بالمعلومات المطلوبه للوي ذراع أعمامي الأعزاء

بالنسبة لجزئية الكسل مرة عجبتني لأن ما أتوقع فيه أحد أكسل مني

حتى اخواننا السودانيين يمكن يكونون أنشط مني

بالنسبة لتحكم الأخوان هذا ما لا يسمح به دستور العائلة الموقر
وهذا من أجمل الأشياء في عايلتنا

أحيانا أنا أغلط على أخواني وهم اللي يجيهم التهزيء من الوالد والوالدة الله لايخليني

وأحيانا أطلب من أخوي يقلي لي بطاطس او يصلح لي كفي كلها كلمتين معسولة وما يقصر
وإن قصر كلها دمعتين للوالد وعاد ابوي كل شي الا أنا

<<من حالف عليه يصير اصغر مني "ذليته بهالجمله

"

فبصراحة أنتي ظلمتي الشباب السعودي لأن فيهم شباب سنعين ومتعاونيين

>>لاتصدقون كثير

بالنسبة للادمان الحمدلله اجتزت الإختبارات بنجاح فلا خطر علي مستقبلا منه

أما الكسل

كيف الحال

الحلوة هنو موضوع جميل ومتكامل إحتمال كبير أرجع قريب

بالحب والإشراق

مــــهــــنــــد · #10 05/12/2008, 06:54 AM

وش فيك تسبين جيل النيدو

والله شاطرين ومؤدبين ياحبي لنا بس <<<< يقال له من جيل النيدو ههههههههه

موضوع رااااااااايق ومزركش

تحياتي ،،،،

Blue Sun · #11 05/12/2008, 06:46 PM

هلا والله وغلا ورده

صراحة موضوع متكامل من جميع النواحي ومافي اي فرصة اني اضيف كلمة ..

إقتباس


	كان هناك شاب مستلقيا على ظهره في بستانه مر به رجل مسن وقال: لماذا لاتذهب وتعمل في حقلك أجاب الشاب ثم ماذا ؟ قال: ثم تحصده أجاب الشاب ثم ماذا ؟ قال :تأكله أجاب الشاب ثم ماذا ؟ قال : ثم تستريح فقال الشاب ها انذا استريح اذا

هههههههههههههههههههههههههههههههههههه
والله انه صادق وش الفايدة يتعب عشان يستريح وهو اصلا مستريح .. ،

يعطيك الف عافية على الموضوع .

وكل عام وانتي وكل اعضاء شبكة الزعيم بخير

وردهْ

كَلْ اَلْـ حَ ـيَاةْ · #12 05/12/2008, 07:47 PM

حي الله .. ريسة جيل النيدو

..

تصدقين كلآمتس بالصميم .. إي دا إي دا كله يابت انتي

..
نت وإدمان ومصآله عيال

..
وكلش ..

حتى هوشه ساره واخته ذي ذكرتني فيني انا واختي لآبغت امي شئ

الله يصلحنا بس

.

عن نفسي مآستغني عن النت لو ايش

حياتي نت ونوم ..!؟
واذا كان عندي وازع دراسي درست

حتى دراستي حاليا أربطها بالنت ..!
عشان اجلس اكثر وقت ممكن

شسوي احب النت

ومأعتقد فيه حل .!
العجز والكسل وهازا وهازاك ..!عاد حدث ولا حرج

يعني نحن قومٌ لو ربي يفكنا من العجز

كان صنعنا اشياء كثيره ..

بس على كذا كأنه الشباب بدى يصير عندهم شئ جديد وجميل..وصاره يستخدمونه لرقي بلآدهم وهذا ماأتمناه ..

بالنسبه لي صراحتن بالنت احب اقرى اكثر من إني آشارك

..
يعني عندي القراءه اكثر شئ من بعده يجي المسن ..

ومن بعده الباقيات ..
فيه آشياء مأعطي نفسي مجال لها لاني ان فتحت المجال رآح ادخل بمتاهات

وأولها الدردشه .. يعني صراحتن احسه شئ بايخ مع مرتبه الشرف

..
عسآني اتحمل المسن وخرابيطه

للدعاوي والاشياء اي والله ياعمري يأمهاتنا

.. وعلى قولة امي اللحين اللي مامعه لآبتوب يأحول ينرحم

.
في عائلتنا حاليا

يجيك صوص بأول ابتدائي عنده ايميل .!؟
يعني انا ودي اعرف هذا وش يستفيد من الايميل .!؟

صدق انا بديت بالنت من مده طويله وكنت وقتها بزر صغينوره لآأفقه من الدنيا شيئا لكن كان حدي مجله فارس وان طارت بي الدنيا

جلست اشوف افلام كرتون ..

النت شئ مالنا غناة عنه وتكللوجيا رغم ماتعرضت له في البدايه من رفض وانتقاد .!؟ والان لايكاد منزل يخلو منها < احترمت روحي

لكل فعل ردة فعل حقيقتا .. يعني استخدم الشئ في الشئ الزين زان وان استخدمته في الشين شان .. !
قدرت تطور نفسك من هالشئ وتفهم ثقافات وافكار جديده حلو ..

سويت الامتحان يالهنوف ..

وصراحه مأستغربت من النتيجه لاني متوقعتها.!؟
وتصدقين .. افتخر اني كذا..

إقتباس

النتيجة
يبدو أنك بالفعل مدمن إنترنت. تابع إسلام أون لاين لتجد عندنا سبل لعلاجك من هذا الإدمان.

موضوع لآمس الواقع حقيقتاً.. جدا رائع جدا متكامل ..

جدآ ممتع في أسلوب طرحه وكل ماحواه ..

اهنئك حقيقتاً ..

السمسار الهلالــي · #13 05/12/2008, 10:49 PM

أسجــّل اعجابي بالموضوع ورده

إقتباس


	تذكرت جدتي تقول ان عندهم عزيمه وكانت تطبخ العشاء فكانت حامل وولدت وبعدين رجعت تكمل العشاء هههههههههههه ماشاء الله عليهم

مثل كلام أمي تصدقين

ورده

الهنوووف · #14 05/12/2008, 11:38 PM

هلاليه كول 22

هلا وغلا

ماينلامون وشمس السعوديه

والله لما جربت انتظر اختي بالجامعه
كرهت السيارات

\

/
الف شكر لحضورك
ولاتنقطعين عنا

لاماشتقتي حنا نشتاق

وياحبي لك

محاميه

هلا والله

الكشخه حضورك >>لايكثر

\

/
اطلالتك هي الاروع
شكرا لك

سعودي اصيل

هلابك اخوي

ماختلف معاك ان النت له ايجابيات بس اتكلم عن المدمنين الي اغلب وقتهم تسليه
وهذا حال الاغلبيه وماننكر هالشي

حلوة لكل زمن الفاظ

اتوقع قصدك بالسؤال النت
كل شي بالحياهـ يكون له وجهين سلبي او ايجابي
الي بيحسن استخدامه طبيعي راح نعتبر هالتقنيه جعلتنا افضل من الجيل السابق
بس لما نشوف الدمار والخراب
بنقول ياليت هالجيل ماعرف النت مثل الجيل السابق
فالامر يعتمد على المستخدمين

البعض يعتبر سلبيات النت تطغى والاخر يرى العكس
وكلن ابخص بعمره

اتفق معاك ان عندنا اشياء تساعد على الكسل وابرزها الي تفضلت بذكرها
وحتى الاسره احيانا تعودك على الكسل او المدرسه
وطبيعي يكون الناتج طفل كسول وبنت وشاب كسول

\

/
الكريم::سعودي اصيل اطلالتك الاروع
وانا اعجبتني مداخلتك

نتمنى ان نرى حضور لك مكثف هنا فـ قلمك متميز

شكرا لك

فديت السعوديه

هلا بك اختي

هههههههههههههههههه عجازه بقوه انت
ترى طلب الموية من الخدامه ماحبه

قومي لك رجلين ويدين الله يصلحك

لاني دائما احط نفسي بمكانها احس عيب اني اطلب وهذا كبري
من وحده بعمري او اكبر مني

ايه هين جيل اول ماشاء الله كرف وتعب وحنا دلع

مع اننا نتعب بس فكره ترسخت بعقولهم

لاماطولتي بالعكس

\