الحقوا علينا ماحد بيشوف مباراة.. - نادي الهلال السعودي - شبكة الزعيم

الغالي 20 · #1 01/12/2008, 12:27 AM

لست محترف كتابة او صاحب قلم ناقد وسيكون كلامي متواضعاً ومبسطاً لكم .
من خلال برنامج الجولة ليوم السبت علمت ان مبارات الهلال والاتحاد منقوله حصرياً على (art الزعيم ) والآ ن سيتم افتتاح قناة ( art العميد ) خلال ايام وقبل الديربي الكبير.
من حق ( art ) انشاء قنوات للأنديه ما نقول لهم شيء حقهم ومالهم.
لكن يصل الغش والخداع الى منع حقوق المشتركين في ( art sport ) وللي دفعو فلوس قدرها ( 1200 ) ريال سنوي مقابل مشاهدة جميع مباريات الدوري السعودي من متابعة مباريات انديتهم وحصرها على قنوات الاندية مثل ( قناة الزعيم و قناة art العميد ) وهذا سبب مسابقة ( art ) لريح لأفتتاح قناة art العميد بأسرع وقت ممكن وبزمن قياسي ..
لذا الاولى بنا مطالبة قناة art اللي ابعدتنا عن فريقنا الهلالي ...ولأ نهم بينقلون مباراة الزعيم والاتحاد حصرياً على القناة المذكورة وماهي الا البدايه وياما حنشوف منهم بحفظ حقوق المشتركين ونقل المباراة على اي من قنوات art sport من القناة 1 الى القناة 9 .
وللعلم ان ابو عمارة يطالب في برنامج الجوله بعدم حصر المباراة وان المباراة من حق مشتركي art sport وادارتنا ساكته..
كله من اللي اشتركو بقناة الزعيم وطمعوهم بنا .. والله لو ما أشوف جميع مباريات الهلال ما اشتركة في قناة الزعيم لأني ارفض مبدأ الابتزاز ولوي الذراع

!!!علماً لو حصل المكروة سأرفع قضية لوزارة التجارة بالرياض ضد art لمطالبة بحقوقي بصفتي مشترك او اعاد ة مادفعتة كاملا .

( ارجو لو كنت متوهم ..فقولو متوهم ..على الا يكون الخبر اللي سمعته صوت وصورة حقيقة )

فيصل الحرربي · #2 01/12/2008, 12:29 AM

اقول الله يشيل هالباكستاني

الشرهه على اللي كفله ولمه من تورا بورا

Eng.MIM_575 · #3 01/12/2008, 01:14 PM

إقتباس

الرسالة الأصلية كتبت بواسطة فيصل الحرربي


	اقول الله يشيل هالباكستاني

إقتباس

الرسالة الأصلية كتبت بواسطة فيصل الحرربي


	الشرهه على اللي كفله ولمه من تورا بورا

ههههههههههههههههه

الله يرجك

انا اتمنى من هيئة دوري المحترفين او المسؤلين عن نقل المباريات التدخل

ونقل المباريات يكون على قنوات ART الرياضية

عنواني الوفا · #4 01/12/2008, 12:31 AM

عن نفسي والله ما اشوف المباراه الا بالملعب وين ما راح الازرق انا وياهـ

تنقل ما تنقل ما فكرت فيها

فتى جوي · #5 01/12/2008, 01:19 AM

السلام عليكم اخوي العزيز

لا اتوقع من art ان تقوم بهذه الحركه

لانها اذا فعلتها فسوف يستطيع المشترك العادي (من قناة سبورت1 الى سبورت 9)
رفع قضيه على art لان عند الاشتراك بها مكتوب سوف تشاهد الدوري السعودي كاملا

هذا والله اعلم

Yasser Aldaajani · #6 01/12/2008, 01:23 AM

شفت لو يسوونها .. خلاص هزلت الدعوه .. مانبي منتظر احد أبنصا الامير سلطان وبقول له انت حاط دوري السعودي ولا الدوري الكاملي ؟؟!! (( صالح كامل ))

لان من جد وش اللي غصب نشترك بـ ART الزعيم ؟؟!!!

لكن اتمنى ماتصير .. لانها بتكون حركه مقصوده .. ولوي ذراع من جد ..!!!

David Beckham_15 · #7 01/12/2008, 07:50 PM

إقتباس

الرسالة الأصلية كتبت بواسطة YASSER_O


	شفت لو يسوونها .. خلاص هزلت الدعوه .. مانبي منتظر احد أبنصا الامير سلطان وبقول له انت حاط دوري السعودي ولا الدوري الكاملي ؟؟!! (( صالح كامل )) لان من جد وش اللي غصب نشترك بـ ART الزعيم ؟؟!!! لكن اتمنى ماتصير .. لانها بتكون حركه مقصوده .. ولوي ذراع من جد ..!!!

هلال واتي تأكدوا بتكون منقوله على الرياضيه السعوديه يعني بنشوفها غصب وباذن الله

لكن اني اشترك في العارتي هاذي خل صالح كامل ينام ويحلم احلام ورديه احسن حقه

ان من الرياض وماقدر اروح جده عشان المباراه وبالتوفيق للزعيم

المولّع · #8 01/12/2008, 01:29 AM

اليوم الصباح اتصـلت على اي ار تي خدمة العملاء

و قال لي موظف اللي رد علي .. بالحرف الواحد .. جميع مباريات الدوري السعودي منقولـة على اي ار تي 7 و 8 و 9 حتى لو ماتشترك بقناة الزعيم .. و قال قناة الزعيم تنقل ايضا مباراة الهلال و المباريات الودية حصريا و التدريبات ايضا حصري

ارجوكم لاحد يطلع من راسه اخباار

دمتم بود

الغالي 20 · #9 01/12/2008, 12:36 PM

إقتباس

الرسالة الأصلية كتبت بواسطة المولّع


	اليوم الصباح اتصـلت على اي ار تي خدمة العملاء و قال لي موظف اللي رد علي .. بالحرف الواحد .. جميع مباريات الدوري السعودي منقولـة على اي ار تي 7 و 8 و 9 حتى لو ماتشترك بقناة الزعيم .. و قال قناة الزعيم تنقل ايضا مباراة الهلال و المباريات الودية حصريا و التدريبات ايضا حصري ارجوكم لاحد يطلع من راسه اخباار دمتم بود

شكراً لأستفسارك من النصابين ..ومرورك الكريم ..

( ارجو لو كنت متوهم ..فقولو متوهم ..على الا يكون الخبر اللي سمعته صوت وصورة حقيقة )

@هلالـــ جهني ـــي@ · #10 01/12/2008, 01:30 AM

آنآ بشوف آلمبآرآة بآلملعب ........ جدة قريبة من آلمدينة ........... وآلله يوفق آلزعيم

(المحبوب ياسر) · #11 01/12/2008, 02:40 AM

ياحبيبي شوف فيه اكثر من حل وريح راسك

* اذا المباراة بنفس المدينة اللي انت فيها انقز للملعب
* رسيفر DSL
* كفي شوب

هذي الحلول اللي عندي ولو كلنا نسوي كذا

صدقوني ان الباكستاني بياكل علقه عمره ما كلها في حياته .

الغالي 20 · #12 01/12/2008, 12:33 PM

اشكركم جميعاً ياشباب ..ولكن ايش قصة ابوعمارة لما طلب بعدم حصر المباراة ونقلها للمشتركين .. فرد وليد الفراج ان هذا شأن ال ( art ) وحدها وان عقدها مع رعاية الشباب لا مع الانديه..
اتمنى اكون فهمت خطأ اريحلي وللجميع ..

هلالي موت (ياسر)20 · #13 01/12/2008, 01:04 PM

عندهم حقوق النقل ,,

و من حقهم ينقلوها على اي قناة يبغوها ...’

عاشق s.ramos · #14 01/12/2008, 01:18 PM

أكــيــد الخــشــبــيــة بتــنــقــلــهــآ ..!!

عااشق النمر · #15 01/12/2008, 02:47 PM

الحمدلله أني ماأشتركة ومافي أمل أشترك لو ماأشوف ولا مباراة للهلال وحتى لو أضطر إلى الحظور للملعب لمشاهدة المباراة ولا أشترك في قنوات الأستغلال والشفط..