نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   صيـد الإنترنــت (http://vb.alhilal.com/forumdisplay.php?f=92)
-   -   نظام إغلاق المحلات والأسواق ليلاً.. (http://vb.alhilal.com/showthread.php?t=675595)

أحلـى هلاليه 02/12/2008 12:50 PM

اسمحوا لي اعلق على القرار...


قال تعالى(( وجعلنا اليل لباسا ونهارا معاشا))
صدق الله العظيم

اوروبا طبقة النظام وهي ماتعرف القران
وحنا يالمسلمين معترضين على القرار بحجة البيبسي وماادري شنووو

ليه تنام النهار وتجلس بليل
انت شخص من مجتمع ماتحط مصلحتك قبل مصلحة المجتمع
ونقول ليه شبابنا مايدرس مايشتغل ماينجح بحياته..

بنهار وانت نايم كم فرض صلاه يروح عليك
لو حطينا احتمال انك تصحى تصلي قبل الفرض اللي قبله هذا نسبة 2%يمكن
واذا صحيت باليل جمعتهم

لاتقووول النائم حتى يستيقظ انت عندك منبه يصحيك

ماعلينا نرجع للقرار
القرارانا مأيده له وانه قرار المفروض يطبق من زمان
عدل نومك وامش على خطته سبحانه وتعالى

ولاتقول بيبسي وشاني وتويكس<<والله خرابيط




..~عبرت موضوعك بهدوء

ياسر20 02/12/2008 05:58 PM

يعطيكم العافيه يا شباب وبنات على التعليقات

ننتظر بقية الاعضاء ووجهة نظرهم

تحياتي

h_s y t_2008 02/12/2008 07:14 PM

إقتباس:

الرسالة الأصلية كتبت بواسطة أحلا هلاليه (مشاركة 10299229)
اسمحوا لي اعلق على القرار...

إقتباس:

الرسالة الأصلية كتبت بواسطة أحلا هلاليه (مشاركة 10299229)


قال تعالى(( وجعلنا اليل لباسا ونهارا معاشا))
صدق الله العظيم

اوروبا طبقة النظام وهي ماتعرف القران
وحنا يالمسلمين معترضين على القرار بحجة البيبسي وماادري شنووو

ليه تنام النهار وتجلس بليل
انت شخص من مجتمع ماتحط مصلحتك قبل مصلحة المجتمع
ونقول ليه شبابنا مايدرس مايشتغل ماينجح بحياته..

بنهار وانت نايم كم فرض صلاه يروح عليك
لو حطينا احتمال انك تصحى تصلي قبل الفرض اللي قبله هذا نسبة 2%يمكن
واذا صحيت باليل جمعتهم

لاتقووول النائم حتى يستيقظ انت عندك منبه يصحيك

ماعلينا نرجع للقرار
القرارانا مأيده له وانه قرار المفروض يطبق من زمان
عدل نومك وامش على خطته سبحانه وتعالى

ولاتقول بيبسي وشاني وتويكس<<والله خرابيط




..~عبرت موضوعك بهدوء



أولا أنا أعلق على القرار هذا اللي برأيي قمة الغباء تطبيق هالقرار والأدهى والأمر استمرار تطبيقه

وأبغى أرد على أختي "أحلا هلالية"

أولا في الإسلام السهر مباح والآية التي إستشهدتي بها اعتقد انها توجيه سماوي

وليس امر حسب ماافهم من الآية

هذا شئ

ثاني شئ أنه من الطبيعي عند الشباب أنهم يعيشون حياة مختلفة

وما تقدرين تجبرين الشباب انهم ينامون أو يلزمون بيوتهم الساعة 11 مهما كانت المبررات أو درجة التأثير

وغير كذا انا ابي اشوف مبارايات وابي شئ يسليني شئ استمتع فيه

والمباريات ماتنتهي إلا 2 فجراً


ثالثا :مأعتقد إن عند الغرب استراحات او شقق يتجمعون فيها الشباب

لكن فيه حانات يتجمعون فيها

يعني الشباب في الإستراحات يحتاجون شئ يشربونه ياكلونه

لكن اللي بالحانات كل شئ متوفر لهم

أضيفي إلى ذالك إلى أن معدلات الجريمة ماهي زي عندنا

علشان كذا يعمدون إلى إغلاقها لتسهيل عمل مراقبة الشرطة

النقطة الأخيرة

فيه ناس عملهم يبدأ 12-1 بالليل

ولو احتاج شئ شلون راح يوفره له سواء اكل او غيره


يعني يا أختي من نقاط كثيرة اقدر اقول إن هالقرار "غبي وسقيم"بكل ماتحمله الكلمة من معنى


وأخيرا "الإختلاف في الرأي لايفسد للود قضية"


تحياتي.....ورده
H_S Y T_2008

IEGEND 02/12/2008 07:35 PM

لو يزودونها ويخلوا يوم الجمعة اجازة رسمية قرار 100%سليم

iOsαмαн 02/12/2008 09:41 PM

::

والله نظآإمهم ذآ سيئ جْدآ ..

لآن هنْآ السعوديْة تعودنـآإ على هالنظآم مسبقآإ

بعضهم الحين يجون العصر من دوآمهم ,,

ويتغدون وينآإمون ومتى يصحون عآد ؟

آغلبهم بعد العشآإء .. :d

وشووي الا وتجي زوجته على رآسه آبي السوق :d

يعني عقليآ النسآء هل يكفيهم فقط " ثلآث سآعآت " ؟ :surprised:

طبعآ "" لآ "" !!

وايضآ آوقآت الموآسم بيكون زحمة ع الآسوآق ..

يعني ما يمديهم يمشون خطوة الا الاسوآق قد آطفآت انوآرهـآ ..

وبعضهم منتصف الليل رآجع للبيـت ويبي البقآلة ضروري ..

,,

يعني القرار ذآ فيها سلبيآت وآيجآبيـآإت !

\

ولكن " سلبيآته " آكثر من " آيجآبيـآته " ! :)

\

تحيآإتي لكم !

ورده

::

\

أحلـى هلاليه 03/12/2008 01:45 AM


هذا انت قلتها توجيه سماوي ينبغي علينا ان نلتزم فيه
ونسير بتجاهه مو نعاكسه

لو فكرنا فيها من ناحيه ثانيه بعيدا عن العراقيل التي وضعت امام القرار
كلها اعذار لاتسمن ولاتغني من جووع
لو دخلنا داخل شوي بالقرار ونتائجه الحسنه لشفناها اعظم من السووق وماادري شنو
السووق مو لازم يوم واحد ترووح اكثر من يوم



قبل كل شي مااتوقع احد منكم مايعرف شكرة الزيت السعوديه ارامكوو
اغلبكم يعرفها

تدروون ليش هي اقوى شركه
لان موظفيها ماراح اقول كلهم بل معظمهم يناموون بدري
والنوم بدري ياحبايبي
او بمعنا اصح النوم باليل يحفز ان المخ يفرز ماده تساعد على اشياء كثيره بصباح
الراحه الهدوء وعودة النشاط من جديد للجسم
عشان كذا الشركه في تطوور مستمر لان موظفيها يعطوون بنجاح وبقوه
مخ صح تفكير مضبووط

ونقول ليش حنا مو مطورين وليش ماننتج وليه وليه

وليه مافي وظايف هو في وظايف بس وين اللي يدرس ويشتغل وهو نوم بنهار وسهر بليل
تبي تشوف مباراة خووش طمووح والله
مااقولك لاتشووف شووف
بس ماتمنع ان القرار يطبق عشان مباراة


اسباب نحن وضعناها

وفي عضوو قال تعودنا
ونقدر نتعوود ان المحلات تقفل بدري

واخووي اللي قال الجريمه عندهم اكثر
لاتكذب على نفسك تقريبا صارت عندنا الجريمه نفس المعدل
بل افضع في طريقتها

ومثل ماقالتووا الراي لايفسد للود قضيه

القلب ومايهوى 03/12/2008 11:35 AM

مرحبا أخوي
بصراحه جبتها عالجرح وللأسف عندنا هنا يطلعون القرار ويطبقوه وبعدين يشوفون ردود الفعل وهل لهم مصلحه منه ومن هالمنطلق يحددون هل هو يصلح أو لا
يعني على عماها
الرياض أصلآ ممله والمحلات فاتحه 24 ساعه
ومو ناقصه تمللها باغلاق المحلات آخر الليل
وماأدري وش الحكمه من اغلاق الدنيا وكأن الرياض أو المملكه عامةّ بحالة حرب وممنوع التجول فيها
وش ذا الطفش (احنا ناقصين)
طيب العزوبي والمغترب وش يسوي (يآكل تبن)
ترى الجوع كافر وممكن الواحد ينهبل اذا لقى الدنيا قافله بآخر الليل
ويدور بالرياض ومايصدق يلقى بقاله أو مطعم فاتح ويلقى عنده ربع الرياض واقفين طابور
على ايش؟؟؟؟؟؟؟؟؟؟؟
ويقولون عشان ماتكثر حالات السرقه!!!!!
بالعكس هم كذا يزيدوا هالحالات وتزداد المشاكل والشباب ماعاد عندهم شي يسووه وأنواع الفضاوه والبلاوي راح تصير
وقال ايش قال عشان تزيد فرص العمل للشباب بالمراكز التجاريه (ياعمري عالتصريفه)
ان شاءالله عمره ماتوظف دامه راح يقفل بلد كامل عشان يتوظف هو ووجهه ويتشرط بعد
وأي دول أوربيه اللي راح تتقيد يها
ياخي احنا مجتمع وهم مجتمع ثاني
نختلف من ناحية الدين والعادات والتقاليد والنظام الغذائي واللغه والعمل والطقس والبلد وكل شي تقريبآ
يعني تركنا الأشياء المهمه وبنقلدهم بخطة اغلاق المحلات بدري (الله على الخطط المدروسه)
قبل 10 سنوات كنا نروح للقهوة الين الفجر وماتقفل وتلقاها أحيانآ بوسط البلد
الحين الساعه 1 الليل خلاص سكروا واذا بتروح لازم تمسك خط القصيم والا الدمام عشان تلقى أقرب قهوة
وان رحت البستان اللي بالدائري الله يعينك على الروائح والدبش والأشكال اللي هناك
يعني نهاجر والا ندمن مخدرات والا ننهبل والا وش نسوي
والمشكلة انهم بهذا القرار ساووا بين كل مدن المملكه الكبرى زي الرياض وجدة والدمام وبين القرى والهجر!!!!!
وش ذا الظلم من زين الرياض أصلآ زحمة وقرف اذا على ذا الحال أروح أسكن بعفيف والا المجمعه والا عرعر وأفتك من هالقرف يعني زيها زي الرياض اللهم مافي زحمه وتفاتيش
اذا بيطبقون نظام زي هذا لازم تتغير عادات شعب كامل
واذا تغيرت هالعادات وقتها يدرسون هذي الخطه
مو يدرسونها الاربعاء والسبت تطبق والضحيه
حالة الفوضي اللي عمت الشعب بقرارغريب والأغرب انه مدروس (كما يزعمون)

şηάķέ вℓùέ 03/12/2008 12:00 PM

والله نظام فاشل

رجعنا على ايام الجاهليه نوم الساعه 10 وتصحى 6

--
و الله امس صاحي الساعه 2 وادور مطعم شي بقاله لكن ماحولك احد

h_s y t_2008 04/12/2008 02:04 AM

"أحلا هلالية" ورده


النقطة الأولى:-
أولا بإعتقادي أن التوجيه يختلف عن الأمر

لما أوجهك إلى أن شرب الماء بإفراط مضر....!!

مختلف كليا..عن

أني امرك بعدم شرب الماء....!!

هذي نقطة.

النقطة الثانية:-

الأسباب التي ترين أنها لاتسمن ولاتغني تحكي من منظورك الشخصي

والذي أرى أنه من غير المناسب أن تفرضين هالمنظور على الكل

وأنك تفرض علي نمط عيش محدد ووتحكم في موعد نومي

هذا أمر مرفوض لدي أنا على الأقل....!!

النقطة الثالثة:-

حنا هنا مانتناقش حول فوائد النوم مبكراً ياأختاه

حن نتناقش عن جدوى فرض نظام يتحكم بنمط عيش المجتمع

بعدين إنك تربطين الإنتاجية بالنوم المبكر معك حق لكن فيه نقاط أخرى أهم من النوم المبكر أهمها المناهج التي تدرس للنشئ بالمدارس

وبعدين لو فيه وظائف بالنهار ماسهروا بالليل بعدين مسألة الوظائف ماترتبط بالنوم هي الأخرى

لو ركزوا على نقاط أهم مثل نظرة المجتمع لبعض المهن أفضل من أنهم أغلاق المحلات بوقت مبكر



النقطة الرابعة:-

ذكرتيني بأحد المدرسن كل ما أناقشه عن المباريات يقعد يتهكم عليها ويترك النقاش العقلاني

"إيه نعم أبي أشوف مباريات حتى مباريات دوري جزر المالديف أبغى أشوفها"

بعدين أثناء المباراة أبغى شئ أحتاج شئ لازم انتظر إلى الساعة 7 عشان آخذ حاجتي

مافيه احد يعرف الظروف اللي ممكن تحدث له ينقطع الماء يصير شئ ماراح يكلها مفلفلة إلا المواطنين

أخيرا

"الإختلاف في الرأي لا يفسد للود قضية"

تحياتي....ورده
H_S Y T_2008

أحلـى هلاليه 04/12/2008 02:28 PM

اخووي انت تتكلم عن فئه عن المجتمع وانا اتكلم عن فئه
يعني في من يرضى بهذا القرار وفي من يرفضه

وصدقني المجتمع هو المستفيد

آيوو 20 ووهـ 07/12/2008 12:45 AM

اغلب طلعاتي في الليل اسير على ميد ولا بقاله فاتحه
لكن للاسف انصدمت باغلاق جميع المحلات ..
قرار سيئ جدا ..
.
.
تقبل مروري ،، ورده

عاشق الموهوب 10 07/12/2008 01:52 AM

http://www.alriyadh.com/2008/12/06/img/605045.jpg


لا تعليــق ,,

[email protected] 07/12/2008 01:59 AM

والله قرار سيء و للأسف

يمكن يكووووووووون امني بس نحن ديرت امن وامان

ثامرادي 07/12/2008 03:09 AM

طيب واللي مثلي .. ؟؟

قبل سنتين كنت ادرس الصباح واعمل في المساء حتى العاشره ..

ومسؤول عن أسرتي وقضاء حوائجهم .. على هالحال كيف بخلص لزوم اهلي ؟

احتري اخوي يكبر ولا اجيب ولد واشربه حليب عشان يكبر بسرعه ؟


الطامه لي برجع لنفس النظام ولكن بدوام على فترتين ..

وعملي بعيد عن مقر سكني .. يعني لو طلعت تسع بكون عشر في البيت ؟

متى اخلص حوايج اهلي واقلها الخبز متى بشتريه ؟

Al Suwalih 9 07/12/2008 03:13 AM

أشوف انه شي ايجابي

شوفو التحلية تخف زحمتها من هالجحلط عشان الكوفيهات تصكر 12 تقريبا والكل يروح يدور بعيد


الوقت المعتمد في المنتدى بتوقيت جرينتش +3.
الوقت الان » 03:19 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd