|
ياشباب ودي تعطوني فزعتكم يا اهل الزعيم السلام عليكم ورحمة الله وبركاته ودي ياشباب تساعدوني لاني دخت:sleep: وانا ادور المواقع اللي فيهاتتسرب اسئلة الوزارة(ثالث ثانوي) وما اتوقع انكم بتقصرون ولو يلقاها واحد منا ليش ماينزل الاسئلة على المنتدى بحيث تكون دعاية للمنتدى ونلقى الناس كلها داخلين يدورون عندنا في المنتدى ويحصلونها ومشكورين من القلب :p |
@@ اعتمد على الله ثم على نفسك يامطامر الشعبان !!!!! |
صدقني كله كلام فاضي أنا العام متخرج من الثانوي ومجرب كان يوم الجمعه ليلة الإختبار مقابل الأنترنت ولا طلع شيء وأتصل علي واحد الساعة 2 وقال تعال تراها جتني الأسئله وأنا اللي أروح ونلقى ذيك الورقه اللي يالله تشوفها ونقعد نحل وتجينا كذا ورقه وعلى هذا الحال وقبل الإختبار بخمس دقايق جتنا ورقه جديده وكل هذي الأوراق اللي وصلت عشر تقريبا ولا سؤال جاء منها ولتأكد بعد الإختبار سألت أخوياي واحد واحد جتهم أسأله مثل الإختبار قالوا لا فأقولك أخوي صدقني هذي الأشياء تروجها وزارة المعارف علشان تضيع الشباب ومثل ما قالك أخوي حبي التيماوي اعتمد على الله ثم على نفسك |
فعلاً يالغالي ... أعتمد على الله ثم على نفسك .. أم تسريب أسئلة أو غيرها .. فماهي الا حكي بحكي .. والله يوفقك وينجحك .. |
مشكورين وانشاء الله بعتمد على نفسي بدون تسرب |
هههههههههههههههه على طول هونت..:D:D شف يا اخوي ..هذا الكلام كان يحصل أول ما نزلت الانترنت السعودية..قبل تقريبا أربع سنوات..!!! وهو إن اختبارات الثانوية في المملكة نفس الاختبارات اللي تطبق في أمريكا والتابعة للسفارة السعودية ..:) يعني كانت الأسئلة اللي عندنا تروح لهم عن طريق السفارة..ومع فارق التوقيت بيننا وبينهم كانت الاختبارات عندهم قبلنا .. وكانوا ( الطلاب هناك ) ينزلونها للانترنت بعد الاختبارات والشباب هنا ياخذون برنت..:D وبعد اكتشاف الطريقة ذي استدركت وزارة المعارف الخطأ .. ووضعت أسئلة خاصة للطلاب الذين في الخارج.. وأسئلة اخرى للذين داخل السعودية..:) واللي حصل العام الماضي والعام الذي قبله..إن كلها إشاعات وأثبتت فشلها وأنها خراط فاضي..!!!.. ويمكن يصدف سؤال ويمكن لا..!!! كلمة أخيرة.. إعتمد على الله قبل كل شيء واعتمد على نفسك واعلم أن شهادة الثانوية تعتبر (( محددة للمصير )) فالغش فيها يترتب عليه وظائف والمستقبل كامل .. فما كان أصله في الحارم فسيذهب سداء ولن يبارك الله فيه..:(.. وكما نتمنى وندعو الله لك ولغيرك بالتوفيق والنجاح وأن تعود إلينا هنا مبشرا لنا بنجاحك..:):) والله يوفق الجميع .. ولك تحياتي ،،، أخوك / البارق:) |
| الوقت المعتمد في المنتدى بتوقيت جرينتش +3.
الوقت الان » 05:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd