هذا ماحدث في الملعب؟؟؟؟؟
 

السلام عليكم ورحمة الله وبركاته


كيفكم اخواني الزعماء واخواتي الزعيمات؟؟؟؟

والف مبروك النقاط الثلاث وعقبال ان شاء الله نقاط الاتي،،،

اليوم حبيت اعلمكم وش صار بالملعب سواء المدرجات اوعلى المستطيل الاخضر او خارج الملعب وطبعا ابعلمكم من طقطق الى السلام عليكم نخششكم اجواء الملعب:clap::clap::clap: ،،،


اولا/حضرت انا للملعب وهو يذن تقريبا العشاء فصلينا مع الناس اللي تصلي على المسطحات الخضراء الخارجيه.

ثانيا/ دخلت الملعب وشفت صراحه الجماهير تقريبا بدت تملي الواجهه التحتيه وجلست ولقيت لاعبين الحزم قد دخلوا ثم دخلوا لاعبين الهلال بعد ماجلست بشوي وحظيوا بتصفيق حاااااااار وخاصة التايب كالعاده:clapping:.

ثالثا/بدأت رابطة الجمهور الهلالي بالتشجيع وحاولوا انهم يحمسون الجماهير اللي متواجدين بالواجهه لكن لاحياة لمن تنادي ؟؟؟؟؟ بس ماقصروا الجماهير بعد .... اعلمكم بعدينs60s.

رابعا/بدأت المباراة بهجمات للحزم مع ان كل الجماهير كانت هاديه وواثقه بالدفاع ابو مرشدي وابوهوساوي ووراهم الاسد محمد ابودعيع انه بأذن الله ماراح يدخل هدف
لكن بعد العارضه بدت الجماهير تحط يدها على قلوبها وما اخبي عليكم كنت واحد منهم.

خامسا/بدأ لاعبين الهلال بسيطره على الملعب ولكن بدون جدوى وكان اكثر اللاعبين تميزا في هذا اللشوط هو ولي ولكن اصيب وطب بداله الفريدي

ازداد حماس الجماهير بعد هجمة المهاجم الفذ العنبر اللتي وضعها على يد الحارس الحزماوي.

سادسا/ انتهى الشوط الاول وتعال خذ تحاليل من بعض الجماهير وهذا الشي اللي يكرهني في الملعب اللي يقول مدرب غبي واللي يقول لاعب سبك واللي يقول
.......

ويالله من هالكلام حتى الرئيس طاله الكلام في السب كنه هو اللي يضيع الهجمات لدرجة حسيت انه منتهي الشوط الاول 10/0للحزم من كثر هالسب.

سابعا/بدأالشوط الثاني بأجراء تغيير هلالي اول بخروج ولي للأصابه وودخول الصويلح الذي فعل الهجوم وفك الرقابه عن زميله العنبر وعد تقريبا ربع ساعه من مرور الشوط الثاني اللي بدا فيه الحزم بكم هجمه خطيره سيطر الهلال سيطره تامه نتج عنها الهدف الهلالي الاول اللي بدأيشجع الجمهور من هالنقطه واتى طارق للجماهير ليحتفل معها بالهدف اللي صلحه كفو يبو نادين وبعدها بخمس دقائق رفع الفريدي عرضيه ليرتقي لها عنبرينهو:clapping::clapping::clapping: ويعلن عن هدف ثاني للهلال الذي تفاعل معه جميع اللاعبين والجماهير واول مره منذ فتره طويله يأتون اللاعبين بالاحتفال مع الجماهير <<<<<والله عندي احساس ان اللاعبين يدخلون المنتدى ويقرأون اللي نكتبه واعجبني العنبر اخلاصه بتقبيله للشعار يالبى قلبك يالعنبر

وبعدها ايضا بخمس دقايق ايضا يمرر البرنس كره من بين المدافعين لتصل للعنبر ويعلن عنها هدف هلالي ثالث واتى العنبر لجماهير الواجهه وحياهم مع تقبيل الشعار الهلالي وجا ابو مرشدي وعزيز والبرنس معاه يحيون الجمهور بعد هذا الهدف يالبى قليباتكم

بعد ذلك اتت كم هجمه هلاليه خطيره كانت تسفر عن اهداف لكن الله لم يكتبها
وكان من ابرز ماحدث بعد الهدف الثالث خروج الدعيع من مرماه في احدى الهجمات الحزماويه واحتفاظه بالكره عند الكورنر كأنه ظهير ماشاء الله عليه بس بغى ياكلها بهدف خخخخخخخخخخخخخ

والله يافقعت ضحك على كوزمين شفته وهو يطامر يقول للدعيع طلع الكوره وارجع بسرررعه للباب لكن الدعيع واثق من عمره ماشاء الله عليه


ثامنا/ انتهت المباراة واتى احمد الفريدي وصفق للجمهور الهلالي وبادلوه التحيه

فيه نقطه حبيت اقولها فيه بعض من الجماهير يقولون الله يخلي التايب والا العنبر ماسوى شي يعني بالعربي يبي يحطمونه كذا بس احب اقول للساحر العنبر ماعليك منهم واصل ابداعك ولاعليك من بعض المحسوبين على جماهيرنا العريضه


اتمنى اكون غطيت لكم احداث المباراة لحظه بلحظه<<<<وش عنده الشو تايم


الف مبروك النقاط الثلاث وهارد لك للميلانيين الهزيمه


بالتوفيق للزعيم امام الاتحاد واعتلاء صدارة الدوري بأذن الله

بجد تعبيرك مميز ..
اشكرك على التفاصيل..

العفو وشاكر مرورك يالــــــــــــــــــــــــــــــــــيدر

والله حسيت اني حاظرها:d

يعطيم العافيه يابعدي:smilie47:

الحمدالله على الفوز واهم شيء الــ3 نقااط والعنبر والتايب اخووان

عيون ياسر،،،
شنيور1

شاكر مروركم وفعلا حنا نشجع الفريق كامل مو لاعب ولا لاعبين.

يعطيك العافيه والملاحظه الوحيده في المباراه تكرر دايما ان الرابطه لا تتوقف الا خمس دقايق وقت الاذان ومن ثم بعدها تبدا التشجيع مره اخرى

اتمنى من الجميع ايصال الشي هذا الى الرابطه انهم بحي وليسوو في برر

يستاهل العنبرينهو


والجماهير الي ما عجبها هذي مو جماهير نادي


هذي بالبنط العريض اسمها جماهير لاعبين


وانا ما يعجبني هالشريحه من الجماهير حيث تظلم كذا لاعب وتحصل كلامه متناقض


يسب لاعب وبعد فتره تحصله معجب فيه


احنا هنا في منتدى الزعيم للعيبه الزعيم ومحبين الزعيم


مو منتدى لاعب واحد والعاقل يفهم


وجهة نظر لاتفسد للود قضيه

عنواني الوفا،،، دكتور عبودي

شاكر مروركم