هههههههههههههههههههه كبير يابرنس

والله العظيييم التايب هذا ماجا منه اثنين ..

اقسم بالله لاعب مثالي ولا فييه غيره - ماشاء الله بس - اليووم اناظر بهدف العنبر وهدف الصويلح اقول مثل هالكوره مايصنعها الا التايب .. لأنها ماشاء الله جايه بالمقاس ..

انا اخالفك الرأي
ياسر الموسم الي طاف خلفه التايب وماسجل غير 11 هدف
وكم لاعب مر على هجوم الهلال ماسجل الا قول او قولين
العنبر اثبت انه هداف وعنده قدره على التسجيل من اي كوره
هذا لايمنع ان التايب نجم كبير وذكي جدا ولاعب مهاري على مستوى عالمي
ولكن لاتهظم حق العنبر انه بس متحسن مستواه !!!

تحياتي

ياماشاء الله عليك*****ياالبرنس لاعب من فئة الخمسة نجوم..
التايب مشهور بتمرير الكرة للمهاجم في وضع انفراد بالمرمى ويسمونها في ليبيا(انت وضميرك)يعني التسجيل يعود لضمير المهاجم..تحياتي لنجوم الزعيم وجماهيره العاشقة له..

الحين يجيك واحد ينتقد ويقول لاتسبون الاعب ومدري ايش ثم يقول ترا ياسر لعب الموسوم اللي راح وماسجل الا 11

اقوله هل تقارن نجم اسيا بالعنبر !!!

لا والله صار العنبر احسن من ياسر !

انا ماقول العنبر لاعب ماينفع او كذا لكن انك تقارن ياسر بالعنبر هذي سراحه كذبه ومالها اي وجه مقارنه

لك مباراه ظروفها ويعني لو ياسر جته الفرص اللي للعنبر ماراح يسجل !!

العنبر جاب اهدافه بدون مجهود يعني بس الله لايهينك شتها فقط اعتقد مايبيلها لاعب فنان

تجي تقول اصلا ياسر ماجاب الا 11 هدف !! عندنا ناس مادري كيف تقارن واي واحد يسجل هدف لو انه سي بالمباره صار احسن واحد

ولاتنسى ان الصويلح الحين 4 اهداف وهو غارق بالاصابات

على العموم اهم شي الاهداف لو يسجلها كوزمين والثلاث نقاط وفوز الزعيم هذا اهم شي

ياتمجيد مبالغ فيه بسبب هدف او هدفين .. او تحقير غير منطقي بسبب ضياع فرصة او فرصتين

^^

انا اشهد يا بو طلال انك جبتها على الجرح ،،

ماقصرت

لاتقسون على العنبر فقد كان

ولا ننكر فضل طارق التايب

وبالتوفيق أنشاء الله والى الأمام

طارق أفضل صانع ألعاب في الدوري السعود يعطيك كور أمام المرمى
العنبر مايميزه أنه أمام المرمى مايتفاهم ولايستعرض وقلة إضاعته للفرص

مشكووووووووووووووووووووووووووووووووووووووووووووووور
على الجهد هذا

إقتباس الرسالة الأصلية كتبت بواسطة عـــ الشلهوب ـــاشق مشكووووووووووووووووووووووووووووووووووووووووووووووور على الجهد هذا

حياك يالغالي ..

وراك موقف ياعاشق الشلهوب

قاطع إشارة ؟

=====

إقتباس الرسالة الأصلية كتبت بواسطة dr-sazu يعطيك العافيه والتايب فنان ما يحتاج وهو من صناع الاعب من الطراز النادر ولكن لا تنسون مجهود الجميع في الجميع لم يقصر

عين العقل ..

شكرا لك حضورك ومرورك الجميل

=====

إقتباس الرسالة الأصلية كتبت بواسطة أســطورة الأســاطير9 الله يخلي لنا البرنس الي يخلي الداجين هدافين

اتوقع التعبير مجازي .. مثل عنوان موضوعي ..

لانه ماعندنا داجين بالزعيم

شكرا لك

=====

إقتباس الرسالة الأصلية كتبت بواسطة شريك الزعماء كلام سليم اوفقك الري لو احط ابوي الي عمره 65 سنه جاب اهداف من تمريرات التايب تحيه للي قبل اسبوعين مخلين العنبر مايسوى شي والحين حاطينه فوق مع احترامي للعنبر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

والله انك صح ...
تحية للي قبل أسبوعين مخلين العنبر مايسوي شي .. والحين مخلينه كل شي ...

هذي مصيبة جمهورنا ..

تحية لك والله يخليلك الوالد ... مهاجم آسياء الأول

======

إقتباس الرسالة الأصلية كتبت بواسطة السرابـ الأزرقـ 99 قبل فتره وبغياب العنبر كان الصويلح اخذ فرصته وفرصه كبيره بعد وايضا السلطان ولاكن ما سوو مثل ما سوا العنبر فهو تفوق عليهم لدرجه اني اشوفه الأن افضل من ياسر في التهديف لان ياسر من فتره غاب عنا كثير وان شاء الله يجرع بأحسن حال

التفوق لاتقيسه بالأهداف ...

تدري ان الهلال في مباراة الحزم ماتفوق إلا بعد مادخل الصويلح .. وتقدر تسأل أي شخص ذو خبرة .. ومتابع

شكرا لك

يعطيك العافيه

والتايب فنان ما يحتاج وهو من صناع الاعب من الطراز النادر

ولكن لا تنسون مجهود الجميع

في الجميع لم يقصر

الله يخلي لنا البرنس الي يخلي الداجين هدافين

إقتباس الرسالة الأصلية كتبت بواسطة أســطورة الأســاطير9 الله يخلي لنا البرنس الي يخلي الداجين هدافين

والله يخلي شبكة الزعيم اللي خلت الداجين مثلك يكتبون

إقتباس الرسالة الأصلية كتبت بواسطة مخلص للهلال والله يخلي شبكة الزعيم اللي خلت الداجين مثلك يكتبون

وحدوووه ياقدعااااان

======

إقتباس الرسالة الأصلية كتبت بواسطة جـ الرحيل ـرح تحيه لك اخوي وتحيه لجميع لاعبي الهلال والله يوفقهم أن شاء الله

ألف شكر على حضورك ومرورك الجميل اخوي

والله يوفق الجميع ويسعدك

=======

إقتباس الرسالة الأصلية كتبت بواسطة sultan_2004 ماشاء الله تبارك الله الله لايضرك يالتايب الكل يتكلم عنه << تخاف من العين بقوووووووه

سلطان ... لابغيت تلطش رد .. ألطش رد من ذكر .. لاطش رد بنت الله يهديك

=======

إقتباس الرسالة الأصلية كتبت بواسطة مـيـسـي_19 شوف حبيب قلبي انا والله وللأمانه العنبر ما يعجبني بس حبيت اعلق على نقطه انت تقول حطو وراي التايب واصير هداف طيب هذي وظيفة صانع اللعب وكذ1لك العنبر وظيفته يسجل وبس وحنا ما نبي غير مهاجم يسجل ويجيب لنا الفوز مهما كان اسمه يعني الحين اذا ما سجل كل المنتدى ما نبي العنبر واطردو العنبر واذا سجل قلتوو الفضل للتايب يعني والله شي حراام ويقهر بالتووفيق للزعيم ان شاء الله وليس من عادتنا اننا نسوي في لعيبتنا كذ1

انت كلامك صح .. بس قمت تخور في الأخير مدري شفيك !!

والدعيع وظيفة الحراسة بعد .. ورئيس النادي وظيفته رئاسة النادي ... وكوزمين وظيفته مدرب !! إلخ إلخ ..

مهوب هذا موضوعنا وماإختلفنا على وظايفهم .. لكن من اللى مأدي وظيفته صح ..؟

والعنبر مقدم مستويات كبيرة أتمنى زيادة المجهود .. لأن القادم الإتحاد .. مهوب الحزم .. وهالكلام حتى لطارق ولكل لاعبين الزعيم ..

تحية لك ياكابتن

========

إقتباس الرسالة الأصلية كتبت بواسطة عشقي فن سامي يعطيك العافيه ع الطرح ومع طارق التايب مش حتقدر تغمض عينيك وبالنسبه لتايب انتم شفتم في مباراتين يصلح اربع اهداف اللمسه الاخيره من طارق وين كنا والحين وين صرنا اول نفوز بهدف وبالدف ويالله يجي والحمدلله مع عودة التايب الوضع تمام التمام مع ان هذا مايغير نظرتي بمحمد العنبــر للحين اقوووول نبي لاعب يليق بمستوى الزعيم لا نكون عاطفيين وش يبي اكثر من كذا كوره انت وضميرك لو مايسجلها مشكله

ظروري .. ظروري العنبر يطور أكثر من مستواه ويستغل وجود التايب وفرصه تواجدة ثابت في التشكيلة ... لان الإتحاد مو سهل ... والبطولة الآسيويه إحتمال كبير تحتاج لشخص مثل العنبر صاحب ( حس ) تهديفي رائع لكن المطلوب الإهتمام بالمهارات لأنه يمكن يحتاجها في بطولة مثل البطولة الآسيويه وتكون حل لصعوبة تقفيل في دفاع الخصم وخلافة ..

عموما نتمنى للعنبر كل التوفيق ولكل لاعبين الزعيم ..

كلام سليم اوفقك الري لو احط ابوي الي عمره 65 سنه جاب اهداف من تمريرات التايب تحيه للي قبل اسبوعين مخلين العنبر مايسوى شي والحين حاطينه فوق مع احترامي للعنبر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!