إقتباس الرسالة الأصلية كتبت بواسطة أسطورة القرن من قال إن الطالب الي يدرس حالياً بالسعودية يعتبر مبتعث داخلي !! فيه طلبة مبتعثين داخلياً لكن مهوب كل الي يدرسون بالجامعة فئة قليلة مثل المبتعثين من جهه عملهم لمعهد الإدارة أو أحد الجامعات , أو يكون مقدمين طلب بعثة للوزراة و كان من حظهم إنها جت بأحد الجامعات المحلية أما الطالب الي يروح و يقدم أوراقة لجامعة معينة و يقبل فيها لا يعتبر مبتعث داخليا أي غلا معيشة و الي يرحم و الديك صدقني كل الغلاء الي تشوفنه لو تقارنه بأحد دول أوربا تحس إنه رخيص أنا لو بشتري شاورما من مطعم تركي مثلا بيطلع علي الساندوتش فوق 40 ريال !! بين بالسعودية 3 ريال شفت الفرق لو تشتري من كافتريا الجامعة شيء تاكله بالإستراحة و هي تعتبر رخصية هنا أقل شيء يطلع لك ما يعادل 35 ريال حتى لو بتشتري من البقالة مواد تموينيه بيطلع عليك السعر أضعاف مضاعفة عن السعودية علبة الببسي حول الـ 10 ريال خبز التوست 15ريال الي نشتريها بالسعودية بريال و ريالين !! هذا غير البنزين الي يا صبر الأرض عليه و قارن المواد التموينيه الي تكسر الظهر و إيجار السكن , أنا درست بجامعة الملك سعود و كنت مستأجر شقة بـ 9 ألاف بالسنة يعني مبلغ معقول و مشارك مع واحد يعني يطلع علي 4500 ريال بالسنة بين قيمة إيجار الأستديو الي ساكن فيه هنا لحالها ألف يورو و هو أصغر من السعودية يعني أيجار سنة بالسعودية أقل من إيجار شهر في هولندا هذا غيرالفواتير الثانية ( نت , كهرب , مويه , جوال , تلفون ) فرق السماء بالأرض و لا يمكن تقارن بينهم بأي وسيلة من الوسائل المعيشة أرخص , عندك أهلك تقدر تشوفهم بالأسبوع لو ما تدرس بنفس المدينة , و الي ساكن بالمدينة يجي البيت و يلقى له شيء ياكل مهوب يبداء يطبخ تخيل أحيانا أقعد أسبوعين رصيدي بالبنك أقل 50 يورو !! , و دايما تصير معي و أقلبها سندويتش جبن الي صار خير صديق لي في غربتي بين أنتم أقرب محل مندي و نص حبة دجاج و بيبسي بـ 10 << قيمة البيبسي لحالة و أنا جربت الغربة خارج المدينة و خارج الدولة كنت بالسعودية الحمد لله ما عمري أحتجت أو أطفرت زي الوضع هنا , ما عمري تتراكم علي الفواتير بشكل خيالي و ضرائب , ما عمري أشتريت أكل بأسعار خيالية يعني لو تاكل بالمطاعم بيدينك و رجلينك بالسعودية ما تفرق واجد هنا تتعود أكل المطاعم ما ينتهي الأسبوع الأول بعد المكافأة إلا و أنت مطفر بسئلك سؤال و جاوبني عليه قد مره قعدت أسبوعين كاملين ما عندك الي يكفيك و لا تقدر تشتري حتى العصير و ما تشرب إلا من موية الحنفية !! و مهما صار ما تقارن بأي شكل من الأشكال بمعاناتنا نحن المغتربين الي يمكن هم تحت خط الفقر الحمد لله إن الزيادة جت تريحنا شوي و تخفف من الضغط الي دايما نسوية مع الأهل بكثرة التحويلات

أخي أسطورة القرن كلامك جدا أسعدني .. ووضح لي انك من الطلاب المبتعثين خارجيا ..

لأني أحسست أن الزيادة أتت في وقتها لكم وهذا يسعدني .. الله يوفقك في دراستك العلمية ..

لكن لدي بعض التعقيب على ردك ..

أنت ترى أن جميع طلاب الجماعات الدخلية ما تبعد الجامعة عن بيتهم 30 كليو ..

لكن أعلم أنه يوجد طلاب تبعد الجامعات عن بيوته وأهلهم ما يقارب الف كيلو..

ثانيا أنت أخي المبتعث أعلم أن فرق العمله له عامل جدا ..

مثلا لو تكلمنا عن اليورو فهي تعادل أو خمسة يورو عن 25 ريال ..

والدولار خمسه دولار تعادل 20 ريال سعودي ..

هذا أحد الأمور ..

وكذالك هل أنت أخي مالبتعث خارجيا تستلم كما يستلم المبتعث الداخلي ..

فأنا أستلم 840 ريال وأنت تستلم ما يقراب 3500 ريال .. ((ألف دولار )) تقريبا .. هذا كله قبل الزياده !!

وأنت ظرب المثل بالفطور مثلا عندنا لو تشتري شيء تاكله 5 ريال تقريبا وأنت تستلم 840 ريال ..

بينما لوتشتري فطور في الخارج يكلفك 35 ريال وأنت تستلم 3500 ريال ((قبل الزيادة )) ..

والبنسة لسؤالك /

بسئلك سؤال و جاوبني عليه قد مره قعدت أسبوعين كاملين ما عندك الي يكفيك و لا تقدر تشتري حتى العصير و ما تشرب إلا من موية الحنفية !!

فأجاوبك أنا الأن رصيدي هو 000000 الله يخلي السلفات .. ودعم الأباء والأ كان الحين في ديرانا ندور أي لقمه تعيشنا..

امي ولدتني هلالي

مو قصدي شوي انه تجيك زياده خفيفه اقصد انه من المفروض الزيادات تجي على حسب الدوله الي مبتعث فيها الطالب

يعني الي في امريكا تختلف زيادته عن الي في اوربا وتختلف بعد عن المبتعث في دول شرق اسيا عشان كذا انا قلت يزيدونها شوي

بسم الله الرحمن الرحيم

موضوع رائع ويضاف الى كاتبه
موضوع يستحق ابداء وجهة النظر ويستحق المناقشه سواء من الطالب
الجامعي او غيره


كلمة حق ويجب ان تقال الطالب الجامعي يعاني ولازال يعاني
رغم هذه الظروف المعيشيه الصعبه


طبعا انا لست طالب جامعي ولاكن شدني الموضوع كثير مما رأيته عندما زرت احد الاصدقاء بأحد المدن وهو طالب جامعي كان الله في عونه على هذه الحياه

والله ياشباب ان هذا ماحصل لي مره وانا عنده تخيلو ماكان معاه شي يتعشى به وانه كان يصبر نفسه بالنوم وربي مأساه الله يكون في عونه


انا من رأيي تزيد المكافآت لطلاب الجامعات

وعليكم السلام ورحمه الله وبركاته,,,,,,,,


أخونا العزيز.... ناصر...

موضوعك يناقش الواقع وليس الخيال سمعنا وسمعنا وسمعنا لكن.... لم نشاهد أي شئ ماهذا.... شئ عجيب ...

الغلاء يتزايد فترة بعد فترة,,,,,,,,,,, والمعيشة تتقلص على الجمييع ,,,,,,,,, الطلابة من زملائنا يشتكون من هالغلاء الدكتور مثلا:

يطلب من التلاميذ أكثر من مرجع المرجع الواحد120 ريال والأخر ب65ريال ماهذا الظلم من أجل فقط أنه هو المؤلف

أليس هذا ظلم المكافئة 840 ريال فقط أنا لا اطالب بزيادة المكافئات 2500 لكن زيادة 300 ريال فقط للغلاء المعيشة

وفي النهاية شكرا لك ياأخي العزيز,,,,

إقتباس الرسالة الأصلية كتبت بواسطة نجومي وعليكم السلام ورحمه الله وبركاته,,,,,,,, أخونا العزيز.... ناصر... موضوعك يناقش الواقع وليس الخيال سمعنا وسمعنا وسمعنا لكن.... لم نشاهد أي شئ ماهذا.... شئ عجيب ... الغلاء يتزايد فترة بعد فترة,,,,,,,,,,, والمعيشة تتقلص على الجمييع ,,,,,,,,, الطلابة من زملائنا يشتكون من هالغلاء الدكتور مثلا: يطلب من التلاميذ أكثر من مرجع المرجع الواحد120 ريال والأخر ب65ريال ماهذا الظلم من أجل فقط أنه هو المؤلف أليس هذا ظلم المكافئة 840 ريال فقط أنا لا اطالب بزيادة المكافئات 2500 لكن زيادة 300 ريال فقط للغلاء المعيشة وفي النهاية شكرا لك ياأخي العزيز,,,,

شكرا أخي نجومي ..

ردك كان منطقي جدا ..

وهذا دليل زيادة الغلاء فتره بعد فتره لذالك يكون الأرتفاع ..

غير ملاحظ ..

وشكرا لمرورك الكريم ..

طيب اجل انا اقولكم انا ادرس بجامعة الكويت والمكافئة تتأخر والكويت ترى اغلى من السعودية بكل شي يعني لو بتجون من ناحية الكتب الكتب بتكون 10 او 12 دينار يعني تقريبا فوق 150 ريال وفي اكثر وفي اقل بس انا جبت لكم المتوسط تقريبا والدورات كل مادة دورة تقوية 20 دينار 250 الى 300 ريال تقريبا وبتقولون ليه تدخلون دورات تقوية اقولكم شرح الدكاترة ولا شي يعني لازم تاخذ لك دورة ولا تعيد المادة مليون مرة وغيرالمصروف و هالسوالف .. ومازادو المكافئات في دول الخليج بس اللي اعرفه الدول العربية والاجنبية..

الاخوان اللي يتكلمون عن المبتعثين خارجيا ً ..

وش اللي حادكم تدرسون برى دام معدلاتكم تسمح لكم تدرسون بالسعودية ؟!


بعدين اذا ظروفكم ما تسمح لكم تدرسون برا الله لا يهينكم .. كملوا دراستكم بالسعودية ..

و مد رجليك على قد لحافك .. يعني لا صارت ظروفك ما تسمح لك أنك تدرس برا خلك بين اهلك و ادرس بالسعودية ..


لكن اللي ظروفه حتى ما تسمح له يدرس في ديرته و بين أهله وش يسوي ؟!!

بعد شطفه سريعه على الموضوع هذا ردي المبدأي

اولا قبل كل شيئ
الدولة ما قصرت تصرف مكافئة شهرية لكل طالب بالجامعه ..
اعتقد ما فيه اي دوله تعمل هذا الشيء
ثانيا
غلاء المعيشه وارتفاع الأسعار أثر على رب اسره فكيف على طالب جامعي
فمن الأولى ان نحل أزمة رب الأسره قبل الطالب الجامعي ..
ثالثا
في الخارج التكلفه باهضه .. واعتقد الأخوان اللي ردو قبلي وضحوا كيف أسعار أبسط الأشياء ..
فهم أحق بالزيادة من الداخل

مع اني اتنمى ان تزيد مكفئاتنا نحن طلاب الجامعات الداخلية .. وتصدق الأشاعات ..
لكن .. يجب أن لا نسير مع الاشاعات ..

.
.
تقبل مروري ،، ورده

يارجال ردد يالليل ما أطولك

خلهم ينزلون المكافأة في وقتها وبعدين يفكرون بزيادتها

اقول ردد ردد ياليل ماطولك
واذا مصر تبي زيادة مامعك الا تشتغل مسائي هههههههههههههههههه

والله ظلم لطلاب الجامعات السعودية
كل فئات الشعب السعودي شملتهم زيادة حتى الطلاب في الخارج
واحنا طلاب الجامعات ناسينا
وربي المفروض احنا اول من يفكرون فيه
انا اتكلم عن نفسي طبعا المكافاة 990 في الشهر
ما راح اقول كتب وغلاء معيشه
السكن بس يكفي والله اني مستاجر الشهر ب 1600 اسعار الايجارات كلها نااااار يا حبيبي ناااار
غير الاكل والشرب والكتب
لكن الامل في ابو متعب كبييييييييييييير

الموضوع جدير بالمناقشة بس انا ودي اقولك كلمة رأس
ترا كلمة( مكافأة) تكتب هكذا وليس كما في عنوان موضوعك(مكافئة)
وسلامتك