إقتباس الرسالة الأصلية كتبت بواسطة أبوحمد _ Mi سؤال نقاشي للجميع لتحريك الجو ليتنا نتفاعل كلنا اكثر النقاد في ايطاليا رشح الميلان لافضل مريكاتو في ايطاليا هذا العام (بوريللو , شيفا , رونالدينو , سينديروس , فلاميني , زامبروتا , عودة ابياتي ) ما رايك بمريكاتو الميلان هذه السنة ؟؟ ومالسبب في ما تقول ؟

بالعكس الميركاتو كان أكثر من رائع وهو الافضل من سنين ولكن وش الفايدة تجيب لاعبين بس مدرب دبشة جبان قدام الاخير وقبل الاخير يلعب بثلاث محاور أجل قدام الفرق الكبيرة كم بيلعب !! يلعب قدام فرق صغيرة بمهاجم واحد وشلون تبي تسجل ؟؟ يعني فريق صغير اكيد بيلعب مدافع معك تروح تلعب بثلاث محاور ومهاجم واحد ، شف والله لو يفكنا غالياني من ابو خدود هذا ويجيبلك واحد مايفكر الا بالهجوم كان ابن ام واحد يوقف قدام ميلان ، والله حرام عنده نجوم ومع ذلك هزايم كارثية تتكرر من جنوا ومن بولونيا ومن باليرمو بالعربي قلة حيا ،،،،

إقتباس الرسالة الأصلية كتبت بواسطة أبوحمد _ Mi سؤال نقاشي للجميع لتحريك الجو ليتنا نتفاعل كلنا اكثر النقاد في ايطاليا رشح الميلان لافضل مريكاتو في ايطاليا هذا العام (بوريللو , شيفا , رونالدينو , سينديروس , فلاميني , زامبروتا , عودة ابياتي ) ما رايك بمريكاتو الميلان هذه السنة ؟؟ ومالسبب في ما تقول ؟

هلا ابوحمد
انا كنت من النقاد اللي رشحو ميلان للدوري <=== اخس يالناقد

لا جد انا نزلت موضوع وحطيت ميلان الاول والانتر هوالثاني من ناحية الترشيح للكالشيو
وحتى الحين ميلان مخيب الامال رغم ان ماعنده اي بطولة خارجيه وفرق عن الاول 6 نقاط !

بالنسبة للصفقات فالنادي يحتاج غربلة بالكامل
خط الدفاع اول شي مدري وش يبي
مالديني خلاص يا اخي اخذت زمانك ليه تبغى تاخذ زمان غيرك ( لا احد يدقق على هالجملة )
لا صدق مالديني يقهرني عمره فوق الاربعين والى الحين يلعب
يا اخي انت شلت دوري الابطال 2007 يلعن ام الوقت لو انه معتزل فيه

وبعدين فيه شلة يبغالهم قرشعه من الفريق : ايمريسون , بونيرا , مالديني , فافاللي , انزاغي , شيفا

صحيح ان انزاجي قناص بس خلاص كثير من الاحيان يصير عبء

غيركذا معقولة فافالي ومالديني يلعبون دفاع ؟ ماارحم الا كالادزي الضعيف

وبونيرا ضمه ليبي وحس انه نستا ومواريه لحد الان داج هاج

يانكلوفسكي وه بس من ايام اودنيزي وانا خاق معه وهو الصاحي ورا

الوسط فيه قاتوزو صراحة يحمد ربه ان الحكام حليلين , قاتوزو اخو ماتاراتزي فاللين امها تكسير ورجف ورفس ولا احد حولهم
لو انهم بالبريمير والا الليقا والا فيه حكام صح كان كل مباراة احمر على عنفهم بكل مباراة
صراحة يرفعون غطي مغير يسرحون ويمرحون في كل مباراة ولا احد حولهم

شيفشنكو على قولة هالذيب :



الطعام لا يطبخ مرتين !!

يعني واحد بدع وصار اسطورة وطلع من الفريق , ليه يرجع بعدين
وهو صادق لانه من النوادر ان لاعب يبدع ويطلع عن الفريق وبعدين يرجع له بنفس الابداع

غير كذا خوف المدرب وعشقه الابدي لهالخطة :






على طاري الخبل موجي : صرح امس وسفل بميركاتو فيورنتينا

يقول الفريق واقف على ثلاث ابطال : جيلاردينهو وموتو وفري

ويقول لو انا موجود كان مادفعت 10 مليون يورو في فارجاس وكان خليته يجلس في كاتانيا احسن له

^^

ناصر معك بأكثر اللي قلته .. بس أنا اقصد المريكاتو نفسه هل هو بحجم نادي كالميلان ولا لا ؟؟

أذكر مرة حطيت التوبيك حق المسنجر :

(مبروك عودة الخائن والتعاقد مع العاهة!!)

اقصد شيفا وسينديروس !!

وقامو الشباب وقتها علي وشبو علي

يعني انت اقتنعت من الموسم الماضي ان الاسماء اللي عندك مستهلكة .. تحاول تصلح الحال باسماء مستهلكة اخرى !!

سينديروس لو فيه خير ما عافه الطير .. نكبة الارسنال العام الماضي وسلل خروجهم من الشامبيونز وانتكاسات الدوري ..!!

لا احد يقول المنتخب ما المنتخب .. مع المنتخب ابدع في مباراة ونص في كاس العالم وطلع مصاب .. هل مباراة ونص كافية علشان تجيب واحد في مكان حساس وبنادي كبير وبدوري يعتمد على هالمركز !!

شيفا الخائن من طلعته من الميلان وهو من جفرة لدحديرة .. ولا ربع ربع مستواه السابق !!

لاعب مثله يعتمد بنسبة 80% من مهارته على السرعة الخيالية عنده سابقا .. تجي ترجعة يوم راحت سرعته !!

بوريللو المحشش !!

يقولون ابدع مع جنوى وبغى يصير هداف !!

علشان تسع طعش هدف منها سبع بلنتيات وخمس اهداف في مباراة اودونيزي !!

افرض ان اهدافه كلها صح ودبلات ومقصيات .. طيب انت جربته العام اللي قبه وما نفع ليه ترجعه !!

فلاميني .. كم سنه وهو مع الارسنال لكن ما طقها اساسي بوجود فابري وسيلفا وفييرا وغيرهم .. يوم انكبو بالمركز بعد بيع نص لاعبينهم وتقدم فابري لصناعة اللعب توهقو به وحطوه اساسي ..

الشهادة لله كان مبدع بالموسم الوحيد له اساسي .. لكن قبلها كم سنة احتياط !!

الحراسة خذ وخل !! أجل اخرته صافين على ابياتي اللي كان تصبيرة لليوفي يوم يصاب بوفون .. !! ولا بنكباته مع الاتلتيكو ؟؟ ولا بتجلياته مع التورو ؟؟ ولا شف احتياطه الله يعافينا بس !!

اليوفي معترفين من قبل بانهم بيجيبون انصاف لاعبين .. ومع ذلك اشوف ان الفريق متماسك اكثر مننا بمراحل !!


زامبو .. روني

الصفقتين الوحيدتين اللي استفاد منها الميلان بالرغم من ان المخاطرة كانت كبيرة بالتعاقد مع لاعبين باعمارهم ومستويانهم !!


وجهة نظر


ولا يوقف

^ ^ ^

بعدي والله ابوحمد شب عليهم <=== وده يفتن بين الميلانيين

لا كلامك منطقي صراحة , بس ترا حتى رونالدينهو يلعب على الواقف بزيادة

إقتباس اليوفي معترفين من قبل بانهم بيجيبون انصاف لاعبين .. ومع ذلك اشوف ان الفريق متماسك اكثر مننا بمراحل !!

هالشي اللي تكلمت عنه بالصيف وقلت اصفق للادارة على تفكيرها للفريق ( بدل ماتجيب نجم يعطي 90% , تجيب لاعبين يعطون 60-50% لان الدوري الايطالي جلد ولا فيه مزح )
وفعلا شوف كيف فيه تشكيلتين كاملة لليوفي ورغم سيل الاصابات الا ان الفريق متماسك زي ما قلت , شف التشكيلتين :


بوفون
مولينارو -- كليني - ليوقراتلي - زيبينا
سيسوكو - زانتي
ندفد - كامورانيزي
دل بييرو - تريزقيه


مانينجر
دي شيلي - ميلبرج - كنزفتش - جرجيرا
باولسن - ماركيزيو
جيوفنكو - ماركيوني
ياكونتا - اماوري

وفيه زيادة على البيعه = اكيدال + حسن صالحمديتش + تياجو

يعني السياسة حلوه ومعجبتني واللي تهتم بقاعدة قوية للفريق وحبة حبة يضيفون سوبرستار لكل مركز ورده

استديو الكالشيو لا يوقف <=== وش زودي عنكم

إقتباس الرسالة الأصلية كتبت بواسطة أبوحمد _ Mi [CENTER] تحليلك للمباراة + توقعك للنتيجة + هل تتوقع اللعب بالفريق الأساسي أو الرديف ؟؟

مباراة أتوقع ان تكون متوسطة ولن ترتقي لمستوى المباراة السابقة بينهم في الدوري بسبب عدم الاهتمام بالبطولة من الجميع ماعدا الانتر وروما ( النهائي بينهم دايم )

النتيجه اتوقعها 2-1 للميلان .


اتوقع االتشكيلة كالتالي :


ديدا

فافالي .......... كالادزه ............. سيندوريس .............. انتونيني

امبروزيني ............... ايمرسون ................ فلاميني

كاكا

شيفا .......... بيبو ( بورييلو )




بالتوفيق للروسينيرو

إقتباس من قال ان الانتر فيه عنصرية يخوك ؟

اكثر من عضو قال هـ الكلام ..

وبعدين ياخوك .. صحيح ان النادي يعتمد على الاجانب بـ شكل كبير حاليا ..
لكن سابقا ماكان الاعتماد مثل هـ الموسم او الموسم الماضي .. !

وكانو الطليان 4 و5 في التشكيلة الاساسية ..

إقتباس على طاري الخبل موجي : صرح امس وسفل بميركاتو فيورنتينا

وش صار عليه .. بينسجن .. !

,,

إقتباس بينما تبقى من الجولة المباريات التالية : إنتر × جنوا يوم الثلاثاء 13 يناير 2009

وش هالجوله وراها مقطعه !

بالنسبة لانتر موري في الكوبا يبقى غامض .. يعني كنا مع المانشيو نلعب باليريمافيرا في هالبطولة وناصل النهائي على الاقل

بس مع موري مدري وش بيسوي .. الخوف انه يلعب بالفريق كامل

وانا اشوف انه لو يخليها فرصه للشباب الي مايشاركون .. كريسبو , كواريزما , ماريو .. الخ

ويخلي بعض الاماكن للصغار مثل سانتون بدل مايكون في اليمين ..

راح يتعرف على الفريق الي هو يدربه بشكل اكثر واكثر

السلام عليكم ورحمة الله وبركاته

إقتباس الرسالة الأصلية كتبت بواسطة ذيــب الانــتر اكثر من عضو قال هـ الكلام .. وبعدين ياخوك .. صحيح ان النادي يعتمد على الاجانب بـ شكل كبير حاليا .. لكن سابقا ماكان الاعتماد مثل هـ الموسم او الموسم الماضي .. ! وكانو الطليان 4 و5 في التشكيلة الاساسية ..

اذكر ان العضو عبدالرحمن ( بسيــط ) استفسر بعد هدف مونتاري على يوفنتوس وقال ليه ماكان احد حوله
وجاوبه واحد من الشباب وقال انها عادية جدا لان اقرب ناس لبعض يتخامون

يعني مجرد ملاحظه بسيطة من عبدالرحمن ولا صار فيها كلام كثير او لغط

اصلا ما اذكر ان فيه عنصرية في ايطاليا الا مرتين :

1- الوضيع تورام ايام لازيو
2- ذاك الكوري اللي جاب هدف على ايطاليا 2002 مااذكر وش اسمه بس بيروجيا الغو عقده

وكلامك بخصوص الايطاليين في الانتر سليم , الان موراتي انتبه لهالنقطة وصار يهتم بالقاعده والانتر واليوفي وسامبدوريا وفيورنتينا هم افضل القطاعات السنية حاليا في الكالشيو

لاهنت يالغالي على التعقيب