|
لـ المبتعثين اللي تخرجوا من الكليات التقنية ارجوكم الدخول السلام عليكم ورحمة الله وبركاته أول شي الله يوفقكم جميعـًا في دراستكم وترجعون لـ أرض الوطن رافعين رؤسكم ورؤس أهاليكم بـ إذن الله سؤالي للي تخرجوا من الكليات التقنية في جميع التخصصات بغيت أسألهم بعض الاسئلة انا بـ إذن الله عازم على الابتعاث بـ إذن الله وانا الحين في اخر ترم في الكلية وحبيت استفسر عن معادلة الساعات لاني سمعت ان بعض الدول ما تعادل الا ساعات قليله وبعضها تعادل اكثر فـ ياليت اللي عنده معلومات يتفضل ويحطها هنا عشان الكل يستفيد منها ولاهوب انا بس ولكم خالص الود ,,, |
هلا اخوي بحاول ابحث لك بخصوص هذا الموضوع واتمنى ارجع لك بجواب تحياتي لك يالغالي |
اخوي dahomalzeem الله لا يهينك بس حبيت اقولك ان الكليات التقنية تخرج الطلاب بـ ( دبلوم عالي ) ونتمنى مشاركة بعض الاخوان |
اي والله يا ليت تفيدوننا لاني ناوي اكمل برى اذا خلصت والله لا يهينكم |
إقتباس:
وعليكم السلام ورحمه الله وبركاته اذا كنت ناوي تكمل فانصحك نصيحة مجرب لا تروح امريكا ولا تدور غير بريطانيا لانها الدوله الوحيده اللي ممكن تعادل لك اكثر امريكا راح تعادل لك مابين 15 الى 30 اذا النظام سمستر وبكذا يكون باقي لك فوق 90 ساعه الى 100 ساعه يعني تقريبا ما راح تكون اقل من 3 سنوات هذا اذا كنت تاخذ صيفي كل سنه اما بريطانيا فيمكن يعادلون لك سنتين ويبقى لك فقط سنتين تحياتي لك |
إقتباس:
واللي لهم تجارب |
إقتباس:
وبعد اسهل من ناحية الدراسة واعني ان الدراسة تكون فترة بسيطة بـ النسبة لـ امريكا وغيرها بس ممكن اسئلة اذا ممكن نظام السمستر ايش هو بـ الضبط اذكر اني سامع به بس ناسي وش هو :) ؟ والشيء الثاني لك ولـ جميع الاعضاء اللي بـ يدخلون ايش اقوى دولة من حيث قوة الشهادة ؟؟ والف شكر لـ الجميع |
إقتباس:
فصل اول وفصل ثاني وعاده مجموع ساعات التخرج يكون من 120 ساعه وفيها اما النظام الثاني فهو كوارتر يعني كل ربع سنه سمستر السنه فيها 3 فصول بالاضافه الى الصيفي يعني الفصل الدراسي في نظام الكوارتر اقل من السمستر وعاده مجموع ساعات التخرج يكون من 180 ساعه وفيها فمكن تراسل جامعه وتعادل لك 50 ساعه ولما تروح هناك تنصدم وتلقاها كوارتر وان باقي لك اكثر من 130 ساعه فتاكد قبل ما تقدم على الجامعه من نظام الجامعه ثاني شي لا تروح للجامعه وتعقد الامل عليها لما يجيك قبول مبدئي بالساعات الممكن يعادلونها تاكد قبل ما تطلع ان معك قبول نهائي بالساعات المعادله فعليا اما من ناحيه السهوله والصعوبه فمو شرط امريكا فيها نظام وبريطانيا فيها نظام ثاني امريكا ممكن يصير عندك واجبات او مشاريع او بحوث طوال السمستر ويكون عندك غالبا 3 اختبارات شهريه بالاضافه الى الفاينل وبريطانيا مافيه واجبات غالبا ولكن فيه بحث تكتبه وتسلمه او برزنتيشن واحد او اثنين بالكثير تلقيه او اختبار وبعدين فيه اختبار نهائي يعتمد عليك وش الافضل بالنسبه لك اما من ناحيه الاقوى اكيد امريكا بس فكر فيها تروح 3 او 4 سنوات في امريكا بدون فتره اللغه ترجع بعدها ببكالوريس ولا تقضي 3 سنوات بدون فتره اللغه في بكلوريس وماجستير؟ هنا يجي دورك في اتخاذ القرار |
إقتباس:
اشكرك على سرعة الرد والتجاوب والتوضيح وما قصرت حبيبي صراحة فعلاً فرق وفرق كبير 3 سنوات بكالريوس + ماستر افضل بكثير وبريطانيا حبيبين في الماستر بـ الذات لاني اذكر مدرس قالنا انه كان منتدب او كان عنده دورة هناك لمدة سنه اتوقع واخذ الماستر في 8 شهور على كلامه وعندنا هنا بالسعودية ما تاخذ الماستر الا بعد من 2 الى 3 سنوات فرق واااضح وبـ النسبة لـ شهادة امريكا شكلي بـ أسوي زي دكتور عندنا اخذ البكالريوس والماستر من هنا واخذ الدكتوراه من امريكا ويمدح لنا الدراسه والعيشه هناك وبـ ما اني في الترم الأخير بـ أسأل وبـ أجمع معلومات والله يكتب اللي فيه خير ان شاء الله وآلف آلف شكر لك اخوي |
إقتباس:
قبول مشروط بتخرجك يعتمد على التخصص اما بخصوص الماستر فهو صحيح سنه بس مو سهل يعتمد على قوه الجامعه اللي بتاخذ فيها الماستر |
حبيبي اشغلتك بـ النسبة لـ كندا ما تدري عنها ؟ وانا باقي لي غير الترم 4 ساعات تطبيق لازم اجتازها بعد يعني حوسه شوي :) لا هنت |
كندا للاسف ماعندي عنها اي معلومات يمكن احد الاخوان يقدر يفيدك بس تقريبا مشاببه لامريكا |
نصيحت اخو لا تجي تكمل بعد الكليه التقنيه بامريكا لان 80% من الي درسته يروح هبائن منثورا يعني يضيع عليك وقتك انصحك اخوي انك تكمل البكالوريس وتجي خلنا نحسبها الحسبه الي ماحسبتها تراني مجرب اذا ماعندك لغه يبلك على الاقل سنه وعليها وتدرس اربع سنوات وذا انت شاد حيل ومقطع الكتب ثلاث سنوات ونص يعني سنه وثلاث سنوات ونص تقريبن من اربع سنوات ونص الى خمس هذا اذا ماعندك للغه اما اذا انت جايب التوفل يبيلك ثلاث سنوات ونص الى اربع سنوات تدري خلال هالفتره هذي تقدر تاخذ الماستر بس بحسبه ثانيه كمل الكليه وخذ بكالوريس يعني قل سنتين اذا انت مطول هالحين خلال سنتين عندك بكالوريس بعون الله بعدين رح ادرس بامريكا للغه سنه وماستر سنتين او سنه ونص يعني كلها 4 سنوات وص او 5 سنوات وبكذا تاخذ الماستر بفتره من اربع الى خمس سنوات وأمورك اوكي ترا انا متخرج كليه تقنيه وعرف ناس متخرجين مثلي تبي الجد والله تحسفت اني ماكملت في السعوديه لاكن مثل مايقولون القحت فا نصيحه كمل ولا تجي الا ونت مخلص باكالوريس لانك والله بتعاني ونصيحه ثانيه بعد ونت تدرس ادرس انقلش اذا ماعندك للغه سنتين كفيله انك تجيب التوفل في السعوديه بس يبيله شدت حيل لو على الاقل بتفيدك وااااااااااااااااااااجد وتختصر عليك وقت طووووووووووووووووووووووووويل وتقبل مروري اخوك هلالي |
إقتباس:
ماتقدر تكمل الا في كلية التقنية بالرياض وذي بواسطة عندك تدخلها ماعندك خلك في بيتكم |
الله يعطيكم العافية خوفتوني انى متخرج من الكلية التقنية وان شاء الله توني بادي اجهز اوراقي بروح امريكا باخذ البكالوريوس بس اذا اربع سنوات او اربع سنوات ونص اخذ البكلورويس هذا مدة طويلة ولكن الله يعين وويوفق الجميع وويسر اموري وامروكم :) |
| الوقت المعتمد في المنتدى بتوقيت جرينتش +3.
الوقت الان » 10:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd