|
أمر لاحظته على الحمهور الهلالي (هل أصبح الجمهور الهلالي يكذب) أم ماذا؟؟؟؟؟؟؟؟؟؟ السلام عليكم ورحمة الله وبركاته كيفكم يازعماء أن شاء الله طيبين لاحظت ان أغلب الجماهير بعد الظهور المميز للعنبر في مباراة الاتفاق ومباراة الشباب يقولون والله احنا من زمان نراهن على العنبر ونحن ضد الحمله اللتي أقيمت ضده ونحن من المشجعين والمؤيدين لرجوع العنبر زي مستواه 2005 فهل صار الجمهور الهلالي مع الخيل ياشقراء أم أنه يكذب؟؟؟؟؟؟؟؟؟؟؟؟ كل مادخلت موضوع عن العنبر اجد بعض الاعضاء يقولون كنا نراهن على العنبر وكنا نقول أنه لاعب مميز ومن هالكلام ياشباب النوعين اللي قلتهم بسوي تفصيل بسيط لكل نوع 1- مع الخيل ياشقرا : يعني الجمهور قالو اللاعب والله مميز وقدم مستوى كويس في هالمباراة.معلومة: (موشرط كل مباراة يبدع فيها بعد هالمباراة) يجي هالعضو اللي مع الخيل ياشقرا ليته يقول اللاعب قدم مستوى كويس لا يزيد ويقول اللاعب خرافي المفروض يصير في أوروبا ومن هالكلام (هذا الكذب بعينه يقول شئ ماصار ويزيد في الكلام وهو مايدري وش السالفه أصلاً) 2- مع إحترامي للجميع فيه جمهور يكذب نعم يكذب طيب كيف؟؟؟؟؟؟ أنا الحين أقولك يجي لاعب مستواه نازل في آخر موسمين أو ثلاثة وتشن عليه حملةنريد تنسيق اللاعب من كشوفات الزعيم وتلقا أكثر الاعضاء مشاركين في هالحملة بعدين يجي اللاعب بعد الغياب الذي دام أكثر من موسمين عن مستواه ويبدع في آخر مباراتين يلعبها الزعيم ويسجل أهداف يجي العضو اللي كان قبل المباراة بساعة يسب اللاعب ويطالب بتنسيقه يجي بعد المباراة ويقول أنا كنت أراهن على هذا اللاعب وكنت ضد الحملة اللتي أقيمت ضده ومن هالكلام (وش رايكم هذا مو كذب) ونحن لانريد طفل من هالاطفال يخرب سمعة الجمهور الهلالي المعروف بثقافته ووعيه نحن نريد من الجميع الوقوف مع اللاعبين ومؤازرتهم وتشجيعهم على تقديم مستويات متميزه وأنا في موضوعي لاأشجع الحملات اللتي تقام على اللاعبين لأن كل الحملات اللتي تقام على اللاعبين كلها فيها تجريح للاعبين يعني مافيه نقد هادف ونقد بناء يستفيد منه اللاعب مافيه إلا تجريح ومن أقوال بعض هؤلاء الجماهير (لاعب اللي يلعب معنا بالحاره أفضل منه - والله أخوي الصغير أفضل منه - والله ولدي أبو 8ولا7 سنوات أفضل منه) خلاص كفايه تجريح وكفايه انكم تطيرون باللاعب فوق أنا ماأقول العنبر ماقدم مستوى بالعكس كان مميز لكن من الصعب أن تحكم على لاعب من مباراتين يعني الايام الجايه راح تكشف لنا المستور وراح نقدر نحكم على اللاعب بعد أقل شئ 5 مباريات وأنا هنا أيضاً لا أثير الفتنه وأقول خلك قد كلمتك خلاص قلت اللاعب مو كويس خلاص لاتغيرها بل أقصد انك إذا أردت الرد على الموضوع(وأقصد الموضوع اللي يتكلم عن العنبر مو موضوعي) قل أنا كنت ضد العنبر أو غيره من اللاعبين وبعدين غيرت نظرتي بعد المستوى اللي قدمه في المباراة السابقه يعني وش فيها (الاعتراف بالحق فضيله) وحبيت أذكركم بحديث النبي صلى الله عليه وسلم (..........ولايزال الرجل يكذب ويتحرى الكذب حتى يكتب عند الله كذاباً) الحديث لم أذكره من الاول بل أتيت بالكلام المراد منه والمستفاد منه أيضاً فإن كان من صواب فمن الله وإن كان من خطأ فمني والشيطان أتقبل النقد الهادف دون الجارح وأتمنا كل من يزور موضوعي لايمر مرور الكرام بل يعطينا مالديه تقبلو تحياتي وتقديري أخوكم:aka=هلالي100% :smilie47: |
ياشباب وش دعوه مافيه أحد رد على موضوعي تراني أنتظركم |
يعطيك العافيه عالموضوع الجميييل .. يا طويل العمر .. العنبر معروف انه لاعب صندوق فقط .. ولاحظ اهدافه كلها داخل الصندوق ... العنبر سابقا كان هو المهاجم الوحيد فالهلال باستثناء الجابر ( فالمنتخب ) وايضا كان لاعب وسط اللي هو سامي ... ولا ننسى احمد الصويلح كان هذا هجومنا والجمعان اللي كل يوم غايب :) مع كم لاعب اجنبي جيلسون وسوفو ومدري من بعد .. وكان العنبر هو المهاجم الوحيد وكان يضيع ويسجل شي عادي ... بس بعد قدوم القحطاني ( سوبر ستار ) يسحب يسجل كوباريات .. كرهنا طريقه العنبر نبي واحد لاعب يسحب ويسجل وكوباريات .. ومن سوء حظ العنبر اوصيب وما اخذ فرصته من سنتين او اكثر الا اخر مباراتين وسجل 3 اهداف .. وصعبه يتاقلم بسرعه وحتى لو لعب 6 مباريات متتاليه لانه الى الحين ما استوعب بنجم مثل التايب يصنع له هالكور .. :d الحين بدا يطلع فوق وبدا ياخذ ثقه بنفسه ...والله يعيينه لو يضيع فرصه وانهزم الهلال في ذي المباراه بتشوف السب .. راح المفرج والحين العنبر .. انا من موسمين اؤييد اعارته لان مستحيل ياخذ فرصته اذا كان فيه ياسر بحكم اللعب بمهاجم وحيد واحتياطه الصويلح بما انه جاهز ( قبل الاصابه ) بعكس العنبر الخلاصه الجمهور كرهه طريقه العنبر لانهم شافوا احسن منه اللي هو ياسر والعنبر لحد الااااااااان ما اخذ فرصته له سنتين وكم شهر توه يطقها اساسي ... اتمنى اعارته هالموسم لحد الفرق .. والله يوفقه ردي اطول من صاحب الموضوع :d |
اي والله انك صادق بس الشكوه لله |
ايه والله انك صادز عندنا اطفال هنآ اعوذ بالله |
انا لست ضد العنبر ولا غيره اهم شي عندي مصلحه الهلال الهلال فوق كل اعتبار العنبر قدم مباره مردوده في المباره جيد هاذا لا يعني انه ماعنده سلبيات لا اللا عب يملك من السلبيات مايكفييه لاكن قدم مباره مضمونها جميل لايمكن اجحافه بس الي بقوله بالتوفيق للهلال ويالعنبر نبي دائم الافضل فقط |
إقتباس:
بس اللاعبين يحتاجون تحفيز قبل المباراة ومطالبتهم بتقديم مستوى مميز ونتيجة كويسه شاكر لك مرورك أخوي |
شاكر الكل على المرور وانتظر باقي الاعضاء |
|
ياشباب وين الردود انتظركم بفارغ الصير تقبلو تحيتي وتقديري |
والله زعلتوني ياشباب معقوله أكثر من 250 واحد يدخل موضوعي ولا يرد عليه إلا 5 أعضاء بس اتمنا من الجميع ابداء رأيه ووجهة نظره ولا يبخل علينا بكم حرف من الكيبورد تقبلو تحيتي وتقديري |
ياشباب وين الردود تراني أنتظركم على أحر من الجمر تقبلو تحياتي ومودتي |
طيب وراك معصب شوي شوي انا قايل من زمااان العنبر فنااان اصبرو عليه |
بعد التحيه \ اخواني اخواتي بنادي الزعيم ترا العنبر وربي لويسجل في مباراة الاتحاد الجايه سوبر هاتريك وربي لايزال فاشل وهذا ماهب عاله على الهلال بل عالة على الكرة بصفة عامه ياناس شوفو بالعقل في مباراة الشباب العنبر قدام تاكي من الي وراه ويلي والتايب والفريدي مع ان الفريدي مايناول بس يلا نحطه مع العيال ياخي وش تبي بعد مو ناقص الا كريستسانو بعد ياحبيبي وربي وراك وسط يعطيك كوره وانت نايم لواجيب جدتي مكان العنبر ووراها هل الوسط الناري وربي تسجل اقوال بالزميم حقها موبرجلها بس فلاتغترون بالعنبر تراه عاااااااااااااااااااااااااااااااااااااااله وخلوها على ربك اي نعم انا هلالي متعصب بس وربي مافرحت يوم سجل العنبر الاقوال فرحت بس للزعيم لانه جاب ثلاث نقاط فقط لاغير حتى الحماس والمناقز طفت عندي الي حولي من الربع قاعدين يناقزون يوم جاب العنبر الاقوال وانا قاعد اوزع ابتسامات كاني عبسي ههههههههههه المهم الله يوفق زعيمنا قولو امين وعقبال الاتشادز ودمتم سالمين.... |
كل الناس يتسذبون جت على حمهور الهلال مايتسذب :) |
| الوقت المعتمد في المنتدى بتوقيت جرينتش +3.
الوقت الان » 03:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd