عرفلك كوزمين يا العنبر ..! - نادي الهلال السعودي - شبكة الزعيم

!! الهـلالي 07 !! · #1 27/11/2008, 07:19 AM

بسم الله الرحمن الرحيم

السلام عليكم ورحمة الله وبركاته

الصراحه هذي اللي يبيه العنبر انه ياخذ فرصه ..

والاهم ثقة الجمهور فيه يعني كيف تبون الرجال يلعب وكل واحد يقول ما نبيك ..

العنبر بدا في التحسن فاتمنى منا كجمهور الزعيم تاييده وتشجيعه ..

اللاعب في تصاعد ما نبغى اذا جاء ياسر ننسى الرجال ويصير مستواه في تنازل ...

صح ان ياسر افضل مهاجم في الهلال بل السعوديه ولكن نخشى العاقبه ...

يعني اذا اصيب ياسر الله لا يقولها ما نبغا العنبر يلعب وهو في مستوى متنازل ...

كوزمين والله انك داهيه ومثلك صراحه ما شافت عيني هذا الليي يبغاه العنبر الفرصه ليرجع العنبر عنبردينيو ...

Ṩσσłŧẵή · #2 27/11/2008, 07:24 AM

صااااااااااااااااااااااااااااااااااااادق
تقبل مروري
عـــ الشلهوب ـــاشق

(((9الهلال15))) · #3 27/11/2008, 07:29 AM

ماظنيت كوزمين..

طارق هو الي عطاه..

مهبوووول نواف · #4 27/11/2008, 07:41 AM

إقتباس

الرسالة الأصلية كتبت بواسطة (((9الهلال15)))


	ماظنيت كوزمين.. طارق هو الي عطاه..

كوزمـين عطـاه الفرصـة انه يلعـب بأكثر مـن مباراة

وطـارق ما قصـر والله مع العنبـر تمريرات ساحرة

والعنـبر بدون أي فلسفة كورية مالها داعي او تسحيب يحطها بالقـوول

فهودي · #5 27/11/2008, 08:14 AM

الثقه حينما يجدها الاعب يبرز والعنبر لمسها من كوزمين والاداره والجماهير

الهلالي الآسيوي · #6 27/11/2008, 08:18 AM

بإذن الله إلى طريق الإبداع والنجومية يالعنبر وإن شاء الله كوزمين بيغير طريقته بسببك من 4\5\1 إلى 4\4\2

وعقبال الإنتصارات الساحقة والمستويات المميزة

ويلي2009 · #7 27/11/2008, 08:26 AM

الله يوفقه والله هاذا اللعب ثروه هلاليه يجب الحفاض عليها

عشقي فن سامي · #8 27/11/2008, 09:01 AM

ههههههههههههههههههههههههههههههه

ياحليلنا ياجمهور الهلال اذا سجل قلنا لاعب واذا ضيع ولا فزنا قلنا مانبيه وقسم فله ههههههههههههههههههههههه

يالغالي الله يخلي التايب والتمريرات لو ماسجلها متى بيسجل

باص التايب انت وضميرك لو انه اعمى سجلهااا

يعطيك العافيه ع الطرح

ســلــومــي · #9 27/11/2008, 02:17 PM

إقتباس

الرسالة الأصلية كتبت بواسطة عشقي فن سامي


	ههههههههههههههههههههههههههههههه ياحليلنا ياجمهور الهلال اذا سجل قلنا لاعب واذا ضيع ولا فزنا قلنا مانبيه وقسم فله ههههههههههههههههههههههه يالغالي الله يخلي التايب والتمريرات لو ماسجلها متى بيسجل باص التايب انت وضميرك لو انه اعمى سجلهااا يعطيك العافيه ع الطرح

يقولك كوزمين معطيه فرصه

يعني تخيل لو مالعبه كوزمين شلون بيجيب هدف ؟

بيطب من الاحتياط ويسجل ؟!

مشكله جمهور اللاعبين

طيب التايب امس صلح هدفين وضيع بلنتي

لو امس متعادلين والتايب ضيع بلنتي وش بتقول والله منتب قايلن شي عن التايب

وزيه زي ياسر لو اخطا ماقلنا شي

عندك لاعبين بالهلال ( القحطاني + التايب ) لو يخطون ماننتقدهم ابد مدري ليه ؟

ياجمهور الهلال العظيم دعوا تشجيعكم للكيان مو للاعبين

القبطان الأزرق · #10 27/11/2008, 09:07 AM

ايــــــــــه والله جمهور عاطفي

قبل مدة تحشون باللاعب ونازل هنا موضوع تنسيق العنبر

واليوم نعمك نعمين ياولد العنبر

كيف تبون الولد يلعب ويركز وانتم شابيين فيه

اعطوا اللاعب الثقة وابشروا بالخير

يعطيك العافية يالعنبر

هذا انت مسكت اول الطريق للعودة للنجومية >>> بس انتبه لاتطلع من اول مخرج خخخخخخ

lover2000 · #11 27/11/2008, 10:42 AM

رأيي الشخصي وذكرته عشرات المرات بأن العنبر من النوع الهداف يجيد تسجيل الاهداف ولكن ضعيف جدا في الامور الاخرى مثل التمريرات والباصات والتعدية من الخصم باستثناء الكرات الرأسية .

بصراحة في الهجوم لانحتاج الا للهداف فقط فمثلا فيصل السلطان الشبابي وكيتا الاتحادي تجدهم يفعلون كل شيء باستثناء الاهداف

عشر فرص للسلطان يسجل وحده وهذا مالا نريده

بالتوفيق للعنبر