|
كمة حق ياجمهور الرياض ... السلام عليكم ورحمة الله وبركاته اولا جمهور الرياض انا من زمان اقول أفضل حضور للمباريات (الكبيرة) والديربيات يعني يعجبونك لذلك ماراح أعلق على كثرة الحضور بعلق على التفاعل مع الرابطه وترديد الاهازيج وتشجيع اللاعبين الصراحة اليوم أول مرة أحس ان أحد أسباب الفوز هو الجمهور بالعاده جمهور حاضر لكن بدون تشجيع (جماعي) يذكر لكن اليوم الصراحة ألف ألف ألف شكر لجمهور الرياض ولكل اللي حضروا من برا الرياض تصفيق للاعب عندما يصيب تفاعل مع الرابطه في الأهازيج كثير للي لابسين التيشيرت الأزرق (مع انهم ماوصلوا للعدد المأمول) كثير اللي معهم أعلام وشالات زرقاء ترديد الاهازيج من أول دقيقه الى آخر دقيقه << وهذي أهم شي الصراحة مشكورين من القلب وكما انتقدناكم سابقا الحين نشكركم وأتمنى التنافس بين جماهير المناطق (الشرقيه - الرياض - القصيم ... الخ) يستمر الى نهاية الموسم لأنه بصراحة زاد الأعداد الجماهيرية والحماس بين الجمهور وشكرا |
جمهور الهلال واحد وماله داعي التفريق .. |
كلنا جمهور واحد !! لكن .. استغربت التشجيع (لطارق) وحده !! !! وين راحوا البقية !! المفروض التشجيع للفريق ،، مو للاعب !! حتى المفترض ،، تحية العنبر عند خروجه بعد أدائه في المباراة |
كلامك في محله والله الجمهور في المباراة بيض الوجه وخصوصا بعد ما اضاع طارق الجزائيه صارو يهتفن بسم طاااارق وهذا الي نبي |
جمهور جالس لا يتفاعل الي يشجع مايجي ربع الحاضرين |
يااا رجال تقطعت حلوقنا امس بس فدا لعيون الازرق بس اللي قهرني نفس ما قال ابو جنان ما عطوا وجه للعيبه ما عندهم الا التايب شي يغبن |
شق ياخوي اول شيء كلنا جمهور فريق واحد ثنين جمهور الرياض اكثر من سكان القصيم كلها فلا تقارن جمهور الزعيم في الرياض بالقصيم ولاحتى اي منطقه |
إقتباس:
امزح يالغلا واعتذر عن الموضوع لأنه مثل ماقالو كلنا جمهور فريق واحد وبعدين انت بأول سطر تقول كلنا جمهور فريق واحد مانبي تفرقه وثاني سطر تقول جمهور الرياض أكبر من اهل القصيم :D عجزت ابرمج ردك |
إقتباس:
اصلا من قال لك انهم ما حيووه انا متأكد انهم حيوه لما طلع اكثر من تحية جماهير الشرقية للتايب و حمل المباراة من الإستديو |
قصدك جمهور طارق الله يخلف بس مايعرفون غير طارق |
بـالنسـبه للإخوان اللي يقـولون ان الجمهور ماشجع الا الـتايب بالعـكس انا كنت قـريب من الـرابطة ومـاقصروا الشـباب هـتفوا بإسم العـنبر والدعيـع ويـلهامسون .. أغلب اللاعبين شــجعوهم .. الله يعــطيهم العـافية |
| الوقت المعتمد في المنتدى بتوقيت جرينتش +3.
الوقت الان » 09:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd