ابو صالح والحقيقه الغائبه عن النصراويين
 

مساكم الله بالخير
هذا اول موضوع لي في المنتدى

اولا الف الف الف مبروك فوز الزعيم وان شاء الله من فوز الى فوز :naughty:
شعاري قبل اي مباراه للهلال (اللهم انصر الزعيم فوق كل ارض وتحت كل سماء )


ابي اقولكم قصتي مع مشرفي في العمل

مشرفي ابو صالح :smilie47:يعجبني في كل شي الى ميوله النصراويه لكنه نصراوي عاقل وفاهم وكنا نتناقش في موضوع الجماهيريه فصمت قليلآ







ثم قال


جماهير الزعيم اكثر وعندي الدليل


سكت مستغرب وشفيه :bigeek: ابو صالح خربها


المهم وش الدليل


قال كلام منطقي و عجبني كثير

اولا في الدوام في الشفت الواحد يداوم فيه قرابة 15 موظف
الموظفين منهم 10 هلاليين والباقيين ينتمون لانديه اخرى



ثانيا في الاستراحه يتجمعون 9 اشخاص 6 منهم هلاليين ةالباقين موزعين على الانديه الاخرى


في اخر شي خربها قال لكن جمهور النصر حضوره يملي الملعب افضل من الهلال عندها زاد استغرابي :bigeek:

رديت عليه رد بسيط وقلتله مو اي ملعب :nono::nono:


النصر اذا بيملي ملعب يملي ملعب الملز فقط لا اكثر


ابي ردودكم في نقاشي مع مشرفي العزيز وابي كلمه لمشرفي العزيز من هذا المنبر الشامخ

افا 121 مشاهده ولا رد واحد والله مهوب العشم يا زعماء

على العموم انا يكفيني مروركم وقرائة الموضوع


شكرا لكم من الاعماق

اخوي حبي وعشقي للزعيم شف وانا اخوك اول شي سلملي على خويك ابو صالح لأنه نصراوي عاقل وتراهم قليلين النصراوين العقال اغلبهم مهبل والتعصب معمي عيونهم اللي قاله خويك ابو صالح منطقي 100%100 ان جماهير الهلال اكثر من النصر ومره صارتلي سالفه زي سالفك يوم كنت بالثانويه كان عندي مدرس حاسب نصراوي وتعصب مره وقاعد اتناقش انا وياه عن موضوع الجماهريه هو يقول جمهور النصر اكثر وانا اقول جمهور الهلال اكثر المهم صار بيننا تحدي والطلاب كلهم شاهدين قلتله ياستاذ نبي نقوم انا وياك الحين ونبي ندور على الفصول واحد واحد ونسئل كل فصل فيه طلاب من اللي بالفصل هلالين ومن الطلاب اللي بالفصل نصراوين وقال خلاص موافق قلتله خلاص يله قوم ورحنا ودرنا على الفصول واحد ورا الثاني وكل مادخلنا فصل نقول للطلاب الهلالي يرفع يده والنصراوي ينزل يده وكل الفصل اللي درناهن يكون بالفصل تقريبا 22 طالب 20 من الطلاب يرفعون ايديهم والباقين منزلين يديهم وهذي احصائيه على مدرسه كامله بس المهم انها اخوي واضحه والنصراويين انفسهم معترفين بالشي هذا ومقرين اللهم انهم فقط يتفوقون علينا بحضورهم الدائم في مدينة الرياض حنا جمهورنا بالرياض مقصرين مره بالحضور فقط هذا اللي يتفوقون علينا به اما الباقي من الملاعب الهلال يلعب بأي مكان الملعب فل ماعدا الرياض
على العموم اخوي مشكور على موضوعك الرائع وتقبل مروري واللي فهمته من كلامك انه هذا اول موضوع لك بالمنتدى وانا اقول نيابه عن الاعضاء حياك الله بين اهلك واخوانك وان شالله انها ماتكون المره الاخيره اللي تكتب فيها مواضيع وحياك الله مره ثانيه بين اخوانك في شبكة الزعيم وتقبل مروري واسف على الاطاله
اخوك ابو سامي لعيون سامي

ابو سامي لعيون سامي
الله يعطيك العافيه على ردك الرائع ويسلم راسك على تعاملك واسلوبك الراقي
وابشر والله لوصل سلامك

وصدقني كلامك منطقي 100% عن جماهير الرياض
تحياتي لك