نادي الهلال السعودي - شبكة الزعيم - الموقع الرسمي - الليله سنعيد ذكرى الاربعه بحضوركم ياجماهير الوفاء..!!

السلاام عليكم

وشلونكم يازعماء عساكم طيبين ..؟؟

على البركه تعليق الايقاف للبرنس الليبي وتقديمه مستوى باذن الله انه مرضي قدام الاتفاق ...

الليله باذن الله سيثبت جمهور الرياض انه الجمهور الاول مع اني من سكان الجبيل

انا الحمد لله متفائل بذي المباراة من ناحية المستوى بعودة البرنس ومن ناحية الجماهير

بحكم ان اليوم يوم اربعاء والناس ماوراهم شي وان شالله ان ملعب الامير فيصل بن فهد سيغص بالجماهير الهلاليه :d

وباذن الله انا بنعيد ذكرى الاربعة اهداف مع ان فيه نقص كبير مقارنة بالمباراة اللي راحت

بتغيب القناص ياسر ....

نقاط مهمه قبل المباراة :

1-ياشباب انا لاحظت بعض الجماهير الله يهديهم يحظر المباراة من اربع العصر ومتحمس مع المباراة وكانه ناسي شي اهم الا وهو (( الصلاة ))

ماقلنالك لاتجي من اربع تعال من اربع وصل كل صلاة بوقتها المباراة انشالله انها مهيب طايره ..!!!

2- جماهير الرياض اللي والله شهادتي فيهم مجروحه صراحة مع اني من سكان الجبيل>> ياخوي درينا :d

اذا كنت بتجي المباراة وبتسكت فانا اقولك ازين لك اقعد بالبيت والا باحد هالمقاهي تراه ازين :d

والله الواحد ينغبن اذا شاف الجمهور مالي الملعب ولا فيه تشجيع ..؟؟

بتقولي الخلل من الرابطه نفسها اقولك تقدر تقول ذالتصريفه :d

اذا كان حقوي هو رئيس الرابطه لكن الحين رئيس الرابطه اللي مدري وش اسمه >>> امحق :d

فيه الخير والبركه

3-ارجوا انكم تعكسون صورة لباقي الانديه بطريقة التشجيع وترك الاستهبالات اللي مالها سنع لاننصير زي باقي الانديه ....

شطحه :

قريت موضوع واحد شبابي بمنتدى الليث وش يقول توقعون :d

يقول ان جماهير الليث اكثر من جماهير الزعيم :d

كان ودي انك تشوف شكلي عقب ماقريت الخبر >> منسدح من الضحك :d

عساهم يكملون اربعه يلعبون بلوت :d

عشان كذا نبي نثبتلهم ان ماطرالهم يصيرون اكثر منا

وانا ان شاء الله متفائل بالمباراة وفي حظوركم ياجماهير العاصمه ...

هذا كل اللي عندي

عاشق الزعيم