راح يتسع الفارق بيننا وبين الاتحاديين والسبب جمهور المقاهي الله يستر من يوم الاربعاء
 

السلام عليكم
كيفك يازعماء إن شاء الله بخير
أول شي أبي أتكلم فيه أن أشكر هذا الجمهور المذهل حقيقه الجمهور المتحمس جدا لحظور الهلال في الشرقيه جمهور كبير جدا وشكرا على حظوركم الكبير والكبير جدا بل أذهلتم الجميع بحماسكم مع ان هذا كان يوم السبت وهو أثقل أيام الاسبوع مع العلم أنهم لم يقولوا ما راح نجي للملعب لان يوم السبت أو يقولون الملعب بعيد وألا يقولون برد ألا يقولون حر جمهور بمعنى جمهور حقيق ياليت كل مباريات في الشرقيه والله كبير ياجمهور الشرقيه
ثاني شي جمهور الرياض انا من الخرج والله العظيم يازعماء أن مافيه ألا مباراة الوحده ألي غبت عنها بس ليش غبت عنها لان رحت للمقهى أبي أشوف وش سالفة جمهور الرياض ألي ما يجي للملعب أقسم بالله العظيم أن ألي في المقهى أكثر من ألي في الملعب زحمه ولا تلقى كرسي يازعماء الرياض ياخي كلها ساعتين عاجز ما تروح الملعب عشان الزعيم وعشان خاطر الزعيم انا أول من بيحظر للملعب تكفون تعالوا للملعب ترى الحين الزعيم أي نقطه تروح منه خلاص الدوري للاتحاد لان مافيه أحد يوقف الاتحاد الآن الحضوووووووووووور ثم الحضوووووووووور مثل حضور الشرقيه وأكثر يازعماء أنا في الخرج وأجي للملعب انا وأخوياي وأقعد ساعه على الطريق ولا قلت بعيد ولا شي انا يالي ساكن في الرياض مالك عذر الحين المباراة يوم الاربعاء يعني تحضر والوعد الملعب
والسلام الختام

والله ونعم بك

والله اني اجي من جدة يعني تذاكر وحجوزات ومرمطة من حبي للزعيم

تحياااااااااااااااااااتي

أول شيء أشكر غيرتك وحبك الشديد لناديك وباين عليك عاطفي لأاقصى حد ومالومك والله يلوم اللي يلومك بس حبيبي اذا تبي نتكلم بحقيقه وواقع ابيك ترد على أسئلتي مع العلم أني من سكان الرياض والحقيقه أني مااحضر مباريات للهلال الا المهمه ليه بجاوبك عليها بعد الأسئله اللي بطرحها عليك

مباراة الهلال والوحده الأماراتي حضر الرقم الصعب والجمهور الوفي اللي تلفظت عليه بالفاظ أنا من وجهة نظري لاتليق بجمهور كجمهور الهلال وكانت بوقت حرج وكنا نمني النفس بالفوزالا أن الفريق وقتها خذلنا

مباراة الهلال والكويت الكويتي أيضا كانت وسط أختبارات مدارس ووقت ايضا ماله داعي ومع ذلك حضرت الجماهير العاشقه ومع ذلك خذلونا نجومنا

أما قولك أن جمهور الشرقيه وفي وجمهور الرياض جمهور مقهى أحب أقولك شغله نقدر ونحترم كل هلالي سواء حضر أو لم يحضر لكن لوتجيب الجمهور اللي حضر مباراة الهلال والأتفاق لأستاد الملك فهد أجزم أنهم مايملون الواجهه

تحياتي لك وأنشاء الله حاضرين لعيون الزعيم بالتوفيق لفريقنا الغالي

مصختوها الجمهور الجمهور بالله شوفوا كم عدد المواضيع المكتوبه عن هذي النقطه . خلاص صارت شحاذه

هلااال بن زعيم الهلااالي << كلاامك درر والله ..

لا مشكلة !!!
جمهور الزعيم معروف ومتواجد

فقط ،،،، نريد ان يستمر الفريق في التصاعد بالمستوى ،،،،،

وسيكون بمشيئة الله هناك تصاعد في حضور الجماهير ،،،،،


تحياتي

كبير وربي كبير ... ملينا صراحه اذا شفنا اخوانا جمهور الهلال من المناطق الثانيه يملون المدرجات ويهزونه هز ... وحنا مسافة اقل من خمسه كيلو وعجزانين صراحه جمهور يفشل اعذروني على هالوصف بس حقيقه صرنا علك بحلوق الغير صار كل من هب ودب يتطنز على جمهورنا وانهم جمهور بيوت وقهاوي عيب والله عيب ..
مشكور اخوي على الموضوع والطرح الرائع... ولاكن هل من مستجيب ؟؟

انا انشالله اول الحضرين تكفون يا جمهور ازعيم لاتخيبون اضن فيكم

ماعندكم شي غير الموضوع هذا الي يبي يحظر يدل الملعب فكونا

فشلونا في مباراة الوحده الحضور ماتعدى 500 متفرج
حتى مراسلين الخشبيه عدوهم وقالوعدد المتفرجين بالرقم مااذكر كم بالضبط بس ماتعدو خمس مئة