رد على الشاعر محمد بن عويضه اليامي - نادي الهلال السعودي - شبكة الزعيم

هلالي قدييييم · #1 30/03/2009, 08:01 PM

السلام عليكم ورحمة الله وبركاته

من هنا أحببت رد شيء من الجميل للشاعر محمد اليامي والذي أهدا لنا
درةً شعريه حملت من النصح الشيء الكثير
وأقول له
بيض الله وجهك وجمل الله جالك يا ابو عويضه
ويستاهل ياسر

وإليكم الرد

يا مرحبـــا واهليـــن حيــا اللــه هل العلم الفريد
إرحب يبــو عويضــه هــلا حييت يا راعـي المقام

تسلــمـ وصح لســانك اللـي ماحكا غير المفيد
ماهي غريبـــه وانت من يــام الوفييــن الكـــرام

أنوب عن جمـــع قحطـان وانوب عن ياسر سعيد
وياللــه عسانــي مانقصر وقت الشدايد والزحام

ياســــر مكانـــه عندنا عالـــي وراياتـــه جليـــد
هـــرج القـــفــا ما هـــمنا ولا نلقيـــه اهتمــام

بعض العـــلوم الناقصــــه نقالهـــا شلة عبيــــد
باعـــوا ذمـمـهـم وآثروا من دونها المــال الحرام

ونــاس(ن) لدس السمـ فنانه وللفتنــه تجيـــــد
حاكوا خيوط مآمرات الكيـــد في وســط الظـلام

نســـوا عن اللــي يعلم الخـافي ويفعل ما يريد
نســـوا عن اللــي ينصر المظلوم ويزيح الغمام

وابشرك ياســـر صليب الراس مطنوخ وشــديد
ياطا على قوم الردا والراس عالي ماستضــــام

من طيحتـــه يقوى وحيله ماتدردى بل يزيــــــد
واللي بغوا له شر غبوا روسهم مثل النعــــام

تسلم يبو عويضه وطبع الشهم منطوقه سديد
والكفــو مثلك لانطـق نعطــي التحيه باحتـرام

الطيب فعلك والقـرامــه طبعــك اللــي ما يبيد
ماهي غريبه وانت من روس العرب صبيان يـام

ثن السلامـ ليـام ربعك من هل المجــد التليــد
قحطــان ساس العـز واركان(ن) صليبـه ماتضام

وسلامتكم جميع

أبو محمد

غازي الحبردي · #2 30/03/2009, 08:06 PM

صح لسانك ولاهنت ع القصيده الرائعه

تحياتي

20 الكاسر ياسر 20 · #3 30/03/2009, 08:10 PM

صــح لســانك يالغــالي .. قصيــده رائــعه

يعجبني غرورك · #4 30/03/2009, 08:12 PM

صح لسانك

مرررررررررررررررره رهيييييييييييييييب

Blue Fire · #5 30/03/2009, 08:12 PM

اتمنى ان تقبل هذه الترحيبة مني:

ارحب ثم ارحب ياصبي قحطان مليون و يزيد ## حيا الله وجيه محلف من حلف له تسعين عام

قصيدة جميلة جدا وجزلة في حق شاعرنا الكبير محمد بن عويضة اليامي شافاه الله وعافاه

ولكن اخي الكريم ياليت لو تعطينا قصيدة محمد عويضة لاني لم اطلع عليها بصراحة

شكرا لك يا شاعرنا الجميل