|
عامر العبدالله:.. ونصيحه لجمهور الهلال في (الرياض,القصيم,الشرقيه,جده,مكه,تبوك,ابها) انا مدري هالمقطع كلكم شفتوه ولا لا لكن اتكلم عن نفسي الصراحة يوم شفته حسيت اني جالس اشوف جمهور الاتزوري يوم تفوز ايطاليا بكاس العالم أو جمهور البارسا يوم يفوزون بدوري الابطال أو ميلان أو مانشستر أو تشلسي أو ليفربول أو ... الخ الصراحة حسيت ان جمهور الهلال (عالمي) شكرا جمهور الشرقيه علمتونا ان اللي بيستحي أو (بيصير ثقل) ولا يشجع مع الجمهور ماله مكان بالمدرجات علمتونا ان التشجيع يكون جماعي أو لايسمى تشجيع ياناس شوفو هالمقطع واتمنى تصير حركة ثابته لنا بنهاية كل مباراة :: المقطع :: لمشاهدة الجمهور مع تعليق عامر عبدالله :: أضغط هنا :: :واسمعوا عامر العبدالله وش يقول اجباري ان اسكت واستمتع واستمتع ياليت المباريات الجايه تصير حركتنا الرسميه وبنفس الأهزوجه ومثل ماقلنا اللي بيصير ثقل لا يجي للملعب وشكرا |
والله ونعم بجمهور الشرقية موضووووووووووووووووووووووووع للتثبيت بعد اذن الاشراف الف شكر يالغالي |
أخوي رساوي برساوي أشكرك على مقالك والله من جد الي مايبغى يتفاعل مع الجمهور بالملعب يجلس خلف المرمى إذا صار إنه ملزم يجي للملعب !!!!! على فكره أنل مره كنت في استاد الملك ومن كثر حماسي صرت أكثر المباراه واقف وخذلك من الصياح حتى وصل الحد ببعض المشجعين رميي بالقوارير والله الي يشجع ويحضر بحماس مستحيل رايح يجلس أسف على الإطاله وشكرا |
هلا بك أخوي .. أنا من ضمن الجماهير اللي حضرت .. وكنا نشجع طوال الشوطين .. يمكن لو كان فيه سكوت ما يتعدى دقيقتين .. وأنا حضرت مع بداية الشوط الأول بــ 5 دقايق .. من الزحمة .. وكنا واقفين طوال الشوطين ما لقينا مكان نجلس .. و الجماهير كلها كانت متفاعله بقوة .. بس بعد ما شفت المباراة .. بصراحة حررررررررررررررررررام اللي شفته .. ما طلعوا شيء من اللي صار من الجمهور .. حوالي 10 مرات .. حركة الامواج المكسيكيه .. وتفاعل دائم وتصفيق حااااااااااااااااااااااااار مع الطبلة وبقوة .. والله قهر .. من جد الجمهور كان خرافي لأبعد درجة .. واللي شفته في المقطع والله ما هو الا شيء بسيط من اللي حصل في الملعب . وشكرا ً أخوي.. وشكرا ً عامر عبدالله .. |
لابد من الجماهير ان تردد اهزوجه في الملعب لا ان تصمت ويجلسون يفصفصون لازم يرددون : (( ياهلال ياهلال زعيم والله زعيم * ياهلال ياهلال زعيم والله العظيم)) وهذا الكلام ينطبق على جمهور الرياض وليس جمهور الشرقيه وشكرا |
شكراً لك :) و جمهور الزعيم رائع في كل مكان و زمان ، لكن للإسف لايزال البعض يمارس الوصاية على الجماهير الهلالية ..! يعني اللي يقول أما تشجع و إلا لا تحضر ..!؟ و إلا يقول لا تشرب شاهي و لا تأكل فصفص ..؟! يا جماعة متى [ نفهم ] ان هذه [ حرية شخصية ] أنـا بــ أحضر للملعب لكن ما أبي اطامر مع الجماهير :) لكن إلتزم بالحضور من أجل الزعيم و نجومه ، ما حضرنا حفلة سامري يا الربع ..! انا معكم [ نطالب ] بـ التشجيع و المؤازة و دعم الفريق لكن هذا ما يعطينا الحق في اننا [ نصادر ] حريات الآخرين ..! و ملينا من [ مسمار جحا ] كل ما صار شي قلتوا جمهور الهلال في الديرة الفلانية اكثر من جمهور الهلال في الرياض ..! خلاص فهمنا وجهة نظركم كل يوم طالع واحد يتكلم عن الجمهور و الجمهور ..! جمهور الرياض [ لو إفترضنا ] انه مايحضر فـ أكيد له اسبابه و كل شخص و عندهـ ظروفه :) جمهور الشرقية ما قصروا حضروا لكن ترى اللي حضر 14 الف مــو 70 الف :) و مباراة الهلال و النصر كان جمهور الزعيم 15 الف وهي مباراة دورية و يوم السبت و في قلعت وادرين في استاذ الملك فهد ، يعني جمهور الرياض [ إذا حبيتوا ] هـ التصنيف بين الجماهير يحضر و ما يقصر :) |
مشكووووووووووووووووووووور اخوي تقبل مرووووووووووري |
إقتباس:
كلامك ماهو في محله وذا تقارن مباراة النصر بمبارة الاتفاق فهذا ضلم لنا يا جماهير الشرقيه ياخي حضرتو في الرياض 15000 على قولتك وهي ديربي والملعب ياخذ له فوق 60000 الف متفرج ووحنا في ملعب صغير وقلبة راس واللي حاضر اكثر من 14000 وصدقني المدرجات كلها فل وفيه جماهير راحت مع نادي الاتفاق لأن المكان زحمه وبعض المواقع في الملعب ما تخليك تستمتع بالمباراة وبعدين انت وشلي مزعلك ياخي خل الجماهير تتحمس وتحضر انت كذا كانك تدور الاعذار وما تبي احد يحضر وعلى فكره ترا مبارة الاتفاق بعد يوم سبت ودراسه ومبارة دوري يعني نفس الشي لمبارة النصر وملعب الدمام تراه بعد بقلعت وادرين مرتين من الخبر اكثر من 22 كيلو |
لا لا معقوله هذولي ربعنا ولا أوروبيين طاقتهم الشمس وملبسينهم ثياب:d مقطع روعه وجميل وماينلام عامر عبدالله اذا سكت . |
إقتباس:
مشكور عالمرور طال عمرك |
إقتباس:
يوم يفوز الهلال 1-0 بهدف كماتشو قبل الفاول كنت واقف واللي وراي يقولون اجلس ومدري ايش وسفهتهم وشاتها كماتشو وجت قول عاد بغوا يجلدونني عشانهم ماشافو الهدف :D مشكور عالمرور |
إقتباس:
ليت كل الجماهير مثلكم يعطيك العافيه |
إقتباس:
وجمهور الرياض والشرقيه كلهم عينين في راس حتى جمهور القصيم :d مشكور عالمرور بس احس اهزوجك طويله شوي يالله يقولونها مع بداية الشوط الثاني عشان يمديهم يخلصونها :d امزح معك ومشكور |
إقتباس:
جماهير الرياض أحلى جماهير :smilie47::d لا انا ماقلت جماهير الرياض ولا شي بالعكس انا اقول ان جماهير الرياض ماتبين كثرتها عشان الملاعب فيها كبيره وبعدين الديرة كبيره يتكاسل الواحد يروح للملعب وبالنسبة للي بيحضر ويسكت مثل ماقال احد الأعضاء في رد سابق اللي بيحضر ويسكت يروح ورا الباب :d لا صدق أوكي حرية شخصية يحضر ويسكت لكن يخرب على الجمهور يعني صارت حرية عامه :d << كيفي :d لا والله مشكور عالمرور وانت سامحين لك احضر وكل فصفص واشرب شاهي ولا تشجع وش تبي احسن من كذا يالغالي :d |
إقتباس:
مشكووور |
| الوقت المعتمد في المنتدى بتوقيت جرينتش +3.
الوقت الان » 01:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd