
23/11/2008, 07:17 PM
|
زعيــم مميــز | | تاريخ التسجيل: 09/03/2002 المكان: الرياض
مشاركات: 1,889
| |
هدف العنبر ونقاط اخرى اذا كان هدف العنبر في الاتفاق امس مهو هدف
فهدف المنتخب السعودي ضد المنتخب الكويتي قبل كم سنه في التصفيات والي جابه الثنيان من فاول يعتبر ايضا مهو هدف وايضا هدف للاتحاد حمزه ادريس في مرمى الوحده قبل كم سنه نفس الشي
انا من وجهة نظري اشوف ان الكوره دخلت المرمى مسالة كامل محيطها الي ازعجونا فيها الحكام الشياب هذي ماتخش المزاج لاعب داخل مرماه بنصف متر يرد كوره ماتكون بكامل محيطها بالمرمى كيف هذي !!
النقطه الثانيه اتمنى من ادارتنا وبالتفاهم مع المدرب ان يتم تكليف احد من الاجهزه الفنيه او احضار مدرب وياليت يكون الحبشي يكون مساعد لكوزمين ولكن تخصصه بعد كل مباراة يختار كذا لاعب ويجلس معهم اما كل واحد بلحاله او مجموعات ويقوم بتشغيل المباراة الماضيه ومناقشة كل لاعب عن ماذا فعل ومالذي كان يجب عليه فعله
الهلال حاليا يملك خامات حلووه لكن مشكلة بعضهم ماينتبه لاخطاءه المتكرره كالفريدي والخثران خالد عزيز ويلي الصويلح العنبر
احضار شخص شغلته الوحيده هي معالجة سلبيات كل لاعب على حده على الاقل ستخفي 60% في المباريات القادمه من سلبياته
النقطه الثالثه اتمنا تكليف اشخاص يكونون مسئولين عن تجميع الجماهير في نقاط معينه في الرياض مثل نادي الهلال واماكن اخرى وتجهيز باصات واحضارهم كمجموعات للمكان المقرر فيه اقامة المباراة مثلا ملعب الملز او استاد الملك فهد لان اتوقع الكثير من اهل الرياض يتكاسل بسبب البعد ولكن لو تم توفير باصات في اماكن مختلفه بالرياض مثلا باص في نادي الهلال لاهل غرب الرياض باص في مكان معين في مخرج 15 لاهل جنوب وشرق الرياض وباصات عند مكان معين على الدائري الشمالي بالحاله هذي نظمن على الاقل حضور اكثر من الحضور المخيب للامال في المباريات الماضيه المقامه في الرياض .
النقطه الرابعه اللاعب المميزين القادمين لمنصات التتويج الهلاليه كالدوسري عبدالعزيز ونواف العابد وسلطان البيشي اتمنا اعطائهم فرصه اكبر خاصه عبدالعزيز الدوسري فمشكلة الهلال هي عدم وجود لاعب يجيد التصويب وبدقه وبكلتى القدمين سوى عبدالعزيز الدوسري واستغرب من كوزمين مع عشقي الكبير لهذا المدرب ولكن لاالومه فكثرة النجوم قد تحير اي مدرب من يشرك ومن يجلسه على دكة الاحتياط
ولكن الدوسري عبدالعزيز كنا نحتاجه كثيرا في مباريات مضت فحارس الاتفاق مثلا نقطة ضعفه المعروفه هي التصويب من على منطقة الجزاء واغلب الحراس مثله . |