|
الفريدي -العنبر -الخثران .......وبعدين ياجماعه قدامنا مباريات مهمه ومافيه مجال للتفريط والمشكلة ان بعض لاعبينا يتفلسفون احيانا في اوقات مالها داعي ومع الاسف ان نجمنا القادم بقوة الاعب الفريدي الله يهديه يتفلسف احيانا في بعض الكورة يايحتفظ بالكوره كثير يايصير اناني يايموت هجمه احمد انت موهوب بس لاتنسى ان الكرة ماتخدم الا اللى يخدمها واحنا جمهور مايرحم اليوم نصفق لك وبكرا نقول نسقوه ياناس مانبيه لازم ياحمد تستفيد من الذيب سامي من يوسف الثنيان كيف قدروا يستمرون بنجوميتهم ابعد يااحمد عن الانانيه او الرغبه بالتسجيل باي شكل اصنع هدف افضل منك تحتكره لك اما الاعب الثاني اللى فاك راسي اسباب احتفاظ المدرب انه يلعبه اساسي وهو العنبر ياجماعه لاتقولون سجل هدف على الاتفاق تراه حسنته الوحيده وان كان ممكن يحط الكوره في زاويه ثانيه لانه لو حكم ثاني كان ممكن مايحسب القول خصوصا انه حط الكره في رجل الاعب ترك القول كله وحطه في مكان الاعب غير انه كان ممكن ينطرد بعد تعمده اصابة لاعب اتفاقي في كورة ميته جهة الجناح ياناس والله العظيم يدور في راسي هالسؤال ليه المدرب مصر عليه ليه لابد يالعنبر تطور نفسك والاتذكر كلامي بتلقى نفسك بعيد عن الكيان الهلالى ولك في غيرك عبره اما اخر لاعب الخثران مادري حب الخثران للكروت والدخول الخشن على الاعبين ركز يالخثران والله انت لاعب يجي منك خير كثير ياليت تراجع نفسك . |
والله كلامك واقعي ومميز وانا أوافقك في كل نقطة قلتها وأتمنا من الاعضاء الإقتداء بك والابعاد عن المواضيع اللي فيها نقد جارح أو وضع اللاعب فوق النقد وان اللاعب مافيه احسن منه والمواضيع اللي مثل موضوعك رائعة وواقعية وأتمنا منك الإستمرار على هذا المنهج تقبل مروري دمت بزعامة |
العنبر لازم ينسقونــــــــــــــــــــــــــــــــــه |
بصراحة يبيلنا نصبر ع العنبر شوي ونعطيه فرصه لأن ما معنا ألا هووه أما الفريدي فبدأ في يشوف نفسه زيدان شكلنا عطيناه أكبر من حجمه أتمنى أنه يراجع نفسه ويحاول يطوور مستواه ويبعد عن الأنانية لآن الزعيم مايلعب له أي واحد أناني من عرفت نفسي ما أعرف أحد أناني لعب للهلال حتى جا الفريدي |
اوافقك الراااي في معظم ما قلته عدا نقطة الكابتن احمد الفريدي ..@!! أنا استغرب كثرة الحديث عن الانانية يا ناس احمد لاعب موهوب لازم يسحب شوي يعني سحب مره انقطعت منه يعني خلااااص اللاعب اناني والله ما يصلح الكلام ذا .. وانا بالعكس ارى احمد متعاون مع الفريق ويا ليت تتذكرون بداية الموسم قبل ما يرفع الايقاف عن البرنس:smilie47: كان احمد صانع أغلب الاهداف فاتمنى من الاخوان عدم الاكثار على احمد لان اهم شيء الثقة بالنفس بالملعب والله لو يفقد الثقة والله يمكن لا قدر الله تنسون ان فيه لاعب اسمه احمد الفريدي مع اني لا زلت اقول لعب احمد ممتاز ومن افضل لاعبين الهلال هالموسم مع عزيز:smilie47: والمرشدي:smilie47: وهوساوي :smilie47:>>> لا يا شيخ من باقي ..!:d وتقبل مروري ..:) |
الفريدي ياليت يشوف له حل يا يلعب كوره زي الناس و يناول بسرعه و يترك البرود عنه شوي ولا دكة الاحتياط موجوده و المشكله لين أحد لمسه ولا كسره تنرفز و عصب بسرعه شوي و يطق الحكم ولين جيت معه الكوره مافيه أبرد منه و العنبر و السعودأ تمنى يعطونهم فرصه في كأس الامير فيصل اذا تحسن مستواهم أوكي و اذا أستمرو على نفس المستوى أقرب نادي وجهة نظري |
إقتباس:
صح كلك وياليت يسمع من يقول من يتفق معك اخوي تتعب ان له تيار ضعيف او مايفهم كوره قلت المفيد والواقع واكيد منبعه حب ووعي وفهم بعيد عن التطبيل والتظليل واتفق معك بكل حرف بلعكس هذا اللي بخاطري والله ومشكور اخوي صاحب طرح الموضوع لانه كلام محب وواقعي وهذا المطلوب كشف العيوب والسلبيات والولاء والحب لايختلف عليه ولايشكك فيه بين الزعماء الحقيقين |
والله معك فعلا الفريدي كان سيء للغايه ! |
إقتباس:
ملينا و حنا نقول للإدارهـ نسقوه ما نبيه لكن لا حياة لمن تنادي العنبر- السعود لا بارك الله باليوم اللي عرفتوا به الكورهـ |
اخى هلالى ميه في الميه اشكر لك ردك الجميل واللى يدل على عقلية متفتحه ورائعه كما اشكر جميع الاخوان اللى مرو على موضوعي وشرفوه |
كلام واقعي وجميل جدا وشكرا |
إقتباس:
ياخي والله احترنا معكم يا الجمهور ..!! اذا العنبر لعب عشر دقايق وماسوى شئ مارضيتو على مستواه !! واذا لعب أساسي و وحيدا بخط الهجوم بطريقة 4-5-1 كما في مباراة الأتفاق وكان أدائه جماعي يحتضن الكرة بصدره ويمرر براسه ( ارجع للمباراة شوف كيف جماعيته واستلامه للكرة ) وسبب ازعاج على قلبي الدفاع .. كل هذا تنتقدوه وتقول حسنته الوحيدة ضربة الراس وصدفة !! على الأقل العنبر مستواه امام الاتفاق مغاير عن السابق واللي يقول غير كذا جاهل بالكورة ومنافق ومايفهم وماعنده نقد بناء .. بعدين شلون تبي العنبر يطور نفسه وهذا اسلوبك واسلوب امثالك !! الله يشفيكم ولا يبلانا !! |
بعدين شلون تبي العنبر يطور نفسه وهذا اسلوبك واسلوب امثالك !! الله يشفيكم ولا يبلانا ................................... تصدق عاد عمر العنبرمارح يتطور دام انه في ناس بتفكيرك المتحجر ووحده من الثنين يانت قريب له وماترضى عليه النقد باي شكل والا عقلك متعصب ومايسمع الراي الصحيح اسالك بالله العنبر وشقدم للهلال جاوبني غير حرق دمنا واعصابنا انت تقول المدرب 541 طيب والمدربين اللى قبل والله ان الخراشي افضل منه وصدقني عمر الاعبين ماراح يطور مستواهم اذا كان امثالك نظرتهم للنقد البناء بهالشكل ,العنبر اكثر لاعب اعطي فرصه في الهلال ورغم كذا عمره مابرد قلوبنا صح ياخى احنا نتكلم عن راس حربه المفروض يكون صاحي متحرك مزعج للخصم مو جالس ينتظر كوره بالراس الله يهديك بس ويشفيك من التعصب الاعمى . |
إقتباس:
لأن اللي يبي يمشي على رايك يروح التابوت ؟؟ ياحبيبي العنبر فيه مقومات رأس الحربة المطلوب ( طول - بنية - احتكاك - تهديف وتمركز ) لكن في الموسم الماضي انخفض مستواه وهذا معرض له اي لاعب بالعالم ؟؟ انت بكلامك يا تابوت كانك تجرد العنبر من الموهبة وانه لاعب ؟ نسيت العنبر 2005 ؟ من حسم لنا نهائي فيصل بن فهد وكان بوجود ياسر القحطاني الذي لم يفعل شئ ؟؟ من حسم لنا ولي العهد عندما نزل بعشر دقائق ؟؟ بعدين انا حبيت اني اوضح ان مستوى العنبر في مباراة الأتفاق رجع ولو شئ بسيط من مستواه .. لايعقل ان مستواه نفس السابق .. واذا رجع العنبر لمستواه صدقني لن تقارنه لا بالخراشي ولا الصويلح ؟؟ بل ستقارنه بياسر والذي كان يوما من الايام ياسر لايعمل شئ مع العنبر ؟؟ ارجع للأهداف 2005 وانظر من يسجلها ومن يقود الهجوم الهلالي ؟؟ |
العنبر يا اما يرفع مستواه يا اما الباب يوسع جمل الفريدي فنان لاكن اناني جداً جداً وبآآآآآآآآآآآآآآآرد السعود من وجهة نظري مستواه جيد |
| الوقت المعتمد في المنتدى بتوقيت جرينتش +3.
الوقت الان » 04:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd