!! ... هل ينتهي الجدل هنا ؟! ( نقاش عنيف :d ) ... !! - صفحة رقم 10 - نادي الهلال السعودي - شبكة الزعيم

Tнe LeaDeя MiLaи · #136 27/11/2008, 07:28 PM

باك

من اول رد لي بالموضوع وانا اقول ان لكل واحد ميوله بالدوري وصعب انك تقنعه

بان الدوري الفلاني افضل من ذاك ..!!

بس صاحب الموضوع ابى والا يريد ادله وبراهين على إثبات الافضليه ...!!

ويقصد مابين الكالشيو والبريمر , ومن الواضح ان هالنقطه هي سبب طرحه

لموضوع كامل وبتنسيق يغلبه الفيسات بدل من الادله ..!!

إقتباس


	نظام التقفيل تعمد اليه الفرق الصغيره في البطولات ذات النفس القصير بهدف الوصول لمراحل متقدمه حتى لو على حساب قتل المتعه واللعب الحلو الهدف كان من كلامي هو ان التقفيل والتكتيك اللي انتم تتحامون فيه ما يمشي خارجيا فهذا يعني انه في خلل

انت بهالنقطه تناقض نفسك بنفسك

طيب هالتقفيل مشى مع فريقك العام الماضي امام برشلونه ...!!

بس المشكله انك فاهم الكاتيناشو غلط

يحسبون اللاعب الايطالي دافع واذا جاك الهدف حياه الله

الكاتيناشو تعتمد على اسلوب غلق المساحات امام الفريق المنافس والاعتماد اللعب

على الهجمات المنظمه المعاكسه

اما انك تشبه اللعب الايطالي باللعب اليوناني فهاذي قويه بحق بلد صاحب

صولات وجولات في عالم كرة القدم ...!!

إقتباس


	حتى الميلان يوم اخذها وبنصف النهائي خسر 3/2 بعدين فاز 3/0 .. امام مانشستر اقصد ... راجعو المباراة وشوفو تكتيك الميلان هل هو نفسه اللي يلعب فيه بالكالتشيو

انشيلوتي لعب باسلوب الشجره منذ رحيل شيفا والى الان

واذا تبي خطتنا قدامكم فهي كالتالي :

ديدا

يانكو ....... كالادزه ... نيستا ........ اودو

جاتوزو ..... بيرلو ..... امبروسيني

كاكا .... سيدورف

إنزاجي

بس فزنا عليكم باصرار وعزيمة الفريق وليس ان إنشيلوتي

غير من اسلوبه وتكتيكه ..!!

إقتباس


	فواز اشكرك على انك دبرت راعي لموضوعي والمتمثل في شركة سنكرز وهذا يدل ان موضوعي عليه طلب والاعلان فيه مربح اذا انتو هذا اسلوبكم انا افضل ان الموضوع يتقفل مو لشي بس لان الدعوه بتصير ان حقين البريمر ما يفهمون وكل واحد بيجي يرد يقول مشينا لذلك افضل تطلعون للكشته حقتكم بدون ما تعلنو لها هنا يعني بين بعض اعلنو عنها بالخاص والجوالات

ياعزيزي كلمة لايوقف هذا اسلوبنا في استديو الكالشيو , بس اذا كان تبي راعي ثاني

مافيه مشكله , ندبر لك

حنا مانهدف بان الموضوع يتوقف

انت لو تبي كذا ماعندي مشكله

طالما محد اقتنع على قولتك

وحنا مابيننا خاص كل اللي براسي اسدحه هنا وبلاتردد

قبل مامشي

إقتباس


	طيب هل ادلتك استمديتها منذ اول دوري لعب في إنجلترا ؟؟ وإلا هي ادلة 2004 وطالع ؟؟

ابيك ترد على هالسؤال

وإذا بغيت تقارن بين دوريات مختلفه ماتجي وتقارنه باخر موسمين ..!!

لازم المقارنه تصبح بينهما منذا بداية كل دوري

لا هاذي صعبه عليك

لانك لو تجيب ادله بيديك ورجليك ماراح تلحق

انا اخليها لك باخر عشر سنين

لان فرضا لو واحد من محبي الكالشيو في عام 2003 وكان حينها الكالشيو لايعلى عليه

ينزل زي موضوعك ويقول اتحداك وبالادله

كان انت اول واحد ماترضاه

zezoo00oo · #137 27/11/2008, 07:39 PM

؛
.
السلام عليكم ..

عبدالرحمن

.. عُـذرا ً !
\
شباب الإيطالي

.. مدري ليه أنتم مع عبدالرحمن

حكمتم على اللعب الانجليزي بأنه مفتوح !
الكل يعرف بأن التكتيك الايطالي مقفل !
لكن هذا مايعني بالضروره ان الانجليزي مفتوح !
انا اشوف الانجليزي متنوع !

تذكروا .. اخر جوله عشان ماارجع كثير بالأمثله !
الليفر قابل فولهام ومدرب فولهام أخذ منتصف الملعب وبكذا طلع بنتيجة مرضيه في الأنفيلد !
نيوكاسل وتشلسي نيوكاسل لعب بربع ملعبه ! وقفل وبشوية حظ

طلع بنتيجه مرضيه !
استون فيلا بقيادة أونيل .. قفل في ملعبه دفاع كامل وطلع بنتيجه مرضيه!
وكان قريب للقاء المان أمام البرشا في الموسم الماضي بأنه كان التقفيل الدفاعي المانشستراوي والخطوره المانشستراويه !
كانت حاضره لكن مع أونيل !

كل شي يدل على ان التكتيك الانجليزي متنوع !
نفس المدربين يملكون القدره على تنويع التكتيك !
فالتكتيك الدفاعي بـ 3 لقاءات اختلف !
اما الايطالي

.. والقلب لمنتخبهم

.. فالتكتيك = اللعب الدفاعي !

\
اللي ابي اوضحه بردي .. أن التنوع التكتيكي في الانجليزي في تحسن !
وان الفرق خرجت من كونها فرق تلعب كور عاليه ولعب مفتوح !
وتطور .. أتمنى اليوم اللي اشوف فيه تنوع باللعب الايطالي !
مو كل لقاء معروف التكتيك !
\

كرأي شخصي أفضل الانجليزي

.. وبعده الايطالي ككل
وبعده لقاءات مدريد

.. !

لكم

.. ولابوداحم

G o L d E s T · #138 27/11/2008, 09:09 PM

إقتباس


	صحيح نسيت من اللي قالي انه استمتع كثيرا بمباراة الشباب والهلال الاياب الظاهر انه جولدست بصراحه بعد كلامه فعلا قلت سبحان الله المباراة هذي انا حضرتها بالملعب وقلت يقلع ام السماجه حتى اصلا فيه هدف صحيح للشباب ما انحسب كان ممكن الهلال يطير منه اللقب بسببه

يابو الشباب لا تلخبط معلوماتك وتقلبها علي !!

بس أعذرك لأن الهلال قابل الشباب 4 مرات مرتين بالكأس ومرتين بالدوري وكلها بفترة قصيرة

المباراة اللي تكلمت عنها حفظك الله مباراة الدوري الإياب انتهت 0 - 0 وسجل الشباب هدف صحيح وألغاه الحكم بداعي التسلل

المباراة اللي أقصدها وأشوف إنها الأفضل للهلال

كانت مباراة الإياب بكأس ولي العهد انتهت بفوز الهلال 1 - 0 سجله فيصل العبيلي بمرمى فريقه

وحتى تتذكر المباراة أكثر ما لعب فيها ياسر والتايب لأنهم كانوا موقفين ولعب الهلال بثلاث محاور وأبدع لاعبين الوسط وأخفوا وسط الشباب اللي يعتبر أقوى مراكزهم

أما عن كلامك بخصوص اسلوب الكالتشيو وإنه ما ينفع للشامبيونز اسأل أي متابع للكالتشيو من أكثر فريق تنطبق طريقة الكالتشيو الدفاعية التقليدية عليه بيقولك ميلان علطول

ميلان يعتمد على الدفاع المتأخر وما يضغط على الخصم لكن ينتظره يجيه بمنطقته وكلنا شفنا الأسلوب هذا شلون استفاد منه ميلان بالشامبيونز ( 7 سنوات متتالية ما يخرج قبل دور الـ 8 )

وبقدر ما استفدنا منه بالشامبيونز ذبحنا بالدوري قدام الفرق الضعيفة

إقتباس


	مع ان كثير فرق صارت تركز على الدفاع والتقفيل عشان تمشي بالبطولات .. لكن اسمحولي هذي حيلة الضعوف منتخب وفرق مثل ايطاليا لازم تهاجم وما تهاب

للمعلومية إيطاليا وفرقها ما تقفل بكل المباريات لكن فيه مباريات التقفيل فيها أحسن الحلول لأن المبالغة بالهجوم ضد خصم قوي تعتبر حماقة مب شجاعة

وبصراحة ما أدري ليش تشوف التقفيل دليل على الضعف أو الخوف !!

يعني أنا كمدرب أبشوف خصمي وأبحاول قدر الإمكان إني أقفل كل مفاتيح لعبه وبنفس الوقت أحاول أنظم هجمات تقودني لتسجيل هدف وأفوز بالمباراة

.....

تدرون إني عارف إنه ما فيه أحد بيقتنع بكلام الثاني ويمكن اللي يقرأ ردودي يقول هذا يتفلسف وما عنده سالفة

لكن هذا ما يمنع إني طلعت بفايدة بالموضوع سواء بالمعلومات أو الآراء من كل من شارك بالموضوع

لذلك أبستمر أدخل لمييين يقفلونه أو يروح للصفحة الثانية

خالد ، الدعجااًَني · #139 28/11/2008, 02:09 AM

محجوووووووووووووووووووووووووز

جآإري البحث عن رد

بـــــــــــــ~ـــــــــــرب ضرووووووووووووري

@سلطان الهلال@ · #140 28/11/2008, 02:30 AM

إقتباس

الرسالة الأصلية كتبت بواسطة الكرة الهلالية


	مع احترامي الشديد .. فينجر وسكولاري محد فيهم تقدر حتى تقارنه بـ انشيلوتي أو كابيلو

تدري أحد أساطير الدوري الإيطالي خوليت وش يقول ؟؟

يبغى يمدح أنشيلوتي قال : أنشيلوتي كفيرغسون وفينغر

اتخذ فينغر وفيرغسون مثالين للمدرب الأسطوري

هذا أحد أساطيركم

وبالنسبة لسكولاري فهو بطل العالم 2002 وصاحب الرقم القياسي في عدد مرات الفوز المتتالية في كأس العالم .

ومورينهو وبينيتز ما جبت لهم طاري وركزت فقط على أنشيلوتي وكابيلو . وأنا عطيتك خمسة مدربين عالميين

إقتباس


	بس اكتشفت انك اخوي تحوس في الموضوع عشان تضيع النقاش .. يعني مدري وش دخل المدربين ومدري وش دخل قوة الانديه .. اذا تبيها على قوة الانديه راح نقارن بالتشامبيونز تاريخيا ,, بس انتم زي ما قلت لك ما قدرتو تدافعون عن ناديكم ولا لقيتو الا انككم تشتتون الموضوع

أنا غلطان قوة الأندية والمدربين مالها دخل

الدوري السعودي أفضل من الإيطالي والإنجليزي وكل العالم لأنه الهلال والاتحاد متعادلين في النقاط وحسم الدوري بمجموع المباراتين المباشرتين

والدوري الهولندي أفضل كذلك

ولا تقول لي أنديتهم ضعيفة لأن قوة الأندية والمدربين مالها دخل

تاريخيا قال

، حجتك اللي تدوور عليها ، قلنا لك التاريخ للكالتشو يالحبيب للمرة العاشرة ، ونكررها عشاانك .

طيب حاليا ؟؟ أنت قلت بعظمة أصابعك

إن الأندية الإنجليزية أقوى حاليا

إقتباس


	كل شوي تنقص السنين الي تبي تقارن فيها هذا دليل واضح للعيان وبعدين حتى اخر 5 سنوات التنافس في الكالشيو اقوى .. بس بكره لا تجي وتقول اخر سنتين

كل شوي أنقص السنين ؟؟

عطني اقتباسات !!

أنا كنت أقول من عشرين سنة ثمن قلت 15 ثم 10 والحين 5 !!

غريب فعلا !!

أنت اللي كل ما قلنا لك شي قلت التاريخ والتاريخ ، مهو كل أبونا قلنا لك التاريخ للإيطالي

إقتباس


	وبعدين كيف تقول التنافس مو مهم !! ,, كلامك غير منطقي ومردود عليه على قولة الأخ سكرو هذي مع احترامي اعتبرها خداع للناس الي تشوف

لا تقولني شي ما قلته

أنا قلت أن قوة الأندية أهم من التنافس ، ولا قلت إن التنافس غير مهم يا المحجر

بس حلوة خدااع

حسيت إني في مساهمة عقاار

إقتباس


	يعني كيف تقول اشرس منافسه وانت اصلا مانزلت الترتيب هنا .. انا تكلمت اكثر من مره وقلت ان اخر السنوات ماشفنا الا العام الماضي فيه منافسه حتى اخر رمق , اما باقي المواسم مع احترامي ..

أنا قلت أحيانا يا حبيبي والموسم الماضي كان أشرس

المان 87
تشيلسي 85
الآرسنال 83

وهذا يعد من ( أحيانا )

تدري وش ميزتك إنك ما شااء الله تعرف تحشر الواحد

ورده

الكرة الهلالية · #141 28/11/2008, 03:03 AM

,,

السماجه بدت تزيد في الموضوع

!!

إقتباس


	تدري أحد أساطير الدوري الإيطالي خوليت وش يقول ؟؟ يبغى يمدح أنشيلوتي قال : أنشيلوتي كفيرغسون وفينغر اتخذ فينغر وفيرغسون مثالين للمدرب الأسطوري هذا أحد أساطيركم

مشكلة اوم خوليت ..
حنا نتكلم عن انجازات هالمدربين

فينجر وش حقق خارجيا بالله .. ؟
نهائي كاس الاتحاد

وسكولاري توه جديد على الانديه ما تقدر تحكم عليه

اما في الايطالي فيه انشيلوتي وكابيلو وليبي وموري واريكسون .. بس اريكسون احقاقا للحق كان مع لازيو قبل اكثر من 5 سنين

ويكفي كابيلو شف وش مسوي مع منتخبكم , ايطالي هو الي يزبط منتخبكم

إقتباس


	الدوري السعودي أفضل من الإيطالي والإنجليزي وكل العالم لأنه الهلال والاتحاد متعادلين في النقاط وحسم الدوري بمجموع المباراتين المباشرتين

محاولات فاشله لتغيير الموضوع

حنا نتكلم هنا عن 3 دوريات فقط

,, ايطالي - اسباني - انجليزي

ولو انكم مركزين على الكالشيو تبون تطلعون بنتيجه

حتى حقين الليجا ماعطوكم وجه الا من رحم ربي

إقتباس


	أنت اللي كل ما قلنا لك شي قلت التاريخ والتاريخ ، مهو كل أبونا قلنا لك التاريخ للإيطالي

لا .. الهلالي 11 ماهو مقتنع

إقتباس


	الدوري السعودي أفضل من الإيطالي والإنجليزي وكل العالم لأنه الهلال والاتحاد متعادلين في النقاط وحسم الدوري بمجموع المباراتين المباشرتين

إقتباس


	ولا قلت إن التنافس غير مهم يا المحجر

هههههههههههههههههههههههههههههههههههههه

كوميديا

إقتباس


	أنا قلت أحيانا يا حبيبي والموسم الماضي كان أشرس المان 87 تشيلسي 85 الآرسنال 83 وهذا يعد من ( أحيانا )

تدري وش تذكرني به

باللي يقول عندنا جميع انواع الاجبان وفي الاخير ماتلقى عنده الا الجبن السايل

وهذا رد سابق لك

إقتباس


	أنا عطيتك رابط ترتيب الدوري الإنجليزي والذي كان في أحيان كثيرة أشرس منافسةً ، لكني أرى أن قوة الأندية هي الأهم في مقارنة الدوريات .

هل الموسم هذا داخل في احيانا كثيره بعد

شفت انك تلعب علينا

تحجر لنفسك بنفسك الله يرضالي عليك

إقتباس


	تدري وش ميزتك إنك ما شااء الله تعرف تحشر الواحد

باللهي كل يوم سوو موضوع نبي نضحك

@سلطان الهلال@ · #142 28/11/2008, 03:22 AM

إقتباس

الرسالة الأصلية كتبت بواسطة الكرة الهلالية


	,, مشكلة اوم خوليت ..

ندري إنك أحسن منه !! آسفين

إقتباس


	اما في الايطالي فيه انشيلوتي وكابيلو وليبي وموري واريكسون .. بس اريكسون احقاقا للحق كان مع لازيو قبل اكثر من 5 سنين

مورينهو يعتبر من مدربي الإنجليزي ، لأن ماله إلا بضعة عشر أسبوعا في الكالتشو فقط

وأريكسون كان عندنا العام

إقتباس


	ويكفي كابيلو شف وش مسوي مع منتخبكم , ايطالي هو الي يزبط منتخبكم

منتخبنا الأخضر ولا غيره

إقتباس


	محاولات فاشله لتغيير الموضوع حنا نتكلم هنا عن 3 دوريات فقط ,, ايطالي - اسباني - انجليزي

أنا أتكلم عن منطق يا عزيزي ، ومن باب ضرب الأمثال أتيت بأمثلة .

إقتباس


	هههههههههههههههههههههههههههههههههههههه كوميديا تدري وش تذكرني به باللي يقول عندنا جميع انواع الاجبان وفي الاخير ماتلقى عنده الا الجبن السايل شفت انك تلعب علينا باللهي كل يوم سوو موضوع نبي نضحك

لعد تكثر ذب بالله ؟؟

أسلووبك في النقااش حلوو ما شاء الله عليك وتحسد عليه بصرااحة

ما غير فااق كشرتك تضحك

لكن عموووما أترك الحكم للأعضااء على ما كتب .

لأنك كلما انحجرت قعدت تضحك

، يا حبي لك

أنا أعتزل الموضوووع اللي عيا يخلص وكله منك يا الدحمي

سااحبين على حبايبنا في الرابطة بسبتك

. <-- آخر ما أكتبه هنــا ورده

جنـون اليوفـي · #143 28/11/2008, 03:26 AM

الجدل لن ينتهـي طالما اختلفت الأذواق

المدرسة الإيطالية // نقدر نقول إنها الأكثر تميزا ً .. وكل فترة تثبت لنا تطـورها وتثبت لنا انها مدرسـه متجدده في التكتيك الدفااعي " لن تسجل هدف .. واعرف كيف احصل على هدف " !

(ولهاا جماهيرية غفيرة !!)

الكرة الإنكليزيه ليسـت مدرسه بـ قدر المدرسة الإيطاليه .. ولكن اسلوب شيّق وممتع اثبت نجااحه .. ولا يزاال نشاهد نجاحاته .. بالنظر لـ النتائج التي تقدمها الكرة الإنكليزيه .. !!

( في النهاية لها جماهيرية كبيرة !! )

ينظر بعض الإنكليز ان الكره الإيطاليه انها تقتل المتعه ،،
ولكن يوجد بعض الطليـان يقولون الكرة الإنكليزية اشبه بـ الكيرم .!!

الجدل يكون عندما تحاول نــزع الأفضلية من مفضلـة الآخـر

اعتقد مافي داعي لأن كل واحد يحجر الثـاني لإنه لن يكون هناك تحجير بالمعنى الصحيح

بالنسبة لـ العضو جنـون اليوفـي

من عشـاق المدرسة الإيطالية

PUYOL Carles · #144 28/11/2008, 03:29 AM

هدو اللعب ياشباب وكونو حلوين .. ترى مابنغلط على حارتكم اذا قلنا دوريكم مخيس

..

هو بس نقاش .. حتى لو ماطلعنا منه بشئ مقنع .. بنتعرف على اشياء ومعلومات

..

Carlitos 32 · #145 28/11/2008, 03:42 AM

@سلطان الهلال@ + الكرة الهلالية

هدوا اللعب ياشباب وروقوا ..!!

الكورة وجدت للترويح عن النفس موب للنقاشات الحادة مثل كذا

ودام كل واحد مقتنع بدوريه ومستحيل يغير وجهة نظره ..!

خلاص قفلوا عالنقاش ولاحد يخسر الثاني ياشباب

تحياتي للجميع ورده

الكرة الهلالية · #146 28/11/2008, 03:44 AM

,,

إقتباس


	أسلووبك في النقااش حلوو ما شاء الله عليك وتحسد عليه بصرااحة

من البدايه انا قلت لك تراه مزح وانت رضيت بهالشي

إقتباس


	مورينهو يعتبر من مدربي الإنجليزي ، لأن ماله إلا بضعة عشر أسبوعا في الكالتشو فقط

يشيخ لو له يوم .. اهم شي انه موجود الان في الكالشيو ..

إقتباس


	أنا أتكلم عن منطق يا عزيزي ، ومن باب ضرب الأمثال أتيت بأمثلة .

فكر مره ثانيه قبل لا تضرب امثال

إقتباس


	لعد تكثر ذب بالله ؟؟ لأنك كلما انحجرت قعدت تضحك ، يا حبي لك

انا الي انحجرت الحين !!

,, الكلام سهل والله

وراك مارديت على احيانا كثيره طيب

إقتباس


	. <-- آخر ما أكتبه هنــا ورده

هذا ماكنت انتظره

وهذا هو المصير

ولا من عقب احيانا كثيره والكوميديا الي صارت

وفي المره الجايه خلها بدري عشان ما تضيع الوقت

واسف على كل شيء يستحق الاسف

الكرة الهلالية · #147 28/11/2008, 03:47 AM

,,

إقتباس


	الجدل يكون عندما تحاول نــزع الأفضلية من مفضلـة الآخـر

اهنيك على هالجمله اخوي

وهذا هو اساس هذا الموضوع

وهي مجرد محاولات

H A R R Y · #148 28/11/2008, 03:54 AM

/

يا أنتم رايقين بعد ! الساعه 4 الفجر .. ما أصدق

..
والله ما كذبت يالدحمي ! نقاش عنيف !

.. كان ودي أتكلم
لكن الشباب ماقصروا

..

على العموم كل واحد وله دوريه اللي يفضله !
لكن الواقع يقول أن الدوري الإنجليزي الأفضل " حاليًا " ..

\

skroo · #149 28/11/2008, 04:12 AM

السلام عليكم ورحمة الله وبركاته

زي ماهو واضح للجميع ان النقاش اخذ منحنى اخر

والله عندي استعداد للرد على كذا مداخلة من الاخوان لكن مع الجو العام في الموضوع ماراح يكون له فائده

ان شاء الله ينفتح هالموضوع ثاني مرة وبنكون اكثر المام بثقافة النقاش وراح نناقش بعض بكل اريحيه

لان اي نقاش خالي من اساسيات مستحيل يكمل او يكون جميل على الاقل

لابد نتفق على امور ومحاور وللاسف اللي صار ( حيص بيص )

شكرا لك ابوداحم على فتح المجال صراحة استمتعت بردود كثيره واستفدت كثير

ونراكم على خير في نقاش آخر لان مصير هالموضوع مبين للكل ورده

Tнe LeaDeя MiLaи · #150 28/11/2008, 04:16 AM

^ ^ ^ ^ ^

مشكلتنا ياناصر اننا باحيان كثيره نحب نفرض راينا غصب على القارى

من دون طرح اي اهداف او اساسيات للموضوع ...!!

يعني عنوان الموضوع شي والنقاش شي اخر ..!!

وبالاخير ولاشي ..!!