|
نقاط مابعد المباراه + جمهور الرياض بسم الله الرحمن الرحيم أول شي مبروك الفوز والثلاق نقاط رغم غياب المستوى انا دخلت المنتدى بعد المباراه وشفت المواضيع اللي ترييش باللاعبين والعالم طايرين بالفريق بعد الفوز قلت ااجل تنزيل الموضوع لين ما تهدى الامور اللي ابي اقوله ان بعد المباراه شفنا ناس يقولون نامي اطلق ظهير والعنبر فلته .؟! اللي يقول ان نامي اطلق ظهير ودي يجيب لي أوفر صح سواه نامي غير اوفر الهدف ... حتى اوفر الهدف ماكان المنتظر من ظهير يلعب في نادي الهلال (( بتقولون لي يكفي انه صلح الهدف )) بقولكم لاتنسون بعد ان نامي بغا يصلح هدفين علينا .. يعني يصلح هدف لك ويسبب هدفين عليك وتسمونه ظهير؟ اما بالنسبه للعنبر... صراحه انا اسميه ابو حظ ...يعني انسان متمركز غلط بالهجمه ولا شارك وفجأه تجيه الكوره عند راسه ... لا والمرمى فاضي بعد .. ويوم سجلها صار المهاجم الفلته ؟!.... (( ياعزتي لك يالفريدي بس )) * بعد المباراه قلت اسف يا اسامه هوساوي ... لاني كنت اقول اول ماتعاقدنا معه انه ماراح يفيدنا وصفقه فاشله ... بس صراحه ...وش تفاريس ووش ليتانا ماقول الا عساك القوه واسف مره ثانيه نجي للموضوع الاهم اللي هو سالفة الجمهور . اغلب المواضيع اللي انكتبت بعد المباراه كانت عن جماهير الشرقيه وجماهير الرياض وان جماهير الشرقيه احسن و و و اول شي جمهور الهلال واحد ولا نفرق بينهم انشالله لو بالصين ... بس اللي بقوله .. يوم جمهور الرياض حظر لمباراة الوحده السنه اللي راحت يوم نطلع بالتعادل .. ماانحطت لهم صوره متحركه في المنتدى ولا جا احد يقول جمهور الرياض... ونفس الكلام يوم حظرنا قبلها مباراة الكويت... وياما نحظر ونفلل ملعب سعته 70 الف متفرج ولاحد يكتب عننا شي ولا يحط لنا صور متحركه... ويوم تفلل ملعب سعته ماتجي ربع الاستاد شفنا الصور والمواضيع ..؟!!! وبصراحه بالنسبه لي صارت السالفه عناد .. كنت ناوي احظر مباراة الشباب ويوم شفت المواضيع قلت وش زينه البيت. ومبروك مره ثانيه الفوز |
عادي هذي عاداتكم اذا تأهل الفريق للنهائي جيتوا علشان الدخول مجاني أما اذا احتاجكم الفريق في مشواره ماتحصل الا القليل بس الله يعين |
إقتباس:
انت الظاهر ماتابعت الهلال الا من سنتين |
إقتباس:
يعطيك العافيه ،، على الطرح الرائع وانا اختلف معك بالنقطه الاخيره يجب الحظور ولاتلتفت لمثل هذه المواضيع المحبطه |
إقتباس:
|
والله يابو شوشة كلامك عين العقل وهذا الكلام صراحة كلامك منطقي |
الله يسمعك يقول ان الـ 70 اللي دايم يحضرون كلهم من الرياض لو بحلف ان 20 الف بس من الرياض والباقي في البيت خايفين من البرد :( زين اللي جمهور الشرقية حرك فيكم الغيره شوي نبي نشوفكم تردون في مباراة الشباب مع اني اشك :) |
إقتباس:
|
جمهور الهلال معروف بالرياض وما يحتاج احدد يشكك فيه واللي يشكك فيه مثل تشكيك النصر في الفرق بين جمهور الهلال والنصر اولا كم سعه ملعب الامير محمد ابن فهد ؟؟ وكم سعه الاستاد الاستاد ياخذ سعه محمد ابن فهد اربع مرات حرام اني اشبه جمهور حضر مره وحده في مباراه وحده بالموسم بجمهور عنده 11 مباراه في الموسم ولا تنسى البطوالات الثانيه حتى كاس فيصل جمهور الشرقيه مار راح يتعب كل مبارياتنا بالرياض والقصيم جمهور الشرقيه نعم حضر وما قصررر ولكن التقليل من جمهور الرياض خطاااااا والوعد الاربعاء بمشيه الله واتمنى المصورين يحضرون لان شباب الرياض عامه اذا حضر نسى التصوير والاربعاء ما فيه دوامات والا شي يعني الوعد بالملعب ما فيه اعذار ابد |
إقتباس:
عين العقل والله وتسلم على مروورك |
مع احترامي الشديد للجمهور الريــــــــاض ما نشوفكم غير في مباراة الهـــــــــــلال ..................النصر |
| الوقت المعتمد في المنتدى بتوقيت جرينتش +3.
الوقت الان » 03:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd