ملاحظاتي بعــد المبارآة ..وخدمة برااافو لـ كوزمين
 

السلام عليكم ورحمة الله وبركاته :..

صباح الخير إن كان صباحاً ... ومساء الخير إن كان مساءاً <<< مسوي كاظم الساهر:d





أولاً : أبارك للجميع عودة الروح الهلالية .. وعودة المستوى معها . .. وطبيعي عودة الإنتصارات s13s

ندخل في الموضوع على طول ..

في مبارآة الامس لاحظت عدة ملاحظات كانت إيجابية وفيه بعضها سلبي ... أتمنى أن تشاركونني مدى صحتها ...

نبدأ في الإيجابيات

*الجمهور الهلالي .. أتمنى أن تكون جميع مباريآت الهلال في الشرقية ... بصراحه جمهور روعة .. وتشجيع طوال شوطي المبارآة :clap:... ياليت من جماهير المدن الأخرى يتعلمون من جمهور الشرقية ..

الدعيع .. الكنق الهلالي .. وزير الدفاع .. مهما قلت لن أوفيك حقك .. كبير ياابو عزيز

** المرشدي ،، وهـوساوي كونتوا (( ســــــــــــــــــــــــــــــور الصين العظيـم )) ماقصرتوا الله يعطيكم العافيه .. قطعتوا على بشير والبرنس تاقو جميع الإتصالات .. أتمنى أن تستمروا على هذا المستوى طوال الموسم ..

*** عزيز ،، الغنام عيني عليكم بااارده .. لاحظت أن أي هـجمه هلالية تتعـطل وتكون خطرة على المرمى الهلالي على طول يقومون بتعديل الخطاء بأسرع وقت وأقل مجهود وإعادة تنظيم الهجمه الهلالية من جديد .. رح أسميهم (( مركز إعادة تأهيل الفريق )
وأكبر دليل الهدف الأول (( فكرة وإعداد خالد عزيز )) تنفيذ محمد نامي وإخراج (( الفريدي )) والعنبر


طارق ،، ويليهامسون ،، الفريدي .. أثبتوا للجميع أنكم لاعبين يعتمد عليهم المدرب في خططه التكتيكية .. وأنتم لاعبين قادرين على جعل جميع الهجمات خطرة فقط بمجرد مرور الكرة من على أقدامكــم ... والدليل على ذلك ..
هدف البلنتي ..
فكرة ( التايب ) سيناريو كان جميل جداً من (( الفريدي )) تنفيذ وإخراج ( ويلهامسون)

أحمد الصويلح .. تعجبني تحركاتك .. اللي تخلي مدافعين الخصم يحسبون لك ألف حساااب ..

ـــــــــــــــــــــــــــــــــــــــــــــــــ

نجي للنقاط السلبية ..اللي لاحظتها ..

أولاً : محمد نامي ،، والزوري ..
حبيت أبلغكم بس .. أنكم تلعبون لنادي كبير أسمه الهلال .. يمكن نسيتوا !!!!
مع أن الزوري فيه رجاء إن شاء الله أنه يتعدل ويطور من مستواه ..
لكــن محمد نامي .. بصراحه يفتقد مميزات الظهير الأيمن ويشكل خطورة على المرمى الهلالي ..

العنبر .. صحيح أنك سجلت الهـدف .. بس بصراحه مايشفعـلك ..

لأن تحركاتك ماتشكل خطورة على مرمى الخصم .. ولو شكلت خطورة ماقدرت تتحكم بالكورة بالشكل الصحيح ..
أتمنى أنك تستفيد من تحركات ياسر القحطاني وأحمد الصويلح ..

مع العلم أن عندي قناعة (( أن العنبر ،، ومحمد نامي ،، والزوري )) نسخه طبق الأصل من اللاعب الخلوق فهــد المفرج .. جميعــهم لايستفيدون من أخطاءهــم ولا هم قادرين على تطوير مستواااهـم !!!!!!!!!!

************ نقطة ماقبل أخيره ************
طارق التايب .. سريع الإنفعــال .. وبصراحه هذا يشكل خطر على الفريق الهلالي ..
طارق أنت لاعب كبير .. بفنك وبعقلك .. لاتجعل جميع الأندية تكتشف أنك تتنرفز بسرعــة ..

وش فيها لو واحد عدى فيك ... خليه يستااانس من قده عدى من عند التايب :d:d


******** نقطة أخيره *******

أتمنى من إدارة الهلال أنها تشتري لـ الداهية كوزمين جهـاز (( بـــرافو ))
بما أنه سريع الإنفعال ودائما يتعرض للطرد .. لابد أن يكون معاه جهار برافو .. بديلاً عن الجـوال .. تفادياً لضغط الشبكــة وإنقطاعها ..

الله يعطيك العافيه ياخوي

تحليل مميز

...............

وعليكم السلام ورحمة الله وبركاته ..


يستاهل كوزمين خدمة برافو . :D


والجماهير ماقصرت والله كالعاده مبدعين ..



ومبروك الفوز :D

وعليك السلام ورحمة الله وبركاته
بالنسبة للجمهور صراحة أحرجنا كثير لأننا جمهور العاصمة ولم نحضر زي كذا أو بالأصح ليس في هذه الروح العالية والمنعشة للفريق
أما بالنسبة لتعليقك عن إعضاء الفريق كلامك جميل ومنطقي جداً. وأعجبني كثير تصريح نائب الريس حين تكلم عن نامي عقب المباراة وقال إذا ملعب نامي في نفس المستوى فإنه سيبقى الظهير الأيمن رقم 1 وهذا ما نتمناه لاني خايف يجيبون الدوخي والله قهره إذا جابوه لاهو ذاك المستوى اللي يشفعله يرجع ولا عمره مناسب .
يكفي أخطاء يالهلال من حيث جلب اللاعبين

الله يعـطيكم العافيه .. على تأييدكم لملاحظاتي ..

نشوف جمهور الرياض في المبارآة الجاية مع الشباااب

هههههههههههههههههاااي حلوووهـ برافو ..


مبروك الفوز وما قصروا الزعماء كفوا ووفوا ...

لا هنت.

اولا اشكرك على الموضوع..

ثانيا:اسمحلي ولكن اذا كان محمد نامي مش ممتاز...فاعتقد انك شفت مباراه ثانيه او مطبل للاعب آخر

الزوري واضح من مباراة المنتخب ان مستواه نازل ومهتز بحكم انها اول مباراه له مع المنتخب واثرت عليه امس

وكلمة(فيه رجا) تأكد انك واحد غير متابع للهلال


وشكرا

الله الظاهر انك انت اللي شايف مبارات ثانيه:d:d:d

نامي نااايمى كالعاده


شكرا ا:clap:

اولاً الحمد لله على الفوز والنقاط الثلاث
انا أوافقك الرأي فيما قلته بأستثناء
ماذكرته عن محمد نامي فهو كان نشيط في المباراة
ومؤدي ادواره الدفاعية والهجوميه على أكمل وجه ويجب علينا ان
نسانده وندعمه كي يثبت نفسه

وعليكم السلام ورحمة الله وبركاته ..


يستاهل كوزمين خدمة برافو . :D


والجماهير ماقصرت والله كالعاده مبدعين ..



ومبروك الفوز

أنا قلت أن الزوري فيه أمل أنه يطور مستواه الرجال مهتم ..

لكــن محمد نامي .. باين أنه ماراح يقدر يطور من مستواااه ..

وإذا على التطبيل للاعب آخر .. (( معليش أخوي أحس أنك من كثر ماسمعت كلمة تطبيل .. قمت تدخلها في الرياضه ..))

وعلى أيش أطبل للاعب ثاني ... وش يهمني غير مصلحة الهلال ..

صدقت والله .. وشوف خالد عزيز كيف معصب عليه .. وأتوقع لو كوزمين في دكة الأحتياط كان دخل .. وفقع وجهه ورجع :nono: من القهــر !!!

بس غريبه محد منكم تطرق على ملاحظة طارق التايب