|
كـــلام الأمير نواف بن سعد عن اللاعب محمد نامي هل هو معقول أم فقط للتقليل من كلام كوزمين عن الدوخي ؟؟ بسم االله الرحمن الرحيم السلام عليكم ورحمة الله وبركاته . مبروك لجميع الزعماء الفوز نتيجة ومستوى . تقريباً أغلب اللاعبين أدو أكثر من نصف مستواهم وهذا معدل جيد في ضل توقف الدوري لكن أستغرب من كلام الأمير نواف بن سعد لــ art ومدحه للاعب محمد نامي يقول أفضل ثاني لاعب في المباراة ولو استمر على هذا المستوى راح يكون أفضل ظهير أيمن في السعودية . الجميع شاهد المباراة وشاف نامي كم مرة بغى يجيب العيد الجميع شاهد عزيز كم مرة يوجه نامي على أخطائه نامي من الناحية الهجومية جيد , لكن في الدفاع سيء ................... أعتقد سبب التصريح هو التقليل من كلام كوزمين حول حاجة الفريق للدوخي إذا كان الهلال يبي يلعب في الآسيوية و ما عنده ظهير إلا نامي والله مشكلة شخصياً أتمنى ظهير أيمن غير الدوخي ...... |
مرحبا بكـ اليوم نامي بصراحه كان في الفورمه وقدم مجهود كبير ..وصحيح كانت هناك اخطاء لاكن بذل مجهود جميل هو وبقية اللاعبين .. تحياتي |
صح لسانك يالطيب واللة شكلك بتاع كورة صح فعلا نامي واللة ماهو الظهير اللي اعتمد علية بس ياحبهم في سب الفريدى وخذ انتقدات في الفريدي |
إقتباس:
ومشكور على المرور |
شـكرا لك .. و يظهر لي من تصريح نائب الرئيس .. عدم الرغبة بضم الدوخي . |
له مستقبل ولكن أتوقع ما قدم الكثير اليوم ولكن الدعوى عدم رغبة في إرجاع الدوخي |
يا اخوان نامي يوم كان بالانصار جناح ايمن يعني انسان متعود على النزعة الهجومية ومستواه الدفاعي في تقدم |
الرجاااال يقدم مستويات عاليه وغير كذا مجتهد حتى لو تشوف أول من يبدأ التمارين فهذا يدل بأنه مجتهد ويعمل كل ماعنده مع العلم أن مركزه ليس بظهير أيمن ولاكن لاعب فنان أسئلوا أهل المدينه ليس مع إعااادة الدوخي بتاااااااااااااااتاااااااااااااااا" |
كلامه واضح مايبي الدوخي والله ودي يرجع للهلال لأنه ولد النادي قبل كل شي ومستواه جيد في الدوري القطري على ماأسمع |
فعلا محمد نامي قدم مستوى رفيع في المباراة |
أنا شخصياً أرى أن اللاعب نامي هو الشخص المناسب ولسنا بحاجة إلى اللاعب الدوخي لأنيي شاهدته في عدد من المباريات في الدوري القطري ( لم يعد الظهير العصري الذي يخدم الهلال ولو كان فيه طب ما استغنوا عنه الإتحاديين ) |
هلابك والله نامي لايصلح في مباراه ضعيفه فيصلح في قووويه هذا مكانه الدرجه الثالثه ويمكن مايحتاجوونه وللاااااااااااسف نائب الرئيس بدل مايوجه وينتقد اللاعب علناً ويعطى الفرصه غيره يجلس يلمع فيه وهذا مشكلة تدخل الاداريين بعمل المدرب نسقوووووه ابرك لنا وله |
إقتباس:
تحس انه اول مره يلعب مباراه وحسنته كرة عزيز المقشره له يعني جاهزه للرفع ورفعها هذا اللي عمله ويبقى رايك محل تقدير |
إن شاء الله نفتك من العلة نامي معه بعد سلطان السعود و فهد المبارك |
نامي اليوم مبدع هو على غلطه سويتوا بلبله حاليا وبنظري اشوف ان نامي افضل من الدوخي انت ماتشوف مستواه السيئ مع الاتحاد عشان كذا كرشوه واذا النائب مايبي الدوخي حنا قبله مانبيه لو يجينا ببلاش يعطيك العافيه |
إقتباس:
كلاممممممممممممممك أوااااااااااااااااااااااااافقهs60s |
يالطيب نامي غلط بكورتين واستفز من الحكم بسبب الكرت اللأخلاقي الي حصل عليه ظلما وبهتانا بحجة تضييع الوقت بعد الكرت اخطأ نامي بلعبتين يخطي فيها اي لاعب نامي هو افضل ظهير حاليا بالهلال ومع الامير نواف كل الحق لم قال انه نامي كان نجم الشوط الاول والكل اشاد بهذا الأمر اما اذا كان نامي ماهو عاجبك فالله يصلحك شمر عن سواعدك وجب لنا سيسنهو |
إقتباس:
يالحبيب إذا كنت تعتقد أخطاء نامي أمام الإتفاق شي عادي فهي لن تكون كذلك أمام الإتحاد والشباب كلامك سليم 100% نامي أفضل ظهير بالهلال لأن ما فيه أحد ينافشه وهو أفضل السيئين بالنسبة لسيسنهو ما أقدر أفاوضه إلا إذا كان لاعب حر |
إقتباس:
ونقول للكابتن محمد لن تدرك النجومية حتى تشرب من كأس الصبر والتعب |
أخوي لانختلف أن نامي أخطأ لكن مانقول غير انشالله يعدل أخطائة ونتمنى الدوخي يجي لأن قدامنا الأسيوية |
الله لا يجيب الدوخي ونامي احسن من غيره في هالمركز ان شاء الله صح ان له غلطات لكن مع الوقت يكون افضل |
أقول أدعو بسلامة العزيز خالد عزيز والله لو بيدي لأهديته لقب اللاعب الأبرز والأفضل في الكرة السعودية حالياً لا بالهلال ولا بالمنتخب , بالفعل خالد عزيز ثروة لم تجد التقدير حتى الأن. |
نامي قدم دورا هجوميا رائعا في الشوط الاول ,, تبعه بدور دفاعي كارثي في الشوط الثاني .. نامي يحتاج انضباط تكتيكي ليكون الرجل المناسب في خانة الظهير الايمن ,, |
محمد نامي مع احترامي حقه مايوفي بالغرض الله يعجل بالدوخي والبيشي سلطان احتياط له لاني اقتنعت بكلام الكابتن فيصل ابو اثنين لمن قال مستحيل تضع البيشي سلطان الان وتضعه تحت ضغط الاعلام والجماهير والمواجهات القويه ان شا الله يتعلم وفي القادم يبدع |
كلامه واضح مايبي الدوخي والله ودي يرجع للهلال لأنه ولد النادي قبل كل شي ومستواه جيد في الدوري القطري .. |
نامي في مباراة الأتفاق قدم مستوى رفيع ولياقة عالية ما شاء الله عليه مقارنة بسمتوياته السابقة وإن شاء الله راح يقدم الأفضل |
واله اشوف نامي كويس وقد المسؤليه بس لو يسمع كلام احسن من هذا صدقوني يطور مستواه وبسرعه......... |
إقتباس:
كلامك عن الدوخي صحيح واللي يبي يتأكد الدوخي عنده مباراة اليوم الساعة 7,30 |
مشكلة الهلال مع الضهير الايمن نفسيه نامي مبدع هالسنه |
كل يقول رأيه نامي لاعب مجتهد و كبير مو بسهوله واحد صانع ألعاب ينجح أو يصمد كما صمد نامي و أسئلوا خبراء كرة القدم المشكله كل من هب دب يتكلم يعجبني أمدحه و ما يعجبني انقص من حقه لو جاب الذيب مع ذيله مباريات الهلال الوديه كم هدف صنع ، مباراة النصر كانت له بصمه في الهدفين و مباراة البارح صنع الهدف الاول ، باصات طويله و متوسطه متقنه وصحيحه اين لاعبوا الهالا من هذه الميزه التي افتقدناها من ايام فيصل ابو ثنين الى ان عادت مع كوماتشو و التايب شكرا نامي انت نجم الزعيم |
صعب اننا نقول انه لاعب سيء او نقيم مستواه لكنه يقدم مباريات رائعه جداًُ ويلعب بروح ويعاب عليه اخطاءه الفادحه الذي قد تكلف فريقه كثيراً وخاصه اوقات المباريات الصعبه والحاسمه واتمنى ان يتفاداها وايضاً الكروت الصفراء ياخذها هديه بلا اي مبرر وغير هذا كله فهو لاعب ممتاز شكراً لك أعذب تحيه |
ابو مشاري انت من فترة تهاجم محمد نامي وقريت لك أكثر من موضوع تتكلم بالظهير الأيمن وحاطها مشكلة وكأنها قضية الشرق الأوسط !! بعدين ماعندك أظهرة يمين بالسعودية إلا البحري وحسن معاذ وكامل المر وهؤلاء تم رفض قبول طلب الهلال هل نجبرهم على الأنتقال !! لكن ننتظر لعل وعسى أن كامل المر ينتقل . الغريبة أن محمد نامي في أكثر من مباراة يبدع ويصنع الأهداف ويكون جبهة قوية باليمينمع ذلك غير معجبك وتقول الدوخي أفضل !! صدقني مستوى نامي حاليا أفضل من الدوخي بكثير فقط ينقص نامي الأوفرات وهذه تأتي مع التدريب .. ودفاعيا يعتبر نامي جيد ليس بذاك السوء ؟؟ على الأقل أفضل من الياس والعنقري !! أنت وش تبي بالضبط !! الآن لدينا الشابان نامي والبيشي وكليهما بخدمة الزعيم ومستواهما في تصاعد ومثبتين انفسهم لا تجيب طاري الدوخي !! الدوخي 2008 يختلف عن الدوخي 2000 ؟؟ ولو فيه خير ماعافه الطير ( الأتحاد ) وروح تابع قناة الكأس وشوف بنفسك كيف تغطية الدوخي الدفاعية !! أكثر الهجمات من جهته !! |
إقتباس:
طال عمرك أنا أتكلم عن مشكلة الهلال الأولى التي أتفق عليها أغلب المحللين حتى كوزمين ما تكلم عن الدوخي إلا لوجود مشكلة في الظهير الأيمن . نامي من الناحية الهجومية جيد وأتمنى يلعب وسط يمين لأنه لاعب سريع لكن في الدفاع سيء . نامي أمام أندية الوسط يمشي الحال لكن أمام الشباب والإتحاد و الأندية الآسيوية والله صعب تعتمد عليه . كلامك عن الدوخي أنا معاك وقلت هذا الكلام في بعض الردود ............................. ومشكو على المرور ............... وصدقني ما قلت هذا الكلام إلا على خوفي على الهلال من اللي جاي |
شكلك يا اخوي ما شفت المباراة نامي هو افضل لاعب في المباراة مو ثاني افضل لاعب وصنع الهدف الاول والجايات احلى من نامي |
اذا النائب مايبي الدوخي حنا قبله مانبيه لو يجينا ببلاش يعطيك العافيه اخوي |
الدوخي افضل لو جاء للهلال |
نامي ابدع بغض النظر عن الغلطات اللي سواها اليوم لكن مستواه تطور عن اول ما شفناه .. واتوقع كلام نائب الرئيس لرفع معنوياته فقط :) |
محمد نامى فنااااااااان اتمنى ان يستمر على هالحال ولكن ملاحظ شي غريب التحكيم ضده واذكر بطاقه حمراء بالدورى اخذها بغير وجه حق والكرت الاصفر اللى اخذه اخر مباراه غريب جدا |
يا سبحان الله !! اش حكاية هؤلاء الذين لا يعجبهم العجب؟ محمد نامي وبدون مجاملة لا يحتاج لمدحي ولا لمدح نائب الرئيس، لأنه لاعب بمواصفات عالية، خانته الأساسية الوسط وهو قوة فيها، ومع ذلك احتاجه الهلال في الظهير فأبدع ومازال يعطي عطاء جيداً، وفي ارتفاع وتصاعد، وأستطيع القول بأن محمد نامي قد كسبه الهلال بجد. وهو زيه زي أي لاعب يخطئ ويصيب، مافيه أحد لعب يوم أمس وأصاب في كل لعبه أما الذين لمزوا وانتقدوا فهؤلاء لم يسلم منهم حتى سامي الجابر في وقته، ولم يسلم أي نجم، فأقول خففوا نقدكم في الوقت الراهن لا مقارنة بين محمد نامي وبين الدوخي، الدوخي نجم يوم كان في الزعيم بعد تركه له هبط مستواه ولو كان جيد لاختير للمنتخب أو لبقي في الاتحاد، نامي جوكر الزعيم بحق، فقفوا له تشجيعاً . واتركوا التجريح اللي يضر |
بصراحه لعب نامي امس مادخل مزاجي العنقري احسن منه من ناحية الدفاع ضروري جلب ظهير ايمن |
إقتباس:
|
سبحان الله بعض الناس يستخرج سوء النيه قبل حسن النيه يعني لاعب هلالي (اظاهر انك تحسبه معار ) ونائب رئيس النادي شاف لاعب ابدع في خانه ماهي خانته واشاد فيه على طول تروح لسوء النيه !!!!!!!!!!!!!! الله يكون بعون رؤساء الانديه خاصه نادي الهلال |
| الوقت المعتمد في المنتدى بتوقيت جرينتش +3.
الوقت الان » 10:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd